مشاهدة النسخة كاملة : هام جدا بالنسبة لتعديل مادة التخصص للمعلمين المساعدين
Eslam Farouk 20-10-2009, 02:39 PM دلوقتى كل اللى سجلوا على موقع الوزارة وطبعوا استمارة الامتحان لازم يعدوا تانى وبتأكدوا ان مفيش تعديلات حدثت بالنسبة لمادة الكفاءة التربوية لديهم من حيث ابتدائى او اعدادى وثانوى..
لان اللى مدرسته ابتدائى ومسجل كفاءة تربوية اعدادى وثانوى او العكس ( اللى مدرسته اعدادى او ثانوى ومسجل كفاءة تربوية ابتدائى ) تم عمل تعديلات فى استماراتهم ولابد من القيام بالخطوات التالية اذا وجدت فى خانة مادة الكفاءة التربوية " تخصصك غبر متوافق مع المرحلة التى تعمل بها " :-
1- فى الاستمارة الورقية المطبوعة لديك عدل بالقلم فى خانة مادة الكفاءة التربوية وخانة مادة التخصص واكتب المادة المتوافقة مع المرحلة التى تعمل بها ( يعنى لو انت اعدادى اكتب كفاءة تربوية اعدادى وتشوف الكود بتاعها كام وتكتبه جنبها وكذلك بالنسبة لمادة التخصص وهكذا )
2- اذهب الى مدير المدرسة وخليه يمضي جنب االتعديلات اللى انت عدلتها ويختم عليها
3- بعد كده سلم الاستمارة عادى زى زمايلك بقسم الاحصاء بالادارة التابع لها وهى الادارة هاتسلمها للاكاديمية وهايطلعلك رقم الجلوس بالتعديلات الجديدة اللى انت عدلتها ع الورق ان شاء الله
وده مضمون الفاكس اللى وصل للمديريات التعليمية اليوم
واى استفسار انا تحت امركم..
(هند) 20-10-2009, 03:51 PM السلام عليكم
طيب التعديل على اساس ايه ؟؟؟؟؟؟
انا خريجة تربية عام يعنى المفروض ادرس لاعدادى بس اتعاقدت ابتدائى ومكتوب عندى كفاءة تربوية ابتدائى اعدل ولالا؟؟؟؟؟؟
Mr.Mohammed Galal 20-10-2009, 04:32 PM أنا نفس مشكلتك يا أستاذه هند ياريت يتم إفادتنا فى اسرع وقت للأهميه
Mr.Mohammed Galal 20-10-2009, 04:39 PM على أى أساس يتم الإختبار
التخصص ( عام أو أساسى )
أو المدرسة التى اعمل بها
Eslam Farouk 20-10-2009, 05:56 PM السلام عليكم
طيب التعديل على اساس ايه ؟؟؟؟؟؟
انا خريجة تربية عام يعنى المفروض ادرس لاعدادى بس اتعاقدت ابتدائى ومكتوب عندى كفاءة تربوية ابتدائى اعدل ولالا؟؟؟؟؟؟
عدى تانى على صفحة التسجيل يا هند..
لو لقيتى مكتوبلك فى خانة الكفاءة التربوية : " تخصصك غير متناسب مع المرحلة التى تعمل بها " لازم تعملى الخطوات اللى قلت عليها بالنسبة للتعديل..
لكن لو ملقتيش حاجة اتعدلت والكفاءة التربوية مكتوبة زى ما انتى طبعتيها قبل كده خلاص يبقى انتى مش محتاجة لتعديل
Eslam Farouk 20-10-2009, 06:00 PM يا جماعه انا كلامى واضح..
