مشاهدة النسخة كاملة : كلوز كلوز كلوز طب ليه ولا على ايه ؟
المجاهد فى سبيل الله 26-10-2009, 12:00 AM بعد اذن الجميع الموضوع مغلق
نظرا لقلة احترام المتناهية بين الاعضاء وبعضهم البعض
وعدم التركيز على المشكلة الاساسية والتفرغ الى امور ثانوية بعيدة كل البعض عن الموضوع الاصلى
مغلق وبرجاء عدم فتح الموضوع لحين
تعلم معنى كلمة حوار متمدن
السلام عليكم
معلش يا جماعه عايز افهم حاجه
هى كلمة مقفول دى بقت ايه بالظبط
ممكن افهم يا اسلام احنا دوقتى بنتكلم و بنتناقش
ممكن افهم معناه ايه انك تقفل موضوع احنا بنتكلم فيه
لو بتتكلم على المشكلة فا المشكلة انتهت وخلاص
و الردود اتحذفت
تقدر تقولى بناءا على ايه حضرتك قفلت الموضوع بتاع الاخت يميميم
ياريت حد يفهمنى يا جماعه
و اعتقد يا اسلام احنا كلامنا كله مفيد و بنتكلم و بنتناقش بطريقة حضارية
لو سمحت بجد لازم نحط حد لموضوع مغلق دا لو سمحتم مش الموضوع الى بنتناقش فيه بيقفل
احنا مش نخلص من محمود كلوز لامؤخذه يا حودا انت حبيبى
بس اعمل ايه بس
يطلع اسلام
بجد عايز افهم بناءا على ايه اولا الكلمتين الحلوين الى فوق دول و كمان بناءا على ايه قفلت الموضوع الى مستمر المناقشة فيه
وجزاكم الله خيرا
المجاهد فى سبيل الله 26-10-2009, 12:17 AM بركاتك يا اخت يميميم
الانتقال السريع عاد من جديد
الله اكبر ولله الحمد
اشكرك يا استاذ محمود على سرعة التنفيذ
و العمل على مصلحة المنتدى
ymymym 26-10-2009, 09:45 AM بركاتك يا اخت يميميم
الانتقال السريع عاد من جديد
الله اكبر ولله الحمد
اشكرك يا استاذ محمود على سرعة التنفيذ
و العمل على مصلحة المنتدى
متشكره يا استاذ محمود
معلش تعبناك معانا:)
MoHaMeD ELsHeRbEnY 26-10-2009, 09:52 AM بالنسبة للموضوع الاساسى
فأسلام اكيد هيرد وانا تعليقاتى فى الاخر
اما ردك التانى بتاع تنفيذ الانتقال السريع
والله عارف يا احمد يا اخويا
المشكلة والله الاسلوب مش اكتر
الى بيطلب الطلب بأسلوب متحضر
هيلاقى الرد علية بنفس الاسلوب
والى بيطلب الطلب بأسلوب ساخر هيترد علية بأسلوب ساخر
لان محدش احسن من حد فاهمنى يا ريس ؟
والاستاذ محمود اكيد اكتر واحد بيخاف عالسايت
واحنا مش هنطلب حاجة ضد المصلحة
متابع معاكم الموضوع
فى رعاية الله
wafa2y 26-10-2009, 10:49 AM السلام عليكم و رحمة الله و بركاته
أنا بجد والله من زمان و أنا بكره كلمة كلوزد دي
بحس إن هي أكتر من أسلوب القهر
يعني لو الموضوع يتحذف يبقي أحسن
والله الواحد مبيتخنقش من الحذف أكتر من الغلق
أصل لما يبقي الموضوع قدامك
و إنت مش شايف إن في سبب في قفل الموضوع من وجهة نظرك
عايز تدخل تتناقش و تعرف السبب
لكن هيهات هيهات
أما بالنسبة للموضوع
فأنا مشوفتش الموضوع
بس لو كان السبب زي ما إسلام قال
يبقي مش لازم نعمل مشاكل يا أحمد
و خلاص الموضوع معمول عشان غرض معين
و الحمد لله
في الأصل هما كإدارين و كمشرفين
والله مش في إديهم أي حاجة من الدعم
لهاكات
و لا أي حاجة
