السلام عليكم ورحمة الله و بركاته

كلنا سمعنا و شفنا حادث اصطدام القطارين الموجودين فى العياط و شوفنا بشاعة الحادثة
إمبارح تابعت الحادثة و أخبارها على برنامج الحياة اليوم و دار حوار كبير بين المذيعين و الأستاذ مجدى الجلاد و دكتور أحمد عكاشة .. الحوار شدنى جداً و لفت نظرى عدة نقاط .. من ضمن الأشياء اللى فكرت فيها كتير هى إعلانات الحكومة سواء الإعلانات الخاصة بوزارة البترول أو وزارة الصحة أو وزارة النقل
صور القطارين و هما جداد و راكبين فوق بعض " منظر بشع " تخيلت نفسى واحدة من ضمن الركاب .. إيه اللى هفكر فيه و إيه اللى ممكن اعمله و .. و .. و ..
موضوعى هو مناقشة واسعة جداً حول ما يحدث من الحكومة
دلوقتى القطرين جداد و للأسف الشديد عند حدوث عطل فى القطار الأول لم يتم إبلاغ أو تحذير القطار الآخر " رغم إن القطارات حديثة جداً " كان سبب ده إن سواق القطار نفسه مش عارف يتعامل مع القطار
الحكومة عملت زى المدرس اللى جاب لطفل عنده 5 سنين كتاب عن الميتافيزيقا و قاله إقرا !!
إزاى الحكومة تنزل إعلانات متكلفة ملايين فيها ست بتطبخ و واحد بيعلق إعلانات و التانى بيقطع فى الكراسى و يقولوا و يقولوا المصرى اللى على حق يقول للغلط لأ و يطلبوا المحافظة على وسائل النقل الحديثة و هما أصلاً محافظوش على حياتنا !!!
انا شايفة لو فلوس الإعلانات دى كانت إتصرفت على تعليم السواقين كيفية التعامل مع القطارات ماكنش حصل اللى حصل
تطوير فاااااااشل جداً .. سواقين مش عارفين يسوقوا قطر .. و إزاى أصلاً نجيب لسواق كان بيشتغل على قطر من أيام الملك فاروق قطر حديث التكنولوجيا .. إزااااااااى ؟!!
شىء لا يعقل أبداً
دا غير إن مفيش أمان فى طرق القطارات أبداً يعنى طريق العياط ده كحل بعد المغرب و المكان كله أراضى زراعية و كل أنواع المواشى بتعدى رايح جاى .. يعنى إزاى مايحصلش تأمين لطرق القطارات أو اى إتصال أو إبلاغ بحدوث عطل أو توقف قطار!!!

و وزارة الصحة ودورها الفظيع .. المصابين بتنقلهم من العياااااااط لمعهد ناصر و مستشفيات فى القاهرة !!
إزاااااااى !!
و اللى يحصل إن اللى يتحمل مسئولية الحادث هما سواقين القطارين
و أكن اللى حصل لا تابع لوزارة النقل ولا الحكومة هتطلع نفسها غلطانة أبداً
بجد مهزلة مهزلة مهزلة
يا ريت تشوفوا الفيديوهات دى لبرنامج الحياة اليوم

حادث تصادم قطارين بالعياط (http://videohat.masrawy.com/view_video.php?viewkey=62e830ec7019dcfe43fd&page=&viewtype=&category=)

مشاهد وتقرير من موقع حادث قطاري العياط_1 (http://videohat.masrawy.com/view_video.php?viewkey=2df517e217d10c200b5f&page=&viewtype=&category=)

مشاهد وتقرير من موقع حادث قطاري العياط_2 (http://videohat.masrawy.com/view_video.php?viewkey=3e458dddb60c61fe5a3b&page=&viewtype=&category=)

مشاهد من موقع حادث قطاري العياط_3 (http://videohat.masrawy.com/view_video.php?viewkey=9d4cebc9d677a99e1d79&page=&viewtype=&category=)

تفاصيل حادث تصادم قطارين العياط (http://videohat.masrawy.com/view_video.php?viewkey=a7fafddb6c2bd344e7a5&page=&viewtype=&category=)

و أخيراً يؤسفنى إنى أقول حكومتنا مش بس فاشلة فى التطور و الإصلاح .. حكومتنا كمان جاااااااهلة بالتطور و الإصلاح

هى إعلانات الحكومة سواء الإعلانات الخاصة بوزارة البترول أو وزارة الصحة أو وزارة النقل

