مشاهدة النسخة كاملة : مش فارقه......!


Nagham20
28-10-2009, 12:16 AM
اسفه يا جماعه على لغيبه الطويله دي بس بجد مكانش في كلام اكتيه بس الظاهر النهارده هاكتب كلام كتير جوايا ومستنيا منكم الردود وياريت يعجبكم تحياتي ( اختكم هند)



كنت عارفه ان اليوم ده جاي
كنت عارفه انك هتبيعي زي الباع
كنت بقول اننا قلب واحد ومش قلبين
بس الزمن اتغير وبقينا مش واحد بقينا اتنين
ليه قولتي انك بايعه وليه قولتي اني مش فارقه
ليه جرحتي قلبي وكسرتيه داكان جاي يقولك انك وحشتيه
جايا بتقولي مش فارقه ليه قولي انا عملت ايه
عشان خايفه على مصلحتك مش فارقه عندك
عشان بحبك طلعتيني من قلبك
انا مش فارقه معاكي مش مهم
بس انتي فارقه عندي وده الاهم
دانتي عندي كل حياتي دانتي عمري ودنيتي
براحتك تنسيني براحتك تجرحني
براحتك تعذبيني وتظلمي قلبي
براحتك تبعدي وبراحتك تخاصميني
بس مش دي الكلمه الي تتقال مابين الكلام
قدرتي تقوليها وقدرتي تحسيها
قدرتي تجرحيني دانتي حتى كسرتيني
ممكن مانرجعش زي زمان بس انتي في قلبي وفي كل مكان
وانا موجوده لو الزمن خدعك ومرتاحه لو الفرقه فرحك
وانا موجوده لو افتكرتي ان ليكي توأم
كان عايش ومعاكي وبيفرح ويحلم
خلاص عدى وقتي مش كدا
كفايا عليا العمر الي عشنا سوا
مستنياكي لو عرفتي ان ليكي صديقه وحبيبه وقريبه
بس دلوقتي يا قلبي خلاص
الظاهر انها نسيت وفعلا مش فارقه
خليك جامد وخليك قوي عشان الايام الصعبه جايا
لازم نتحملها وبلاش نصعبها عشان انت يا قلبي هتفضل وحيد
ولو مر عليك الزمن ولقيت حبيب هيقولك مش فارقه وتفضل وحيد
فخليها مش فارقه وعيش وحيد من غير حبيب من صديق ومن غير حتى القريب....


















http://dc05.arabsh.com/i/00536/8ue38hl0lonf.gif

.. Mysterious ..
28-10-2009, 02:48 AM
ليه جرحتي قلبي وكسرتيه
دا كان جاي يقولك انك وحشتيه




براحتك تنسيني براحتك تجرحني
براحتك تعذبيني وتظلمي قلبي
براحتك تبعدي وبراحتك تخاصميني
بس مش دي الكلمه الي تتقال مابين الكلام



الله عليكي
بجد انا لو من صديقتك
كنت بكيت وندمت اني ف لحظة فكرت اني اسيبك او اقول عليكي كلمة
بس هرجع اقول
خليكي انتي الاقوي وارجعي ليها وقولي ليها ع خطأها

بجد الله عليكي
كلماتي رائعه جدا
وإحساس الله عليه
ومشاعر حقيقي وجد تستحق كل حب ووفاء

حاجه اخيرة
ياريت مش تغيبي عن بيتك مرة اخري

تقبلي مروري المتواضع

manso king
28-10-2009, 09:42 AM
احساس عاااااااااااااااالى يا هند
رائعه

Nagham20
28-10-2009, 12:07 PM
الله عليكي
بجد انا لو من صديقتك
كنت بكيت وندمت اني ف لحظة فكرت اني اسيبك او اقول عليكي كلمة
بس هرجع اقول
خليكي انتي الاقوي وارجعي ليها وقولي ليها ع خطأها

بجد الله عليكي
كلماتي رائعه جدا
وإحساس الله عليه
ومشاعر حقيقي وجد تستحق كل حب ووفاء

حاجه اخيرة
ياريت مش تغيبي عن بيتك مرة اخري

تقبلي مروري المتواضع




شكرا والله على مرورك ونورتني بجد انا فرحانه ان حضرتك علقت وبجد شكرا وانشالله مش هغيب تاني
اختك هند

Nagham20
28-10-2009, 12:12 PM
احساس عاااااااااااااااالى يا هند
رائعه

شكرا والله على مرور حضرتك نورتنا

أحمـدنجـم
28-10-2009, 06:27 PM
عمل رائع
ويارب صديقتك تحس بيكي وبحبك ليها

بنت الريف
29-10-2009, 04:50 PM
حمد لله على سلامتك
جميلة جدا
وإحساس صادق
بجد يابخت صحبتك بيكى
صداقه وإخلاص بالشكل دا بقيوا نادرين الوجود
منتظرين المزيد
ربنا يوفقك

Nagham20
29-10-2009, 06:33 PM
عمل رائع
ويارب صديقتك تحس بيكي وبحبك ليها

شكرا شكرا بس الظاهر انها مش هتحس بيا لانه خلاص انا مش فارقه فعلا خلاص

Nagham20
29-10-2009, 06:35 PM
حمد لله على سلامتك

جميلة جدا
وإحساس صادق
بجد يابخت صحبتك بيكى
صداقه وإخلاص بالشكل دا بقيوا نادرين الوجود
منتظرين المزيد

ربنا يوفقك

ربنا يخلكي يارب والله انا زعلانه اه بس والله مبسوطه انك رديتي على موضوعي وربنا يخليكي