زي ما إسلام قال محدش يعرف يعمل حاجة
و في قسم المشرفين
برضوا المشرفين بيتناقشو مع الإدارة في الموضوع ده
عشان هما مهما كان أعضاء و زي ما الباقي عايزين الهاكات دي
هما محتاجنهم أكتر
اصل المشكلة علي الكل
ده فيه مميزات للمشرفين متعطله مبيعرفوش يستخدموها
يبقي بجد مش ليه لازمه الموضوع
لأن بجد هما بيعملوا اللي عليهم و أكتر كمان
و مقدمين طلبات كتيير
المهم ميحصلش أي مشاكل في الأخر
أنا كان عندي فترة راحه قلت أدخل أطل
سلام
في امان الله
:):)
M.Sherif 26-10-2009, 12:11 PM رجاء حذف مشاركتي
_GUIDE_ 26-10-2009, 01:09 PM السلام عليكم
معلش يا جماعه عايز افهم حاجه
هى كلمة مقفول دى بقت ايه بالظبط
ممكن افهم يا اسلام احنا دوقتى بنتكلم و بنتناقش
ممكن افهم معناه ايه انك تقفل موضوع احنا بنتكلم فيه
لو بتتكلم على المشكلة فا المشكلة انتهت وخلاص
و الردود اتحذفت
اولا يا احمد مكنش ليه لزمة الموضوع
ثانيا انا قولت مغلق مش كلوزد
لان مكنش فيه حوار اصلا
دى كانت وصلت ردح بين الاعضاء والمشرفين
والتهكم والتريقة وتنبيط بالكلام بينكم وبين بعض
وبعدته عن المشكلة الاساسية
اللى الجميع اجمع انه نسى الموضوع نفسه كان بيتكلم عن ايه
سبنا موضوع الخاصية اللى اتغلت
واتكلمنا فى المنتدى وعن توقيع اسلام اللى كل مصيبة لزم يلاقى اسمه مرتبط بيها
وقعدنا نلسن على بعض بالكلام
المشكلة واتحلت لزمته ايه بقى ندخل فى مواضيع جانبية
احمد انت عارف انى طول عمرى بتكلم فى الحق
وياسمين كان معاها حق انها تستفسر عن الخاصية دى وكلنا كنا مضايقين انها اتشالت
بس لا يكلف الله نفسا الا وسعها
وانا اللى قدرت عليه عملته وبعت للادمن لينك الموضوع وقولتله ادخل رد والخاصية رجعت
لزمته ايه بقى الكلام والخناق اللى مش هيقدم ولا هياخر
شوف بنفسك كمية الردود اللى اتحذفت فى الموضوع
http://www5.0zz0.com/2009/10/26/10/461642439.jpghttp://www5.0zz0.com/2009/10/26/11/464247477.jpg
تحب اسيب الموضوع لغاية ما الناس تخسر بعضها اكتر من كده
احنا هنفضل ليه طول عمرنا نبيع فى بعض مفيش مرة فى حياتنا نشترى بعض
عمتا انا لو كان قرارى غلط فا انا بعتذر عنه
لكن من وجهة نظرى القرار كان سليم فى اغلاق الموضوع
BaNZeR 26-10-2009, 03:00 PM اولا يا احمد مكنش ليه لزمة الموضوع
ثانيا انا قولت مغلق مش كلوزد
لان مكنش فيه حوار اصلا
حلوة ثانياً دي :d
هو فعلاً مكنش في حوار
بس كان في مشكلة وتعليق
واعتقد الردود اللى كانت موجودة تعليقات
ولو مكنش ليها لازمة
بس مش كل موضوع عشان يتساب مفتوح يبقى لازم يكون فيه حوار
دى كانت وصلت ردح بين الاعضاء والمشرفين
والتهكم والتريقة وتنبيط بالكلام بينكم وبين بعض
مع احترامي الكامل لحضرتك
الردح اللى حضرتك بتتكلم عنه
لو بتتكلم على الردود - اللى بتعتبرها - سخرية فده كان تعليق مش ردح
تعليق عالموضوع مش ردح بين الأعضاء
ولو قصدك على الردود اللى تم حذفها
فدي كانت بين صاحب الموضوع ونائب الإدارة
لو اتكلمنا عن غلق الموضوع