اعلانات رخمه الصراحه ومش الوزارات دى بس وغيرها
السياحه مثلا واعلانتها ان احنا ازى بنخنق الاجانب لم بيكونو عندنا
عمرى ما شوفت بلاد مبينه شعبها كده
غير بلادنا
إزاى الحكومة تنزل إعلانات متكلفة ملايين فيها ست بتطبخ و واحد بيعلق إعلانات و التانى بيقطع فى الكراسى و يقولوا و يقولوا المصرى اللى على حق يقول للغلط لأ و يطلبوا المحافظة على وسائل النقل الحديثة و هما أصلاً محافظوش على حياتنا !!!
انا شايفة لو فلوس الإعلانات دى كانت إتصرفت على تعليم السواقين كيفية
اه ولله فعلا حق الاعلانات على حق القطارات ال راحت على حق التعويضات
ال مفروض تتقدم لضحايا المفروض يعنى:bosyht9: كل ده ليه
قد حاجه يعملوها مش قدها خلاص يرحمونا
تطوير فاااااااشل جداً .. سواقين مش عارفين يسوقوا قطر .. و إزاى أصلاً نجيب لسواق كان بيشتغل على قطر من أيام الملك فاروق قطر حديث التكنولوجيا .. إزااااااااى ؟!!
بصراحه هو السواقين دول كمان لهم حق يشتغلو هما كمان
يعنى زى ما بتقولى فوق كانو علموهم بس مكنش حصل ال حصل
يعنى مش زنبهم انهم نقلوهم فجأه من دى ل دى
دا غير إن مفيش أمان فى طرق القطارات أبداً يعنى طريق العياط ده كحل بعد المغرب و المكان كله أراضى زراعية و كل أنواع المواشى بتعدى رايح جاى .. يعنى إزاى مايحصلش تأمين لطرق القطارات أو اى إتصال أو إبلاغ بحدوث عطل أو توقف قطار!!!
هو المفروض يكون فى تأمين وحاجات تانيه كتير ده المفروض بردو:bosyht9:

و وزارة الصحة ودورها الفظيع .. المصابين بتنقلهم من العياااااااط لمعهد ناصر و مستشفيات فى القاهرة !!
إزاااااااى !!
حاجه غريبه فعلا ولا نقل ولا صحه ولا تعليم ولا ولا وفى الاخر الشعب هو ال غلطان
و اللى يحصل إن اللى يتحمل مسئولية الحادث هما سواقين القطارين
و أكن اللى حصل لا تابع لوزارة النقل ولا الحكومة هتطلع نفسها غلطانة أبداً
بجد مهزلة مهزلة مهزلة
فعلافيلم بايخ وأتكرر كتير وفى الأخر السائق وعامل الإشارة هما اللى غلطانين ، أما الوزير ووكلاء الوزارة ونواب وكلاء الوزارة والمديرين وجميع السادة المسئولين فى وزارة النقل ماعليهمش حاجة كلهم زى الفل والناس هي اللى غلطانة
حد قالهم يركبو القطر ناس غريبه:bosyht9:


و أخيراً يؤسفنى إنى أقول حكومتنا مش بس فاشلة فى التطور و الإصلاح .. حكومتنا كمان جاااااااهلة بالتطور و الإصلاح
ايوه هى جاهله يعنى اه كتر خيرهم بيطورو وكل حاجه
بس فين الحاجات الاساسيه من تطورهم ده
لا امال الحاجات التافهه يسبوها لمين
مش عارفه مفيش عقل
يعنى طبعا ال بيحصل فى الاعلانات من الشعب الهو احنا ال مش كده اصلا
او قليل قوى ال بيعملو كده زى مافى الاعلانات
ميجيش طبعا مع ال حصل حاجه
لكن هما فاكرو ازى القطارات دى متحصلهش حاجه من الشعب
لكن منهم هما لا طبعا ازى

يلا ربنا يرحم الناس ال ماتو والى لسه ح يموتو
احنا المفروض عندنا يعملو احصائيات لناس ال بتموت من الحوادث
ولا بلاش هما عارفين يعملوا حصائيات فى اى حاجه تانيه علشان يعملو فى دى
يلا ربنا يستر من ال جاى

