السلام عليكم
ازيكو
انا بقى جايه النهارده وانا مخنوقه جداااااااااا من نفسي
يعني انا مكبره دماغي جداااااااااااا من المذاكره وكل لما اجي افتح كتاب مش بعرف اذاكر
وبقيت بنام كتيييييييييييييييييييير جداااااااااااااااااااااا
والله انا مخنووووووووووووووووووووووووقه جدااااااااااااااااااا و مش عارفه اعمل ايه ووقتى بيضيع من غير ما اشعر بيه وو فتحت الكمبيوتر مش بقفله غير بخناقة مع اهلى
انا قولت ادخل افضفض معاكو شويه علشان بجد متضايقه اوييييييييييييييييييييييييييييييييي
يا ريت بقى تقولولي اعمل ايه لحسن انا كده هضيييييييييييييييييييييييييييييييييييييييع
وانتم عارفين ثانوية عامة بقى وربنا يستر

جزاكم الله خيرا
ربنا يكرمكو ويعزكو ويحبكو
استودعكم الله الذي لا تضيع ودائعه
والسلام عليكم ورحمه الله وبركاته

بالنسبة للنوم طبياً كانو بيقولو
عشان ترتاح فعلاً لازم تنام ما بين 6-8 ساعات في اليوم
اللى احنا بنترجمها لـ 10 ساعات في اليوم :d

اما النوم الزيادة مش بيريح الجسم زيادة بالعكس
ده بيأدي لخمول الجسم وشعوره بأن 12 ساعة في اليوم غير كافية

عشان كدهتلاقي الواحد اللى بينام كتير دايخ اكتر من اللى بينام الساعات المحددة له
يعني حاولي يومين تلاتة تظبطي يومك بحيث متناميش كتير
حتى لو حسيتي إنك لسه تعبانة حتيجي بالتدريج


النقطة التانية وهي موضوع الخنقة م المذاكرة
أي واحد بيحط الكمبيوتر قدامه ورابط دماغه بحاجة فيه
حتلاقيه كل ما يقعد عالمذاكرة يروح يشغل الجهاز ويحس نفسه زهق من المذاكرة :d
واسألوني :d

دي حلها الاحساس بالمسؤولية بس

احنا لسه يعتبر في البداية
يعني مش مذاكرة جامدة

على الأقل حاولي تتابعي دروسك وتخلصي واجباتك
ده كفاية حالياً

كان فيه أستاذ بيقولنا ::
**ياجماعة لازم تحبه المادة عشان تحبكم :blush:***
بمعني انك لما فعلا تحبي حاجة وبالذات في المواد الدراسية
أكيد هتحققي فيها تقديرات رهيبة وهتقدري تتقدمي فيها ...
أولا :: موضوع هضيع دا مش بيتقال دلوقتي ولا حتي ادام الامتحان الثانوية العامة خمس دقايق ...
أنا بس عايزة اقول مش تيأس وبرده مش تهملي ...
يعني اي حاجة تأخذية في الدرس اول ما ترجعي البيت ذكريها وجتهدي فيها
وحل عليها وذاكري شوية حاجات من القديم اللي فات عليكي وكل يوم اعملي كدا ان شاء الله هتحسي بتحسن ....
وبعد لما تخلصي مذاكرة كل يوم ... العبي براحتك خالص
تقعدي ع الكمبيوتر تتفرجي ع التليفزيون مش مهم المهم انك مخلصة كل حاجة عليكي
قبل كدا دا ودا لازم تكوني بتصلي الوقت بوقته ومفيش حاجة بتشغلك عن الصلاة حتي المذاكرة .. وقبل لما تبدأي مذاكرة صلي ركعتين لله
صدقيني مش هتخسري خالص بالعكس هتكسبي راحة نفسيه شديدة
بجد اعملي كدا هتلقي نفسك راحة للمذاكرة
:::
بصي باروحي بالنسبة للنوم حطي المذاكرة في دامخ قبل ما تنامي
النوم اللي هو مش طبيعي او الزيادة عن المعدل الاصلي
هتتفزعي وتقومي تذاكري:d
يابنتي انت هتتعبي سنتين بس وبعد كدا هتعيش حياتك براحتك
بس فيه فرق لما تكوني داخلة كلية محترمة ولا حاجة اقل
اكيد بتفرق انا واحدة صاحبتي عشان درجة في الانكليزي راحة من مدينة قريب
لمدينة بعيدة شفت درجة
انا مش بخوفك بس بقلك اعملي اللي عليكي واجتهدي وربنا هيقف جمبك
ربنا يوفقك يارب