فأنا شايف إنك صح ومش صح أوي
لأنه اللى عايز يقول كلمة مبيعرفش يقولها
وفي نفس الوقت بتحلو المشكلة بالاقهار
وحتى لو واحد عنده رأي وكويس مش حيعرف يحطه
يعني مثلاً في موضوع زمان
واحد كان عامل موضوع بيتكلم عن كثرة المواضيع المحذوفة
فواحد قاله اصل الميموري مليان :d
فانا كملت على موضوع الميموري مليان ضمنياً مش واقعياً
وقلت مهو من كتر المواضيع المكررة دي الميموري لازم يتملي
ولازم الاداريين يزهقو
كله رد عليا وقالي ميموري ايه انت صدقت إنه فيه ميموري
وانت مش عارف ايه وكلام من ده :d
عقبال ما رجعت عشان ارد على دي في نفس اليوم كان الموضوع اتقفل
هي مشكلة هايفة اه بس كنت عايز ارد برده :d
ده غير إنه فيه مواضيع حتى صاحبها مبيكنش لسه رد عليها بتتقفل
وتتنقل للمحذوف كمان
MoHaMeD ELsHeRbEnY 26-10-2009, 03:32 PM ولو قصدك على الردود اللى تم حذفها
فدي كانت بين صاحب الموضوع ونائب الإدارة
بص يا بانزر قبل ما تكلم على الردود الى تم حذفها
شوف فيها اية الاول وبعدين تقدر تحكم
عموما نائب ادارة / مدير / مشرف / عضو / ادارى
كلة واحد والمخطأ يتحاسب
وانا قولت انا كل كلمة بقولها مستعد اتحاسب عليها
متجيش انت بقى تقول ردود نائب ادارة وصاحب الموضوع
نائب الادارة وصاحب الموضوع ميختلفوش عن اى شخص فى الموضوع
لو انت شايف انى غلطان او قليت ادبى على حد واجهنى
لكن كلام من تحت لتحت مش هيبقى حلو وانا مش هقبلة
مش عارف يا بانزر
يا اما انا دايما بفهمك غلط
يا اما انت دايما فكرتك بتوصلنى غلط
:)
عموما متابع الموضوع للاخر
فى رعاية الله
_GUIDE_ 26-10-2009, 03:55 PM انا اسف انى بعمل الصح من وجهة نظرى :)
بس لو اللى فى الموضوع ده مناقشة وعرض وجهات نظر
يبقى انا من بكرة همشى ومعايا مطوى علشان اعرف اعبر عن رأى
BaNZeR 26-10-2009, 04:08 PM كلامي واضح يا محمد
وانا مبوصلش كلام من تحت
ممكن اعرف مين كان المقصود بالردح هنا ؟
مفيش حد رد غير كام مشرف وانت والمجاهد وصاحب الموضوع
مين اللى كان بيردح هنا ؟
عشان مبحبش صيغة الجمع
وانا هنا مش بواجهك
انا بواجه صاحب الكلام
MoHaMeD ELsHeRbEnY 26-10-2009, 04:20 PM كلامي واضح يا محمد
لا مش واضح
والا لو واضح زى منا قولت وفسرت كلامك وكنت فعلا تقصدنى
فأنا مسمحلكش بكدة ولا اى حد عموما
عشان مبحبش صيغة الجمع
وانا هنا مش بواجهك
انا بواجه صاحب الكلام
يبقى يا اما تخصص الكل وتقول اسم اسم من الى ردو فى الموضوع
واسلام يرد عليك هوة يقصد مين وطبعا دا مش اجبار على اسلام
يا اما متخصصش الى على مزاجك وتقول اتنين ولا تلاتة فيهم
صح ولا انا غلطان ؟
عموما الخلاصة انا مش هسمح لحد انة يكلم عليا بأى طريقة نكرة
او بأسلوب مش كويس
وانا بتكلم على انى محمد الشربينى مش نائب ادارة
الى شايف انى اخطأت فى اى حاجة يتفضل يقولى
مش لازم موضوع الاخت يميميم اى موضوع تانى حتى
اعتقد كدة انا كلامى مفيش فية حاجة غلط
فى رعاية الله
