صداقة من نوع آخر............ [الأرشيف] - بوابة الثانوية العامة المصرية

مشاهدة النسخة كاملة : صداقة من نوع آخر............

**تسابيح**

30-10-2009, 12:06 AM

السلام عليكم ورحمة الله وبركاته
ازيكم ياجماعة.؟؟
يارب تكونوا بخير
كنت عايزة اكلمكم في موضوع كدا ;)
طبعا الصداقة دي شيء جميل بس فيه صداقة غير اللي معظمنا يعرفها

المهم
هقولكم ع مواقف وفهموا قصدي بقي
::::
كان فيه بنت عندها 14 سنة راحت لمامتها
البنت::ماما .. كنت عايزة احكي لك ع حاجة ...
الأم.(وهي بتجهز الأكل)::قولي ياحبيبتي انا سمعاكي اهو ..
البنت:: كنا في الفصل النهاردة وواحدة صاحبتك كانت معاه ميك اب وراحت عرضت عليه اني احط ورحت ..............
قبل ما تكمل الكلمة الأخيرة
الأم ::جابت أبو وردة وعملت مع البنت احلي واجب:dوجرتها من شعرها ..وقلمين حلوين كمان ... وقعدت تزلها بقي .. بنت زيك تعمل كدا
ووقت العدا والعيلة كلها مجتمعه
البنت مش طلعت عشان تأكل
الأب سأل ع بنته
الأم (ادام العائلة كلها):: أصلها مش فاضية بتجهز نفسها عشان تحط ميك اب..
لم تنتهي عند هذا الحط بل في الرايحة والجاية يابتاعة الميك اب ...لو بنقلك زكري ما هترضي ... مش فاضية اللي في الميك اب

دلوقتي بقي البنت تعمل ايه...
لو عندها اي مشكلة تروح لأصحابها وتقولهم وطبعا هم نفس السن
وهتيجي ع هواها رايهم ...
فأكيد هتبقي مشكلة....
وبعد لما البنت بقي عندها 18 سنة
الام بتتكلم مع جارتها وتقولها ::: مش عارفة ياختي البنت بنتي مش بتحكي لي اسرارها ليه :d
نفس المشكلة بس ام حكيمة
هتفهمها وتعرفها ايه الغلط وايه الصح وتقولها ان صاحبتها غلط بس بأسلوب
مقنع عشان ترضي تحكي لها وتقنعها برأيها وتفرضوا عليها والبنت تقبله
وهي سعيدة
................................
.......................
طبعا انا بتكلم عن الصداقة بين الاباء والابناء
ان فيه اباء ممكن مش يتصرفوا مع اولادهم بحكمه وخصوصا والابناء في مرحلة عمرية
معينة محتاجين ان يتاخذ رائهم ويكونوا قريبين من اهاليهم
طبعا فيه اهالي بتصاحب اولادها بس مش كله
::::
الأب رجع البيت غضبان فين محمود(عنده 17 سنة) هاتوا الولد دا هنا
محمود::نعم يابابا فيه ايه ..
الاب:: كنت بتسرمح مع بنت النهاردة الصبح ومرحتش المدرسة
محمود::أصل.....
الأب:: أقبل ما يسمع اي حاجة ضرب ابنه بالألم ع وشه طااااااااخ
(طيب انت بتضربني انا عمري ما هسمع كلامك انا... وانا... وانا)
الكلام دا كله في سره طبعا:d
ويروح يحكي لأصحابهم
ويقولوا:: ابوك دا ... لا دا صعب اوي ... بص سيبك منه ... وياعم لو عايز تمشي مع بنت ياذكي مش ف الطرق اللي ابوك عارفه
أصحابة:: خذ شم دا
محمود :: لا ياعم أنا مش بشم حاجة
صاحبه:: اه... خايف من ابوك ... طيب روح ياعيل يابتاع ابوك ..
دا انا هفضحك في المدرسة كلها انك عيل ...
محمود:: انت بتستبعط .. لا انا راجل و60 راجل
صاحبه:: طيب اثبت
محمود::: هات اللي في ايدك دا
(هم دول الأصحاب ولا بلاش):d
أصحاب مش بيفكروا اللي في الحاجات الخيبة
بس دول بيسمعوا كلام بعض
ويضيعوا بقي....الا في حالات نادرة اذا بعدوا بنفسهم
أنا عارفة ان عرضت الجانب السيء وفيه جانب كويس
أنا عايزة اعرف تصوراتكم في الفجوة بين الاهالي دي موجودة في معظم البيوت المصرية..؟
وليه معظم الابناء مش بيتكلموا مع اهلهم ..؟؟
وايه نتيجة كدا...؟؟
الحكايات دي من دماخي بس اكيد فيه منها في ارض الواقع ولا ايه؟؟!!!

Bent 3bdo

30-10-2009, 12:20 AM

**تسابيح**

30-10-2009, 12:27 AM

انا عن نفسى معنديش النوع ده م الصداقه
معرفش اقعد احكى لحد كده
وماما بتضايق منى علشان الموضوع ده
وخواتى ببجكولها عادى وحصل ومحصلش وجيت ورحوت و حصل وماحصلش
انا بقى تقعد تسال عملتى ايه الحمد لله فهمتى حاجه الحمد لله
بتشل منى وم ردرودى بس معرفش اقعد اكلم كده ولا حتى مع اصحابى
....
سيبكوا منى انا حاله شاذه
بحب اعيش مع نفسى:d

دا انت رهيبة بقي
ما نفسك مرة واحدة ;)
حسبي لحد يحسدك:p

..
بس ساعه طريقه الاهالى بتكره الابناء ان هما يحكوا معاها
ياعنى تيجى تحكلها حاجه
تقوم الام ولا الاب قايلها وليه وعملتى كده ليه وانتى غلطناه وبتاع
تخلى البنت ولا الولد
انا غلطانه انى اتكلمت معاكى اصلا
يلا ربنا يهدى الجميع
...
شكرا ع الموضوع يا قمر

بصي ياروحي أكيد فيه فرق بين لما الاهل يقولوا لاولادهم لما يحكوا لهم انت غلط بطريقة كويسة
عشان عندهك خبرة اكثر من اولادهم
وبين الاهل اللي مش بيتفهموا ويقعدوا يزهقوا ويعملوا من غير اي سبب ويسيحوا
دا بقي بيعمل عقدة عن الابناء
انا شايفة ان النقد عن طريق الاهل مش عيب
بس العيب التسيح :dعشان الاولاد في سن معين بيحسوا ان اي حاجة عندهم
حتي لو عادية اسرار
نورتيني يانعم
وربنا يهدي فعلا;)

BaNZeR

30-10-2009, 12:39 AM

كنت عايزة اكلمك في موضوع كدا ;)
لا مش فاضي دلوقتي للأسف :p

طبعا انا بتكلم عن الصداقة بين الاباء والابناء
ان فيه اباء ممكن مش يتصرفوا مع اولادهم بحكمه وخصوصا والابناء في مرحلة عمرية
معينة محتاجين ان يتاخذ رائهم ويكونوا قريبين من اهاليهم
طبعا فيه اهالي بتصاحب اولادها بس مش كله
::::
المشكلة هنا بتكون إنهم بيشوفو كل حاجة من وجهة نظرهم هما
مش بيحطوا في الاعتبار ازاي الولد او البنت بيفكرو بيها
فكل حاجة عندهم عليها خط احمر وبدون نقاش

(هم دول الأصحاب ولا بلاش)
أصحاب مش بيفكروا اللي في الحاجات الخيبة
بس دول بيسمعوا كلام بعض
ويضيعوا بقي....الا في حالات نادرة او بعدوا بنفسهم
ده لأنه الشباب في نفس السن بيبقى تفكيرهم متشابه لحد كبير
فاكيد حتلقى في اصحابك اللى موافقك في تصرفاتك
غير اللى في البيت اللى لا وضحولك صح من غلط وحببوك في الصح

أنا عارفة ان عرضت الجانب السيء وفيه جانب كويس

أنا عايزة اعرف تصوراتكم في الفجوة بين الاهالي دي موجودة في معظم البيوت المصرية.؟؟؟

تقريباً مفيش عندنا ثقافة لتربية الأبناء
اللى بيغلط بيعلقوله حبل المشنقة زي ما بيقولو
مفيش حاجة اسمها تفاهم وحوار
وده موجود طبعاً بين اسر كتير جداً
وده اللى بيسبب نفور بعض الابناء من اهاليهم
واللجوء إلى الأصدقاء - السوء - في طلب النصيحة
مهو لازم كل واحد في النهاية حياخد النصيحة من مصدر :d

