http://www10.0zz0.com/2009/07/28/05/481917449.gif

دلوقتى مفيش حد فى حيرة اكتر من المصريين

هو لبس النقاب حرام ولا لأ وحسبى الله ونعم الوكيل فى اللى كان السبب

هو مصل انفلونزا الخنازير نافع ولا لأ

نودى ولادنا المدارس ولا لأ

هو 2/0 هيوصلونا كاس عالم ولا لأ

معرفش ليه كده والله اللى بيحصل فينا ده من أعمالنا والله

اللهم ارحمنا واعفوا عنا واصلح حالنا ولا توقعنا فى حيرة وثبت قلوبنا على طاعتك
والله عندك حق كل حاجه دلوقتى اصبح يشوبها الحيره وعدم القدره على اتخاذ القرار

عشان كل اللي احنا فيه دلوقتي من علامات الساعة
فعلا يوم القيامة قرب جدا
و كل اللي بيحصلنا ده من بعدنا عن ربنا
لان لو كان عندنا دستور سليم هنمشي عليه من غير حيرة ولا تردد
اقصد بالدستور ده طبعا القران الكريم
لو اتمسكنا بيه مش هيكون في حيرة
يا رب يرحمنا من فتن هذا الزمن و يبعدنا عن الشبها و يهدينا للطريق المستقيم
شكرا على طرحك للموضوع

عشان كل اللي احنا فيه دلوقتي من علامات الساعة
فعلا يوم القيامة قرب جدا
و كل اللي بيحصلنا ده من بعدنا عن ربنا
لان لو كان عندنا دستور سليم هنمشي عليه من غير حيرة ولا تردد
اقصد بالدستور ده طبعا القران الكريم
لو اتمسكنا بيه مش هيكون في حيرة
يا رب يرحمنا من فتن هذا الزمن و يبعدنا عن الشبها و يهدينا للطريق المستقيم
شكرا على طرحك للموضوع
بجد كلامك رائع يا يمني
فعلا احنا بعدنا عن حاجات كتير اوي ولازم يبقي فيها ستوب
يارب يرحمنا ويغفرلنا ويسامحنا
شكرا لحضرتك
جزاك الله يخرا

دلوقتى مفيش حد فى حيرة اكتر من المصريين
ده العادى اصلا

هو لبس النقاب حرام ولا لأ وحسبى الله ونعم الوكيل فى اللى كان السبب
انا مش حتكلم فى الجانب الدينى
انا حتكلم على عمو ال كان سبب هو اكتشف الحكايه دى امته بالظبط هما المنقابين دول لسه ظهرين اول امبارح
المنقابين فئه من الشعب طول عمرها موجوده زى اى حاجه و المفروض انا احنا فى بلاد ديمقرطيه:d كل واحد يعيش زى ماهو عايز
لكن مش فجأه كده المنقبات وحشين
يعنى مثلا بيدخلو المدينه الجماعيه يخصصوا سيده تشوف كل واحده داخله كل حاجه ليها مليون حل لكن نعمل ايه سبوا القضيه الاساسيه وبيشوفو حلال ولا حرام
بقالنا كم سنه على وجه الارض ولسه مش عارفين ايه الحلال وايه الحرام

هو مصل انفلونزا الخنازير نافع ولا لأ
مصر من دول العالم التالت متخلفه يعنى
فاكيد فى دول احق مننا بالمصل النافع
ام احنا بقا ال مش نافع

نودى ولادنا المدارس ولا لأ
عمو الجمل وعموهلال قالو نروح يبقا نروح نموت بقا
الحالات تزيد هو كده نروح يعنى نروح

هو 2/0 هيوصلونا كاس عالم ولا لأ
لا ده بالذات انا متاكده 2/0ميوصلوش لحاجه خالص:d3/0
يوصلونا بس سوء وصلنا او لا مش فارقه
بقالنا عشرين سنه موصلناش يبقا لم نوصل حنعمل حاجه؟

معرفش ليه كده والله اللى بيحصل فينا ده من أعمالنا والله
هو بعدناعن ربنا مفيش غيره

فعلا والله
الف شكر لكاتب الموضوع لان دا اللي بيدور في ذهننا عامة...
مسألة النقاب:
العلماء اختلفوا فيه .... اذن اللي عايزة تلبسوه كويس..واللي مش عايزة خلاص..
لكن مينفعش اي حد ايا كان يقلل من شأن المنتقبة ولا يتهمها بالخروج عن الدين...
في ناس لسه مش مقتنعة بالحجاب من بابه...ودول اللي محتاجين كلام ونقاش...
مسألة الانفلوانزا:
اذا اخدنا بالاسباب ونضفنا ....هنموت؟
وبعدين نفكر في الجانب المشرق من الحكاية.....دي كانت فرصة ممتازة ان الناس تعلم ولادها النضافة وان الوزراء يزوروا مدارس وجامعات.............والمسئولين اخيرا تحركوا بشكل ايجابي لتنضيف اكوام الزبالة اللي منتشرة......
مسألة المنتخب:
ادعولهم وخلاص
واللي يوديهم بقى يوديهم واللي يقعدهم يقعدهم......
احنا شاغلين نفسنا ليه بامر في الغيب؟

يحضرني نقطة اخيرة اتمنى الناس تفهمها....
قال الحسن البصري:"ان الله أراد بنا،وأراد منا....فما أراده منا ظهره لنا ،و ما أراده بنا طواه عنا....فمالنا نشتغل بما أراد بنا عما أراد منا؟"

تحياتي

اولا انا فاهم فكرة الموضوع كويس وعارف ان هو للنقاش

بس ان شاء الله المنتخب هيوصل ان شاء الله

انا عايز اقول بس على حاجة غيظاني ان المذيعين و بعض الضيوف بعد ما يقعدوا ساعة يتكلموا في موضوع سواء مهم او تافه.
يقولك يعني انتو شايفين ان الحجات دي اولويات..هل المفروض نتكلم في الحجات التافهة دي.
طب يا اخي بتتكلم فيها ليه؟..انت اساسا برنامجك او جرنالك عايش على حس المواضيع التافهة دي.
و ربما انت مأمور بانك تتناول المواضيع التافهة.
و في بعض الاحيان تكون مش تافهة ولا حاجة ويقولو عليها تافهة برضه.