Mohamed samer
27-10-2009, 01:24 AM
السلام عليكم
اساتذتى الأفاضل , تحية طيبة وبعد ....
احب اعرف عن نفسى الأول :)
انا محمد سامر ... طالب فى الصف الأول الثانوى (محافظة الجيزة)
مصمم وهاوى للجرافكس والأنيميشن والأفلام ال 3d ثلاثية الأبعاد
ندخل بقى فى الموضوع
جاتلى فكرة كدة من كام يوم انى اعمل فيلم كارتون تعليمى , او قصة يعنى (عربى سواء او انجلش)
لطلاب الثانوية العامة --وعلشانى انا كمان طبعا :d--
وكنت محتاج مساعدة , او فريق عمل يعنى يساعدنى فى الموضوع ده
انا لسة معنديش افكار لحاجة معينة ومجهزتش اى حاجة , مجرد فكرة وبس
ارجو دعمها , وتطويرها , وتجسيدها فى هيئة حاجة مفيدة انشاء الله
وبالنسبة لامكانياتى فى ال 3d , فأنا مش بروفيشنال اوى , زى ماقولت مجرد هاوى:006et4:
ودا فيلم من تصميمى
http://www.youtube.com/watch?v=lA7e8muygoY&feature=player_embedded (http://www.youtube.com/watch?v=lA7e8muygoY&feature=player_embedded)
فبلييز عايز دعم من حضراتكم ... نقدر نعمل حاجة حلوة ...فبلاش تكسفونى :blush:...
خالص وارق تحياتى / محـمـد سـامر
BaNZeR
27-10-2009, 08:11 AM
http://www.youtube.com/watch?v=lA7e8muygoY&feature=player_embedded (http://www.youtube.com/watch?v=lA7e8muygoY&feature=player_embedded)
شيء جميل أوي الصراحة
وحيكون ده فعلاً شيء جميل جداً لو اتنفذ في حاجات تعليمية
بس أنا الحمد لله قدراتي على قدي :d
بس حتلقى ان شاء الله اللى يعرفو كتير
sympathique
27-10-2009, 01:20 PM
حلوة اوى الفكرة دى
بس ممكن بقى تكتب توبيك فى قسم الجرافيكس وانت هتلاقى اللى هيساعدوك
وان شاء الله تعملوا حاجة كويسة
Mohamed samer
27-10-2009, 04:35 PM
مرسى ع التفاعل يا جماعة .. بس دا مكانش قصدى خالص انتوا فهمتونى غلط
انا اعمال الجرافكس عليا كلها بس محتاج الى ينسق معايا الموضوع من ناحية المادة الى داخل الفيلم
الحقيقة مش عارف اوصل كلامى صح تقريبا
بس انا اقصد ان العمل له ابعاد تانية كتير غير الجرافكس
ياريت يكوون حد فهمنى ....
Egypt for Ever 25
27-10-2009, 07:42 PM
مرسى ع التفاعل يا جماعة .. بس دا مكانش قصدى خالص انتوا فهمتونى غلط
انا اعمال الجرافكس عليا كلها بس محتاج الى ينسق معايا الموضوع من ناحية المادة الى داخل الفيلم
الحقيقة مش عارف اوصل كلامى صح تقريبا
بس انا اقصد ان العمل له ابعاد تانية كتير غير الجرافكس
ياريت يكوون حد فهمنى ....
متهيالي
انت تقصد انك محتاج مثلا المادة التعليمية اللي تعمل بيها الفليم
و ده هيكون بمساعدة من مدرسين المنتدي
و تكون ايضا تحت اشراف من قسم الجرافكس
علي فكرة بجد الفليم اللي انتي مصممه رائع
منتظرين المزيد من ابداعاتك
ربنا يوفقك
BaNZeR
28-10-2009, 12:13 AM
مرسى ع التفاعل يا جماعة .. بس دا مكانش قصدى خالص انتوا فهمتونى غلط
انا اعمال الجرافكس عليا كلها بس محتاج الى ينسق معايا الموضوع من ناحية المادة الى داخل الفيلم
الحقيقة مش عارف اوصل كلامى صح تقريبا
بس انا اقصد ان العمل له ابعاد تانية كتير غير الجرافكس
ياريت يكوون حد فهمنى ....