وبعدين لما حضرتك تكتبي بكل الألوان
أنا اكتب بايه :d

noda 2000

30-10-2009, 09:58 AM

احمد رضا

30-10-2009, 10:59 AM

موضوع رائع يا تسابيح ونظرة واقعية ومهمة
كانت عجبتني أوي مقولة من حكيم نينجا في فيلم علي ما أذكر اسمه إلكترا
كان بيقولها " ليس كل الدروس تُعَلّم بل يجب أن نعيش بعضها لنفهمه "
من جِهه الآباء فالأب بلا شك عايز ابنه يبقي أفضل واحد في الكون .. والوحيد اللي يتمناه الرجل إنه يبقي افضل منه هو إبنه او ابن ابنه .. لكن للأسف طريقة التعامل وطريقة التوجيه هي المُشكلة الحقيقية
إسلوب الوعظ مش بينفع في كل الأحيان .. إنما إسلوب التوجيه والمُشاركة هو الأكثر جدوي علي الإطلاق
كمان التوجيه ميبقاش كله مُنصب علي إني اخلي الولد مثالي او البنت مثالية وأربيهم علي " الزمن الجميل " لما كان الراجل راجل والست ست
سيدنا علي بن أبي طالب - كرم الله وجهه - قال " لا تربوا أبناءكم علي أخلاقكم فإنهم خُلِقوا لزمنٍ غير زمانكم "
هنا بقي الحكمة .. إني أخليه شخص كويس ورزين وفي نفس الوقت ميتعارضش مع العالم من حواليه .. هنا مقصدش المسائل اللي لا نقاش عليها ولا جدال زي الأدب والاخلاق .. لا ابداً .. الأخلاق أخلاق في أي وقت وفي أي مكان والخير ليس كما يري بعض الفلاسفة إنه نسبي .. لاء الخير ثابت ويقيني طالما نتايجه " مبتضرش بحد .. وبتفيد الفرد والجمع .. وآثاره مُستمره وجيدة في البيئة المؤثرة " .. مش دي نقطتنا
انا بتكلم عن نقطة إننا مينفعش نربي ولادنا علي زمانا إحنا هيحصلهم مشاكل كتيرة وعرقلات كتيرة جداً .. إنما أنا أصاحبه .. أشاركه .. اوجه طاقته واستثمره بكدا هيقولي كل أسراره .. هيكلمني براحته .. أدني مُشكلة هتحصل معاه هيجي يحكيهالي ( طول ما حاسس إن عقلي مواكب العصر )
الحمدلله والدي صديقي
وانا شايف إن الموضوع له آثار لا بأس بها بالنسبالي
---
النقطة التانيه الأهم من ذلك الأم
دي مُرتبطة بعصب الأمة وسر قوتها وسر ضعفها وسر انحلالها وسر رقيها الأخلاقي
إنسانة تقدر تُفسد ربع المُجتمع وأربع نساء يستطيعن إفساده بالكامل مع التسلسل
يعني ( واحدة ) تقدر تُفسِد أخوها / تفسد زوجها / تُفسد جارها / تُفسد ابنها / تُفسد اقاربها
وتقدر تصلحهم في نفس الوقت
لما أنا اربي بني آدمه علي إنها عايشه لوحدها وملهاش حد تفرغ فيه أسرارها وتستقي من حكمته او يفكر معاها .. مع اول كلمتين بودنها الضعيفة هتفلت وتضيع
بس الحمدلله بردو لسه شايف بعض النماذج اللي مصاحبها امهاتها وبيحكوا في كل صغيرة وكبيرة
وياريت بجد تزيد بلاش نبعد البنات خصوصاً عنا

شكراً يا تسابيح علي الموضوع الجميل
وآسف بشدة علي الأطالة
:)

shimaa2009

30-10-2009, 12:22 PM

**تسابيح**

30-10-2009, 12:48 PM

كنت عايزة اكلمك في موضوع كدا ;)
لا مش فاضي دلوقتي للأسف :p
الله يكون في العون :d

المشكلة هنا بتكون إنهم بيشوفو كل حاجة من وجهة نظرهم هما
مش بيحطوا في الاعتبار ازاي الولد او البنت بيفكرو بيها
فكل حاجة عندهم عليها خط احمر وبدون نقاش
أنت فعلا عندك حق يابانزر
بس الاهالي اللي هي مش بتسمع اصلا
كل حاجة ^^انا قلت كلمة لازم تتنفذ^^
يمكن لو الاولاد دول في ابتدائي مثلا هنقول ماشي
مش يعرفوا مصالحتهم
لكن الاولاد خلاص في مرحلة اعداد قادة المستقبل
هيبقوا امهات وكمان اباء لازم نفهمهم ونقربهم مننا
بس انا عايزة اقول حاجة ان الاهل هم اكثر ناس بيخافوا ع مصلحة اولادهم
وبيحبوا ان اولادهم بيدا من اول ما الاهل انتهوا
بس هي المشكلة في الطريقة نفسها
انهم بيعملوا حالة واحدة انهم يقولوا كل حاجة **لا** .. **مش تعمل**
حاجات من هذا القبيل والاولاد طبعا عايزين يجربوا
يبقي السياسة في التعامل والديمقراطية اكيد هيجيب نتائج افضل

ده لأنه الشباب في نفس السن بيبقى تفكيرهم متشابه لحد كبير
فاكيد حتلقى في اصحابك اللى موافقك في تصرفاتك
غير اللى في البيت اللى لا وضحولك صح من غلط وحببوك في الصح

الاصحاب معظمهم بيوافقوا ع اي حاجة
وبالذات اللي هم مفيش علاقة اصلا منهم وبين اهلهم
كان فيه واحدة قربتي اصغر مني بتحكي لي موضوع وعايزة راي
طبعا كنت معترضة وقلتها مش ينفع وجبتلها السلبيات وكدا
تعرف قالت لي ايه بعد كدا
صاحبتي موافقة ع الموضوع وهي اللي قالت لي استمري فيه
طبعا مش مهم هو ايه الموضوع دا :d
بس اللي انا عايزة اقوله ان الاصحاب دايما مش بيبقي عندهم خبرة
ومش بيعرفوا يقدموا نصيحة صح

تقريباً مفيش عندنا ثقافة لتربية الأبناء

اللى بيغلط بيعلقوله حبل المشنقة زي ما بيقولو
مفيش حاجة اسمها تفاهم وحوار
وده موجود طبعاً بين اسر كتير جداً

انا عندي سؤالين محترة فيهم جدا
بالنسبة لثقافة تربية الاولاد
هل الاسرة اللي مش بتتحاور مع اولادها هم كانوا كدا
اتربوا كدا برده.... عشان كدا مش قادرين يتعاملوا مع اولادهم
ع اساس ان فاقد الشيء لا يعطيه ..؟؟
ولا هم اهلهم كانوا بيتعاموا معاهم بطريقة حوارية
وحاسوا بالفشل في المعاملة دي فحابوا يتعاملوا بطريقة ثانية؟؟!!
وتبقي الاجابة مجهولة الهوية :d

وده اللى بيسبب نفور بعض الابناء من اهاليهم
واللجوء إلى الأصدقاء - السوء - في طلب النصيحة
مهو لازم كل واحد في النهاية حياخد النصيحة من مصدر :d

ايه يابانزر احنا في القسم العام مش خبر وتعليق
ال مصدر ال:d

وبعدين لما حضرتك تكتبي بكل الألوان

أنا اكتب بايه :d

اولا الالوان حق لكل عضو في المنتدي :d
انا كنت عايزك تغير بقي اللون الاخضر دا
اللي بيفكرني بشم النسيم
نورتي بجد يابشمهندس:av4056bb7jp3:

mohamadelhawary

30-10-2009, 01:31 PM

السلام عليكم و رحمه الله و بركاته
الموضوع ده جميل جدا
فعلاً الشاب و الفتاه قبل الزواج لازم يأخدوا دوره تدريبيه عن تربيه الأطفال
موضوع جميل جدا شكرا ليكى

BaNZeR

30-10-2009, 02:10 PM

ايه يابانزر احنا في القسم العام مش خبر وتعليق
ال مصدر ال:d
امال اصدقك منين بقى
ميمكن المجتمع كويس وانتي اللى بتضحكي علينا :d

