مشاهدة النسخة كاملة : حاسة اني تاية ولوحدي في الدنيا دي .....
**تسابيح** 26-10-2009, 07:34 PM السلام عليكم ورحمة الله وبركاته
بصراحة انا عارفة اني هصدعكم بموضوعي دي
بس بدور ع ناس اكون بعزهم اوووي عشان اتكلم معاهم
مش لقيت غيركم بقي استحملوني ... عشان انتم اعز اصحاب في حياتك
بصوا بقي ياجماعة ...
انا حاسه اني مخنوفة ومضايقة وحاجات غريبة كدا وفي دماخي 500 حاجة وانا مش عارفة اي حاجة من الخاحات دي افكاري مش مترتبة ... وحاسة اني تايه ومش عارفة انا عايزة ايه !!!
المهم هقولكم
::::
فراق
http://t0.gstatic.com/images?q=tbn:Ml3wHlRAN5-gnM:http://www.alisalamah.net/network/images/stories/Mental/depressed-sad-child-j163-24-11lg.jpg
انا كنت سعيدة اوي اول ما دخلت الكلية بس بقي السعادة دي اتحولت لضيق وحاحات غريبة لاني ملقتش صاحبتي اللي كنت بحبها اوووي أو حتي أصحابي راحوا مدينة تانية وكلية تانية غير كليتي وكل علاقتي بهم تليفونات ... انا اجتماعية وكل شيء وعرفت ناس كثير ... بس فيه فرق لما اعرف ناس وتبقي علاقتي بيهم سطحيه وناس تانية تبقي علاقتي بيهم قوية ...!!! او ناس استريح لها وتكلم معاهم .... ع فكرة انا شكاكه ومش بستريح لاي حد كدا بسرعة ودي بقي مشكلة مضايقاني اوووي ... انا مش لقيه حد اتكلم معاه مش كلام سر ...لا عادي كلامنا ...
المهم ان الشخصية دي اكون بستريح معاه وانا مش لقياه في اي واحدة عرفتها لحد دلوقتي
هم كويسين ومحترمين بس باين العيب فيه انا.!!!
أو هم افكارهم وميولهم مش زي خالص!!!
بصراحة انا خلاص زهقت بجد حاسة اني وحيدة ومن غير اصحاب حاجة صعبة ...
::::
نفسي أكون شريرة بجد :d
تاني شيء بقي ...
اني رد فعلي مش ببقي راضية عنه
يعني لما حد يغلط فيه بسيبه وامشي وبزعل ..
وانا بيتغلط في حقي كثير
لما الناس دي تجي تعتذر لي مفروض اخذ حقي
لانهم غلطوا فيه من غير سبب ...
بتبقي دايما رد فعلي ::: لا عادي انا مش مضيقة ...
انا فعلا بزعل بسرعة وبرده في ثانية بنسي بسرعة
فيه ناس مينفعش اقولهم كدا ومفروض اكون شريرة في التعامل معاهم
بس مش بعرف :(
شريرة يعني ليكون ليه موقف اي حاجة ارد بها حقي ....
ولما ارجع البيت ببقي بغلي كان ادامي اني اخذ حقي ومش عملت كدا ...
الناس دي والله ياجماعة بيبقوا غلطوا جامد فيه عشان كدا بضايق
المشكلة اني بعدها بنسي وبعاملهم عادي ... وانا حاسة ان دا غلط
اما اصحابي لما بنزعل مع بعض انا اللي كنت بتصل بيهم في التليفون وقلبها هزار عشان احنا اصحاب وبنحب بعض!!
::::
طموحات بلا حدود:006et4:
اني نقسي احقق حاجات كثير في حياتي
وكل ما هقول هحققها ارجع تاني اقول
لا ... انا هفشل ...
او .. هتبقي حاجة مملة لو بقيت كدا ..
وبعدين مش عندي طموح واحد انا عندي 3 طموحات
كل واحد ما شاء الله عليه بحسس نفسي باليأس فيه...
ومش عارفة ابقي اني حاجة فيهم ..