اها
انت عايز المادة العلمية اللى تصممها
اقولك انا
لو اتكلمنا على ثانوي
معتقدش إننا حنبقى في حاجة لحاجة مصورة زي التعليم بتاع الاطفال مثلاً :d
بس ممكن نستفيد بيها في الفيزيا وفي التجارب العملية
يعني ترسم اشكال الدينامو الملفات الكهربية والحث الذاتي والتوصيل الكهربي الخ
الكيميا معتقدش حينفع يتعمل فيها حاجة مفيدة
ممكن في اعدادي مثلاً في الرياضيات ترسم النظريات مثلاً :d
ممكن توضح انت برده ايه الافكار اللى في دماغك عشان نعرف نحدد ايه اللى حتعرف تعمله بالظبط
وبعد كده زي ما قالت استاذة f ننسق مع المدرسين المشرفين عالاقسام
ونحط المادة العلمية المظبوطة اللى تعمل عليها التصميم
Mohamed samer
28-10-2009, 01:57 PM
الاستاذة - BaNZeR
بالظبت يا جماعة دا الى انا اقصده
وحلوة فكرة الفيزيا دى
ودا من الحاجات الى انا عايزها يا جماعة وهيا اساس الموضوع
--الأفكار--
وانا كانت فكرتى اننا نعمل قصة
زى قصص العربى والأنجليزى دى الى بناخدها
اظن ان دا احسن من النظريات والتجارب الى حضرتك قولت عليها لأن دا غير تقليدى
مافتكرش انك هتلاقى قصة بالشكل دا فى حتة .. على عكس التجارب
هتلاقيها فى سيديهات او فى البرامج التعليمية فى التى فى
وبعد كده زي ما قالت استاذة f ننسق مع المدرسين المشرفين عالاقسام
ونحط المادة العلمية المظبوطة اللى تعمل عليها التصميم
طبعا لازم دا يحصل , بس يبقى من ناحيت حضراتهم
يعنى يشرفنا فى التوبيك هنا الى ممكن يساعد بأى حاجة
علشان مبقاش متقل على حد
ومرسى بجد جدا ليكم
واتمنى اشوف المزييد من التفاعل ومزيد من
الأفكار و الأراء من السادة المدرسيين والأعضاء:049gc0:
(بذمتكم مش انفع ابقى شاعر:d)
Mohamed samer
30-10-2009, 12:23 AM
انا يا جماعة والله جااد جدا جدا
محتاج حد يقولى انا مدرس كذا وعندى استعداد اساعدك
بلييييز ... محتاج مساعدة بجد
لو سمحتم ...
BaNZeR
30-10-2009, 12:52 AM
طيب يلا قول تحب تبدأ بايه
فيزيا انجليزي عربي
عايز تصور قصة الانجليزي مثلاً
قصة سبايدرز لتانية ثانوي
بما إنك لسه رايح تانية ثانوي :d
ونتكلم مع مدرسين الانجليزي ونحط افكار القصة
وتبدأ في تصميمها
وانا عندي خلفية عن القصة برده ممكن اتابع معاك
عاجبني اوي الحماس بتاعك
وخايف لو اتساب يقل :d
بس انت قول عايز تبدأ منين ونرسملك الطريق
أحمـدنجـم
30-10-2009, 11:27 AM
أخي الحبيب أعرفك بنفسي أولاً أخوك أحمد نجم الحائز على المركز الأول على مستوى الجمهورية في مجال مسرحة المناهج على مدى 14 سنة متوالية ..
سأرسل لك ايميلي ويمكن أن نتواصل لأمدك بمادة جاهزة للتنفيذ بإذن الله ولو أردت سأمدك بالأصوات أيضاً .. لك خالص التحايا
Mohamed samer
31-10-2009, 05:38 PM
والله انا معارف اقولكم ايه يا جماعة .. غير انى مبسووووط جدا بجد , ان فى حد سمعنى , واهتم
مرسى يا بانزر على الكلام الحلو ده و اوعدك حماسى عمره ما هيقل , انشاء الله لأخر الوقت بنفس الحماس ابقى
استاذى .. احمد نجم
انا شوفت كلامك ده .. ماشاء الله , انا انبهرت
مش مسدق ان حد زى حضرتك هيساعدنى او حتى انى اشوف رد زى دا فى هنا
بجد اتشرف بالتواصل مع حضرتك وربنا ياارب يقدم الى فيه الخيير للجمييع
نورتونى وشرفتونى وياارب تقدرو تساعدونى .. انا ممتن بجد لييكم
تحيااتى ...
Mohamed samer
01-11-2009, 05:54 PM
ياباشا معلش الأيميلات وصلت نص والنص التانى لأ .. يعنى متشفرة
ياريت حضرتك تبعتها تانى وتحط مسافات بين الحروف علشان توصل كاملة
وشكرا ...