اولا الالوان حق لكل عضو في المنتدي :d
انا كنت عايزك تغير بقي اللون الاخضر دا
اللي بيفكرني بشم النسيم
نورتي بجد يابشمهندس:av4056bb7jp3:

لا الأخضر انا اللى ماسك توكيله
بعد كده امنعه عنكو :d
هو شم النسيم بيبقى لونه اخضر :lol:

انا عندي سؤالين محترة فيهم جدا
بالنسبة لثقافة تربية الاولاد
هل الاسرة اللي مش بتتحاور مع اولادها هم كانوا كدا
اتربوا كدا برده.... عشان كدا مش قادرين يتعاملوا مع اولادهم
ع اساس ان فاقد الشيء لا يعطيه ..؟؟
ولا هم اهلهم كانوا بيتعاموا معاهم بطريقة حوارية
وحاسوا بالفشل في المعاملة دي فحابوا يتعاملوا بطريقة ثانية؟؟!!
وتبقي الاجابة مجهولة الهوية :d

معتقدش إننا هنا بنطبق قاعدة فاقد الشيء لا يعطيه
بالعكس
هنا الاب معاه كل حاجة ومش فاقد اي حاجة
معاه انه يضرب ابنه وانه يكلمه وانه يحرمه وانه يهزقه وانه يديه ويجيبله
بس المهم هنا هو الترتيب بين الحاجات دي
وكمان متبقاش كلها بالاسلوب التقليدي

النظرية اللى بتنطبق هنا إنه كل واحد بيحاول يكمل الحاجة اللى اتحرم منها زمان

زي معيد كان بيدينا امبارح اول سكشن ليه واول سنة يدرس فيها :d
قالنا انا زمان دخلت هندسة على اساس اخلص من نظام الثانوية
لقيت إني في اعدادي زي ما يكون في رابعة ثانوي :d
فانا ححاول اديكو الحاجة اللى كان نفسي الاقيها اول ما دخلت القسم
اعرف الدنيا ماشية ازاي مش اخد مسلمات واحفظها وخلاص
وده اللى بدأ يطبقه معانا في اول سكشن ليه واللى كنت بنام فيه :d

من هنا يبقى مش المشكلة في موضوع التربية زمان
لأ
لأنه لو كان حس بالمشكلة دي زمان واتعرض ليها
كان حيحاول يتفاداها في ابنائه
لكنها مسألة ثقافة مش اكتر
ممكن الأب بيحس إنه ملوش كلمة لو ساب ابنه يعمل اللى عايزه
فلازم يعنفه ويضربه عشان يحسسه إنه الكبير هنا
ولازم كلمته تبقى مسموعة
كلنا متفقين إنه عايز مصلحته وإنه مش ضده
بس للأسف مصلحته دي دايماً تبقى مادية
عمره ما بيفكر في نفسية الابناء
بيعتبر إنه مادام جابله كل حاجة خلاص هو كده مأدي مهمته على اكمل وجه

**تسابيح**

30-10-2009, 05:24 PM

دلوقتى بقى فى مشكله بين الاباء والامهات والابناء
دلوقتى الأباء والأمهات دايما عاوزين أولادهم بدون أخطاء
مينفعش إنهم يغلطوا...كأنهم ملايكة يعنى
ويوم ما حد يغلط ويقولهم
تبدأ سلسلة منا لتوبيخ دون مراعاة لمشاعرهم
ودون توجيه...إلا بعد توبيخ
مشكورة على موضوعك
هو كل الموضوع ان كل اب وام عايزين اولادهم احسن من اي حد
عشان كدا بيخافوا
بس فيه ناس بتعبر عن خوفها بالعنف
وناس تانية باللين ودول الاحسن اكيد
واسلوب التوبيح دا غلط
شكرا ع مشاركتك نورتي;)

**تسابيح**

30-10-2009, 05:56 PM

موضوع رائع يا تسابيح ونظرة واقعية ومهمة

شكرا ربنا يخليك
كانت عجبتني أوي مقولة من حكيم نينجا في فيلم علي ما أذكر اسمه إلكترا
كان بيقولها " ليس كل الدروس تُعَلّم بل يجب أن نعيش بعضها لنفهمه "
من جِهه الآباء فالأب بلا شك عايز ابنه يبقي أفضل واحد في الكون .. والوحيد اللي يتمناه الرجل إنه يبقي افضل منه هو إبنه او ابن ابنه .. لكن للأسف طريقة التعامل وطريقة التوجيه هي المُشكلة الحقيقية
إسلوب الوعظ مش بينفع في كل الأحيان .. إنما إسلوب التوجيه والمُشاركة هو الأكثر جدوي علي الإطلاق
كمان التوجيه ميبقاش كله مُنصب علي إني اخلي الولد مثالي او البنت مثالية وأربيهم علي " الزمن الجميل " لما كان الراجل راجل والست ست
اسلوب المرونة يعني تعرف امته تتعامل بالشدة وامته يبقي فيه مشاركة وحوار
كل الحاجات دي عايزة اكيد مهارة وخبرة في الحياة ومش اي حد ممكن يعمل كدا
بس اكيد لو الاب دا معلم ابنه او بنته وهم صغيرين ع المشاركة
اكيد طبعا هيكسبهم وهم كبار...
فمن شب ع شيء شاب عليه
مفيش حد مثالي بس فيه حد ممكن ندله ع الطريق الصح ونوجهه عشان يمشي فيه
سيدنا علي بن أبي طالب - كرم الله وجهه - قال " لا تربوا أبناءكم علي أخلاقكم فإنهم خُلِقوا لزمنٍ غير زمانكم "
هنا بقي الحكمة .. إني أخليه شخص كويس ورزين وفي نفس الوقت ميتعارضش مع العالم من حواليه .. هنا مقصدش المسائل اللي لا نقاش عليها ولا جدال زي الأدب والاخلاق .. لا ابداً .. الأخلاق أخلاق في أي وقت وفي أي مكان والخير ليس كما يري بعض الفلاسفة إنه نسبي .. لاء الخير ثابت ويقيني طالما نتايجه " مبتضرش بحد .. وبتفيد الفرد والجمع .. وآثاره مُستمره وجيدة في البيئة المؤثرة " .. مش دي نقطتنا
انا بتكلم عن نقطة إننا مينفعش نربي ولادنا علي زمانا إحنا هيحصلهم مشاكل كتيرة وعرقلات كتيرة جداً .. إنما أنا أصاحبه .. أشاركه .. اوجه طاقته واستثمره بكدا هيقولي كل أسراره .. هيكلمني براحته .. أدني مُشكلة هتحصل معاه هيجي يحكيهالي ( طول ما حاسس إن عقلي مواكب العصر )
الحمدلله والدي صديقي
وانا شايف إن الموضوع له آثار لا بأس بها بالنسبالي
أكيد طبعا يعني مثلا معظم الاهالي دلوقتي كان وهم صغيرين
التليفزيون كان 3 قنوات وكدا
دلوقتي دش ونت لو الاهل مش عرفوا الاستخدمات للحاجات دي
وتبعوا اولاهم اكيد ممكن الاولاد يضيعوا لان زي ما النت فيه حاجات كويسة
فيه حاجات وحشة زي المواقع المتطرفة اللي بتبعد الاولاد عن دينهم
يبقي لازم الابناء فيه تواصل مع الاباء عشان
مش يضيعوا
كويسة انك صديق ولدك (ربنا يخلهولك يارب)
زي ما انت بتقول اثر فيك وكمان نقلك خبرته
لان العمر مش فيه كثير عشان الواحد يتعلم من نفسه
كان فيه مقوله بتقول
**المحظوظ من يتعلم من اخطاء الاخرين ...والغير محظوط من يتعلم الاخرين من اخطائه**
كان فيه حاجة قلتها ع كرسي الاعتراف عجبتني اوي
**أن ولدك علمك انك مش تأخذ اخطائه **حاجة زي كدا ع ما اتذكر
حاجة جميلة لان اكيد كل انسان له عيوب ومميزات وكونه انه يعلمك كدا يبقي اكيد اب ماهر