ولا اخترت حاجة اقول ..لا خلينا في التاني
حاسة بتوهان شديد جدااا
::::
في رعاية الله
أسيل رزق 27-10-2009, 05:58 PM هرد عليكى بالتفصيل بس يوم الخميس إن شاء الله علشان أكون فاضية و أرد بمزاج
بس عايزة أقولك إن أعراضك دى أو مشكلاتك دى بسيطة ماتقلقيش
Its My Life 27-10-2009, 08:54 PM قشطه
هارد عليكي يوم الخميس بقى علشان دي اجازتي:d
مش فضيالك انا الوقت :p:p:p:p:p
**تسابيح** 28-10-2009, 04:14 PM هرد عليكى بالتفصيل بس يوم الخميس إن شاء الله علشان أكون فاضية و أرد بمزاج
بس عايزة أقولك إن أعراضك دى أو مشكلاتك دى بسيطة ماتقلقيش
أكيد طبعا هستني رد
عشان يهمني اكيد:blush:
قشطه
هارد عليكي يوم الخميس بقى علشان دي اجازتي:d
مش فضيالك انا الوقت :p:p:p:p
طيب أنا هرد عليكي يوم الجمعة:p
أسطورة الأحزان 31-10-2009, 01:50 PM أنتى طيبه أوى يا تسبيح بجد:)
وحساسه جدا بس أوعى تستسلمى للوحده صدقينى لو خدتى على كدا مش هتعرفى تتخلصى منه للأبد حتى لو لقيتى أصحابك بتبقى مكسوره من جوا فى جروح أتقفلت عليها قبل ما تدويى عمرك شوفتى دكتور بيعمل عمليه ويقفل على الجرح قبل ما يخلص أحنا بقى بنقفل وبيبقى صعب أوى لما نجى نفتح تانى علشان نصلح ونداوى ونرجع من الأول أنتى بتقولى مفيش أسرار ده كلام عادى بس الوحده نفسها أكبر سر محدش بيحس بيه أنك تعيشى لحظات جرحك وألمك وفرحك وحزنك من غير حد يعشها معاكى وتترمى فى حضنه أنا للأسف عشت كل ده سعتها ندمت وأتألمت من ذنب معملتوش عملوه اللى المفروض يكونوا أقربلى منى وأنا أستسلمت وندمت وأنتى مهما قولتى وحيده محدش بيسمعك غير ربك أدعيله وأوعى تستسلمى للوحده بتتعب حاولى تلاقى لنفسك مخرج منها حلو انك متسامحه ياريت بجد يكون كلامى خفيف ربنا معاكى وتقدرى تطلعى من المحنه دى وتلاقى نفسك وتحققى طموحك:):)
**تسابيح** 31-10-2009, 02:30 PM أنتى طيبه أوى يا تسبيح بجد:)
ربنا يخليكي ياروحي
شكلك واخده فيه مقلب:d
وحساسه جدا بس أوعى تستسلمى للوحده صدقينى لو خدتى على كدا مش هتعرفى تتخلصى منه للأبد
الوحدة دي اصعب شيء في الدنيا
وبالذات لما تكوني اجتماعي وبتعرفي ناس كثيرة
وفجاة تلاقي نفسك وسط ناس ولا انت حاسهم ولا هم حاسينك
احساس صعب بجد
حتى لو لقيتى أصحابك بتبقى مكسوره من جوا فى جروح أتقفلت عليها قبل ما تدويى عمرك شوفتى دكتور بيعمل عمليه ويقفل على الجرح قبل ما يخلص أحنا بقى بنقفل وبيبقى صعب أوى لما نجى نفتح تانى علشان نصلح ونداوى ونرجع من الأول أنتى بتقولى مفيش أسرار ده كلام عادى بس الوحده نفسها أكبر سر محدش بيحس بيه أنك تعيشى لحظات جرحك وألمك وفرحك وحزنك من غير حد يعشها معاكى وتترمى فى حضنه
تصدقي انا فعلا حاسة كدااااااااا
اني عايشة كل دا من غير ما حد يبقي معايا
يمكن الناس اللي في المنتدي مخليني اصبر شوية
لاني بحبهم اووووووووي
وبحس اني معاهم
بس اكيد لازم يكون معايا ناس في حياتي !!!
أنا للأسف عشت كل ده سعتها ندمت وأتألمت من ذنب معملتوش عملوه اللى المفروض يكونوا أقربلى منى وأنا أستسلمت وندمت وأنتى مهما قولتى وحيده محدش بيسمعك غير ربك أدعيله وأوعى تستسلمى للوحده بتتعب حاولى تلاقى لنفسك مخرج منها حلو انك متسامحه ياريت بجد يكون كلامى خفيف ربنا معاكى وتقدرى تطلعى من المحنه دى وتلاقى نفسك وتحققى طموحك:):)
بجد مش عارفة اقلك ايه
بس يارب انتي كمان تخرجي من اللي انت فيه
بجد انا سعيدة اووووووووي بردك
شكرا ياجميل :)ع ردك
أسطورة الأحزان 31-10-2009, 02:41 PM مش عاوزين نهايه للكلام عاوزين نتابع مع بعض
لحد لما تتخلصى من الوحده خالص بصى مدام أحنا اللى بنصبرك أدخلى هنا وقولى كل اللى جواكى ولو مش ينفع هنايبقى نبقى أصحاب من برا برا بقى أوعى تقولى لحد خليه سر ههههههههههههه
**تسابيح** 31-10-2009, 02:44 PM مش عاوزين نهايه للكلام عاوزين نتابع مع بعض
لحد لما تتخلصى من الوحده خالص بصى مدام أحنا اللى بنصبرك أدخلى هنا وقولى كل اللى جواكى ولو مش ينفع هنايبقى نبقى أصحاب من برا برا بقى أوعى تقولى لحد خليه سر ههههههههههههه