اللى بيشتغل فى مدرسة ابتدائى لازم الكفاءة التربوية المكتوبة ليه فى الاستمارة تكون ابتدائى
واللى بيشتغل فى مدرسة اعدادى لازم الكفاءة التربوية المكتوبة ليه فى الاستمارة تكون اعدادى وثانوى
يعنى ماينفعش تبقى مسجل مدرستك اعدادى ومكتوبلك الكفاءة التربوية ابتدائى او العكس
ويا ريت كله يعدى تانى على صفحة التسجيل ويتأكد من بياناته وان مفيش اى تعديلات اتعملتله فى الاستمارة
مسيو عاطف 20-10-2009, 07:20 PM بصراحة انا مش فاهم الكلام ده يعنى ايه انا معلم فصل وده تخصصى فى تعاقد الابتدائى وفى المؤهل انا تربية فرنسى (ودلوقتى انا منتدب لمدرسة التجارة الثانوية خلى بالكم ده انتداب مش نقل كامل) و يعنى همتحن ايه بالظبط وعدين انا النهارده حاولت اغير تخصصى اللى فى النت من مدرس فصل لمدرس لغة فرنسية مفيش واحد فى الادارة التعليمية راضى يوافق لى على كده ولا حد راضى يمضى على الطلب بتاعى مش عارف اعمل ايه وهمتحن ايه بالظبط ياريت لو فيه حدعنده حل لتغغير تخصصى ااو يكون مر بالظروف دى يقولى عمل ايه ولكم الف شكر
Eslam Farouk 20-10-2009, 07:38 PM بصراحة انا مش فاهم الكلام ده يعنى ايه انا معلم فصل وده تخصصى فى تعاقد الابتدائى وفى المؤهل انا تربية فرنسى (ودلوقتى انا منتدب لمدرسة التجارة الثانوية خلى بالكم ده انتداب مش نقل كامل) و يعنى همتحن ايه بالظبط وعدين انا النهارده حاولت اغير تخصصى اللى فى النت من مدرس فصل لمدرس لغة فرنسية مفيش واحد فى الادارة التعليمية راضى يوافق لى على كده ولا حد راضى يمضى على الطلب بتاعى مش عارف اعمل ايه وهمتحن ايه بالظبط ياريت لو فيه حدعنده حل لتغغير تخصصى ااو يكون مر بالظروف دى يقولى عمل ايه ولكم الف شكر
لا انت حوارك حوار تانى خالص عن اللى احنا بنتكلم فيه..
ودى غلطتك من الاول انك قبلت تتعاقد فى تخصص غير تخصصك.
انا كل اللى اقدر انصحك بيه انك تحاول بأى طريقة تغير التخصص قبل الامتحان ، لأن اللى هاتمتحن عليه هاتتثبت عليه.. وسيبك من الادارة والمديرية اللى عندك لأن محدش فاهم حاجة..
اتصل بالخط الساخن للوزارة وخليك وراهم 19126 .. وانصحك انك تذهب للوزارة فى القاهرة افضل
وربنا معاك ان شاء الله
(هند) 20-10-2009, 07:41 PM جزاك الله كل خير
الحمد لله مكتوب كفاءة تربوية ابتدائى وبشتغل فى الابتدائى بنفس تخصصى وتعاقدى ابتدائى معلم لغة عربية ابتدائى بس الاساس انى تربية عام اعتقد كده مفيش مشكلة ولا ايه؟؟
Eslam Farouk 20-10-2009, 08:02 PM جزاك الله كل خير
الحمد لله مكتوب كفاءة تربوية ابتدائى وبشتغل فى الابتدائى بنفس تخصصى وتعاقدى ابتدائى معلم لغة عربية ابتدائى بس الاساس انى تربية عام اعتقد كده مفيش مشكلة ولا ايه؟؟
لا كده تمام انتى فى السليم
محمدطعيمة 21-10-2009, 11:41 AM محمد طعيمة
مدرس لغةعربية ابتدائي
ياأخوة يا أفاضل أنا متعاقد قبل 31/10/2008(قديم ) وكذلك قدمت لفي للاكاديمية قبل عيد الفطر المبارك (فرع طنطا) وكذلك معي تربوي وكل الشروط تمام.
المهم عند الدخول لطبع الاستمارة يظهر لي (ليس لديك صلاحيات دخول ) وهذا ليس لي وحدي بل لكل زملائي هنا معي والذين هم في نفس ظروفي
فما الحل علما بأن الوزير بقول أن الامتحانات قبل نهاية أكتوبر الجاري فماذا نفعل أرجوكم
مع العلم بأننا اتصلنا بقسم الاحصاء باادارة التعليمية وقالوا لنا هذا علي الجميع وسيفتح الموقع لا حقا فماذا نفعل ؟
mohmed_teamaaa2000***********
mohmed_teamaaa2000*************
Eslam Farouk 21-10-2009, 02:43 PM محمد طعيمة
مدرس لغةعربية ابتدائي
ياأخوة يا أفاضل أنا متعاقد قبل 31/10/2008(قديم ) وكذلك قدمت لفي للاكاديمية قبل عيد الفطر المبارك (فرع طنطا) وكذلك معي تربوي وكل الشروط تمام.