---
النقطة التانيه الأهم من ذلك الأم
دي مُرتبطة بعصب الأمة وسر قوتها وسر ضعفها وسر انحلالها وسر رقيها الأخلاقي
إنسانة تقدر تُفسد ربع المُجتمع وأربع نساء يستطيعن إفساده بالكامل مع التسلسل
يعني ( واحدة ) تقدر تُفسِد أخوها / تفسد زوجها / تُفسد جارها / تُفسد ابنها / تُفسد اقاربها
وتقدر تصلحهم في نفس الوقت
لما أنا اربي بني آدمه علي إنها عايشه لوحدها وملهاش حد تفرغ فيه أسرارها وتستقي من حكمته او يفكر معاها .. مع اول كلمتين بودنها الضعيفة هتفلت وتضيع
بس الحمدلله بردو لسه شايف بعض النماذج اللي مصاحبها امهاتها وبيحكوا في كل صغيرة وكبيرة
وياريت بجد تزيد بلاش نبعد البنات خصوصاً عنا

هو فعلا الام هي عامل مهم جددددددددددا
في ابنائها سواء ولاد او بنات
وتأثرها اكبر من تأثير الوالد
لانها بتبقي مع اولادها طول الوقت او معظمه
والوالد في الشغل

شكراً يا تسابيح علي الموضوع الجميل
وآسف بشدة علي الأطالة
:)
بالعكس انا استفدت من ردك ومن رد جميع الاعضاء
وعرفت حاجات مكونتش اعرفها
بجد شكرا ع مشاركتك
نورتني :d

**تسابيح**

30-10-2009, 06:45 PM

جزاكى الله خيرا على هذا الموضوع الاكثر من رائع وبانسبه لرائى لازم الاب والام يكونو اصدقاء لابنائهم لانهم اكتر ناس خايفين على صحبتها وعمر مالصحبه تخاف عليها بالدرجه اللى بيخاف عليها ابائنا انا عن نفسى بحكى كل حاجه للعائله كلها واسمع منهم النصيحه والله هما بيتفاهمو معايا خالص

كويس انك مصاحبه اهلك خطوة جميل بجد
وفعلا عندك حف
مهما كان الاصحاب بيحبوكي بس بدور بيحبوا نفسهم اكثر
والاهل طبعا بيحب اولادهم وعايزينهم احسن منهم
نورتي ياروحي

pureheart

31-10-2009, 12:17 AM

أسطورة الأحزان

31-10-2009, 01:24 AM

ymymym

31-10-2009, 03:18 AM

ازيك يا تسابيح
انا بكتب وانا بانام بجد مش قادره
بس هرد عليكي برضه
بصي انا حضرت محاضره الاسبوع اليل فات عن مهارات التواصل
ازاي تتواصلي مع الناس فالدكتور اليل اتكلم اول ما اتكلم سأل وقال مين اليل مبيعرفش يتكلم مع اهله او لاقي مشكله في الفضفضه مع اهله او حاسس انهم صعبين
فاحلفلك بايه كلهم رفعوا ايديهم ما عدا انا واربع او خمس بنات تانيين بس
المهم كلهم فضلوا يجمعوا علي ان الاب هو اليل صعب انك تتعاملي معاه والام حنينه شويه
او مثلا بنات تقولك بابا حنين عليا وماا لأ
وولد يقوم يقولك لأ دي ماما هي الي حنينه عليا وبابا شديد قوي

ففضل يسألنا طب ليه السبب يا تري انا كان راي ان دلوقتي الاب اتربي علي حاجه معينه من وهو صغير فطلع انسان كويس فلما يشوف ابنه بيعمل العكس تلاقيه يزعقله يوبخه بمعني اصح لأ متعملش لأ غلط لأ عيب بيقولها بطريقه تخلي الابن يبعد عنه لكن لما ياخده براحه كده ايوه اتكلم اتفضل خير يا بني اه عمل حاجه غلط اسمعه بهدوء واتمالك اعصابي كده انا اختي الصغيره بعمل معاها كده لما بتغلط فعشان كده هي بتحب تتكلم معايا بعد اختي الكبيره لاها عاجباها طريقتي نتكلم براحه واسمعها اه احسسها بغلطها بس اخليها تبعد عنه وفي نفس الوقت اكسب ثقتها برضه المفروض الاب يعمل كده او الام
الام مثلا تيجي البنت تسألها او تقولها انا يا ماما عملت كذه وكذه يا مام غلط المفروض الام تقولها طب ليه يا حبيبتي عملتي كده طب انتي مش عارفه انه غلط بس براحه كده طب انتي عارفه انك لو اتصرفتي بطريقه كذه كان هيبقي افضل الام تساعدها برضه مش تسيبها كده وتزعقلها وهقو للبابا او تضربها والكلام ده
لأ ده مينفعش بجد انا بحب بابا وماما يتكلموا معايا بالطريقه دي
انا الصراحه النهارده حصل معايا موقف معرفت شاتصرف فيه بجد اتكسفت وكان مفاجأه ليا قوي
قابلت ابن عمتي ف يالشارع هو متزوج ومخلف بنت قدي ف يالسن المهم سلمت عليه فبيقولي هتركبي ايه تاكسي قلتله لأ مش هركب تاكسي بليل قالي ميكروباس قلتله اه
فالمهم واحنا واقفين مستنيني اركب جه واحد صاحبه بالعربيه فانا مش سامعاهم بيتكلموا بيقولوا ايه
فلقيته بيقولي روحي ياياسمين اركبي معاه فبصيتله كده وصعقت بمعني اصح وفضلت ساكته كده مش عارفه اقول ايه والراججل واقف
فبعد كده اتكلمت لأ يا عمو ربنا يخليك مش ينفع انا هركب سرفيس من هنا وامشي قالي لأ متركبيش بليل لوحدك ومعرفش ايه يلا بسرعه روحي اركبي وبيزعقلي بقي فروحت ومتكلمتش وانا مش عارفه اعمل ايه المهم رجعني فعلا اول ما رجعت روحت قلت لاختي الكبيره ده حصل كذه وكذه فقالتل يانت يعبيطه كنتي امشي علي طول وقولي ل متشكره وخلا صقلتلها مكنش ينفع قالتلي متقوليش لبابا هيزعقلك
فانا اتضايقت قوي بس برضه روحت قلت لبابا وماما قلت لماما الاول وقالت لبابا وكانت العيله قاعده خالت يوعيالها كانت هيصه
فبابا سكت كده وقالي دي غلطه عمو مجدي بس بعد كده لو شفتي التاني ده متركبيش معاه فلقيت التو بتقوله انت عارف يا باشمهندس برافو عليك انك مزعقتلهاش لو زعقتلها مكنتش هتحكيلك علي اي حاجه تانيه
شفتوا بابا عسل ازاي ربنا يخليه اه هو اتكلم معايا براحه كده اه موقف يضايق شويه بس اتكلممعايا براحه كده وقال يخلاص بس حاولي تتصرفي بسرعه اكبر كده يعني
فانا علا عاوزه كل رجل هيبقي اب او مش لازم يبقي ليه بنت او ابن اختك اظنها عايه يعني وهي هي اتعامل براحه مع الاولاد الاصغر منك يعني خليك بالنسبه ليهم حبوب ويبقوا واثقين فيك وهيحكولك علي كل حاجه ان شاء الله
كذلك الام متدلعيش بنتك قوي وبعد كده تجيبي اللوم عليها ف يالاخر ومتبقيش شديده عليها قوي يعني حافظي علي بنتك بطريقه كويسه خليكي صديقتها شوفي الاصدقاء اصدقائها بيعملوا ايه معاها وبيتكلموا ازاي عاها واعملي زيهم وطبعا مع بعض الحزم والتربيه الصالحه وهتربوا عيالكم كويس قوي
وفي نفس الوقت متهملوش اولادكم
معل شكلامي ملعبك ومش مرتب بس انا نعسانه قووووووووووووووووووووووووي بجد
موضوعك حلو جدااااااااااااا

صفحة ف الماضى

31-10-2009, 04:10 AM

لما أنا اربي بني آدمه علي إنها عايشه لوحدها وملهاش حد تفرغ فيه أسرارها وتستقي من حكمته او يفكر معاها .. مع اول كلمتين بودنها الضعيفة هتفلت وتضيع
مش قاعدة
بنات كتير عايشين مع الناس بس لوحدهم ومش لاقيين اللى يسمعهم
ومع ذلك لسة احسن من كتير مصاحبين اهلهم
لان الاهل اوقات بيمشوا مع اولادهم ف الغلط
وبينزلوا بتفكيرهم لتفكير بنتهم المراهقة عشان يفضلوا كدة .. اصحاب .. :)
رغم انى باحترم جدا الام والاب اللى بيصاحبوا ولادهم بطريقة صح
لكن لو لقيت امى او ابويا بيعرضوا عليا ويلمحوا للصداقة دى ف تصرفاتهم وكلامهم - وده مستحيل :) -
مش هاقبل صداقتهم
جايز لانى اتعودت اكون كدة
لوحدى
ماشية بدماغى وماليش اصحاب غيرى
بالنسبة لى مفيش احسن من كدة - مع انه مش صح :) -
موضوع رائع يا تسابيح وبحب طريقة عرضك للمواضيع