لا انا عمري عمري ما هقول لحد اننا بقينا اصحاب خلاص:d
انا اقدر
يابنتي كفاية اللي انا قولته ;)
محمود 1988 31-10-2009, 02:44 PM واضج جدا من كلامك انك صاحبة شخصية
ولا تحبين اغضاب الناس منكى حتى ولو كان حقك
ودى صفات جميلة لو وجدت فى اى انسان
بس دايما الصفة الجميلة تقع بين صفتين ذميمتين
يعنى
صفة الكرم على سبيل المثال
تقع بين صفة البخل وصفة التبذير
فتاتى صفة الكرم فى الوسط حتى كون الانسان عادل فى حياته
حاولى انك تعدلى فى حياتك وبلاش تكون اكثر مثالية
لانها حتتعبك نفسيا
**تسابيح** 31-10-2009, 04:05 PM [
واضج جدا من كلامك انك صاحبة شخصية
ولا تحبين اغضاب الناس منكى حتى ولو كان حقك
ودى صفات جميلة لو وجدت فى اى انسان
أنا فعلا مش بحب ازعل حد بس عشان انا مبحبش حد يزعلني
وفي نفس الوقت مبحبش تجاوزات في التعامل
اه ماشي احنا اصحاب بس فيه حاجة اسمها احترام وحدود لازم تكون بينا
بس دايما الصفة الجميلة تقع بين صفتين ذميمتين
يعنى
صفة الكرم على سبيل المثال
تقع بين صفة البخل وصفة التبذير
فتاتى صفة الكرم فى الوسط حتى كون الانسان عادل فى حياته
حاولى انك تعدلى فى حياتك وبلاش تكون اكثر مثالية
لانها حتتعبك نفسيا
اه فعلا
ان شاء الله هحاول
شكرا ع النصيحة
BaNZeR 31-10-2009, 04:24 PM أنا مش عارف ازاي مشفتش الموضوع ده غير دلوقتي :d
فراق
http://t0.gstatic.com/images?q=tbn:Ml3wHlRAN5-gnM:http://www.alisalamah.net/network/images/stories/Mental/depressed-sad-child-j163-24-11lg.jpg
::::
نفسي أكون شريرة بجد :d
::::
طموحات بلا حدود:006et4:
ايه بتكتبي أخبار في القسم العام
وصور بقى وحركات
وبعدين فين مصدر الخبر :d
واللى كانو حيردو يوم الخميس خلعو مش كده :d
مليش مزاج احكي في النقطة الاولى دلوقتي
فحدخل في التانية على طول :d
انا واحد نفسه يبقى شرير برده ومش عارف
دايماً باجي على نفسي عشان ارضي الطرف التاني
بس ماشي في اجراءات التحول الشريرة يعني
بدأت ارد بعض الحاجات اللى بتزيد :d
لكن هي في النهاية صفة مش وحشة برده
وبالعكس بتزود العلاقات بين الناس مش بتقللها
والمسامح كريم :)
طموحات بلا حدود
عنوان مقال جميل :d
انا عندي طموحات برده كتير بس المشكلة مش في اليأس
المشكلة في الحيرة
اصل الطموحات كل واحد غير التانية خالص
ومينفعش اتجه فيهم كلهم
فمحتار اخد انهي سكة فيهم
طبعاً حتضربيني عشان سبت موضوعك ودخلت في موضوعي
بس مينفعش اعدي عالفقرة ساكت يعني
قلت ارد باي حاجة :d
لي عودة (اوعى تصدقي ده كلام بس :d)
**تسابيح** 31-10-2009, 05:35 PM أنا مش عارف ازاي مشفتش الموضوع ده غير دلوقتي :d
أكيد الدنيا ضلمة في اسيوط عشان كدا مش شفته :p
ايه بتكتبي أخبار في القسم العام
وصور بقى وحركات
وبعدين فين مصدر الخبر :d
حضرتك عمرك ما هتنسي انك مشرف مصدر الخبر
قصدي خبر وتعليق :p
وبعدين كلامي لوحده مصدر ثقة (مش اوي يعني) :cool:
واللى كانو حيردو يوم الخميس خلعو مش كده :d
بجد بجد ونعمة الناس
بتهدي النفوس انا عارفة ;)
انا واحد نفسه يبقى شرير برده ومش عارف
ممكن نكون حزب الاشرار الجدد :d
دايماً باجي على نفسي عشان ارضي الطرف التاني
بس ماشي في اجراءات التحول الشريرة يعني
بدأت ارد بعض الحاجات اللى بتزيد :d
مش المشكلة انك تيجي ع نفسك
المشكلة الناس... ساعات كثيرة بتتعامل مع ناس مستفزة
هي بترخم عليك وتخليك تزعل ومش يهما انت اصلا
لكن لما تكون مصلحتها معاك تيجي تعتذر ومش قصدي والكلام العبيط دا
فبتبقي حاجة تغيظ وتخليك تغلي من جواك
وتحسسك انك ملكش قيمة الا عشان مصلحتها
لكن غير كدا ........
ساعتها ببقي نفسي يكون ليه رد فعل قوي..
اجبها من زمارة رقبتها وزمر بيها
شر بقي:d
عشان تعرف ان الناس مش لعبة في ايدها
تغلط براحتها ولما تعوز حاجة
ترجع زي ....
