أيوه إحنا المصريين مختلفين عن الآخرين

المصري هو اللّي

ممكن يعدي التلاتين ولسه عايش مع أمه وأبوه وماعندهوش مشكلة

بيفهم في الطب ويشخص المرض ويوصفلك الدوا وبيفهم في النقاشة والكهربا

وتصليح العربيات والطبيخ والسياسة والكورة وهو أبيض ياورد

بيحط الريموت كونترول في كيس بلاستيك كعادة فرعونية

يقف يتكلم على الباب نص ساعة بعد إنتهاء الزيارة والسلام

لمّا تفتح نملية المطبخ هتلاقي عنده عشرين برطمان بتاع مربى فاضي

بقالهم سنين ومازال مُصِر على جمع المزيد

ييجي بعد معاده بساعتين ويفتكر إن ده عادي

لسه عنده إصرار إنه يتكلم بصوت عالي في التليفون لما تكون المكالمة دولية

عشان التاني يسمعه

بيعتبر نفسه أفضل واحد في الشرا والفصال وبعد كده يكتشف إن الحاجة في

المحل اللي جنبه أرخص من غير فصال

بيحتفظ بأكياس محلات اللبس والأحذية وورق الهدايا تحت مرتبة السرير

لسنوات ومابيستخدمهاش

عنده صينية مكسرات متقسمة لتلات او أربع أقسام لزوم المزاج وعمره

ماإستخدمها

بيشتري قبل الفطار في رمضان مواد إستهلاكية أصلا موجود عنده في البيت لسه

ماستخدمهاش

بيكون عنده شواية لزوم الرحلات أقصى استخدام لها كان مرة واحدة في العيد

بيشيل طابع البريد من على الظرف لو الختم ماكانش عليه

بيفتكر إن أي حد بيشتغل في الخليج بيغرف فلوس من غير حساب

لسه بيخلط بين أغنية بوس الواوا والواوا أح ، وبيفتكرهم

أغنية واحدة

بيكون مشغول بقيمة التيبس أو البقشيش طول العشا ياترى ربع جنيه ولا نص

جنيه

برده بيتخانق ساعة دفع الحساب بحرارة شديدة على إنه هو اللي لازم يدفع

سرقوا منه العربية بس مشكلته هي المايتي زينجر

بيفرش ملاية سرير على طقم الأنتريه عشان يفضل نضيف لما ييجي ضيوف

ومابيشيلهاش لما ييجوا


والأهم إنه اللي بيحب يسخر من نفسه ومن بلده وحكامه بس مايطيقش حد تاني

يسخر منهم ، وساعتها بيفرش له الملاية


منقوول

هههههههههههههههه
لا حلوة وفي حاجات فيا بما إني مصري يعني
.
.

قد يكون كلامك صحيح ... لكن لماذا لم توجه السؤال لنفسك لماذا نحن كذلك؟

الأيك الجواب: لأن 98 فى الماية من الشعب المصرى ما بين الطبقة المتوسطة والفقيرة وهذه هى صفات هذه الطبقات فى أى مكان بالعالم ويمكنك ان تتأكد بذلك من نفسك بأن توسع قراءاتك ولا تقف محلك سر.

لاتعليق

وعيب انك تقول الكلام ده اى نعم هو ده جزء من الواقع بس المفروض مانقولش كده

فى حاجات تانيه اكترمن كده نهتم بيها

<div class='quotetop'>إقتباس(شاعرالحب @ Dec 12 2006, 03:02 PM) 246199</div>
لاتعليق

وعيب انك تقول الكلام ده اى نعم هو ده جزء من الواقع بس المفروض مانقولش كده

فى حاجات تانيه اكترمن كده نهتم بيها
[/b]

ليه عيب مش واخد بالي يعني ؟؟ :blink:

<div class='quotetop'>إقتباس(شاعرالحب @ Dec 12 2006, 03:02 PM) 246199</div>
لاتعليق

وعيب انك تقول الكلام ده اى نعم هو ده جزء من الواقع بس المفروض مانقولش كده

فى حاجات تانيه اكترمن كده نهتم بيها
[/b]
اولا لو حضرتك قريت الموضوع كله دة مجرد سرد لاحداث بتحصل ودي احدات طريفة مش اكتر
يعني مافيهاش حاجة عيب ولا حاجة
يعني ارجو الاعتذار لان الكلمة دي كبيرة قوي

ههههههههههههه
فكرتنى بعبله كامل فى عفاريت السياله
حلو الموضوع يا دوك

هو ده بجد المصريين كده انا من واقع معيشتي في البلد دي 12 سنه بجد شفت شويه بس من اللي انت قلته


بس الموضوع جميل و جدا funy

هما دول المصريين بجد رافعين راس مصر

فعلا يبقي انت اكيد في مصر
بس كل العادات دي لقي الوالد والوالدة بيعملوها
فبيعملها تعود مش علشان صح او خطأ لا علشان تعود على كدا
وشكرا يا مصري