**تسابيح**

31-10-2009, 10:27 AM

السلام عليكم و رحمه الله و بركاته
وعليكم السلام ورحمة الله بركاته
الموضوع ده جميل جدا
شكرااا لحضرتك
فعلاً الشاب و الفتاه قبل الزواج لازم يأخدوا دوره تدريبيه عن تربيه الأطفال
موضوع جميل جدا شكرا ليكى

بس هي فعلا حكاية الدورة التدربية دي صعبة شوية
ناس كثير بتستكبر الموضوع
بس يلا ربنا يقدم اللي فيه الخير
شكرا ع مشاركتك

**تسابيح**

31-10-2009, 10:50 AM

امال اصدقك منين بقى
ميمكن المجتمع كويس وانتي اللى بتضحكي علينا :d
لا أنا اقدر اضحك عليكم
أنا بشتغلكم :p

لا الأخضر انا اللى ماسك توكيله

بعد كده امنعه عنكو :d
هو شم النسيم بيبقى لونه اخضر :lol:

اه شم النسيم بيبقي اخر
أكيد الناس اللي بتقعد في البيت مبيعرفوش لونه:p

معتقدش إننا هنا بنطبق قاعدة فاقد الشيء لا يعطيه
بالعكس
هنا الاب معاه كل حاجة ومش فاقد اي حاجة
معاه انه يضرب ابنه وانه يكلمه وانه يحرمه وانه يهزقه وانه يديه ويجيبله
بس المهم هنا هو الترتيب بين الحاجات دي
وكمان متبقاش كلها بالاسلوب التقليدي

الترتيب وكمان الاسلوب
كل الاباء معاهم كل حاجة بس فيه منهم بيقدر يستخدمها صح ويطبقها
بطريقة حتي لو هو بيزعق لابنه او لابنته يتقبله الموقف
هو دا بقي ممكن يكون ذكاء ابوي
وفيه ناس بتستخدم الحاجات دي غلط
انا خلاص كدا اقتنعت ان فاقد الشيء ساعات بيعطيه:d

النظرية اللى بتنطبق هنا إنه كل واحد بيحاول يكمل الحاجة اللى اتحرم منها زمان

زي معيد كان بيدينا امبارح اول سكشن ليه واول سنة يدرس فيها :d
قالنا انا زمان دخلت هندسة على اساس اخلص من نظام الثانوية
لقيت إني في اعدادي زي ما يكون في رابعة ثانوي :d
فانا ححاول اديكو الحاجة اللى كان نفسي الاقيها اول ما دخلت القسم
اعرف الدنيا ماشية ازاي مش اخد مسلمات واحفظها وخلاص
وده اللى بدأ يطبقه معانا في اول سكشن ليه واللى كنت بنام فيه :d

عقبالي بقي لما ابقي انا كمان كدا :blush:
يعني الموقف بتاعة المعيد دا
احنا كمان بنطبقه في حياتك
يعني لو انا او اي حد اتعرض لموقف ما في مرحلة عمرية معينة
وحد طلب مساعدته وكان عنده خبره هيساعده اكيد
ويكون عارف مشاعره نفسها هيحاول يقوله بطريقة تقنع
غير الشخص اللي مش عاش ولا جرب
طبعا انا لو مكان المعيد كنت عملت احلي واجب
ولا كنت دخلتك سكاشن بعد كدا
بحب الخير دايما:d

من هنا يبقى مش المشكلة في موضوع التربية زمان
لأ
لأنه لو كان حس بالمشكلة دي زمان واتعرض ليها
كان حيحاول يتفاداها في ابنائه
لكنها مسألة ثقافة مش اكتر
ممكن الأب بيحس إنه ملوش كلمة لو ساب ابنه يعمل اللى عايزه
فلازم يعنفه ويضربه عشان يحسسه إنه الكبير هنا
ولازم كلمته تبقى مسموعة
كلنا متفقين إنه عايز مصلحته وإنه مش ضده
بس للأسف مصلحته دي دايماً تبقى مادية
عمره ما بيفكر في نفسية الابناء

بيعتبر إنه مادام جابله كل حاجة خلاص هو كده مأدي مهمته على اكمل وجه

يعني انت بتقول ان لازم الاب وهو بيربي
يكون عنده ثقافة ويحاول يطور ويبحث عشان يعرف
يربي صح ويطلع نماذج كويس للمجتمع
هو دا الغلط ان دايما يحاول ينزل لمستوي تفكير ابوه ويقرب منه
بس النزول لمستوي التفكير ساعات كثير بتبقي صعبه
او الاباء بسبب الضغوط في الحياة بيبقي دماخه مشغول بمليون حاجة
بس انا مش عايزة برده احمل الاهالي كل حاجة
في حاجة كمان ممكن مكونش قلتها
ان ساعات الاهالي بيعرضوا ع ابنائهم الصداقة بس الابناء مش بيوفقوا
يمكن عدم ثقة او حتي مش حبين انهم يتعلق ع تصرفاتهم انها غلط
وسعداء كدا
شكرا يابانزر ع مشاركتك اكيد استفدت منها
نورتني :022yb4:

**تسابيح**

31-10-2009, 12:10 PM

انا شايفة ان الاباء بيكونوا خايفين على ولادهم زيادة عن اللزوم
ففى كتير من المواضيع يبقى الاباء رفضنها ومش قبلين الفكرة
من الاساس و الابناء مش بيحبوا الرفض ده
فحتى لو قعدوا يتكلموا مع اهلهم بيحسوا بالرفض حتى
لو مظهرش فى الكلام فده بيخليهم يكلموا حد حيفهم هما يقصدوا ايه
ومش معترض على كلامهم

هو فعلا كدا
ان الاهالي بترفض ومش بتقدم سبب الرفض
بالاولاد يقولوا ** دول عايزين يجبرونا وخلاص**
وبكدا بيروح يسأله اصحابهم واصحابهم زيهم
هيمشوا ع هواهم وبكدا ممكن يعملوا حاجات غلط كثير
شكرا ع رايك
نورتي الموضوع;)

**تسابيح**

31-10-2009, 12:26 PM

الموضوع جميل ومهم جدا جدا وبجد كتير أوىمن الأبناء بيعانوا من الفوارق اللى بتعملها الأب والأم معاهم بيدخلوا جواهم رهبا وخوف و أسلوب المعايره فى كل حاجه وبعد لما خلاص يعودوهم يرجعوا يقولوا مش بتحكولنا ماكان من الأول خلاص زى ما سبتونا لأصحبنا يعلمونا الغلط زمان سبونا نكمل طريقنا وربنا يهدينا فى بقى اللى ربنا بيحبه يبعتله حد يعلمه الصح وفى اللى بيضيع مع الدنيا
شكرا على الموضوع
هي نقطة مهمة اووووووووووووي
ان الاهالي مش بيعودوا اولادهم وهم صغيرين ع النقاش
والحوار لما الاولاد بيكبروا مش بيحكوا ولا حتي بيدوا
فرصة لاهاليهم انهم يكلمهم لانهم خلاص عملوا حاجز ما بينهم قوي جداااااا
لا ع فكرة مش مبرر اطلاقا ان عشان الاهل مش بيكلموا اولادهم
ان اولادهم بنحرفوا ...لا طبعا
مفروض الاولاد يدور ع ناس كويسة واكبر منهم ويعرفوا ينصحوا كويس
ويتكلموا معاهم لو هم فعلا مش قادرين يتحاورا مع اهلم
نورتي الموضوع بجد ;)

أسطورة الأحزان

31-10-2009, 12:58 PM

نورتي الموضوع بجد ;)

جميل أوى الوش اللى بعد بجد ده بيعبر أكتر من الكلام عموما شكرا:excl:

