انا عايزة اعرف تجارة انجليزي اخدت مجموع كام السنة اللي فاتت الموضوع دة يمثلي حياة او موت
ارجو المساعدة و جزاكم الله خيرا :(

يا بنتي او يا بني انت بتدخل تجاره الاول و بعدين بتدخل انجليزي حسب درجتك فيه

و هي كانت واخد من علمي السته اللي فاتت365 من 410

و من ادبي مش فاكره بالضبط

اما الحد الادني للانجليزي فافتكر بيبقى في حدود 40 من 50

بيتهيألى مدرس الرياضة عندنا كان بيكلم واحدة دخلت الكلية و عاوزة تحول لتجارة و قا ل لها ان تقريبا الحد الادنى للانجليزى 46 من 50

دى معلوماتى:)


و بالتوفيق ان شاء الله

اانا عايز ملخص جغرافيا

السلام عليكم
تجارة إنجليزي لها طريقة حسبة معينة
أولاً تقدمي في كلية تجارة الجامعة اللي إنتي دخلتيها لتجارة إنجليزي لأنها تنسيق داخلي..
بالنسبة لجامعة عين شمس بتاخد المجموع الكلي وتضيف عليه درجة الإنجليزي وتضيف عليه درجة المستوى الرفيع (فقط لو كان المستوى الرفيع إنجليزي) وتحسب المجموع كام.. بالحسبة دي تجارة إنجليزي عين شمس أخدت السنة اللي فاتت من علمي 427 ونصف أعتقد
بالنسبة لجامعة القاهرة بتاخد المجموع الكلي وتضيف عليه درجة الإنجليزي وتضيف عليه درجة المستوى الرفيع سواء جغرافيا أو إنجليزي أو أي مادة أخرى.. وتجارة إنجليزي القاهرة أخدت بالحسبة دي من علمي 429
بالنسبة لجامعة حلوان فهي لها نفس طريقة حساب جامعة عين شمس لكن شرط أساسي عشان تقبلي في تجارة إنجليزي حلوان تكوني متخرجة من مدرسة لغات وبعدين المجموع دة حاجة ثانوية.. تقريباً السنة اللي فاتت أخدت كل اللي متقدمين لها مادام توفر فيهم شرط مدرسة اللغات..

والمعلومات دي إن شاء الله واثقة منها لإني قدمت فيهم كلهم وعرفت بيحسبوا إزاي والحمد لله دخلت تجارة إنجليزي حلوان.. وإن شاء الله أكون أفدتك

السلام عليكم