يبقى انت اكيد اكيد فى مصر
احنا بكل اسف يا مها زى ما فى السعودية دوقتى طبقوا نظام التعليم الامريكى اولا بخوطى انهم قسموا التعليم الى مجموعات كل مجموعة لها امتحان ودا اثبت فشله الذريع
و بعد كدا ختموها بالتطبيق و التلقيد الاعمى للنظام الامريكى فى التعليم وخصوصا التعليم فى المرحلة الثانوية يعنى شوفوا الطلاب حيخدوا على النظام فى اد ايه وخلافه
دول كذالك الحركة حلوة بس التطبيق غبى
لا حول ولا قوة الا بالله
كل واحد بيعمل الى عليه و ما بيصدق يرمى الحجمل على غيره
ولنا الله

لا تعليق

لا اله الا الله

NoOo CoOoMeNt

لا حول ولا قوة الا بالله

الحمد لله الذي عافانا مما ابتلي به غيرنا

فعلا حكومه فاشله

يلا ربنا يرحم الناس ال ماتو والى لسه ح يموتو

هو لسه في ناس عايشة في البلد دي

يبقى انت اكيد ف مصر دي بتفكرني ببتاعة لطيفة
عرف تتكلم بلدي
وتشم الورد البلدي
وتعيش الحلم العصري
يبقى انت أكيد المصري

اهه دي بتفكرني بكلمة ليوسف معاطي
انو زي ما الغنية قالت
تتكلم وتشم وتعيش
يبقى شيء بديهي انت المصري
تتكلم وتشم وتعيش انما تعمل ترابيزة حلوة
لا عيب


سيبك م اللي فوق ده
بس هو انا بقول ف حجات كتير اوي
طالما في نظرية وفي تطبيق
وفي فشل
يبقى اكيد في خلل اما ف النظرية
واما ف تطبيق النظرية
يمكن او اكيد نظرية الحكومة ف التجديد والتطوير كانت صح
لكن كانت ناقصة
ونقص لا يغتفر
مش هانقول غلطة وتتصلح
لا دي ارواح ناس
جم للتطبيق بقى
فتقريبا كده طبقو قبل ما يقيمو النظرية او يقيسوها صح
م الاخر يعني
الخلل ف التطبيق ناتج عن خلل ومصيبة اكبر ف النظرية

فاحنا الخلل عندنا م الاول فاننا ماعندناش ناس بيعرفو يستنتجو نظريات صحيحة
فالبلد ماشاء الله اللهم لاحسد يعني سايحة خالص
ربنا يرحمنا يارب

شكرا اسيل

سلام عليكم
من فضلكم يا شباب .... خلينا على اتفاقنا وبلاش تبقى الحكومة هي الشمعاة بتاعة اخطاءنا
لاشك كلكم سمعتم خبر اقالة وزير النقل: محمد منصور
وانا حابة أأكد انها (إقالة) وليست (استقالة)
ودي نقطة تحسب للحكومة يا جماعة
نركز احنا بقى في دورنا
يعني العامل بتاع التحويلة اللي هو سبب المصيبة دا لو مكنش هو الرقيب الوحيد على نفسه وشغله واذا كان حاطط ربنا في حساباته...........مكنتش حصلت الكارثة
على كل حال ...رحم الله الموتى الابرياء

دلوقتي عشان نكون منصفين يبقى نقول اللي لينا واللي علينا


الحكومة عملت خطوة حلوة جدا ...


القطارات الحديثة دي فعلا خطوة تحسب للحكومة


لكن زي ما مها قالت


مينفعش أجيب طفل عنده 5 سنين وأجيب له كتاب فيزيا


وأقول أنا كده بطوره !!!!!!



القطارات الحديثة دي خطوة كويسة ماشي


لكن كان بديهي جدا وخطوة أساسية إني أعلم السواق إزاي يسوقها


يا فرحتي جبت حاجة حديثة


طب أتعامل معاها إزاي ؟؟؟؟؟؟؟؟؟


تاني نقطة عايزة أتكلم فيها : الطرقات


إحنا لحد دلوقتي الطرق عندنا زي الزفت


مفيش طريق كويس إلا القليل


يا جماعة انا لسة من ساعة كنت فوق كوبري


الكوبري طويل عريض مفيهوش عواميد نور منورة


إزاي ؟؟؟؟؟؟؟


وبعد كده نقول مصر حطمت الرقم القياسي ف حوادث الطرق


طب مانشوف الأسباب


يعني أمهد الطريق وأعلم السواق كيفية التعامل مع التكنولوجيا


معتقدش بعدها هتحصل الكوارث دي




:::::::::::::::