**تسابيح**

31-10-2009, 01:06 PM

ازيك يا تسابيح

الله يسلمك ياياسمينة;)

انا بكتب وانا بانام بجد مش قادره

بس هرد عليكي برضه

هي دي التضيحة ولا بلاش
بتردي في الموضوع رغم انك عايزة تنامي
ربنا يخليكي للشعب المصري ياحبي;)

بصي انا حضرت محاضره الاسبوع اليل فات عن مهارات التواصل

ازاي تتواصلي مع الناس فالدكتور اليل اتكلم اول ما اتكلم سأل وقال مين اليل مبيعرفش يتكلم مع اهله او لاقي مشكله في الفضفضه مع اهله او حاسس انهم صعبين

فاحلفلك بايه كلهم رفعوا ايديهم ما عدا انا واربع او خمس بنات تانيين بس

المهم كلهم فضلوا يجمعوا علي ان الاب هو اليل صعب انك تتعاملي معاه والام حنينه شويه

او مثلا بنات تقولك بابا حنين عليا وماا لأ

وولد يقوم يقولك لأ دي ماما هي الي حنينه عليا وبابا شديد قوي

بصي ياحبي أنا مقتنعة بحاجة ان لازم الاب او الام يبقي عندهم شدة
عشان مش ينفع الاثنين يشدوا مع بعض او الاثنين يرخوا مع بعض
فداه شيئ طبيعي
بس المهم انك تلاقي حد في اهلك تقدري تتوصلي معاه سواء الاب او الام
المهم ان يكون فيه حد

ففضل يسألنا طب ليه السبب يا تري انا كان راي ان دلوقتي الاب اتربي علي حاجه معينه من وهو صغير فطلع انسان كويس فلما يشوف ابنه بيعمل العكس تلاقيه يزعقله يوبخه بمعني اصح لأ متعملش لأ غلط لأ عيب بيقولها بطريقه تخلي الابن يبعد عنه لكن لما ياخده براحه كده ايوه اتكلم اتفضل خير يا بني اه عمل حاجه غلط اسمعه بهدوء واتمالك اعصابي كده انا اختي الصغيره بعمل معاها كده لما بتغلط فعشان كده هي بتحب تتكلم معايا بعد اختي الكبيره لاها عاجباها طريقتي نتكلم براحه واسمعها اه احسسها بغلطها بس اخليها تبعد عنه وفي نفس الوقت اكسب ثقتها برضه المفروض الاب يعمل كده او الام

كنت مرة بكلم واحدة قربتي عندها ولدين
ليه فيه اهالي بتزعق وكدا
قالتلي :: عشان هو اكثر ناس بتخاف ع اولادهم مش بيستعموا عليهم الهوا او اي حاجة وحشة اما انك تتكلمي بهدوء دا شوية صعب وبالذات لما تكوني ام
لانك ساعتها شايفة انك بيعمل الغلط فغضب عنك
مش بتقدري تتمالكي اعصابك غير لما يكون اختك او اخوك
هما اه اخواتك بس مش هيبقوا زي اولادي ..
الي حد ما اقتنعت برايها لان لما تكوني في موقف ام وتتكلمي
غير لما تكوني واحدة بعيدة
دا طبعا مش يمنع ان يكون فيه هدوء وسياسة اثناء التعامل
بس مش في كل الاحوال لازم نعرف امته نستخدم السياسة وامته
نستخدم الشدة وهكذا

الام مثلا تيجي البنت تسألها او تقولها انا يا ماما عملت كذه وكذه يا مام غلط المفروض الام تقولها طب ليه يا حبيبتي عملتي كده طب انتي مش عارفه انه غلط بس براحه كده طب انتي عارفه انك لو اتصرفتي بطريقه كذه كان هيبقي افضل الام تساعدها برضه مش تسيبها كده وتزعقلها وهقو للبابا او تضربها والكلام ده

لأ ده مينفعش بجد انا بحب بابا وماما يتكلموا معايا بالطريقه دي

تعرفي انا بحب الطريقة دي ... ان تعمليها انها صاحبتك
وتجبيرها انها تمشي ع مزاجك بس و هي مش حاسة
اكيد طبعا هيبقي اسلوب جميل وهتحمي البنت من نفسها
لانها لسه صغيرة ومش عندها خبره زي مامتها

انا الصراحه النهارده حصل معايا موقف معرفت شاتصرف فيه بجد اتكسفت وكان مفاجأه ليا قوي

قابلت ابن عمتي ف يالشارع هو متزوج ومخلف بنت قدي ف يالسن المهم سلمت عليه فبيقولي هتركبي ايه تاكسي قلتله لأ مش هركب تاكسي بليل قالي ميكروباس قلتله اه

فالمهم واحنا واقفين مستنيني اركب جه واحد صاحبه بالعربيه فانا مش سامعاهم بيتكلموا بيقولوا ايه

فلقيته بيقولي روحي ياياسمين اركبي معاه فبصيتله كده وصعقت بمعني اصح وفضلت ساكته كده مش عارفه اقول ايه والراججل واقف

فبعد كده اتكلمت لأ يا عمو ربنا يخليك مش ينفع انا هركب سرفيس من هنا وامشي قالي لأ متركبيش بليل لوحدك ومعرفش ايه يلا بسرعه روحي اركبي وبيزعقلي بقي فروحت ومتكلمتش وانا مش عارفه اعمل ايه المهم رجعني فعلا اول ما رجعت روحت قلت لاختي الكبيره ده حصل كذه وكذه فقالتل يانت يعبيطه كنتي امشي علي طول وقولي ل متشكره وخلا صقلتلها مكنش ينفع قالتلي متقوليش لبابا هيزعقلك

فانا اتضايقت قوي بس برضه روحت قلت لبابا وماما قلت لماما الاول وقالت لبابا وكانت العيله قاعده خالت يوعيالها كانت هيصه

فبابا سكت كده وقالي دي غلطه عمو مجدي بس بعد كده لو شفتي التاني ده متركبيش معاه فلقيت التو بتقوله انت عارف يا باشمهندس برافو عليك انك مزعقتلهاش لو زعقتلها مكنتش هتحكيلك علي اي حاجه تانيه

شفتوا بابا عسل ازاي ربنا يخليه اه هو اتكلم معايا براحه كده اه موقف يضايق شويه بس اتكلممعايا براحه كده وقال يخلاص بس حاولي تتصرفي بسرعه اكبر كده يعني

تعرفي انا برده لو حصلي اي حاجة زي موقفك دا
بروح احكي في البيت
عشان لما اهلي يعرفوا مني احسن لما يعرفوا من حد تاني
ساعتها هيكسفي الحد التاني ويقولوا :: احنا بنتنا بتقولنا كل حاجة
بجد فيه ناس كدا رخمة وتروح عايزة جنازة وتشبع فيها لطم
فانا مش بحب اعرض نفسي لمواقف رخمة
بس بجد انت عجبتيني اووووووي لما حكيتي لباباكي
وبرده بابا تصرف معاكي بحكمة
تعرفي لو كان قلك وزعق بقي اكيد مش كنت هتكلميه في اي حاجة تانية
حصلتلك
ربنا يخلهولك ياجميل;)

فانا علا عاوزه كل رجل هيبقي اب او مش لازم يبقي ليه بنت او ابن اختك اظنها عايه يعني وهي هي اتعامل براحه مع الاولاد الاصغر منك يعني خليك بالنسبه ليهم حبوب ويبقوا واثقين فيك وهيحكولك علي كل حاجه ان شاء الله

كذلك الام متدلعيش بنتك قوي وبعد كده تجيبي اللوم عليها ف يالاخر ومتبقيش شديده عليها قوي يعني حافظي علي بنتك بطريقه كويسه خليكي صديقتها شوفي الاصدقاء اصدقائها بيعملوا ايه معاها وبيتكلموا ازاي عاها واعملي زيهم وطبعا مع بعض الحزم والتربيه الصالحه وهتربوا عيالكم كويس قوي

وفي نفس الوقت متهملوش اولادكم

معل شكلامي ملعبك ومش مرتب بس انا نعسانه قووووووووووووووووووووووووي بجد

موضوعك حلو جدااااااااااااا

[/QUOTE]
تعرفي ياياسمينة انا بحب نصايحك اوووووووي
انت عسولة خالص ونصايحك زي العسل زيك
شكرا ياروحي ع مشاركتك
نورتي الموضوع:friendsxs3:

