مشاهدة النسخة كاملة : ايه اخبار الدراسه واحنا دلواقتي في الاسبوع الثالث
medostar 18-10-2009, 01:34 PM ازيكو يا جماعه انا عملت الموضوع ده بعد الدراسه ما بدات وكل واحد حضر محاضراته وشاف النظام عامل ازاي والمواد صعبه ولاسهله من وجهة نظره الشخصيه وحبيت اعرف راي كل واحد هنا في اولي تجارة وهوه عامل ايه في الدراسه وهل اذا كان حد بداء ياخد كورسات ولا لسه ولو هياخد هتبقي في مواد ايه
وانا عن نفسي انا مستغرب من الطريقه اللى الدكاترة بيستخدموها في شرح المناهج و ازاى ان دكتور بيقراء من الكتاب من غير ما يشرح واحنا دلواقتي خلصنا مواضيع كتير في كل المواد ومش عارف هعمل ايه في كل ده وانا سمعت كمان ان الامتحانات السنادي بدري وانها هتكون في اول 12 علشان انفلوانزا الخنازير دي وربنا يستر وعن الكورسات انا دلواقتي بشوف حد اخد عنده محاسبه مع ان الكليه بتضيع كل الوقت والواحد بيجي تعبان وينام لحد ما يروح الكليه تانى يوم يعني انا حاسس اني متحطم في الدراسه دي ويا رب ما تكونوش زي:)
osho6a1 18-10-2009, 04:49 PM بالنسبة ليا
الحمدلله لسة ما فتحتش محاضرة ولا كتاب "متبع منهجك هه"
اما بالنسبة للمواد
ف بصراحة موش عاجبني اي مادة
عشان موش بطيق الحفظ
و كل المواد حفظ وحاجةتضايق بصراحة
بس متفائل ان شاء الله خير
وهتبقي سنة فلة
مع ان نظام الامتحانات دا موش حلو ابدا
الامتحانات الدورية دي طلعا عنينا يا ناس
عموما هتعدي ان شاء الله
JOUDI ANA 18-10-2009, 05:02 PM لا الحمدلله انا احسن منكم بكتيييييييير انا فهمه الرياضه بس الباقى مش فاهمه حاجه ولا عارفه اذاكر اصلا عشان انا كرها الحفظ او مش عارفه اذكر من بعد مخلصت الثانويه العامه ديه الحمدلله ولا الاقتصاد والمحاسبه مش عارفه اعمل فيهم ايه
خييييييييييييييييييييييير ان شاء الله
ربنا معانا كلنا
osho6a1 18-10-2009, 05:49 PM ومين قال اني موش فاهم رياضة "انا كنت علمي رياضة في ثانوي ع فكرة "
والحمد لله في الامتحان اللي فات حليت صح وان شاء الله تبقي النتيجة فيه كويسة اوي ان شاء الله
موش عارف ينقصني ع اية يعني دي مسئلة وحلها صريح
مع اني والله ما كنت مزاكر حاجة حتي الكتاب مكنتش اعرف انو نزل ان شاء الله هشتريه لما اروح تاني
بس الحمد لله حليت وعرفت ان الناتج صح الحمد لله
medostar 18-10-2009, 07:29 PM ربنا بيشركو ويطمنكو انا كده اطمنت ان الدراسه السنادي ان شاء الله حلوة وربنا يستر وتعدي واحنا عندنا امتحان في اول 11 امتحان نصف ترم على حسب قول الدكتور (كل المواد مش مادة وبيقول ان الامتحانات هتبقي مفاجئة) وعلى فكرة الرياضة تعتبر مش وحشة وهيا كويسه بس العيب في الدكاترة مثلا عندنا بيعتمدو على المعيد اللى بيدي السكشن ان هوه هيديلك القواعد والمفاهيم انما هوه فبيقول المسائل فقط اما باقي المواد حاجة زي الفل كلها عاوزة حفظ وبيتهيقلي ان ما فيش حد بيحب يحفظ او بيعرف يحفظ اصلا بالنظام ده وبرده ممكن يكون راجع للحاله النفسيه بعد الثانوي وربنا معانا كلنا
osho6a1 18-10-2009, 07:49 PM احنا عندنا الامتحانات مفاجاءة بردك
بس خمس امتحانات ع التيرم كله
يعني مفيش ميد تيرم
وبالنسبة للدكاترة ف هما كلهم زي الفل "الا دكتور القانون -محدش يضحك او يبتسم قدامهlol-"
بس العيب الوحيد في الكلية كميةالحفظ الرهيبة اللي فيها
عمرو ع 18-10-2009, 08:10 PM ازيكوا يا شباب واخبار الكوليه عامله ايه ههههههههههههههههههههههههههههههههه
بصراحه المواد زى الفل وبتوع انجلش دول بقا والله حالتهم حاله يعنى احنا عشان نذاكر قدمنا خطوتين نترجم الاول وبعدين بقا نبدا نذاكر يلا ربنا معانا بقا دا امتحان الميد تيرم دا منعرفش هنعمل فيه ايه؟
