السلام عليكم ورحمة الله وبركاته
ازيكم يا احلى اعضاء يارب تكونوا بخير كلكم
النهارده موضوع مثير جدا جدا
لانه بيتعلق بالدولة لان الدولة بتتلخص من العنوان و رئيس الجمهورية القادم هو العنوان
يعنى من الاخر عايزين نعمل استطلاع صغير جدا على قدنا
و نقول عنوانه مين حيبقى رئيس مصر
بصراحة انا سمعت تعلقات جميلة اوى
لما نزلت اعمل تحقيق بين الشباب
سمعت بجد تعلقات جميلة اوى
و فى نفس الوقت لسه سامع دوقتى تعليق فى التلفزيون
لراجل عجوز فى العاشرة اليوم
قال مسك الحكم ساب الحكم هو محمد حسنى مبارك
وواحد كمان قال هو مبارك حنقوله ارجع حيرجع
دوقتى عايزين احنا نقول وجهت نظرنا بما اننا كلنا مصريين
ادرى بامور بلدنا
يلا نقول حترشح مين للرئاسة
اكتر المرشحين شعبية و اتقال اساميهم كتير هم
1- عمرو موسى
2- الدكتور محمد البردعى
3-احمد زويل
4-جمال مبارك
5 ودا من عندى انا هو عمر سليمان
ها دول المرشحين بقوة لمنصب رئيس الجمهورية
يا اما كمان اختيار احب اضيفه
ان محمد حسنى مبارك حيعدل القانون و يمدله فترة رائسية جديده لحد ما يلقى الله ان شاء الله وهو رئيس جمهورية
و كمان اقتراح انى انشئ اختيار كمان بيقول
وانا مالى يا عم مش بتكلم فى الكورة
يلا ورونا ترشحاتكم

السلام عليكم و رحمة الله و بركاته
أخبارك إيه يا أحمد
يارب تكون بخير
بالنسبة للموضوع أنا بجد ماأقدرش أحدد
اليرادعي و زويل علي راسي بس ممكن ميكونش ليهم في التخطيط و كده و مش عندهم خبره
و مش عارف جمال مبارك ولا عمرو موسي
و صدقني إضافتك هي اللي هتكسب
:d:d:d
المهم لو حصل إيه
"يبقي الحال كما هو عليه"
ربنا يسترنا
في أمان الله

انا واحد من الناس
مش موافق على اى حد من دول بصراحة
بس توقعى من خلال خبرتى فى العمل السياسى
الى حياخدها عمر سليمان
انما لو بالترشيخ الى حياخدها عمرو موسى
يا البردعى

اه نسيت
انا الحمدلله والله يا محمود
انت الى اخبارك ايه واخبار الكلية

انا اعتقد بنسبة 90% هيكون جمال مبارك

:028ja7:وبصراحة انا شايفة ان هو اصلح واحد في اللي انت حاططهم

1- عمرو موسى
2- الدكتور محمد البردعى
3-احمد زويل
4-جمال مبارك
5 ودا من عندى انا هو عمر سليمان
ههههههه كلهم أولادى :p


بصراحة لو هرشح حد هيكون عمرو موسى بلدياتى و راجل محترم جداً

لكن لو على اللى ممكن يتم فا هيكون حد من الاتنين يا جمال يا عمر سليمان
بس حتى لو جابوا صدام حسين الله يرحمه يحكم البلد .. البلد برده هتمشى زى ما هى ماشية دلوقتى
أل يعنى الريس هو اللى هيفرق مع البلد و هو اللى هيعمل الاصلاح .. احنا ماشيين على أوامر الراس الكبيــــرة :bosyht9:

احمد زويل ده راجل محترم ورافع راس مصر وذكى جدا و اكيد يهمه مصلحة البلد

د.أحمد زويل ... عالم جليل وله كل الاحترام بعيدا عن السياسة....ربما يفقد احترامه لو دخل عالم السياسة...
الاستاذ عمرو موسى....من الافضل انه يظل صاحب قرار للمنطقة العربية على بعضها .. بلاش الرئاسة.
د.محمد البرادعي ....عالم جليل يمكن نستفيد من علمه في مجالات معينة لكن مش الرئاسة...
جمال مبارك.....نوكومنت;)

أكيد زويل محدش فينا مش بيحبه
بس مش حينفع


جمال مبارك صحيح هو اللى واخدها
وحيقدر يهتم باقتصاد مصر

بس في النهاية ده راجل مش عسكري
يعني مش حيقدر يحمي مصر زي ماكان مبارك عامل
وليه علاقاته السياسية في كل حتة

انا مالي انا مين اللى حياخدها
مادام كده كده مش حنختار :d

انا مالي انا مين اللى حياخدها
مادام كده كده مش حنختار :d

ههههههههه
هو ده الكلام المظبوط :d

تمام

انا برشح عمرو موسى

بس طبعا جمال هو اللى هياخدها

وبعدين الرئيس مش هيفرق ويانا

اللى هيفرق معانا

احمد فتحى سرور

صفوت الشريف

احمد عز

زكريا عزمى

المشير حسين طنطاوى

عمر سليمان

بطرس غالى

دول اللى هيفرقوا ويانا اوى

واى رئيس مش هيقدر يستغنى عنهم كلهم

وياريت لو الراجل كبير يفضل ماسكها ويريحنا من وجع الانتخابات ده;)