**تسابيح**

31-10-2009, 01:19 PM

مش قاعدة

بنات كتير عايشين مع الناس بس لوحدهم ومش لاقيين اللى يسمعهم
ومع ذلك لسة احسن من كتير مصاحبين اهلهم
لان الاهل اوقات بيمشوا مع اولادهم ف الغلط

وبينزلوا بتفكيرهم لتفكير بنتهم المراهقة عشان يفضلوا كدة .. اصحاب .. :)

بصي يابنتي فيه حاجة لازم كلنا نكون معترفين بيها
ان التربية مش كلها صحيحة ان اكيد الاهل لما يربوا
هيربوا اولادهم ع حاجة غلط
بس مش معني كدا اننا نحكم ونقول كل التربية غلط
بس ممكن يكون الغلط دا بسبب غلط الاهل ذات نفسهم
عايزة اقول ان كل حاجة لها ايجابيتها وسلبيااتها
بس التربية دي مش بتيجي من فراغ
الاهل بيبقي عندهم خبرة ودراية بحاجات
بس بصراحة موضوع ان فيه اهالي بيصاحبوا اولادهم وينزلوا لمستواهم ويضرهم
مش شفتها قبل كدا بس لو فيه فعلا يبقي قاعدة قليلة ومش لازم نتمسك بيها

رغم انى باحترم جدا الام والاب اللى بيصاحبوا ولادهم بطريقة صح
لكن لو لقيت امى او ابويا بيعرضوا عليا ويلمحوا للصداقة دى ف تصرفاتهم وكلامهم - وده مستحيل :) -
مش هاقبل صداقتهم
جايز لانى اتعودت اكون كدة
لوحدى
ماشية بدماغى وماليش اصحاب غيرى
بالنسبة لى مفيش احسن من كدة - مع انه مش صح :) -

هي دي مشكلة كبيرة اووووووووووي
ومش انت بس اللي بتقول كدا
ناس كثير وفعلا رفضوا انهم يصاحبوا اهلهم
لانهم حصل موقف وهم صغيرين مش قادرين ينسوا
او حاسين ان اهلهم مش هيفهموهم
بس انا ممكن اقولك حاجة انت ممكن تصاحبي
حد قريبك واكبر منك وبرده عنده خبره
وفي نفس الوقت ترتحيله ويقدر يفهم
لاننا اكيد لازم نحتاج لحد اكبر مننا عشان يسمعنا ويساعدنا
ان شاء الله تلاقي حد يفهم اكثر;)

موضوع رائع يا تسابيح وبحب طريقة عرضك للمواضيع

ميرسي ربنا يخليكي يارب
بس مش عارفة ليه حاسة اني اعرفك
وداخلة بعضوية جديدة:d
نورتي ياقمر

**تسابيح**

31-10-2009, 01:22 PM

جميل أوى الوش اللى بعد بجد ده بيعبر أكتر من الكلام عموما شكرا:excl:
طيب ماشي
هو جميل عشان انتي شفتيه جميل:d

أسطورة الأحزان

31-10-2009, 01:25 PM

:):):)شكرا على الرد وياريت الابتسامه بتبقى اجمل حاجه

**تسابيح**

31-10-2009, 05:52 PM

شكرا ياروحي ع ردك

صفحة ف الماضى

31-10-2009, 09:03 PM

بس بصراحة موضوع ان فيه اهالي بيصاحبوا اولادهم وينزلوا لمستواهم ويضرهم

لو ماكنتش شوفت النموذج ده ماكنتش هاتكلم عليه بجد :)
وانتى عندك حق انه قليل

بس انا ممكن اقولك حاجة انت ممكن تصاحبي
حد قريبك واكبر منك وبرده عنده خبره
وفي نفس الوقت ترتحيله ويقدر يفهم
لاننا اكيد لازم نحتاج لحد اكبر مننا عشان يسمعنا ويساعدنا
ان شاء الله تلاقي حد يفهم اكثر;)

انا كدة احسن :bosyht9: الحمد لله

ميرسي ربنا يخليكي يارب
بس مش عارفة ليه حاسة اني اعرفك
وداخلة بعضوية جديدة:d
نورتي ياقمر
حاولت ابعتلك امبارح رسالة بس مانفعش عشان رجعوا نظام الـ 50 مشاركة تانى
عموما زى ما حسيتى انك تعرفينى .. حسى انا مين بقى
لحد ماكمل الـمشاركات واقولك
:p

Łosт Mεмoяч

31-10-2009, 11:54 PM

انا عن نفسى مفيش النوع ده من الاصدقاء خالص نوهائى
بس تقريبا هى بتكون عمليه تعود مش اكتر يعنى مأختاش انى ارجع البيت احكى كل حاجه حصلت معايا وكده او يمكن محدش عودنى ع كده وبقا لو حصلت مرا كده صدفه وحد سألنى اكيد بتكون الاجابه بهزار
يعنى انهرده زى امبارح ,مفيش جديد كده يعنى اه كده غلط بس زى ما بتقولى اسلوب التربيه اتعودت ع حاجه مش حغيرها فجأه كده بس عن نفسى انا شايفه انا كده احسن من حكايه اصحاب دى يعنى فى اختلاف فى التفكير اه بيكون عندهم خبرات وكده بس برضو الشخص نفسه هو ال بيحدد يكون ازى
صح ولا غلط يعنى فى واحده اعرفها مامتها كل 10 دقايق تيلفون انتى فين وكده وفى نفس الوقت
عايشه حياتها غلط اه ممكن يكون صحابها السبب زى مابتقولى اوغلط الاب والام فى تربيتها مفيش ثقه خالص بس بردو بس هى لو عايزه تكون صح ح تكون صح يعنى ال عايزه اقوله او ال شايفه انو صح
ان الواحد هو ال بيكون شخصيته مش ولا اب ولا ام ولا اصحاب
هو ال بيسمح لناس دى تأثر فى حياته او لا يعنى احسن انك تعيش لوحدك بجد وعن تجربه:006et4: اه الاب والام ربنا يخليهم وكل حاجه والاصحاب اه فى اصحاب بس لهم دور فى الحياه غير ان انا احكلهم وكده
يعنى عندى مشكله مثلا اتعود احلها بنفسى كأن الناس دى مش موجوده اصلا او عايشه لوحدى
(مش عارفه اوصل الجزء ده مش مشكله):d
اه ممكن تكون صعبه والاحساس بالوحده والكلام ده بس احسن كتير منك تتكلم مع ناس مش فهمينك
او كل حد عايزك تكون زى ماهو عايز والغلط عنده لازم يكون الغلط عندك والصح بردو
يمكن يكون كلامى هو الغلط بس انا شايفه انو صح عن انى اكون ماشيه على ان تربيتهم لى دى غلط
ومن حقى اعمل اى حاجه واصحاب اى اصحاب بحاجه ان هم غلط و نفس الكلام ع الاصحاب هى مش علشان صحابتى لازم اكون زيها يعنى انا بس ال اقدر احكم نفسى تكون ازى
مش عارفه ايه الرغى ده كله ويارتنى عارفه اوصل حاجه
معلش يا تسابيح استحملى;)
شكرا يا جميل ع الموضوع
ربنا يكتر من مواضيعك:p

**تسابيح**

01-11-2009, 01:32 PM

لو ماكنتش شوفت النموذج ده ماكنتش هاتكلم عليه بجد :)
وانتى عندك حق انه قليل
أنا فعلا أول مرة أسمع عنها
بس مش كل حاجة نشوفها ونسمعها تبقي قاعدة عامة
نطبعها ع حياتنا

انا كدة احسن :bosyht9: الحمد لله
انا عارفة كويس انك بتقولي أنا كدة احسن
من ورا قلبك ...ودايما بتبقي زعلان انك لوحدك
بس اادام الناس انا اسعد مخلوق
ع فكرة فيه اصحاب بجد بيبقي مستوي فتكرهم عالي اووي
لما تتكلمي معاهم تبقي مراحتها
ع العموم ياريت تعملي بالنصحية
بدل ما اجيلك انتي حرة بقي:d