BaNZeR 26-10-2009, 04:29 PM يبقى يا اما تخصص الكل وتقول اسم اسم من الى ردو فى الموضوع
واسلام يرد عليك هوة يقصد مين وطبعا دا مش اجبار على اسلام
يا اما متخصصش الى على مزاجك وتقول اتنين ولا تلاتة فيهم
صح ولا انا غلطان ؟
طيب حثبتلك إنه كلامي كان واضح
وانا خصصت ومش لازم اقول بالاسم
دلوقتي الردح اللى انا اعرفه بيكون بين طرفين بس
والطرفين اللى اتكلمو واتحذف ردودهم كان انت وصاحب الموضوع
ايه الردح ده انا اللى بسأله لاسلام مش انت اللى تسألهوني
واعتقد مفيش نائب ادارة تاني او صاحب موضوع تاني عشان اخصص اكتر
اللى حطه المشرفين زي ماقلت كان تعليقات عايز تقول عليها ساخرة ماشي
بس معتقدش إنها تقترب من الردح
يبقى ده اللى يوضحه اسلام مش انا
كده انت حتدخلني في متاهات وحنكبر مشكلة عالفاضي
كنت مستني منها رد صغير من اسلام ونحل بيه المشكلة
الموضوع ابسط بكتير من اللى بتعمله
اعتذر لأي جهة اتكلمت عنها باي شكل
بس انا بستفسر من جايد مش بثبت كلام عليكو
اعمل ايه عشان اوصلها اكتر من كده :d
MoHaMeD ELsHeRbEnY 26-10-2009, 04:43 PM بص يا بانزر عشان والله انا تعبان
شوف الجزء دة
لو بتتكلم على الردود - اللى بتعتبرها - سخرية فده كان تعليق مش ردح
تعليق عالموضوع مش ردح بين الأعضاء
ولو قصدك على الردود اللى تم حذفها
فدي كانت بين صاحب الموضوع ونائب الإدارة
انت هنا مش خصصت يا بانزر
انت حددت نقطتين وبتقول لاسلام اختار منهم
والنقطة الاولى انت حللتها انها مش ردح
يبقى انت بتأكد النقطة التانية
اعتقد دى واضحة اوى ؟
لو خصصت يا بانزر هتحدد الحوار بالكامل
هل الردح بين المجاهد وانا ؟
ولا المجاهد ويميميم ؟
ولا الادمن والاستاذ شريف ؟
ولا الادمن والمجاهد ؟
ولا ولا ولا
ع فكرة انا كنت بحب الحقوق :)
عموما انا مش بتكلم عليك انا بتكلم بصفة عامة
الى شايف انى مخطأ فى حرف بينى وبين الاخت يميميم يواجهنى
لكن اى كلام تانى مش هقبلة
دا الى انا اقصدة ياباشا
فى رعاية الله
BaNZeR 26-10-2009, 05:02 PM انت حددت نقطتين وبتقول لاسلام اختار منهم
والنقطة الاولى انت حللتها انها مش ردح
يبقى انت بتأكد النقطة التانية
اعتقد دى واضحة اوى ؟
***************
الى شايف انى مخطأ فى حرف بينى وبين الاخت يميميم يواجهنى
لكن اى كلام تانى مش هقبلة
بالظبط
وزي ما انت بتسفسر انا بستفسر
واللى قال كلمة ردح هو اللى عليه التوضيح مش الى كان بيستفسر
الجويرية 26-10-2009, 05:09 PM ياربناااااااااا
ادارة الهنا والسعد
ومغلــــــق (مؤقت ) على فكرة
علشان بس الامور تهدى مش اكتر
وبعدين هايتفتح عادى
وجزاكم الله خيرا
المجاهد فى سبيل الله 26-10-2009, 09:41 PM لان مكنش فيه حوار اصلا
دى كانت وصلت ردح بين الاعضاء والمشرفين
والتهكم والتريقة وتنبيط بالكلام بينكم وبين بعض
وبعدته عن المشكلة الاساسية
السلام عليكم
اسلام اولا احنا ولاد بلد كلنا و فاهمين يعنى ايه ردح و الردح دا بيكون بين مين و مين ومكانه فين
اسف انا مش قابل اللفظ دا و اللفظ دا مش يتقال ليا
تانى نقطة اعتقد يا اسلام انك مشفتش الموضوع ولا انت شفت المحذوف ولا ايه مش عارف
لو حضرتك شوفت الموضوع حتلاقينى انا بتناقش مع الاستاذ محمود سرحان
حول الهاكات الى فى المنتدى سواء الموجوده او الى المفروض انها تكون موجوده ومنهم الى بصدده الموضوع بتاع الاخت يميميم
يعنى احنا مطلعناش بره الموضوع
و الردود الى طلعت بره الموضوع اتحذفت
ودا كله حصل قبل ما حضرتك تكون موجود اصلا
لو بتتكلم على التريقة الى انا قولتها فى اول رد ليا فا اسف حضرتك دخلت بعديها و انتهجت نفس النهج بكلمت انا مكسفلكم بصراحة
انما غير كدا اسف معتقدش ان كان فى تريقة تانية من اول ما دخل المسئول عن الدعم الفنى الاستاذ محمود سرحان و بدئنا نتناقش بجديه
توقيع اسلام اللى كل مصيبة لزم يلاقى اسمه مرتبط بيها
وقعدنا نلسن على بعض بالكلام
على فكرة انا ممكن اقولك انى فعلا اسف انى ذكرت التوقيع بتاعك
و فعلا بقولهالك انى فعلا اسف انى دخلت توقيعك فى الكلام معاك حق فى دى
انا غلط لما قولت كدا
تحب اسيب الموضوع لغاية ما الناس تخسر بعضها اكتر من كده
احنا هنفضل ليه طول عمرنا نبيع فى بعض مفيش مرة فى حياتنا نشترى بعض
عمتا انا لو كان قرارى غلط فا انا بعتذر عنه
لكن من وجهة نظرى القرار كان سليم فى اغلاق الموضوع
يا اسلام انت جيت متاخر
و كان الموضوع اصلا انتهى
يعنى مكناش بنخسر بعض ولا حاجه
ودا كان خلاف بين الاخت يميم و محمد
و خلاص خلصت المشكلة و رجع تانى المناقشة دايرة بين الاداريين و بينى فى الهاكات
يبقى فين الموضوع الى فيه مشاكل
هو انت قفلت الموضوع بعد ما المشكلة خلصت ومعدش لها اساس
يا اسلام عارف انك بتتكلم على حق
بس هو فين الحق دا
و كمان انت جايب صورة انت كا ادارى ميصحش انك تعرضها للاعضاء
لان الردود دى خلصت خلاص و اتحذفت
يبقى ليه يتقفل
المجاهد فى سبيل الله 26-10-2009, 09:44 PM نسيت اقولك
انت عارف امته كان الموضوع دا يتقفل
زى الاخت اية من الله ما عملت كدا كان المناقشه شاده بين محمد و محمد فا اضطرت تقفله للتهدئه
انت لو كنت عملت كدا لما الخلاف كان قائم بين الاخت يميميم و محمد مكنش حد اتكلم
انما تقفله بعد ما خلصت و احنا مستنين الرد من الاستاذ سرحان
يبقى كدا اسف ملكش حق انك تقفله
MoHaMeD ELsHeRbEnY 26-10-2009, 09:51 PM زى الاخت اية من الله ما عملت كدا كان المناقشه شاده بين محمد و محمد فا اضطرت تقفله للتهدئه
انت لو كنت عملت كدا لما الخلاف كان قائم بين الاخت يميميم و محمد مكنش حد اتكلم
اية يا جدعان هوة محمد دا بقى مسجل خطر ولا اية :d
_GUIDE_ 27-10-2009, 09:18 AM طيب انا هقول نقطة وحده
وبعد كده اللى عايزين تعمله اعملوه
لو الكلام اللى كان فى الموضوع ده مناقشة وحوار وجدل
اقدر اعرف ليه اتحذف
من امتا كانت المناقشات
بتتحذف ؟
شكرا
MoHaMeD ELsHeRbEnY 27-10-2009, 02:59 PM سولم دى كانت مناقشة خارج الحوار
واتحلت من قبل ما انت تدخل ياريس
يعنى دى ملهاش اى علاقة بالموضوع الى انت قفلتة
لانها كانت محذوفة طبيعى