انا ممكن اقولك علي حل ممكن تشغلي نفسك بيه اولا انتي في ثانويه امه زي ما بتقولي ممكن تشغلي نفسك بحل اسئله صعبه للمتميزين وتفكري فيها كتير وطبعا هتاخد منك وقت طويل علشان توصلي للاجابه ثانيا لو انتي شايفه نفسك بتضيعي وقت قدام الكمبيوتر ممكن تفتحي برنامج زي الورد وتعملي تلخيصات للي انتي فهمتيه من اي درس وترفعيه علي المنتدي وبكده تكوني افدت نفسك بمراجعه ماده وتذكر النقاط الرئيسيه فيها وافدت غيرك وكمان اخدتي ثواب لانك بتساهمي في عمليه التعليم

وعذرا ان اطلت

نصيحه مني
ابعدي عن بوابه الثانويه العامه وخصوصا قسم اجتماعيات بنآدم ده وانتي هتخفي قصدي مش هتضيعي وقت
ومتدخليش البوابه الا اما تبقى عيزه تسألي عن اي سؤال في اي ماده بس
ثانيا خلى عندك حبه عزيمه
خلي اهلك يأوموكي من النوم بالعفيه
ممكن يكبوا عليكي ميه وانتي نيمه
عاتي على فكره :d
ثانيا حاولي متفتحيش ميلك الا يوم في الاسبوع بالكتير او متفتحيش خالص احسن ملوش لزمه
ثالثا بقى وده الاهم انك تذاكري كل المواد اولا بأول يعني تخدي الدرس تذاكريه في يومها او تاني يوم بالكتير مش تيجي اليوم الي هيتسمعلك فيه وتذاكريه لتن ده اسلوب الفشله بس
دي نصايح مجرب على فكره
ودمتم
بث كته

ابعدي عن بوابه الثانويه العامه وخصوصا قسم اجتماعيات بنآدم

ومتدخليش البوابه الا اما تبقى عيزه تسألي عن اي سؤال في اي ماده بس

ثانيا خلى عندك حبه عزيمه

خلي اهلك يأوموكي من النوم بالعفيه


ثانيا حاولي متفتحيش ميلك الا يوم في الاسبوع بالكتير او متفتحيش خالص احسن ملوش لزمه

ثالثا بقى وده الاهم انك تذاكري كل المواد اولا بأول

دي نصايح مجرب على فكره

تلات نصايح بس
والتلاتة اسهل من بعض على فكرة :d

بس انا اشك في آخر جملة بتاعت مجرب دي :d

تلات نصايح بس

والتلاتة اسهل من بعض على فكرة :d


بس انا اشك في آخر جملة بتاعت مجرب دي :d



ليه ان شاء الله
مش وش مذاكره ولا مش وش مذاكره :abdoog8:
اه والله كنت باعمل كده

ده انا كنت شطوره كدا :d

ومكنتش بانام الا لما اخلص كل الحاجات الي اخذتها في اليوم ده

بس مش عرفه انفز الموضوع ده في الكليه خالص مش عرفه ليه :D

الناس قالت كل حاجة بما فية الكفاية
نصيحة تانية بقى غير الى هما قالوهم
قربى لربنا وصلى كل فرض فى وقتة
هتلاقى كل حاجة بقيت سهلة قدامك
وربنا هيسهلك كل حاجة بأذن الله
ربنا معاكى يارب
فى رعاية الله

خدعوك فقالوا
يابنتي انت هتتعبي سنتين بس وبعد كدا هتعيش حياتك براحتك
مش بحبطك ولا حاجه
انتى اتعبى السنتين دول وسيبك م بعد كده
علشان ده حكايته حكايه
انتى استعينى بربنا ونظمى وقتك
وكلوا هيبقى تمام ان شاء الله
مفيش داعى للقلق دلوقتى خالص
لسه بدرى والسنه طويله
لو حاجه فاتتك ان شاء الله هاتعرفى تلميها
اتكلى انتى ع ربنا بس
وربنا معاكى