السلام عليكم ورحمة الله وبركاته


انا لسه في سنه اولي وتايه توهان وديه الحكاية كلها .........


انا من زمان وانا بسمع عن الفيزياء

يعني نوابغها زي اينشتاين ونيوتن وووووو


بس عندي استفسار هوه الفيزياءئ اكيد علمي يعني في تانية ثانوي بياخد علمي

طب في ثالثة بيبقى علم رايضة وللا علوم
وايه المواد التانية اللي بتاهله ليكون فيزيائي
وهل كلية علوم بها كام قسم فيزياء وايه هما وبيدرسو ايه

والفيزيائي مجال عمله ايه وهل بيعرف يسافر في منح لو تفوق وايه النظام طبعا الاسئلة دي احلام انا بس عاوز اعرف لكني موقن ان مفيش حاجة اسمها اينشتين 2 او نيوتن 2
ولو فيه اكيد مش مصري ولو مصري يبقى مش من جيلنا

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!!!!!!!!!!!!!!!!!!!!!

5 مشاهدات وولا رد طيب شاركوني حتى باى شئ قولو عاوزين نعرف قولو اى حاجة اى معلومه حتى لو تقوللي للعلم انته هنا في بوابة الثانوية العامة هههههههههههههههههههههههه
............................

السلام عليكم ورحمة الله وبركاته
مادة الفيزياء مادة من أفضل المواد العلمية لأنها مادة العصر وأساس التكنولوجيا والتقنيات الحديثة
جميل أن يكون لك طموح في أن تصبح عالم فيزياء بل أنت حددت لنفسك هدفا نادرا ما يحدده غيرك
اعلم تمام العلم أن هذا الطموح ليس مستحيلا وليس سهلا في نفس الوقت
بص يا طالب
شد حيلك في سنة أولى ومادة الفيزياء بتعتكم حلوة وأسهل بكتير من منهج الصف الثالث الثانوي (مش معنى كده ان منهج تالتة ثانوي صعب)
انت ان شاء الله تختار الشعبة العلمية في سنة تانية وتختار المادة العلمية كيمياء
خلي بالك لو عاوز تدخل كلية العلوم يبقى تختار علمي علوم (أحياء في سنة تالتة) ويبقى امامك قسم فيزياء وأحياء وكيمياء ونبات وحيوان ومن الكلية ده بيتخرج عالم الفضاء والفلك وعدد كبير من العلماء
أما لو عاوز تدخل كلية (علوم/رياضة ) يبقى تختار علمي رياضة و أمامك قسم فيزياء ورياضيات
الأفضل انك تختار علمي علوم (أحياء) لأنها أضمن لك وتدخل كلية علوم اللي مجالاتها كتيرة ويبقى عندك اختيارات تانية لو انت ربنا كرمك وجبت مجموع عالي فممكن تدخل طب أو صيدلة أو طب أسنان
عاوز أقوللك حاجة : اللي بيحصل دلوقتي ان كل الناس بتفكر لإما في طب (علشان الأعلى مجمع)ولو مجاتلهوش يدخل صيدلة أو طب أسنان
لإما يدخل هندسة ولو مجتلهوش يدخل حاسبات ومعلومات علوم رياضة أو تجارة انجليزي
بس لو عندك طموح ملكش دعوة بكل اللي بيتريق عليك وشد حيلك وزي ما قولتلك : ادخل علمي علوم علشان يبقى امامك مجالات كتيرة طب وصيدلة وطب أسنان وبيطري وعلوم
وأولا وأخيرا الاختيار ليك وربنا يكرمك

ملحوظة
لي زمايلي كانوا علمي رياضة ودخلوا قسم فيزياء في كلية العلوم
بينما زمايلي اللي كانوا علمي علوم مدخلوش قسم فيزياء مش عارف هل علشان مينفعش أو لأنه مش عاوزين