المهم عند الدخول لطبع الاستمارة يظهر لي (ليس لديك صلاحيات دخول ) وهذا ليس لي وحدي بل لكل زملائي هنا معي والذين هم في نفس ظروفي
فما الحل علما بأن الوزير بقول أن الامتحانات قبل نهاية أكتوبر الجاري فماذا نفعل أرجوكم
مع العلم بأننا اتصلنا بقسم الاحصاء باادارة التعليمية وقالوا لنا هذا علي الجميع وسيفتح الموقع لا حقا فماذا نفعل ؟
mohmed_teamaaa2000***********
mohmed_teamaaa2000*************
اتصل بالخط الساخن للوزارة 19126
misterzook 21-10-2009, 10:17 PM كلامى موجه للمعلمين المساعدين من 2008 وغير تربويين
انا وزملاء كثيرين من دفعة ال80 الف معلم مساعد من المتعاقدين من يناير وفبراير و مارس 2008 وكنا نعمل بعقود مميزة او بالاجر او بالحصة من قبل صدور قانون الكادر لم يتم استثناءنا من المؤهل التربوى ولم يقبل اوراق ترشيحنا فى الاكاديمية ولم نعلم حتى بشأن الدبلومة الا فى شهر اغسطس 2009 اى بعد مرور عام و7 شهور مما اضاع فرصة الحصول عليها من بداية التعاقد وقبول المتعاقدين الجدد بدلا منا ولا يتبقى فى مدة العقد مايتيح لنا الحصول على الدبلومة التى تستمر عامين و لم توفر الوزارة اى دبلومة عن بعد كما يقول الخبر
ارجو من ادارة الموقع التحقق من كلامى و استظهار الحقيقة من مصدر هذا التصريح
وارجو من جريدتكم الموقرة متابعة موقفنا مع الوزارة التى تقوم بعمل show اعلامى لكن الحقيقة هى ان الوزارة الموقرة ظلمت الوف من المتعاقدين القدامى بسبب التأهيل التربوى و لم يخبرونا بماهيته و فاجئونا بكونه دبلومة عامة فى التربية تستمر لمدة عامين ولم يراعوا او يدركوا اننا بشر لا نملك ان نقوم باعمال خارقة كى نأتى لهم بتلك الدبلومة عندما يخبرونا بأنها مطلوبة ولم يعطونا الوقت كى نحصل عليها منذ صدور القانون فى يوليو 2007 و لو كنا نعلم هذا الشرط لكنا الان مستوفين لشروط الاكاديمية لكن ما حدث هو مبدأ عدم تكافؤ الفرص حيث سيتم تعيين دفعات احدث منا وسيتم طردنا بعد انتهاء العقد كما ذكر القانون لنكون احد ضحايا يسرى الجمل وتصريحاته وبداعاته
ارجو ارسال تلك الرسالة الى موقع اليوم السابع لعل وعسى حد يتحرك وينصفنا ولازم نتواصل مع بعض يمكن نعرف نعمل حاجة
@pepoo@ 21-10-2009, 11:54 PM محمد طعيمة
مدرس لغةعربية ابتدائي
ياأخوة يا أفاضل أنا متعاقد قبل 31/10/2008(قديم ) وكذلك قدمت لفي للاكاديمية قبل عيد الفطر المبارك (فرع طنطا) وكذلك معي تربوي وكل الشروط تمام.
المهم عند الدخول لطبع الاستمارة يظهر لي (ليس لديك صلاحيات دخول ) وهذا ليس لي وحدي بل لكل زملائي هنا معي والذين هم في نفس ظروفي
فما الحل علما بأن الوزير بقول أن الامتحانات قبل نهاية أكتوبر الجاري فماذا نفعل أرجوكم
مع العلم بأننا اتصلنا بقسم الاحصاء باادارة التعليمية وقالوا لنا هذا علي الجميع وسيفتح الموقع لا حقا فماذا نفعل ؟
mohmed_teamaaa2000***********
mohmed_teamaaa2000*************
انا نفس حالتك واتصلت بالخط الساخن
وقالولى احاول بعد يومين وهيفتح معايا
لانهم واخدين المدرسين على مراحل يوميا
وربنا يستر ويتفتح
(هند) 22-10-2009, 06:28 PM وأضاف البيان أن اختبار التعيين الذى يعد الأول من نوعه منذ سنوات سيبدأ فى تمام التاسعة والنصف من صباح الجمعة 20 نوفمبر حتى الحادية عشرة فى مادة "المهارات الأساسية فى اللغة الإنجليزية"، ومن الثانية ظهرا حتى الخامسة مساء فى 3 مواد، هى مهارات الاتصال باللغة العربية، والكفاءة التربوية، ومادة التخصص.