شكرا يا مها ع التوبيك

جهل مركب صدقنى

لا إله إلا الله
أنت فى مصر
فلا تأسف على شىء
لأنه بكل بساطة لا توجد قيمة للمواطن المصرى

كله من الجاموسة
مش عارفة ايه اللى صحاها ف الوقت ده

وانا حابة أأكد انها (إقالة) وليست (استقالة)
من امتى بيهتمو باقالة المخطئ يبقى التوقيت يفرق والحدق يفهم ناموووووووووو

تخيلت نفسى واحدة من ضمن الركاب .. إيه اللى هفكر فيه و إيه اللى ممكن اعمله و .. و .. و ..

انتى لسه هتفكرى يا تنطى يا تتشاهدى .. ال هفكر ال


موضوعى هو مناقشة واسعة جداً حول ما يحدث من الحكومة

ظالمين الحكومه دايما ع فكره
الغلطه لا غلطه سواق ولا وزير دى غلطه البقره ولا الجاموسه اللى بتعدى
واهى اخدت جزاتها عاوزين ايه انتو بس



و وزارة الصحة ودورها الفظيع .. المصابين بتنقلهم من العياااااااط لمعهد ناصر و مستشفيات فى القاهرة !!
إزاااااااى !!

هههههههههه احمدى ربنا انهم مستنوش القطر لما يتصلح عشان يرجعوهم بيه :D


و اللى يحصل إن اللى يتحمل مسئولية الحادث هما سواقين القطارين

الحاج منصور كبسك اهو واستقال

(http://videohat.masrawy.com/view_video.php?viewkey=62e830ec7019dcfe43fd&page=&viewtype=&category=)


و أخيراً يؤسفنى إنى أقول حكومتنا مش بس فاشلة فى التطور و الإصلاح .. حكومتنا كمان جاااااااهلة بالتطور و الإصلاح


وايه الجديد :p
يلا اهو بوشك ده والراجل قدم استقالته
اينعم اكيد مش بمزاجه
بس اهو استقال
بيعجبنى الناس اوى لما يطلعوا يقولوا انها استجابه للاراده الشعبيه
عايشين اوى اراده ايه واستجابه ايه
كانوا استجابوا فى حجات تانيه
بس هى البلد عامه مش بتمشى غير باوامر مباشره من الريس
يلا واهو كمان بيظبط نفسه عشان الانتخبات وكده
اما الموضوع اللى انتى بتتكلمى فيه فشىء بديهى ان يحصل كده
لان احنا بنطبق جزء ونسيب جزء تانى الجزء التانى ده اهماله بيسبب انه يدمر كل حاجه
كان فى كبرى فى القاهره بدأوا يشتغلوا فيه وكان متكلف بس بعد مبدأوا فيه اكتشفوا انه مأثر ع شبكات المحمول فهدموه تانى
العمليه دايما بينقصها التخطيط فطبيعى ان يكون الناتج كده
يلا عامه ربنا يرحم اللى اتكلوا ع الله ويصبر اهلهم
وطبعا ده يشمل الحاجه البقره اللى اتكلت ع الله دى بردو ربنا يسامحها بقى هى السبب فى الدوشه دى
اهى هى دى سبب استقاله الحاج منصور يلا ماعلينا
بس اتطورنا وبقينا بنكتب مواضيع اهو :p

بس عجبني قرار الوزير بتقديم استقالته
ومعفة غلطه

الاخت العزيزة يلا بينا
اتفق معك في الرأي ولكن شماعة الحكومة سهلة وجامدة وتشيل
لدرجة لو واحدة حرقت الارز يبقى الحكومة هي السبب
ولكن عندي سؤال هو ايه معنى الحكومة ؟؟؟؟
هل قصدكم الكام وعشرين وزير؟؟؟
ولا معاهم الوكلاء الاوائل ؟؟؟؟ ولا كل اللي بيشتغلوا في الحكومة واحنا كمدرسين منهم ؟؟؟؟
اكبر مثال يبين لو متابع دخل فصل لاقى ولد مش معاه كتابه نسيه او مطنش او0000
بيدي مدير المدرسة خصم اظن فاهمني
وادعو ان نتذكر جميعا حكام ومحكومين
خلقت وحدك وتموت وحدك ويوم القيامة تسأل وحدك