لكن هي في النهاية صفة مش وحشة برده
وبالعكس بتزود العلاقات بين الناس مش بتقللها
والمسامح كريم :)
مش اي حد ممكن نعمله كدا يابانزر
فيه ناس اللي بتغلط مش بيبقي قصدها
او ساعة غضب ودول لازم نسامحهم
عشان هم مش قصدهم
غير ان الاعتذار دا حاجة كبيرة اوووووووي
بس لو الاعتذار دا كان بصدق
والله انا مش بحب اكون فيه خلاف بيني وبين حد
طموحات بلا حدود
عنوان مقال جميل :d
اه أصلي عايزة ابقي صحفية بقي^_^
انا عندي طموحات برده كتير بس المشكلة مش في اليأس
المشكلة في الحيرة
اصل الطموحات كل واحد غير التانية خالص
ومينفعش اتجه فيهم كلهم
فمحتار اخد انهي سكة فيهم
طبعاً حتضربيني عشان سبت موضوعك ودخلت في موضوعي
لا عادي احنا فاتحيين الموضوع لكل طوائف الشعب:stickjo4::stickjo4::stickjo4:
أكيد الحيرة بتودي ليأس
انا برده كدا مش عارفة اروح في اي اتجاه
وعندي طموحات كثيرة جدااا
ومش ينفع احققهم كلهم هو لازم حاجة واحدة بس
عشان اقدر اكمل الطريق
ممكن اعمل حادي بادي
بس مينفعش اعدي عالفقرة ساكت يعني
قلت ارد باي حاجة :d
لي عودة (اوعى تصدقي ده كلام بس :d)
^_^
بجد شكرا يابانزر ع ردك مع كثرة مشغوليتك:d
looody 01-11-2009, 10:23 PM انتى شكلك حد طيب قوى قوى وده جميل وربنا هيكرمك
جزاك الله خيرا
بروف انس 02-11-2009, 09:16 AM من الواضح انك عندك صراعات داخليه ومش عارفه تغلبي اي طرف الطيب الغلبان ولا الطرف الجامد العنيف انتي ممكن تجربي الاتنين بحيث تعالي في يوم كده وابداي من الاول ان اي حد هيدوسلك علي طرف خدي حقك منه تالت ومتلت ومتسيبهوش الا لما تاخدي منه القديم والجديد وتعرفيه شغله
تعالي في يوم تاني تكوني طيبه وغلبانه ومسامحه وي حد يكلمك بطريقه نش عجباكي مترديش اعملي نفسك طرشه مسمعتيش متحاوليش تردي من اول مره لما حد يجي يكلمك اعملي نفسك مش مركزه معاه دايما حسسيه انك احسن منه
وجربي وياريت تقولي لنا ايه النتيجه
ملحوظه: الاراء دي انا مش مسئول عنها يعني لو حصل ضرب وكده انا مش مسئول
**تسابيح** 03-11-2009, 04:00 PM انتى شكلك حد طيب قوى قوى وده جميل وربنا هيكرمك
جزاك الله خيرا
ربنا يخليكي يارب
انت اللي زوق وعسولة
شكرا ياروحي
من الواضح انك عندك صراعات داخليه ومش عارفه تغلبي اي طرف الطيب الغلبان ولا الطرف الجامد العنيف انتي ممكن تجربي الاتنين بحيث تعالي في يوم كده وابداي من الاول ان اي حد هيدوسلك علي طرف خدي حقك منه تالت ومتلت ومتسيبهوش الا لما تاخدي منه القديم والجديد وتعرفيه شغله
تعالي في يوم تاني تكوني طيبه وغلبانه ومسامحه وي حد يكلمك بطريقه نش عجباكي مترديش اعملي نفسك طرشه مسمعتيش متحاوليش تردي من اول مره لما حد يجي يكلمك اعملي نفسك مش مركزه معاه دايما حسسيه انك احسن منه
وجربي وياريت تقولي لنا ايه النتيجه
ملحوظه: الاراء دي انا مش مسئول عنها يعني لو حصل ضرب وكده انا مش مسئول
ههههههههه
لا بجد نصيحة رهيبة
شكلي هضرب في الاخر:d
::
بصراحة اني حاولت اجرب اكون شريرة وكدا :d
وقعد اقول اول لما حد هيكلمك هطلع فيه وهعمل وهعمل بقي
اول لما اشوف الحد دا ...مش بقدر بصراحة
بكتفي اقول مفيش حاجة والحاجات دي
انا خلاص اكتشفت اننا مش مفروض نقلل من نفسنا
والمسامح كريم برده:d
شكرا ع النصيحة
ربنا يخليكي يارب
أسيل رزق 04-11-2009, 05:02 PM السلام عليكم ورحمة الله وبركاته
وعليكم السلام ورحمة الله وبركاته
بصراحة انا عارفة اني هصدعكم بموضوعي دي
بس بدور ع ناس اكون بعزهم اوووي عشان اتكلم معاهم
مش لقيت غيركم بقي استحملوني ... عشان انتم اعز اصحاب في حياتك
بصوا بقي ياجماعة ...
انا حاسه اني مخنوفة ومضايقة وحاجات غريبة كدا وفي دماخي 500 حاجة وانا مش عارفة اي حاجة من الخاحات دي افكاري مش مترتبة ... وحاسة اني تايه ومش عارفة انا عايزة ايه !!!
المهم هقولكم
::::
فراق
http://t0.gstatic.com/images?q=tbn:Ml3wHlRAN5-gnM:http://www.alisalamah.net/network/images/stories/Mental/depressed-sad-child-j163-24-11lg.jpg
انا كنت سعيدة اوي اول ما دخلت الكلية بس بقي السعادة دي اتحولت لضيق وحاحات غريبة لاني ملقتش صاحبتي اللي كنت بحبها اوووي أو حتي أصحابي راحوا مدينة تانية وكلية تانية غير كليتي وكل علاقتي بهم تليفونات ... انا اجتماعية وكل شيء وعرفت ناس كثير ... بس فيه فرق لما اعرف ناس وتبقي علاقتي بيهم سطحيه وناس تانية تبقي علاقتي بيهم قوية ...!!! او ناس استريح لها وتكلم معاهم .... ع فكرة انا شكاكه ومش بستريح لاي حد كدا بسرعة ودي بقي مشكلة مضايقاني اوووي ... انا مش لقيه حد اتكلم معاه مش كلام سر ...لا عادي كلامنا ...