وفعلا الرياضه الدكتور بتاعها مش بيدينا لا قواعد ولا مفاهيم بيدخل يحل ويدينا كام قانون بس بجد المعيده بجد ربنا يبارك فيها شرحها جميل اوى يمكن احسن من الدكتور نفسه فربنا معانا ويعديها على خير لان امتحان الميد تيرم بردا عندنا مفاجاه
قربنا يستر
ازيك يا جودى
medostar 19-10-2009, 04:03 PM في حد خد كورسات ولا لسه ولو حد خد خادها في مواد ايه؟؟؟
osho6a1 19-10-2009, 04:09 PM بالنسبة ليا يا صديق
ولا خدت كورسات ولا كورمات ولا اي كور خالص
اصلا هناخد كورسات في اية
احنا في تجارة يا صديق موش في هندسة
ahmedal3mda 19-10-2009, 08:09 PM بالنسبة ليا انا شايف المواد كويسة لحمد الله بس العبرة بالنتيجة فى الاخر ويعتبر انا مزنوق اكتر منكم بالنسبة ان عندى مذاكرة فى كليتين يعنى عشر مواد فى الترم الحمد لله
اللى بيقول مش عارف احفظ مبدأ غلط هو فى علم او مذاكرة من غير حفظ دة حتى الرياضة فيها حفظ فالموضوع مش مشكلة للدرجة دى
ازيكوا يا شباب واخبار الكوليه عامله ايه ههههههههههههههههههههههههههههههههه
بصراحه المواد زى الفل وبتوع انجلش دول بقا والله حالتهم حاله يعنى احنا عشان نذاكر قدمنا خطوتين نترجم الاول وبعدين بقا نبدا نذاكر يلا ربنا معانا بقا دا امتحان الميد تيرم دا منعرفش هنعمل فيه ايه؟
وفعلا الرياضه الدكتور بتاعها مش بيدينا لا قواعد ولا مفاهيم بيدخل يحل ويدينا كام قانون بس بجد المعيده بجد ربنا يبارك فيها شرحها جميل اوى يمكن احسن من الدكتور نفسه فربنا معانا ويعديها على خير لان امتحان الميد تيرم بردا عندنا مفاجاه
قربنا يستر
ازيك يا جودى
ياباشا مش صعب ولا حاجة عندكم فى الانجليش المنهج سهل دة غير ان فى متعة وانت بتذاكر بالانجليش وكمان الدكاترة شوف بيلغولك كام شبتر فى الاخر دة دلع ياعمرو
بالنسبة ليا يا صديق
ولا خدت كورسات ولا كورمات ولا اي كور خالص
اصلا هناخد كورسات في اية
احنا في تجارة يا صديق موش في هندسة
كروسات ذى اية
Yehemak_Fe_Eh 19-10-2009, 08:36 PM على فكرة يا جماعة امتحان الميد تيرم عندنا اتلغى والكلام ده من مكتب العميد بس امتحان التيرم هيبقى فى نص او اخر شهر 12
بالنسبة لى انا فهمت الرياضة جدااااااا والمحاسبة يعنى لكن بقيت المواد بقى ربنا يستر
انا بدأت اخد كورس انجلش فى معهد القوات المسلحة وان شاء الله من الاسبوع اللى جاى هاخد الاقتصاد فى سنتر اسمه tcsفى مدينة نصر وهحاول بقى اجيب الملازم بتاعت الادارة والسيكولوجى من السنتر ده بس طبعا انا كده هيضيع منى الدرجة بتاعتquiz الادارة لانه عندى بكرة وانا طبعا لسه مذاكرتش اى حاجة فى الادارة دى . ربنا معانا بقى بقينا فى الاسبوع التالت ولسه مذاكرناش حاجة
التؤمان 19-10-2009, 09:55 PM النسبة ليا انا شايف المواد كويسة لحمد الله بس العبرة بالنتيجة فى الاخر ويعتبر انا مزنوق اكتر منكم بالنسبة ان عندى مذاكرة فى كليتين يعنى عشر مواد فى الترم الحمد لله
اللى بيقول مش عارف احفظ مبدأ غلط هو فى علم او مذاكرة من غير حفظ دة حتى الرياضة فيها حفظ فالموضوع مش مشكلة للدرجة دى
ازاى يعنى انتا بتدرس فى كليتين فى نفس الوقت ولية يعنى
medostar 20-10-2009, 05:15 PM مجرد سوالي عن الكورسات سوال عادي وانا اعرف اس بياخدو كورسات في المحاسبه والاقتصاد ورياضة الاعمال وعلى فكرة امتحان الميد ترم موجود عندنا وعندنا مادة السلوك التنظيمي امتحانها يوم 9/11 والماة دي ما بتتذاكرش اصلا والدكوتر بيجري في المادة جامد
medostar 20-10-2009, 05:17 PM وايه حكايه الدراسه في كليتين دي وازاى يا ريت توضح
