السلام عليكم ورحمة الله وبركاته
مش عارفة اسميها ايه قصيدة خاطرة فضفة ولا تخاريف بس اهو
احساسي والسلام
كان يما كان في سالف العصر والزمان
مواطن فقير غلبان
يتغدي فول ودقةو بتنجان
وعيشته زفت وقطران
يجي يروح شغله يلاقي التك تك عطلان
والاتوبيس سواقه خرمان
وهو ياعيني واقف حيران
ما بين شغله ومراته وخناقتها مع الجيران
راح شغله وهو طهقان
وحالته بالبلا وزهقان
مديره ندهله تعالي يا حيوان
راح مقدم استقلته وبعد لف ودوران
علي وظيفة اشتغل فران
وربنا كرم الغلبان
وسرق ونهب في الدقيق المدعم بتاع احمد وتهاني وام حنان
نسي اهله ومنطقته وكل اللي كان
بعد ما اغتني وبقي ريتش مان
راح اشترى زلموكه وغاظ الجيران
ومراتو رئعت زغروطه وودعت الفقر وتفت عالجيران
وقالت لهم انا جوزي بئا انسان
الي فيكم زيي عندها شاليه في مارينا وجزمه مستورده كمان
تجيلي على فيلتي في حي انسى اصلك والي كان
والي منكم لسه كحيان لا يعتب بيتي ولا اشوف وشو كمان
وعيالها نسيو عربيات الرش ونسيو البصل الاخضر ومحشي البتنجان
وأل ايه بيفطرو بيتزا بالجبنه الشوفان
اه يا زمن الحراميه والشريف فيك كحياان
بيكتر فيك الفساد وبتربي في الحيتان
ويتاكل سمك البساريا الغلبان
وتنداس فيك بالجزم الناس الشريفه الجدعان
وبعد ما عرفتو حكايه المواطن الي بئا من الحيتان
لساكم هتكونوا بساريا ولا هتكبروا وتسرقوا بقدر الامكان

اولا ... احييكي علي هذا الفكر ... (يعبر عن حال فئة ليست بالقليلة في هذا الزمان)

فأهم ما في هذه الخواطر التي نكتبها هي المضمون

وان كنت ممن يفضل استخدام الفصحي علي العامية

ولكني لا ارفضها .... ان كانت تعبر عن فكرة وتوضحها

وجربي تعبري عن افكارك بالفصحي


مشكورة اختي والي الامام

في امان الله

شكرا اخي محمدعلي المرور العذب
وانا بحب الفصحي وكتبت قصائد كتير بالفصحي
لكن بحس ان العامية بتبقي سلسة لطبقة وفئة معينة من الناس
شكرا علي الرد مرة اخري