المهم ان الشخصية دي اكون بستريح معاه وانا مش لقياه في اي واحدة عرفتها لحد دلوقتي
هم كويسين ومحترمين بس باين العيب فيه انا.!!!
أو هم افكارهم وميولهم مش زي خالص!!!
بصراحة انا خلاص زهقت بجد حاسة اني وحيدة ومن غير اصحاب حاجة صعبة ...
الإحساس ده طبيعى فى أول دخولك الجامعة لإنك كنتى مع ناس تانية لحد ما بتفهموا بعض و بينكم عشرة كويسة و فجأة كل واحد راح مكان و بقيتوا صعب تتجمعوا سوا و اتعرفتى على ناس تانية مش قريبين ليكى
بس اللى عايزة أقولهولك إن الإنسان لازم يتاقلم على أى جو يدخل فيه .. يعنى انتى شعورك بالوحدة ده لازم تتأقلمى عليه أو بمعنى أحسن إنك ماتفكريش إنك وحيدة و حاولى تشغلى نفسك بأى حاجة فى الوقت اللى تكونى مضايقة فيه
على فكرة الوحدة دى أصعب شىء بمر بيه السنة دى و بجد أوحش سنة مرت عليا و يا رب ماتتكرر بس أنا يمكن مش بعرف أنسى بسهولة فمهما شغلت عقلى بحاجات تانية مش بنسى الوحدة الى عايشة فيها بس بحاول أتأقلم على الجو ده علشان الحياة تمشى لكن انتى حاولى تأقلمى نفسك و لازم تقتنعى إن مفيش حد فى الزمن ده هيكون صاحب بجد .. من الآخر صاحبى نفسك و لو حصل أى نوع من الجنون أنا موجودة :d
::::
نفسي أكون شريرة بجد :d
تاني شيء بقي ...
اني رد فعلي مش ببقي راضية عنه
يعني لما حد يغلط فيه بسيبه وامشي وبزعل ..
وانا بيتغلط في حقي كثير
لما الناس دي تجي تعتذر لي مفروض اخذ حقي
لانهم غلطوا فيه من غير سبب ...
بتبقي دايما رد فعلي ::: لا عادي انا مش مضيقة ...
انا فعلا بزعل بسرعة وبرده في ثانية بنسي بسرعة
فيه ناس مينفعش اقولهم كدا ومفروض اكون شريرة في التعامل معاهم
بس مش بعرف :(
شريرة يعني ليكون ليه موقف اي حاجة ارد بها حقي ....
ولما ارجع البيت ببقي بغلي كان ادامي اني اخذ حقي ومش عملت كدا ...
الناس دي والله ياجماعة بيبقوا غلطوا جامد فيه عشان كدا بضايق
المشكلة اني بعدها بنسي وبعاملهم عادي ... وانا حاسة ان دا غلط
اما اصحابي لما بنزعل مع بعض انا اللي كنت بتصل بيهم في التليفون وقلبها هزار عشان احنا اصحاب وبنحب بعض!!
على فكرة كتمك للزعل أو عدم الإعتراف بالضيق انتى كده بتجمعى غضبك جواكى و ده غلط لإنك ممكن لا قدر الله يحصلك حاجة أو ممكن مرة واحدة بئر الكتمان ده ينفجر و الله اعلم هينفجر إزاى و فى مين ؟؟
لازم لما تزعلى تواجهى الشخص اللى مزعلك بأى شكل من الأشكال على الأقل بينى غضبك على وشك أو ماترديش عليه أو لو صحبتك مثلاً زعلتك و رجعت تتأسف حاولى تعاتبيها
أصل انتى هتشيلى فى نفسك ليه تولع الدنيا باللى فيها
الحياة مش ناقصة حرقة دم :bosyht9:
::::
طموحات بلا حدود:006et4:
اني نقسي احقق حاجات كثير في حياتي
وكل ما هقول هحققها ارجع تاني اقول
لا ... انا هفشل ...
او .. هتبقي حاجة مملة لو بقيت كدا ..
وبعدين مش عندي طموح واحد انا عندي 3 طموحات
كل واحد ما شاء الله عليه بحسس نفسي باليأس فيه...
ومش عارفة ابقي اني حاجة فيهم ..