أكيد د.زويل هيكون مرشح للمنصب ده بقوة
لأنه بصراحة عالم ومثقف ومحترم وهيقود البلاد للأحسن

ما شاء الله عليهم كلهم مية مية فلة بالصلاتو على النبى
بس انال هتعب نفسى لية
مهى معروفة من غير قوالة ولا عيادة
ولا ترشيح حتا
الحكاية معروفة يا ابو حميد


وانا مالى يا عم مش بتكلم فى الكورة

وانا اايد هذا الرئ:d

المهم نعيش مبسوطين ومحافظين على دينا
ويشيلنا شيخ الازهر اللي اسمه مممممممممم ايوه سيد طنطا سوري سيد طنطاوى
هههههههههههه

ولو هختار هختاااااااااار نفسي
هههههههه
لالالالالالالالالالالا بجد جمال مبارك
لأنه يصلح للمنصب وعنده خطط جديدة

بسم الله
بص يا استاذ احمد
هو بردو انا هقولك مش بتكلم ف الكورة
عشان الحيطان ليها ودان

احنا لو شفنا مين الاصلح ف دول
اعتقد يا اما عمرو موسى يا اما احمد زويل
لكن الافضل عمرو موسى
لانو لو احمد زويل هايكون كده بيخاطر باحمد زويل العالم العظيم ولو احمد زويل بردو يبقى ممكن نقول اننا كده بنضمن حال مصر يتعدل بحدود طبعا

انما بعيدا عن الكام سطر اللي فوق دول
خلينا نتكلم بواقعية :d
ونقول ياترى لو مش جمال مبارك اللي مسك الحكم ياترى ياهل ترى مين اللي هايجي

ثانكيو يا مجاهد

أكيد طبعا أحمد زويل مش ينفع لانه عالم ووقته للاختراعات وهكذا البرعي
جمال عايز يأكل البلد ولعه وهيخصخصه بعد ما اتخصخصت هيبعها كلها ... وهيقول المصريين السبب
الباقي مش اعرفهم
بس نفسي بجد مصطفي بكري هو اللي يبقي رئيس الجمهورية:022yb4:
بس اظن انه هيرفض او مش هتبقي في دماخه اصلا ..
بس لو حد عسكري يتولي الخكم يبقي احسن بجد
ويبقي الحال ع ما هو عليه ومبارك مستمر في الحكم.........:d

احمد زويل احسن واحد

عمرو موسى الانسب

هههههههههههههههههههههههههههههههههههههههههههههههههه هههه
قال على رأى المثل ............... لو قلته هاضرب بالنار
احمد زويل راجل محترم لاكن بصراحه مسمعتش انه عمل لمصر هوة الوقتى بيعمل فعلا بس لامريكا
عمرو موسى والبرادعى استر ياب علينا منهم
اما بقى جمال ابن عمى صحيح ماشى مع الشباب وعامل منظمة اليونيسكو لاكن متنسوش انة احتكر الحديد لاحمد عز يعنى لو مسكها صريحه هيحتكرها لاصحابه ولنفسه
احب اطمنكم احنا ضايعين ضايعين لا محاله

انا هرشح نفسى يلا مين معايا عشان نموت شهداء مع بعض هههههههههه
حنقول ثم نقول ثم هما اللى هيقولوا

ولا واحد منهم
ربنا يستر علينا يا رب

أرفضهم جميعا
1- البرادعى لا يجوز إنتخابه .........Made in USA
2- عمرو موسى ....... رجل جرئ لكنه صاحب كاريزما ..الجراءة وحدها ممكن تودينا كلنا فى داهية هيفكرنا ب....
3- احمد زويل راجل عالم مش فاضى للسياسة
4- جمال مبارك ................ يبقى التوريث ومش هنخلص يبقى ولاد ولاد ولادنا يبقوا بقى يحاولو يخلصوا من التوريث ومش هيعرفوا
5- الجنرال عمر سليمان رجل المخابرات الأول الذى أكن له كامل أحترامى ولكن المخابرات أفضل للجنرال عمر سليمان
ممكن نرشح واحد بقى بس أيه المفاجأة
أنه شعبان عبد الرحيم
شكرا

هههههههههههههههههههههههه
no one:049gc0:

عمرو موسى رجل محنك سياسيآ وهو انسب واحد لرئاسة الجمهورية
ومن بعده انا شايف ان عمر سليمان هو الاصلح

عمرو موسى رجل محنك سياسيآ وهو انسب واحد لرئاسة الجمهورية
ومن بعده انا شايف ان عمر سليمان هو الاصلح
اللهم ارزق بلادنا بأحد العمرين :d

ماتفكروش كتير يا جماعة اللى عايزاه ماما :078111rg3:هو اللى هيكون وسواء تولاها ده او ده هانفضل زى ماحنا علشان البوس ماماعايز كده لانه مش فى مصلحته انه يكون معانا حد كويس وعلى العموم ربنا يستر :bosyht9: