ياريت بقا كلنا لو نقدر نكمل مقاطعة الفيس بوك لمدة يومين

مش من الساعه 12 مساء الي تاني يوم 12 بالدقيقة كله فتح الفيس بوك

هل للدرجه ديه مش قادرين نستغنا عن الفيس بوك

لا احنا نقدر ونقدر اكتر من كده كمان

http://www.facebook.com/l.php?u=http%3A%2F%2Fwww.facebook.com%2Fpages%2F-%2F166841654512%3Fv%3Dapp_2392950137%23%2Fvideo%2F video.php%3Fv%3D204128665080&h=3c987b59041c7655e68 42dbb427fd605 (http://www.facebook.com/l.php?u=http%3A%2F%2Fwww.facebook.com%2Fpages%2F-%2F166841654512%3Fv%3Dapp_2392950137%23%2Fvideo%2F video.php%3Fv%3D204128665080&h=3c987b59041c7655e6842dbb427fd605)

أنا فاكر حتقولي خسارة مليون دولار ولا حاجة
طلع في الآخر الناس دخلت تاني ومتقفلش غير جروب واحد من ده كله :lol:

وبعدين دنتو حتى الموضوع ده عاملينه جروب عالفيس بووك
يعني اللى عايز يحتفل بالانتصار حيتحفل عالفيس بووك
وبيقولو كملو المقاطعة تلات تيام

ايه الدماغ دي :d

ع فكرة هما اكيد اكيد خسوا لو مليون واحد بس مدخلوش "وانا كنت منهم الحمد لله" ولحد ناو مدخلتش عادي يعني عايش من غيرة اهو
لكن بصراحة احنا شعب او بلاش شعب دي المسلمين كلهم ميستحقوش حاجة زي النت دا
يعني كنت بكلم واحد في الكلية يوم 24 دا
بقولة انتا داخل بردك النهاردة
قالي اه طبعا مقدرش مدخلشي ع الفيس بوك دا
قولتله يا اخي دا يوم موش قادر تستحمل يعني
قالي مهو موش انا اللي هخسر الفيس بوك
خلي الناس التانية اللي متدخلشي
معني الكلام دا
ان كل واحد من العالم اللي موش بتفهم دي"سوري ع الكلام بس بجد دا الواقع"
هيقول كدا وموش هنلاقي غير الف واحد ولا حاجة الي قاطعوا
ع اساس ان الباقين مولودين ع جوجل يا خي
وراضعين بسرعة واحد ميجا
والله حاجة تنرفز بجد
لما يبقي حاجة في ايدينا نوقفها بسهولة جدا
ونخسر شركة كبيرة زي دي ملاين
وموش راضين نعمل كدا
يبقي موش حرام فينا اللي بيحصل في القدس ولا اللي بيحصل في مصر حتي
كفايا كدا انا بجد محروق دمي من الحكاية دي
لانها سهله جدا جدا جدا
واحنا للاسف شعوب متخلفة جدا جدا جدا
ربنا يهدينا يا رب
وزي ما قال banzer
يعني المفروض نقاطع الفيس بوك باننا مندخلش
موش نعمل جروب عليه ونقاطعه
تيجي ازي دي
؟؟؟

انا بقول ياريت الكل يقطع الفيس بوك على طول ده علشان خاطر رسولك مش قادر دا اليهود لما حبو يدمرو الاسلام دمروه بالفيديو كليبات واشياء هابطه كتير طيب انا عاوزه اسال سؤال لو قالو الفيس بوك ده عليه فيروس لو فتحته هيدمر جهازك للابد هتفتحه ولا لاء

انا بقول ياريت الكل يقطع الفيس بوك على طول ده علشان خاطر رسولك مش قادر دا اليهود لما حبو يدمرو الاسلام دمروه بالفيديو كليبات واشياء هابطه كتير طيب انا عاوزه اسال سؤال لو قالو الفيس بوك ده عليه فيروس لو فتحته هيدمر جهازك للابد هتفتحه ولا لاء
والله عندك حق
لو في فايروس عليه
ولا حد هيقدر يفتحة
لكن عشان عليه جروبات بتشتم الرسول و السلام والقران
لية لأ ادخل واية اللي هخسرة لما اكسب الفيس بوك كام مليون دولار كل يوم
حسبي الله ونعم الوكيل في كل من في ايدية حاجة يقدر يخدم بيها الاسلام وميعملهاش
طب انا هقولكوا ع حاجة
صحيح ملهاش دخل في موضوعنا بس يمكن تقدروا
انا عندي منتدي
وكنت حاطت عليه منتديات لاغاني وكليبات وافلام وعربي واجنبي اي حاجة
لكن واحد ربنا يكرمه قالي كدا حرام ومينفعشي تنشر حاجات زي دي عندك
وانتا هتتحاسب علي دا وكل اللي هيحمل من عندك هتتحاسب عليه والكلام دا
والحمد لله حذفت الاقسام دي وعايش بدونها عادي جدا
صحيح انا لسة بسمع اغاني "عمرو" بس انا المسؤل عن نفسي
ومن ترك شئ لله ابدله الله خير منه
يعني اقصد من القصة دي كلها
ان اللي في ايدة حاجة يقدر يفيد بيها ميبخلشي بيها
موش يقول وانا مالي غيري هيعمل
هو انا اللي هصلح الكون
لكن غير كدا بقي في حاجات تدمر المواقع دي
بس للاسف موقع زي الفيس بوك واخد دعم من ميكروسوفت نفسها
وموجود في كل منتدي عربي "في مواقع النشر المفضلة" للي مفعلين الحكاية دي"
وقصة تدميرة بالطرق المعروفة صعبه جدا تكاد تكون مستحيلة
يلا ان شاء الله ربنا هيكرمنا ان شاء الله

قبل ماأقول رأيى فى الموضوع
هوضح بس أنى كنت أحد اللى قاطعوا الفيس بوك فى اليوم ده بالرغم من عدم اقتناعى بس لأن دى الوسيلة اللى كانت متاحة عشان أقدر أعبر بيها عن رفضى للى بيحصل فى الجروبات دى
ممكن أسأل سؤال
هو مقاطعتنا للفيس بوك هى الحل؟
طيب ممكن أسأل سؤال تانى
هى مقاطعتنا دى مش تعتبر هروب؟
من وجهة نظرى المتواضعة أنها تعتبر هروب
والهروب صفة الانسان الضعيف اللى مش لديه الحجج والبراهين والأدلة اللى تدعم موقفه وتثبت وجهة نظره وأحقيته فى الدفاع عن أفكاره وعقيدته
أعتقد أننا لدينا الحجج والبراهين اللى تؤدى موقفنا قدام الناس دى
يبقى ليه نهرب؟
طيب ليه مش نواجههم بحججنا وبراهينا
ليه الهروب؟
مش قادرين ندافع عن رسولنا قدامهم
مش قادرين الا أننا نهرب ونقول ده الحل
طيب حتى لما الجروبات دى تتقفل هيبقى كده خلاص
بالعكس لما جروب واحد يتقفل هتلاقى تانى يوم مليون جروب غيره وبصورة أكثر وحشية فى الهجوم
لأنهم شافو ضعفنا وأننا مش قادرين نرد عليهم
وشافوا سلبيتنا وأننا مش بنملك غير الهروب الهروب وبس
بسم الله الرحمن الرحيم
ّ وجادلهم بالتى هى أحسن ّ صدق الله العظيم
لما الجروبات دى تتقفل هل كده احنا نبقى غيرنا صورتهم عن الاسلام والمسلمين
بالعكس ده احنا لوثنا الصورة أكثر لأنهم شافوا عدم قدرتنا على الرد بالأدلة يبقى احنا لانملك أدلة
يبقى هما الصح واحنا غلط
هما هيفكروا كده
دى مجرد وجهة نظر تحتمل الصواب والخطأ
فائق تقديرى واحترامى...

هى مقاطعتنا دى مش تعتبر هروب؟
من وجهة نظرى المتواضعة أنها تعتبر هروب
والهروب صفة الانسان الضعيف اللى مش لديه الحجج والبراهين والأدلة اللى تدعم موقفه وتثبت وجهة نظره وأحقيته فى الدفاع عن أفكاره وعقيدته
أعتقد أننا لدينا الحجج والبراهين اللى تؤدى موقفنا قدام الناس دى
يبقى ليه نهرب؟
طيب ليه مش نواجههم بحججنا وبراهينا

عن نفسي
شايف إنها الطريقة الوحيدة للمواجهة
في عندك حلول تانية بايدينا بصفتنا غير مسؤولين او مشرفين عالموقع ؟

عن نفسي
شايف إنها الطريقة الوحيدة للمواجهة
في عندك حلول تانية بايدينا بصفتنا غير مسؤولين او مشرفين عالموقع ؟

شايف إنها الطريقة الوحيدة للمواجهة
وهى فين المواجهة ده اسمه هروب مش مواجهة
طيب أنا هتجرأ وهعرض وهجة نظرى بس يارب محدش يفهم كلامى غلط
سؤال بسيط
هو احنا بموقفنا ده دافعنا عن رسولنا؟
بيتهيألى الاجابة هتكون ب لا والأسباب زى ما وضحتها قبل كده وده من وجهة نظرى
ليه مندخلش الجروبات دى ونشوف بيقول ايه ونحاول نرد عليهم بأدلتنا وبراهينا المنطقية
ونجادلهم بالحسنى ونثبت لهم أخطائهم
بس اللى يعمل كده هما اللى يقدروا يردوا عليهم بجد
يعنى مش هنجيب واحد ميعرفش حاجة عن دينه ونقوله رد
لا ده الرد يكون من الأكثر علما
أنا لما أرد من عليهم فى المكان اللى بيهجمونى منه يبقى كده أنا واجهتهم ويبقى كده أنا لديا حق
وبعد كده لو مش لقينا استجابة نبقى نقاطع ونعمل اللى عايزينه بس مش قبل ماندافع عن رسولنا ودينا
يارب كلامى يتفهم زى ماأنا عايز أوصله

لا حول ولا قوة الا بالله
موش عارف احنا اية سبب اننا موش فاهمين الجملة دي
هيا دي موش عربي ولا انا موش واخد بالي

.......(((((التوضيح)))))......

الناس اللى دارسة سوفت وير هتفهم كلامى كويس
ان كل ضغطة من الموس فى موقع فاس بوك وكل صفحة بنقلبها دى فلوس داخلة للموقع

كل زيارة انت بتعملها للموقع دى فلوس داخلة للموقع

لان لازم الفيس بوك يزود عدد الزيارات اليومية اللى بتسجلها شركة ميكروسوفت ومن خلالها بيبقى زوار الموقع كتير وبالتالى يطلب اكتر واكتر فى ثمن الاعلانات

وده غير عقد المساحة اللى بتمنحهالو شركة ميكروسوفت زيادة مع كل زائر جديد

يعنى لو اليوم ده قاطع الموقع مليون واحد من الناس اللى بتدخل كل يوم + الناس اللى من الوارد ان فى اى يوم ميدخلوش لاى ظروف

الموقع هيخسر نسبة كبيرة
وبالتالى هيبقى اليوم ده خسارة بالنسبالو

هيبحثو عن الاسباب
هيعرفو اننا بنطالب مسح الجروبات اللى بتسب المسلمين


يا اخوانا المقاطعه دي موش هروب
وبعدين انتا هدافع تقول اية لمين
دا واحد كاتب القران علي ورق تواليت
تقولة اية دا
اذا كان هو اصلا محتقرة بالشكل دا
م الاخر كدا اللي عايز يقاطع للابد يقاطع
اللي محسسني بقي انه مولود علي جوجل
يتفضل يشبع بالفيس بوك

أنا مش عارفة الفكرة قايمة على ايه؟
طيب ايه الجروبس اللي محطوطة في البداية دي؟ لما في مقاطعة كمان 3 ايام؟
وغير كل ده.......
انا عضوة في حملة للتعريف بالاسلام على الفيس بوك
اسلم في الحملة دي الى الان رقم ممتاز
ازاي اقاطعه وانا ماسكه شئون الدعاية؟

هو انا مش عارفة ليه بتفكروا بسلبية؟
طيب ما الكام واحد اللي قاطعوا دول لو كانوا عملوا حملة زي بتاعتنا دي.....كان افضل....ز

والله دا رايي

وهى فين المواجهة ده اسمه هروب مش مواجهة
طيب أنا هتجرأ وهعرض وهجة نظرى بس يارب محدش يفهم كلامى غلط
سؤال بسيط
هو احنا بموقفنا ده دافعنا عن رسولنا؟
بيتهيألى الاجابة هتكون ب لا والأسباب زى ما وضحتها قبل كده وده من وجهة نظرى
ليه مندخلش الجروبات دى ونشوف بيقول ايه ونحاول نرد عليهم بأدلتنا وبراهينا المنطقية
ونجادلهم بالحسنى ونثبت لهم أخطائهم
بس اللى يعمل كده هما اللى يقدروا يردوا عليهم بجد
يعنى مش هنجيب واحد ميعرفش حاجة عن دينه ونقوله رد
لا ده الرد يكون من الأكثر علما
أنا لما أرد من عليهم فى المكان اللى بيهجمونى منه يبقى كده أنا واجهتهم ويبقى كده أنا لديا حق
وبعد كده لو مش لقينا استجابة نبقى نقاطع ونعمل اللى عايزينه بس مش قبل ماندافع عن رسولنا ودينا
يارب كلامى يتفهم زى ماأنا عايز أوصله

اساساً حوار المقاطعة ده كان حوار فاكس
ومحدش عمل حاجة
واللى عاملين المقاطعة الاساسيين عاملين جروب بالانتصار باللى اتعمل
معرفش ايه اللى اتعمل بس اهو كلام عشان ميضيعوش اللى عملوه في الهوا


وبعدين انت عايز تحارب مين وفين

انت لو عايز تقنع واحد بدينك لازم تقابله لوحده
مينفعش انت تدخل وحدك وسط مليون واحد وعايز تقنعهم كلهم
كل ما واحد فيهم يميل للفكرة يطلع واحد تاني برأي غبي
تضطر تقنعه ام التالت يرجعك للنقطة الاولى


وبعدين دول وصلو لمرحلة القمة في المعاداة للاسلام
يعني انك تخشلهم امر صعب يقترب من المستحيل


لكن مفيش مانع تعملها في جروبات تانية ابسط شوية وفيها ناس عندها قابلية للاقناع
أنا مش عارفة الفكرة قايمة على ايه؟
طيب ايه الجروبس اللي محطوطة في البداية دي؟ لما في مقاطعة كمان 3 ايام؟
وغير كل ده.......
انا عضوة في حملة للتعريف بالاسلام على الفيس بوك
اسلم في الحملة دي الى الان رقم ممتاز
ازاي اقاطعه وانا ماسكه شئون الدعاية؟

هو انا مش عارفة ليه بتفكروا بسلبية؟
طيب ما الكام واحد اللي قاطعوا دول لو كانوا عملوا حملة زي بتاعتنا دي.....كان افضل....ز

والله دا رايي

في الحالة بتاعتك انتي دورك ايجابي هناك والمقاطعة ساعتها حيبقى دور سلبي

في ناس تانية ملهاش هم غير اللعب زيي :d والشات والجروبات الفاضية ويفضلو يضيعو وقتهم عليه

يبقى الموقع بيتفيد منهم وهما مش بيستفيدو منه بحاجة
دون اللى لو قاطعو يبقى احسن

ومع ذلك محدش فيهم قاطع

وكله ماشي بمبدأ
مش انا اللى حأثر في العدد

هو فيه حاجة مُهمة ياجماعة
الكلام لذيذ جداً وجميل جداً ومفيش أسهل منه
زيه زي دروس الأورج بالظبط
يعني إني أطلع واقول طيب ليه منجبش ناس بتفهم ونفهمهم إن ده غلط ونقنعهم بالحُجة والدليل
كان أولي عليهم ياخدوا خطوه إيجابيه في الطريق ده ويتفقوا مع حد بدل ما لسه هنتناقش يكون الجروب لم ناس أكتر واتهانا أكتر
فزي ما قال بانزر عملية صعبة لإن اللي بيدور علي الحقيقة دلوقتي يتعدوا علي صوابع الإيد الواحدة
واللي بيدور علي الحقيقة ( بس ) هو اللي يقدر يقتنع بصحة الكلام او خطأه في حالة ظهور الحُجة الدامغة
أما الكافر بالشئ او المُلحد عن الشئ / الحق
فهيبقي مُصر علي رأيه بشكل عنيف ميخليش فيه تأثير للحُجة او البُرهان الدامغ
لذلك فمش عيب إني استخدم نوع تاني من الحروب
يعني .. لو الناس دول فعلاً بيعملوا حاجة مؤمنين بيها مش هيقفلوها مهما حصل حتي لو خسروا كل حياتهم
لكن الأمر مرتبط بالرأسمالية وفكك من حاجة اسمها دين
الدين ده اشتغالة بالنسبالهم وبالنسبه للغالبية العُظمي في العالم اليهودي
مفيش تصديق إن فيه حاجة اسمها دين اصلاً
كل الحكاية في رأيهم
إن واحد جه في الأول لم الناس حواليه
وواحد جه بعديه عدل عليه شوية
والتالت جه بعديه ولم اللي في الاتنين وحط شوية حاجات
دي وجهه نظرهم
إنما المال هو الحقيقة التي لا تقبل الشك أو الجدال
هتجيبلي خساره علي مالي يبقي إنت كدا بتقرب من إلهي بالشر
فأنا كنت من ضمن الناس اللي مدخلتش التلت أيام
مش في ايدي اقعد اكلم واحد أصلاً فاضي يشتم في دين
ده قسماً بالله العظيم فاضي ولو عنده شغلانه نافعه ماكان شتم
وانا مالي وانا ضمنت الجنة واخدت صك المغفرة خلاص عشان ابداً احاسب الناس او اشتمهم
فأنا عن نفسي بحب أوفر طاقة دماغي في حاجة أهم او بشكل تاني ( تسببلي لذة عقلية او روحية )
----------------------
نقطة تانيه
الناس المُشتركين بـ التعريف بالإسلام ومسئولة الدعايا ربنا يجازيكم خير طبعاً بس أكيد من التلت أيام هما اللي هيأثروا او حتي لو هيأثروا فكان أولي من دوركم كحمله كبيرة ومؤثرة تقوم بشئ يعادي الموضوع ده هيا مش مؤسسة هتتعمل وعايزة تصريحات ده جروب هيتعمل وبنفس الناس اللي شغالة في التعريف هتشتغل علي الرد في الموضوع ده واهو كله ثواب
المُقاطعه سلاح الضُعفاء لو عند حد من حضراتكم أدني شك إننا أقوياء يطلع يحلملي ويقولي حلمه الجميل اللذيذ
يعني مفيهاش أدني مُشكلة إن الفيس بوك كله يتساب ( تلت أيام ) ونكتفي بالدعايا والشغل اللي اتعمل وجاب عدد مُمتاااز ماشاء الله في العالم والجروب يمشي نفسه تلت أربع ايام لوحده مش أزمة ومش محتاجه لتبرير
------------------
نقطة تالته
غباء المُسلمين هو السبب في إنشاء جروب يدعو لـ " كتابة القرآن علي ورق التويلت "
لإن أحد الممحوقين الله لا يهديه ويجازيه ويفضل يلف حوالين نفسه بكلمتين ممكن يكون اتعلمهم غلط في الأزهر او فهمهم غلط
خرج علينا بهجصه وهو بيرد علي سؤال واحد من المُسلمين " هل يجوز الإستجناء بورق الإنجيل والتوراه ؟ "
طلع علينا المفتي الجميل اللذيذ ابو العُريف يقوله " إن الانجيل الحقيقي والتوراة الحقيقيين لا يجوز الإستنجاء بهم اما إن عُلِمَ تحريفهم وخلوهم من اي اسم مُعظم فيجوز إهانته "
حسبي الله ونعم الوكيل في السائل والمُجيب
يكفي إني أرد علي السائل اللي شكله مش فاضي لغير إنه يعمل حمام واقوله ربنا يرحمك مما ابتلاك ابعد عن أي نص ديني وخلاص إتقاءاً للشبهات سواء مُحرف او مش مُحرف
ودخلت وكتبت الكلام ده في الجروب المُسئ للإسلام ومع ذلك محدش مُستعد يفهم وبياخدوا الراجل ده ( المُفتي بيه ) كرمز للإسلام .. وكان اللي حصل إني اتطردت من الجروب وقاطعت الفيس بوك فين بقي المُشكلة ؟
:)
يلا ربنا يرحمنا من المُسلمين دول
ويهدينا

هو فيه حاجة مُهمة ياجماعة

الكلام لذيذ جداً وجميل جداً ومفيش أسهل منه
زيه زي دروس الأورج بالظبط
يعني إني أطلع واقول طيب ليه منجبش ناس بتفهم ونفهمهم إن ده غلط ونقنعهم بالحُجة والدليل
كان أولي عليهم ياخدوا خطوه إيجابيه في الطريق ده ويتفقوا مع حد بدل ما لسه هنتناقش يكون الجروب لم ناس أكتر واتهانا أكتر
فزي ما قال بانزر عملية صعبة لإن اللي بيدور علي الحقيقة دلوقتي يتعدوا علي صوابع الإيد الواحدة
واللي بيدور علي الحقيقة ( بس ) هو اللي يقدر يقتنع بصحة الكلام او خطأه في حالة ظهور الحُجة الدامغة
أما الكافر بالشئ او المُلحد عن الشئ / الحق
فهيبقي مُصر علي رأيه بشكل عنيف ميخليش فيه تأثير للحُجة او البُرهان الدامغ
لذلك فمش عيب إني استخدم نوع تاني من الحروب
يعني .. لو الناس دول فعلاً بيعملوا حاجة مؤمنين بيها مش هيقفلوها مهما حصل حتي لو خسروا كل حياتهم
لكن الأمر مرتبط بالرأسمالية وفكك من حاجة اسمها دين
الدين ده اشتغالة بالنسبالهم وبالنسبه للغالبية العُظمي في العالم اليهودي
مفيش تصديق إن فيه حاجة اسمها دين اصلاً
كل الحكاية في رأيهم
إن واحد جه في الأول لم الناس حواليه
وواحد جه بعديه عدل عليه شوية
والتالت جه بعديه ولم اللي في الاتنين وحط شوية حاجات
دي وجهه نظرهم
إنما المال هو الحقيقة التي لا تقبل الشك أو الجدال
هتجيبلي خساره علي مالي يبقي إنت كدا بتقرب من إلهي بالشر
فأنا كنت من ضمن الناس اللي مدخلتش التلت أيام
مش في ايدي اقعد اكلم واحد أصلاً فاضي يشتم في دين
ده قسماً بالله العظيم فاضي ولو عنده شغلانه نافعه ماكان شتم
وانا مالي وانا ضمنت الجنة واخدت صك المغفرة خلاص عشان ابداً احاسب الناس او اشتمهم
فأنا عن نفسي بحب أوفر طاقة دماغي في حاجة أهم او بشكل تاني ( تسببلي لذة عقلية او روحية )
----------------------
نقطة تانيه
الناس المُشتركين بـ التعريف بالإسلام ومسئولة الدعايا ربنا يجازيكم خير طبعاً بس أكيد من التلت أيام هما اللي هيأثروا او حتي لو هيأثروا فكان أولي من دوركم كحمله كبيرة ومؤثرة تقوم بشئ يعادي الموضوع ده هيا مش مؤسسة هتتعمل وعايزة تصريحات ده جروب هيتعمل وبنفس الناس اللي شغالة في التعريف هتشتغل علي الرد في الموضوع ده واهو كله ثواب
المُقاطعه سلاح الضُعفاء لو عند حد من حضراتكم أدني شك إننا أقوياء يطلع يحلملي ويقولي حلمه الجميل اللذيذ
يعني مفيهاش أدني مُشكلة إن الفيس بوك كله يتساب ( تلت أيام ) ونكتفي بالدعايا والشغل اللي اتعمل وجاب عدد مُمتاااز ماشاء الله في العالم والجروب يمشي نفسه تلت أربع ايام لوحده مش أزمة ومش محتاجه لتبرير
------------------
نقطة تالته
غباء المُسلمين هو السبب في إنشاء جروب يدعو لـ " كتابة القرآن علي ورق التويلت "
لإن أحد الممحوقين الله لا يهديه ويجازيه ويفضل يلف حوالين نفسه بكلمتين ممكن يكون اتعلمهم غلط في الأزهر او فهمهم غلط
خرج علينا بهجصه وهو بيرد علي سؤال واحد من المُسلمين " هل يجوز الإستجناء بورق الإنجيل والتوراه ؟ "
طلع علينا المفتي الجميل اللذيذ ابو العُريف يقوله " إن الانجيل الحقيقي والتوراة الحقيقيين لا يجوز الإستنجاء بهم اما إن عُلِمَ تحريفهم وخلوهم من اي اسم مُعظم فيجوز إهانته "
حسبي الله ونعم الوكيل في السائل والمُجيب
يكفي إني أرد علي السائل اللي شكله مش فاضي لغير إنه يعمل حمام واقوله ربنا يرحمك مما ابتلاك ابعد عن أي نص ديني وخلاص إتقاءاً للشبهات سواء مُحرف او مش مُحرف
ودخلت وكتبت الكلام ده في الجروب المُسئ للإسلام ومع ذلك محدش مُستعد يفهم وبياخدوا الراجل ده ( المُفتي بيه ) كرمز للإسلام .. وكان اللي حصل إني اتطردت من الجروب وقاطعت الفيس بوك فين بقي المُشكلة ؟
:)
يلا ربنا يرحمنا من المُسلمين دول

ويهدينا



الله عليك يا أحمد
هو ده رأيى بالظبط
واللى عمال أقول فيه لما صوتى اتنبح
بس برده مفيش فايدة
تسلم يا أحمد

اساساً حوار المقاطعة ده كان حوار فاكس
ومحدش عمل حاجة
واللى عاملين المقاطعة الاساسيين عاملين جروب بالانتصار باللى اتعمل
معرفش ايه اللى اتعمل بس اهو كلام عشان ميضيعوش اللى عملوه في الهوا


وبعدين انت عايز تحارب مين وفين

انت لو عايز تقنع واحد بدينك لازم تقابله لوحده
مينفعش انت تدخل وحدك وسط مليون واحد وعايز تقنعهم كلهم
كل ما واحد فيهم يميل للفكرة يطلع واحد تاني برأي غبي
تضطر تقنعه ام التالت يرجعك للنقطة الاولى


وبعدين دول وصلو لمرحلة القمة في المعاداة للاسلام
يعني انك تخشلهم امر صعب يقترب من المستحيل


لكن مفيش مانع تعملها في جروبات تانية ابسط شوية وفيها ناس عندها قابلية للاقناع


في الحالة بتاعتك انتي دورك ايجابي هناك والمقاطعة ساعتها حيبقى دور سلبي

في ناس تانية ملهاش هم غير اللعب زيي :d والشات والجروبات الفاضية ويفضلو يضيعو وقتهم عليه

يبقى الموقع بيتفيد منهم وهما مش بيستفيدو منه بحاجة
دون اللى لو قاطعو يبقى احسن

ومع ذلك محدش فيهم قاطع

وكله ماشي بمبدأ
مش انا اللى حأثر في العدد

تمام الكلام
مينفعش نعمم الحالة ونقول المقاطعة هنا واجبة

هنقاطع ايه الفيس بوك
هنحتفل فين فى الفيس بوك

والله أنا مستغربة أوى من الناس اللى مش قادرة تقاطع الفيس بوك
وكأن حياتهم كلها متوقفة عليه
وكأنهم صحيح مولودين على جوجل
شكرا على الموضوع

يا ميرو الجروب اتشال لان واحد عمل هاكر عليه
مش بسبب المقاطعة ولا حاجة
واتعمل جروب غيره بنفس الاسم والاسلوب

كل هذا كلام نت فقط لن يفيد فى اى شيء الدخول او عدم الدخول
مع العلم انا اصلا لا ادخلة على اى جروب فى اى مكان
المواجهه الحقيقية التمسك بالدين من هنا الاول وسوف ينتشرف بسرعة البرق إذا انصلح الحال
ام غير هذا كلام نت فقط

في ظل الجروبات المسيئة

وقلة الادب والاستهزاء

واصرار جميع الاجانب

على التهاتف الى موقع الفيس بوك في ايام المقاطعة

حتى تعطلت مهام كثير من اهم رجالهم

حتى لا تشعر شبكة الفيس بوك بخلل
ولا تفتقد دخول المسلمين اليها

كان لابد ان يجتهد الشباب العربي في محاولة البحث عن بديل

لا اعلم هل الخطوة دي جيدة ام لا

لكن ضميرى يحتم على ان اخبركم بها
والتى نقلتها من الموقع ده :-وده رابط للموقع http://www.tellamrkhaled.com/pages/tak_intro_9.html (http://www.tellamrkhaled.com/pages/tak_intro_9.html)

أصنع الـ Face Book بهوية عربية..
أتحدث عن تجربتي في إنشاء وتطوير موقع هويتي www.hawyaty.com (http://www.hawyaty.com/)بدأت الفكرة بالتحديد العام الماضي حيث كانت توجد لدى العديد من الأفكار ولكنها غير مترابطة ومنها:http://www.tellamrkhaled.com/pages/images/hawyatyLogo.gif



لماذا لا استطيع أن أضع مواقعي المفضلة في مكان خاص على الانترنت حيث أنى احتاج كثيرا وأنا في العمل لمواقع مسجله عندي في البيت والعكس أو احتاج لذلك وأنا بعيد عن العمل والمنزل فلا استطيع تذكر تلك الموقع أو افقدها بالكامل نتيجة لوجود مشكله في الويندوز احتاج معا لعمل إعادة تهيئة لجهازي .
كيف استطيع الاحتفاظ بكل المقالات والمواضيع التي أتصفحها على الانترنت وتكون مفيدة لي ولغيري .
أجد العديد من الأفكار والملاحظات ولكنى أنساها بمرور الوقت هل ممكن تدوينها ومراجعتها عند الحاجة إليها .
هناك العديد من الكتاب أتابعهم ولكن للأسف لا يوجد لديهم موقع مستقل لمتابعته كل أعمالهم وإنما أتابع كل مقال على حده وفى موقع مختلف ويفوتني العديد من كتابتهم كيف اجمع مقالاتهم وموضوعاتهم في موقع واحد .
لي العديد من الأصدقاء يحبون ويكتبون الشعر والقصة ولا يجدون موقع خاص بهم يجمع أعمالهم .
وأخيرا كان هناك موضوع يشغلني خاصة وأنا أتابع مشروعات الأستاذ عمرو خالد وخاصة صناع الحياة وهو كيف استخدم علمي وخبرتي كمبرمج ومصمم مواقع انترنت في عمل يعود بالفائدة على الجميع .

ففكرت في تكوين موقع يقدم كل الخدمات السابقة ويتيح لكل عضو من أعضاءه تكوين موقع خاص به ونظراً لاهتمامي بالحفاظ على أخلاقنا وقيامنا فكرت في أن يكون اسم الموقع هويتي ليعكس هويتنا العربية وتحتوي هوية كل عضو على:


نبذة
الموضوعات
المختارات
سجل الزوار
راسلني
أصدقائي
المفضلة
الأحداث
الملاحظات
دليل الهاتف
موضوعات المفضلة
تحديث البيانات
تغيير الصورة والتصميم .

للتعرف على نبذة حول كل قسم (انقر) (http://www.hawyaty.com/why.php)
وبحمد الله بعد عام تقريبا من الدراسة والعمل تم نشر الموقع على الانترنت يوم الاثنين 17/11/2008 بشكل تجريبي لأخذ آراء الزوار وكذلك لزيادة عدد التصميمات المتاحة للأعضاء لاختيار احدها عند تكوين هويته وفى بداية العام بإذن الله سيتم نشر الموقع بشكل رسمي وليس الهدف هو نشر الموقع بشكله الحالي فقط إنما هيا مجرد خطوه بداية من اجل تكوين هوية عربية شاملة لكل ما يحتاجه المستخدم العربي من موضوعات وخدمات بما فيها التوظيف والتدريب والمشاريع والتواصل بين أعضاء الموقع من مختلف الدول لتكوين مشاريع مشتركه تجمع بينهم ومنبر لنشر أعمال الشباب العربي المهتمين بالأدب والشعر والترجمة ويوحد طاقتهم وخبراتهم ويكون موقع مثالي للأسرة العربية يضمن لهم الحصول على محتو مفيد لا يحتوى على اى مصدر من مصادر الإخلال بالقيم الإسلامية .
سامح حمدى ابراهيم
المسئول عن الموقع هويتي
info*hawyaty.com