ولا اخترت حاجة اقول ..لا خلينا في التاني
حاسة بتوهان شديد جدااا
الكسل صعب و خصوصاً لو مفيش إرادة قوية .. و دى مشكلة عندى فى بعض المواقف اللى بمر بيها زى لما اجى اذاكر اقول ايه كل الكتاب ده 900 صفحة ليه كده .. و أقوم من على المذاكرة لكن لما بأدب نفسى و أشتمنى و أقعد غصب عنى أذاكر ( أصل جوايا واحدة شريرة بتحاسبنى على طول )
أو سبحان الله تلاقينى ليلة الإمتحان عندى إرادة قوية لإن غصب عنى لازم أذاكر و تلاقينى خلصت الكتاب كله
يعنى خلاصة الكلام إن الواحد بإيده كل حاجة بس إحنا اللى بنستهبل
لو فكرنا كويس إحنا عملنا إيه و معرفناش نجاوب نفسنا أكيد هنحس إننا لازم نعمل حاجةو لازم نستعين بربنا و نقوى من نفسنا علشان نتغلب على الشعور باليأس
ربنا يقوينا
::::
في رعاية الله
أنا آسفة جداً جداً على تاخيرى أنا دخلت و الله إنهارده علشان أرد عليكى
اوعى تقولى لا عادى مش متضايقة :d
واللى كانو حيردو يوم الخميس خلعو مش كده :d
مخصوم منك يومين إلا تلت :d
بجد كنت مشغولة و مزاجى كان وحش فامحبتش أرد :bosyht9:
_GUIDE_ 04-11-2009, 05:35 PM على فكرة انا عندى الحل فى مركز متخصصة فى سويسرا وده بجد
بتساعد على الانتحار ودى كتيرة جدا ومشهورة اوى هناك
تحبى اجبلك العنوان :d
**تسابيح** 04-11-2009, 09:40 PM الإحساس ده طبيعى فى أول دخولك الجامعة لإنك كنتى مع ناس تانية لحد ما بتفهموا بعض و بينكم عشرة كويسة و فجأة كل واحد راح مكان و بقيتوا صعب تتجمعوا سوا و اتعرفتى على ناس تانية مش قريبين ليكى
أنا فعلا حاسة بالوحدة عشان أصحابي كنت اعرفهم من 7 سنين من ابتدائي لحد الثانوي
كنا بنفهم بعض من اول كلمة
دلوقتي لما اقول كلمة اتفهم غلط
عشان كدا بقيت اريح مخي وتجنب الناس اللي بتفهم غلط دي
بس اللى عايزة أقولهولك إن الإنسان لازم يتاقلم على أى جو يدخل فيه .. يعنى انتى شعورك بالوحدة ده لازم تتأقلمى عليه أو بمعنى أحسن إنك ماتفكريش إنك وحيدة و حاولى تشغلى نفسك بأى حاجة فى الوقت اللى تكونى مضايقة فيه
أصل أنا بحس بالملل اوووي
يمكن لما بتكلم مع الناس بنسي وانا من النوع اللي بينسي بسرعة
يعني هي مش بتأثر عليه الا لما اكون مضيقة من حاجة اوووي
على فكرة الوحدة دى أصعب شىء بمر بيه السنة دى و بجد أوحش سنة مرت عليا و يا رب ماتتكرر بس أنا يمكن مش بعرف أنسى بسهولة فمهما شغلت عقلى بحاجات تانية مش بنسى الوحدة الى عايشة فيها بس بحاول أتأقلم على الجو ده علشان الحياة تمشى
ان شاء الله كل حاجة هتعدي ع خير
لكن انتى حاولى تأقلمى نفسك و لازم تقتنعى إن مفيش حد فى الزمن ده هيكون صاحب بجد .. من الآخر صاحبى نفسك و لو حصل أى نوع من الجنون أنا موجودة :d
ههههههههههههههه
ماشي لما اتجنن هجيلك ع طول
أنا ليه غيرك انتي
الخير والبركة:d
ان شاء الله هحاول اكون مع نفسي احسن برده
على فكرة كتمك للزعل أو عدم الإعتراف بالضيق انتى كده بتجمعى غضبك جواكى و ده غلط لإنك ممكن لا قدر الله يحصلك حاجة أو ممكن مرة واحدة بئر الكتمان ده ينفجر و الله اعلم هينفجر إزاى و فى مين ؟؟
ههههههههه
ربنا يستر
لازم لما تزعلى تواجهى الشخص اللى مزعلك بأى شكل من الأشكال على الأقل بينى غضبك على وشك أو ماترديش عليه أو لو صحبتك مثلاً زعلتك و رجعت تتأسف حاولى تعاتبيها
أصل انتى هتشيلى فى نفسك ليه تولع الدنيا باللى فيها
الحياة مش ناقصة حرقة دم :bosyht9:
بصي ياموها أنا بقعد اقول لو الناس اللي مضيقاني وكدا
انا مش هسبهم وهقولهم وعرفهم شغلهم وحاجات من هذا القبيل:slap1qk6:
أول ما اشفهم بقلهم خلاص ياجماعة مفيش حاجة
معظم الاوقات بتبقي صادقة لاني مش بحب اني اكون مزعلة حد
وبحب اني اكون علاقتي كويسة مع كل الناس
اما بقي اللي يغلط في حقي ..زي واحدة غلطت في حقي ...مع اني والله عملتها معاملة
عمري ما عملتها مع ناس اصحابي .. وبعد في الاخر عشان هي عايزة مصلحة من واحدة تانية تقول عليه كلام مش صحيح ...أكيد طبعا لازم اعمل حساب للموقف دا
والكلام دا في ثانوي ولما دخلت الجامعة وبقت في قسمي جات وعشان مصلحة وبكل بساطة
اوعي تزعلي مني ...عشان انا مبحبش حد يزعل مني وبكدا اكون خلصت زمتي ادام ربنا ....
في الوقت دا بالذات بجد كان نفسي اجيبلها القديم والجديد
بس قلتلها بكل بساطة :: لا مفيش حاجة وسبتها ومشيت ولا كلمتها نص كلمة بعد كدا
بعدها لما اقعدت افكر كدا قلت قلة الكلام مع الاشكال دي أحسن ع الاقل
مقلش كلام اندم عليه بعد كدا ويطلع الحق عليه
يمكن المواجهه شيء كويس وانا بحاول اعمله حتي لو مش بالكلام زي ما انتي بتقول
الكسل صعب و خصوصاً لو مفيش إرادة قوية .. و دى مشكلة عندى فى بعض المواقف اللى بمر بيها زى لما اجى اذاكر اقول ايه كل الكتاب ده 900 صفحة ليه كده .. و أقوم من على المذاكرة لكن لما بأدب نفسى و أشتمنى و أقعد غصب عنى أذاكر ( أصل جوايا واحدة شريرة بتحاسبنى على طول )
أو سبحان الله تلاقينى ليلة الإمتحان عندى إرادة قوية لإن غصب عنى لازم أذاكر و تلاقينى خلصت الكتاب كله
يعنى خلاصة الكلام إن الواحد بإيده كل حاجة بس إحنا اللى بنستهبل
لو فكرنا كويس إحنا عملنا إيه و معرفناش نجاوب نفسنا أكيد هنحس إننا لازم نعمل حاجةو لازم نستعين بربنا و نقوى من نفسنا علشان نتغلب على الشعور باليأس
ربنا يقوينا
انت مش فهمتيني
انا عندي طموحات اهداف كثيرة بس كل هدف مختلف عن الثاني خالص
ومش ينفع الاهداف دي تتحد مع بعض
لازم يكون هدف واحد عشان مش يحصل تشتت
لما اجي احدد هدف منهم اقول **لا** هفشل مش هنجح
مش عارفة ايه .. حاجات كدا ..
او لما ادخل في المجال دا مش هيبقي عندي دراية بيه وهفشل برده
عشان كدا بحس باليأس في اخر المطاف
أنا آسفة جداً جداً على تاخيرى أنا دخلت و الله إنهارده علشان أرد عليكى
اوعى تقولى لا عادى مش متضايقة :d
ههههههههههه
يابنتي انا لو اضيقت من كل الناس اكيد منك هيبقي *لا*
احنا عندنا كام مها يعني :wub::wub:
بجد بجد انا سعيدة اوووووي بردك
انا اصلا نسيت كل حاجة :d
شكرا ياموها ربنا يخليكي يارب للشعب المصري
**تسابيح** 04-11-2009, 09:50 PM على فكرة انا عندى الحل فى مركز متخصصة فى سويسرا وده بجد
بتساعد على الانتحار ودى كتيرة جدا ومشهورة اوى هناك
تحبى اجبلك العنوان :d
وبعدين لو انتحرت مين اللي هيرخم عليكم في المنتدي
اكيد دي مهمة قومية لازم نلتزم بيها :p
بس لو التذكرة ع حسابك ....
انتحر بكل تأكيد ... حد يطول ينتحر في سويسرا:d
أسيل رزق 05-11-2009, 02:07 PM ههههههههههههههه
ماشي لما اتجنن هجيلك ع طول
أنا ليه غيرك انتي
الخير والبركة:d
ان شاء الله هحاول اكون مع نفسي احسن برده
طب حوشى تمن الكشف من دلوقتى .. أقل من 200 جنيه فى الجلسة مش هقبل :d
بصي ياموها أنا بقعد اقول لو الناس اللي مضيقاني وكدا
انا مش هسبهم وهقولهم وعرفهم شغلهم وحاجات من هذا القبيل:slap1qk6:
أول ما اشفهم بقلهم خلاص ياجماعة مفيش حاجة
معظم الاوقات بتبقي صادقة لاني مش بحب اني اكون مزعلة حد
وبحب اني اكون علاقتي كويسة مع كل الناس
اما بقي اللي يغلط في حقي ..زي واحدة غلطت في حقي ...مع اني والله عملتها معاملة
عمري ما عملتها مع ناس اصحابي .. وبعد في الاخر عشان هي عايزة مصلحة من واحدة تانية تقول عليه كلام مش صحيح ...أكيد طبعا لازم اعمل حساب للموقف دا
والكلام دا في ثانوي ولما دخلت الجامعة وبقت في قسمي جات وعشان مصلحة وبكل بساطة
اوعي تزعلي مني ...عشان انا مبحبش حد يزعل مني وبكدا اكون خلصت زمتي ادام ربنا ....
في الوقت دا بالذات بجد كان نفسي اجيبلها القديم والجديد
بس قلتلها بكل بساطة :: لا مفيش حاجة وسبتها ومشيت ولا كلمتها نص كلمة بعد كدا
بعدها لما اقعدت افكر كدا قلت قلة الكلام مع الاشكال دي أحسن ع الاقل
مقلش كلام اندم عليه بعد كدا ويطلع الحق عليه
يمكن المواجهه شيء كويس وانا بحاول اعمله حتي لو مش بالكلام زي ما انتي بتقول
انتى كده حليتى المشكلة بنفسك أنا كلامى كان على اصحابك مش معقول أى حد سواء بحبه أو بكرهه يضايقنى أروح اعاتبه أنا قصدى أصحابك بس
لكن لو واحدة ذكرياتك معاها كلها سواد و تشرد :d ماينفعش تسميها صاحبة ليكى أساساً .. تبقى مجرد زميلة و فى الحالة اللى زى دى طنشى و ريحى دماغك و إعملى نفس اللى انتى عملتيه معاها
لإن العتاب بيكون للى بنحبهم بس
انت مش فهمتيني
انا عندي طموحات اهداف كثيرة بس كل هدف مختلف عن الثاني خالص
ومش ينفع الاهداف دي تتحد مع بعض
لازم يكون هدف واحد عشان مش يحصل تشتت
لما اجي احدد هدف منهم اقول **لا** هفشل مش هنجح
مش عارفة ايه .. حاجات كدا ..