ahmedal3mda 20-10-2009, 08:57 PM وايه حكايه الدراسه في كليتين دي وازاى يا ريت توضح
النسبة ليا انا شايف المواد كويسة لحمد الله بس العبرة بالنتيجة فى الاخر ويعتبر انا مزنوق اكتر منكم بالنسبة ان عندى مذاكرة فى كليتين يعنى عشر مواد فى الترم الحمد لله
اللى بيقول مش عارف احفظ مبدأ غلط هو فى علم او مذاكرة من غير حفظ دة حتى الرياضة فيها حفظ فالموضوع مش مشكلة للدرجة دى
ازاى يعنى انتا بتدرس فى كليتين فى نفس الوقت ولية يعنى
انا بدرس فى اعلام القاهرة وفى تجارة انتظام معاكم اما لية علشان كنت عايز ادرس اعلام لكن حصلت ظروف كدة وغير كدة هى مش حاجة وحشة دة بيدينى تميز على اى حد فى تجارة حتى لو معاه كل الكورسات والدراسة فى الاتنين بالنسبة ليا بتكمل بعض
medostar 22-10-2009, 02:48 AM انا بدرس فى اعلام القاهرة وفى تجارة انتظام معاكم اما لية علشان كنت عايز ادرس اعلام لكن حصلت ظروف كدة وغير كدة هى مش حاجة وحشة دة بيدينى تميز على اى حد فى تجارة حتى لو معاه كل الكورسات والدراسة فى الاتنين بالنسبة ليا بتكمل بعض
ربنا معاك ويوفقك في الكليتين
أنين المذنبين 22-10-2009, 03:57 PM السلام عليكم ورحمة الله انا بالنسبالى الحمد لله المواد سهلة والرياضة جميلة وحلوة وكذلك المحاسبة رائعة وانا على فكرة فى القاهرة فى الشعبة المميزة عندى بردك ميد تيرم فى 8_11 فى الاسبوع ده ودعواتكم كدة بالتوفيق وبالنسبة للعضو اللى بياخد كورسات فى القوات بكم الليفل
medostar 22-10-2009, 06:08 PM السلام عليكم ورحمة الله انا بالنسبالى الحمد لله المواد سهلة والرياضة جميلة وحلوة وكذلك المحاسبة رائعة وانا على فكرة فى القاهرة فى الشعبة المميزة عندى بردك ميد تيرم فى 8_11 فى الاسبوع ده ودعواتكم كدة بالتوفيق وبالنسبة للعضو اللى بياخد كورسات فى القوات بكم الليفل
ربنا معاك ومعانا في امتحان الميد ترم وبالنسبه للكورسات انا معنديش خلفيه هوه الليفل بكام بس اكيد هتلاقي حد يعرف
أنين المذنبين 22-10-2009, 07:24 PM انت فى كلية ايه جامعة ايه اصل انا اول مرة اسمع ان جامعىة غير القاهرة بتعمل ميد تيرم وبعدين فى كورس ان شاء الله هفجئكم به بتاع جمعية متعاونة مع الجامعى الامريكية والشهادة بتبقى منها ومن الامريكية والليفيل بتعها سعره لا يكاد يوصل للرمزى
Yehemak_Fe_Eh 22-10-2009, 08:39 PM السلام عليكم ورحمة الله انا بالنسبالى الحمد لله المواد سهلة والرياضة جميلة وحلوة وكذلك المحاسبة رائعة وانا على فكرة فى القاهرة فى الشعبة المميزة عندى بردك ميد تيرم فى 8_11 فى الاسبوع ده ودعواتكم كدة بالتوفيق وبالنسبة للعضو اللى بياخد كورسات فى القوات بكم الليفل
الكورس فى القوات الليفل ب335
ahmedal3mda 22-10-2009, 09:47 PM انت فى كلية ايه جامعة ايه اصل انا اول مرة اسمع ان جامعىة غير القاهرة بتعمل ميد تيرم وبعدين فى كورس ان شاء الله هفجئكم به بتاع جمعية متعاونة مع الجامعى الامريكية والشهادة بتبقى منها ومن الامريكية والليفيل بتعها سعره لا يكاد يوصل للرمزى
يعنى اية امتحان ميد تيرم وهيبقى امتى
ahmedal3mda 22-10-2009, 09:49 PM ربنا معاك ويوفقك في الكليتين
وربنا يوفقنا جميعا
medostar 23-10-2009, 01:40 PM انت فى كلية ايه جامعة ايه اصل انا اول مرة اسمع ان جامعىة غير القاهرة بتعمل ميد تيرم وبعدين فى كورس ان شاء الله هفجئكم به بتاع جمعية متعاونة مع الجامعى الامريكية والشهادة بتبقى منها ومن الامريكية والليفيل بتعها سعره لا يكاد يوصل للرمزى
انا تجارة كفر الشيخ وامتحان الميد ترم لمادة السولك التنظيمي 9/11 ده اللى اتحدد والباقي لسه وانا بدات اخد كوس محاسبه واقتصاد
|