عموما اقول رأى والسلام
انا مع اسلام فى قفل الموضوع لسبب واحد
وهوة اننا بعد كدة نلتزم بهدف الموضوع
ولو شايفين ان فية مشكلة معينة سواء فنية او غيرة
ممكن نعمل موضوع جديد ونطلب من الادمن المشاركة فية
اما مينفعش يكون موضوع بيكلم عن مشكلة معينة وانا احورها لكل المشاكل الموجودة
وبناء ع كدة انا وافقت ان ردودى تتحذف لان ملهاش علاقة بهدف الموضوع
ولو انا عاوز اتكلم اقدر اعمل موضوع جديد واكلم
ياريت يكون حد فاهم قصدى
عموما حصل خير يا جماعة
فى رعاية الله
المجاهد فى سبيل الله 27-10-2009, 05:42 PM طيب انا هقول نقطة وحده
وبعد كده اللى عايزين تعمله اعملوه
لو الكلام اللى كان فى الموضوع ده مناقشة وحوار وجدل
اقدر اعرف ليه اتحذف
من امتا كانت المناقشات
بتتحذف ؟
شكرا
سولم دى كانت مناقشة خارج الحوار
واتحلت من قبل ما انت تدخل ياريس
يعنى دى ملهاش اى علاقة بالموضوع الى انت قفلتة
لانها كانت محذوفة طبيعى
اعتقد محمد رد عليك فى الكلام الى حضرتك قولته دا
و على فكرة يا اسلام احنا مش معلقين المشنقه
بس مش بحب ان الى غلطان مش يقول انه غلطان و مستمر معاك بناءا على النقطة دى
مفيش حاجه اسمها الى عايزين نعمله نعمله
دا خلاف و خلص
بين نائب الادارة و عضو و كان خارج الموضوع
و اتحذفت الردود و خلاص و موضوع المشكلة انتهى
و بدئنا بقى فى المشاكل التانية
و على فكرة يا محمد المشاكل التانية مش محتاجه موضوع جديد مش كترة مواضيع فى القسم يعنى
و احنا كنا مندمجين لحد ما حضرتك دخلتلنا بزعبيبك زى امشير كدا :d
و لقينا الموضوع قلب
و كملنا طبيعى كدا
ليه بقى يتقفل؟؟؟؟؟؟؟؟؟؟؟
و اسلام يجى يصلح بوزها اكتر
يقولى ردح
على فكرة انا مش حقولك عايز منك اعتذار على الكلمة دى لان اكيد مفيش بنا اعتذار يا سلوم
بس بقول بجد
ان مش مهم اننا نقفل الموضوع او نفتحه المهم ان يكون اسلوبنا كويس واحنا بنقفله
لان انت يا اسلام قولت كام كلمة ورا بعضهم كدا مكنش لهم لزمة بجد
على كل حال حصل خير حصل خير
اقفل الموضوع دا تانى يابنى
BaNZeR 27-10-2009, 07:06 PM هو الموضوع ده كان بيتكلم عن ايه :d
واسلام بيحط الرد ويجري ليه :d
عامة انا مش حطلب منك تفسر حاجة من اللى فات
بس عايز افهم الجملة دي
انا اسف انى بعمل الصح من وجهة نظرى :)
بس لو اللى فى الموضوع ده مناقشة وعرض وجهات نظر
يبقى انا من بكرة همشى ومعايا مطوى علشان اعرف اعبر عن رأى
اولا انت قصدك عالموضوع ده ولا الموضوع اللى اتعمل عشانه الخناقة ؟
وثانياً
قصدك إنه وجهات النظر مش حتنفع غير بالخناق والقوة ولا انا فاهم بالمقلوب ؟
المجاهد فى سبيل الله 27-10-2009, 07:15 PM حصل خير يا شباب
و ياريت بجد نبقى ناخد بالنا بعد كدا اننا فعلا مينفعش نقفل موضوع من غير اسباب
سواء ادارى او مشرف او نائب اداره الغلبان بتعنا
او الادمن
الا باسبااااااااااااااااااااااااااااااااااااب
اسباب حقيقية
وجزاكم الله خيرا
لو الادارين عايزين يقفلوا الموضوع يتفضلوا مفيش مانع
|