او لما ادخل في المجال دا مش هيبقي عندي دراية بيه وهفشل برده
عشان كدا بحس باليأس في اخر المطاف
صباح البتنجان :d
طيب ماتسبيها بالبركة
طالما مش عارفة الطريق شوفى رجلك هتوديكى على فين
يعنى تعملى اللى عليكى و تجتهدى و ربنا هيحطك فى الشىء المناسب ليكى
مش كل الأهداف اللى بنحطها لنفسها بنفشل فيها
فى واحد هدفه إنه ينحرف زى علاء ولى الدين الله يرحمه فى الناظر .. و بالرغم من إن الإنحراف طريقه سهل لكن هو معرفش ينحرف فابالتالى فشل فى تحقيق هدفه
و حاولى تقعدى مع نفسك و تشوفى انتى عايزة إيه و إيه اللى يناسب ظروفك و شخصيتك و و و
فى واحد بيكون هدفه إنه يبقى زويل أو جيفارا أو شعبان عبد الرحيم :d
بس ظروفه أو بيئته أو شخصيته ممكن يمنعوه من تحقيق الهدف ده
و كونك بتقللى من نفسك و تقولى لا أنا هفشل فى الهدف ده .. غلط كبير أوى .. جربى على الأقل و شوفى هتوصلى لإيه يمكن تنجحى فى تحقيق هدفك ده .. متخوفيش نفسك بنفسك
يا رب اكون فهمت كلامك صح
ههههههههههه
يابنتي انا لو اضيقت من كل الناس اكيد منك هيبقي *لا*
احنا عندنا كام مها يعني :wub::wub:
على فكرة شحيبر بيغير عليا :blush:
بجد بجد انا سعيدة اوووووي بردك
انا اصلا نسيت كل حاجة :d
شكرا ياموها ربنا يخليكي يارب للشعب المصري
ربنا يخلينى ليكم و مايحرمكوش منى أبتاً أبتاً :d
**تسابيح** 05-11-2009, 09:25 PM طب حوشى تمن الكشف من دلوقتى .. أقل من 200 جنيه فى الجلسة مش هقبل :d
خلاص أنا هجي اشتغل معاكي
ونقسم الفلوس مع يعض:d
انتى كده حليتى المشكلة بنفسك أنا كلامى كان على اصحابك مش معقول أى حد سواء بحبه أو بكرهه يضايقنى أروح اعاتبه أنا قصدى أصحابك بس
لكن لو واحدة ذكرياتك معاها كلها سواد و تشرد :d ماينفعش تسميها صاحبة ليكى أساساً .. تبقى مجرد زميلة و فى الحالة اللى زى دى طنشى و ريحى دماغك و إعملى نفس اللى انتى عملتيه معاها
لإن العتاب بيكون للى بنحبهم بس
أكيد طبعا هعمل كدا
وناس اللي مش يستهلوا مش نقلل نفسنا معاهم:006et4:
صباح البتنجان :d
يسعد صباحك:p
طيب ماتسبيها بالبركة
طالما مش عارفة الطريق شوفى رجلك هتوديكى على فين
يعنى تعملى اللى عليكى و تجتهدى و ربنا هيحطك فى الشىء المناسب ليكى
مش كل الأهداف اللى بنحطها لنفسها بنفشل فيها
فى واحد هدفه إنه ينحرف زى علاء ولى الدين الله يرحمه فى الناظر .. و بالرغم من إن الإنحراف طريقه سهل لكن هو معرفش ينحرف فابالتالى فشل فى تحقيق هدفه
هههههههههه
لا ان شاء الله مش عايزة انحرف
و حاولى تقعدى مع نفسك و تشوفى انتى عايزة إيه و إيه اللى يناسب ظروفك و شخصيتك و و و
فى واحد بيكون هدفه إنه يبقى زويل أو جيفارا أو شعبان عبد الرحيم :d
ماله شعبان بيكسب دهب برده ;)
بس ظروفه أو بيئته أو شخصيته ممكن يمنعوه من تحقيق الهدف ده
و كونك بتقللى من نفسك و تقولى لا أنا هفشل فى الهدف ده .. غلط كبير أوى .. جربى على الأقل و شوفى هتوصلى لإيه يمكن تنجحى فى تحقيق هدفك ده .. متخوفيش نفسك بنفسك
يا رب اكون فهمت كلامك صح
انت عندك حق انا فعلا اللي لازم اقرر عايزة ايه وايه اللي ممكن يناسبي
وفي نفس الوقت اعمل اللي عليه برده
ربنا يخلينى ليكم و مايحرمكوش منى أبتاً أبتاً :d
بجد شكرا ع مساعدتك ..انا استفدت منك اكيد;)
يارب مش يحرمنا منك ابتا ابتا:friendsxs3:
|