وطالب بيان "التعليم" المتقدمين للاختبار وعددهم إلى الآن 65 ألف معلم التوجه إلى مقار الأكاديمية المهنية للمعلمين ليتسلموا أرقام جلوسهم، بشرط استيفائهم شروط التقدم للاختبار، ومنها قضاء عام فى وظيفة "معلم مساعد"، والحصول على الرخصة الدولية لقيادة الحاسب الآلى ومؤهل تربوى "يمكن الحصول عليه بعد التعيين".
من جهته أكد الدكتور محمود عابدين، رئيس الأكاديمية المهنية للمعلمين، أن موقع الأكاديمية الإلكترونى سيبث نماذج للامتحانات وبرامج تربوية لتدريب المعلمين على القنوات التعليمية على أسئلة اختبار التعيين خلال الشهر المقبل.
sh2010 22-10-2009, 07:36 PM افيدونى انا
كتبت معلم فصل فى مادة التخصص واريد تعديلها لمعلم مادة اعمل ايها اشطب معلم فصل واعدل لمعلم ماده واكتب كود التخصص اللى انا عاوزاه وهينفع
medo10000 23-10-2009, 12:18 AM طب انا متعاقد 1/4/2008 وقدمت ملفى وتمام بس الاستمارة فى موقع الاكاديمية بتاريخ التعاقد القديم 1/9/2006 المفروض اعدل التاريخ ولا اسيبه
محمد أحمد ناصف 23-10-2009, 03:11 AM انا تربية عام فيزياء
العقد بتاعي ابتدائي لكن منذ سنة 2002 ولحد العقد وانا شغال اعدادي وبعد التعاقد تم اقامتي بالعمل وانتدابي في نفس الوقت للعمل كمدرس اعدادي ممكن اغير لاعدادي ولا فيها مشكلة ولا انا فهمتك غلط
Eslam Farouk 23-10-2009, 02:46 PM يا جماعة انا كلامى وااااااااااااااااضح..
اللى محتاج تعديل هو اللى مكتوبله فى خانة الكفاءة التربوية " تخصصك غير متناسب مع المرحلة التى تعمل بها "
اما غير ذلك فليس بحاجة الى تعديل
ذئاب الجبل 24-10-2009, 09:51 PM الكلام ده اكيد
هشام صبرى 25-10-2009, 09:34 PM أنامعلم مساعد رياضيات اعدادى ولما سحبت الاستمارة من على موقع الاكاديمية وجدت مكتوب فى مادة التخصص الى هامتحنها
حاسب الى وتكنولوجيا معلومات ايه العمل بسرعة لو سمحتم
nourelhodahany 27-10-2009, 12:01 AM روح مكتب التطوير للتابع للادارة وصحح بيناتك من الأول وربنا معاك (ام محمدهانى)
أ/محمد سليمان 27-10-2009, 07:51 PM انا معلم ابتدائي وعدلت لغه فرنسيه الاسبوع ده اعمل تيه
suzanne sami 28-10-2009, 10:19 PM طيب معلش انا عاوزة اطمن بس ... انا الحمد لله قبلت الاكاديمية الورق بتاعي انا تعاقدات 1/7/2008 تمام وكنت في ابتدائي وقبل بداية العام الدراسي باسبوعين اتنقلت نقل كلييييييييييييي من الابتدائي لمدرسة اعدادي ... فاسمي اتنقل لهيئة تدريس المدرسة الاعدادي وبقبض منها وكل حاجة فلما ظهرت الورقة فطبعا كان فيه غلط في الكفاءة لان مكتوب تحت ابتدائي وانا اتنقلت لاعدادي فغيرت
واطبحت معلم انجليزي اعدادي ثانوي وبالتالي الكفاءة اتعغيرت والبورقة بتاعتي كده مفيش فيها غلط ؟؟؟
بس ناس قالوالي انتي غلط لانك لما جالك العقد جالك وانتي ابتدائي بس انا دلوقتي كلللللللللللل حالي اعدادي والمدرسة وكل حاجة فهل فيه ضرر عليا في الامتحان ؟؟؟؟ ياريت اللي يعرف يجاوبني بالله عليكم
saideg 04-11-2009, 10:07 PM اللى خريج تربية عام وتم التعاقد معه ابتدائى هيمتحن تربوى ابتدائى لأن العبرة بالعقد وليس بالمؤهل والكلام ده موجود على موقع الأكاديمية
|