حاولت ابعتلك امبارح رسالة بس مانفعش عشان رجعوا نظام الـ 50 مشاركة تانى
أصلك بركة :d
دي مياه معنية ع فكرة بيجبوها من البحر الابيض المتوسط
عموما زى ما حسيتى انك تعرفينى .. حسى انا مين بقى
لحد ماكمل الـمشاركات واقولك
:p
اممممممم
بقلك أكيد انت اللي كنتي طالعة مع عمرو دياب في فيلم آيس كريم في كريم:d
لما كنتي عبارة عن مكعب مانجو واصبحتي مجرد امنيات بالفرنساوي
وقلتي من يعنية ;) وتحولي الي لاشيئ مش عارفة بتحبي الفرنساوي
كدا ليه :006et4:
كل لبيب بالاشارة يفهموا:d

**تسابيح**

01-11-2009, 02:12 PM

نا عن نفسى مفيش النوع ده من الاصدقاء خالص نوهائى
بس تقريبا هى بتكون عمليه تعود مش اكتر يعنى مأختاش انى ارجع البيت احكى كل حاجه حصلت معايا وكده او يمكن محدش عودنى ع كده وبقا لو حصلت مرا كده صدفه وحد سألنى اكيد بتكون الاجابه بهزار

تفتكري العيب منك ولا من الاهل؟؟
لان فيه اهل بيحاولوا يقربوا من اولادهم واولادهم بيرفضوا لان خلاص كان ممكن يحصل الحكاية
دا من واحنا صعيرين اما كبار صعبة شوية
يعنى انهرده زى امبارح ,مفيش جديد كده يعنى اه كده غلط بس زى ما بتقولى اسلوب التربيه اتعودت ع حاجه مش حغيرها فجأه كده بس عن نفسى انا شايفه انا كده احسن من حكايه اصحاب دى يعنى فى اختلاف فى التفكير اه بيكون عندهم خبرات وكده بس برضو الشخص نفسه هو ال بيحدد يكون ازى

بص يابنتي شيء اساسي لازم نتعلم من خبرات اللي اكبر مننا
سواء كنا هنصاحبهم او لا
اصل الحياة فيها اد ايه عشان نتعلم ...
وفيه اهل مش عندهم الليونة والمرونة
اللي يخلي الاولاد يفتحوهم في موضوع
يبقي اكيد العيب هنا من الاهل ...

صح ولا غلط يعنى فى واحده اعرفها مامتها كل 10 دقايق تيلفون انتى فين وكده وفى نفس الوقت
عايشه حياتها غلط اه ممكن يكون صحابها السبب زى مابتقولى اوغلط الاب والام فى تربيتها مفيش ثقه خالص بس بردو بس هى لو عايزه تكون صح ح تكون صح يعنى ال عايزه اقوله او ال شايفه انو صح
ان الواحد هو ال بيكون شخصيته مش ولا اب ولا ام ولا اصحاب
هو ال بيسمح لناس دى تأثر فى حياته او لا يعنى احسن انك تعيش لوحدك بجد وعن تجربه:006et4:

لا ياحبيبتي دا الام اللي كدا بتخلي بنتها مش عندها شخصية
وكمان العملية بتبقي اووووووووف اوووي
خير الامور الوسط ....
لازم يكون فيه ثقة عشان نقدر نتكلم ونتحاور ...
بس زي ما انا بقول مستحيل نعيش لوحدنا ونقول
احنا كويسين كدا

اه الاب والام ربنا يخليهم وكل حاجه والاصحاب اه فى اصحاب بس لهم دور فى الحياه غير ان انا احكلهم وكده
يعنى عندى مشكله مثلا اتعود احلها بنفسى كأن الناس دى مش موجوده اصلا او عايشه لوحدى
(مش عارفه اوصل الجزء ده مش مشكله):d

أكيد فيه مشاكل ممكن تحليها لوحدك
وفيه مشاكل محتاجه لاصحابك المخلصين
وفيه مشاكل محتاجة لناس اكبر منك
الحياة كلها مشاكل :p

اه ممكن تكون صعبه والاحساس بالوحده والكلام ده بس احسن كتير منك تتكلم مع ناس مش فهمينك
او كل حد عايزك تكون زى ماهو عايز والغلط عنده لازم يكون الغلط عندك والصح بردو
يمكن يكون كلامى هو الغلط بس انا شايفه انو صح عن انى اكون ماشيه على ان تربيتهم لى دى غلط

أصعب حاجة الوحدة
وبالذات لما مش تلاقي حد تثقي فيه تكلميه ولو حتي كلام عادي
المهم الشخص يكون بنرتاح معه

ومن حقى اعمل اى حاجه واصحاب اى اصحاب بحاجه ان هم غلط و نفس الكلام ع الاصحاب هى مش علشان صحابتى لازم اكون زيها يعنى انا بس ال اقدر احكم نفسى تكون ازى
مش عارفه ايه الرغى ده كله ويارتنى عارفه اوصل حاجه

لا ع فكرة مش مبرر اطلاقا ان الاهل مش بيكلموا اولادهم
ان الاولاد يمشوا في طريق غلط (بتكلم بوجه عام مش عليكي طبعا)
امال الايتام يعملوا ايه!!
الانسان عنده عقله وتفكيره لازم يستخدمهم عشان يتخطي الصعاب

معلش يا تسابيح استحملى;)
شكرا يا جميل ع الموضوع

ربنا يكتر من مواضيعك:p

ما انا مستحملي اهو:p
بس ياريت تكبري الخط :slap1qk6:
نورتي ياقمراية :022yb4:

هانى الشرقاوى

01-11-2009, 02:20 PM

للأسف مجتمعنا فاشل فى كل حاجة

**تسابيح**

01-11-2009, 02:27 PM

للأسف مجتمعنا فاشل فى كل حاجة
انت جبت الخلاصة ياحاج محمد :d
وع راي اللي بيقولوا خير الكلام ماقل ودل
::::
بس تفتكر العيب من المجتمع فعلا ولا من الاهل؟؟
وايه رايك في الصداقة بين الاباء والابناء ؟؟
وليه حاصل فجوة كبيرة كدا مبينهم ومفيش تفاهم ؟؟
عايزين نعرف رايك اكيد:d

looody

01-11-2009, 10:13 PM

الموضوع بجد جامد جدا \ ربنا يكرمك

صفحة ف الماضى

02-11-2009, 02:21 AM

خسارتك ف البلد
:stickjo4:

ليتني طفله وهمي لعبتي

02-11-2009, 11:22 AM

السلام عليكم ورحمة الله وبركاته
بجد ياتسابيح موضوع حلو أوي
بس مين يسمع
انا الحمد لله عن نفسي
مصاحبه ماما على الآخر
بنزل وأرجع أقولها حصل وحصل وحصل
لغاية ما تزهق:d
وتبقى نفسها تضربنا
بس اعمل إيه
مش أعرف أقعد معاها إلا لما أقولها على كل حاجه

ربنا يباركلي فيها هيا وبابايا
هوا أي نعم مش مصاحباه أوي
بس لما بيبقى رايق بيجنن:friendsxs3:
هههههههههه
بجد يارب الأهالي كلهم يفهموا كده
ويفهموا قد إيه الموضوع ده مهم
صحبة أولادهم وبناتهم
بيبقى ليه تأثير جامد جدا بعد كده على حياتهم لغااااااااااااااااية مايبقوا أجداد

ربنا يهديهم يارب

**تسابيح**

03-11-2009, 03:42 PM

الموضوع بجد جامد جدا \ ربنا يكرمك
شكرا ربنا يخليكي
نورتي

خسارتك ف البلد

:stickjo4:

أنا بقول برده كدا :p

السلام عليكم ورحمة الله وبركاته
وعليكم السلام ورحمة الله وبركاته

بجد ياتسابيح موضوع حلو أوي
ربنا يخليكي ياجميل
بس مين يسمع
انا الحمد لله عن نفسي
مصاحبه ماما على الآخر
بنزل وأرجع أقولها حصل وحصل وحصل
لغاية ما تزهق:d
ههههههههههه
ربنا يخليهالك يارب
وربنا برده يكون في عونها:p
وتبقى نفسها تضربنا
بس اعمل إيه
مش أعرف أقعد معاها إلا لما أقولها على كل حاجه
هههههه
مش انا برده بقول ربنا يكون في عون الامهات

ربنا يباركلي فيها هيا وبابايا
هوا أي نعم مش مصاحباه أوي
بس لما بيبقى رايق بيجنن:friendsxs3:
هههههههههه
يارب يبقي رايق ع طول
بس انت اكيد اللي بتزهقيه باين عليكي
هههههه:p
بجد يارب الأهالي كلهم يفهموا كده
ويفهموا قد إيه الموضوع ده مهم
صحبة أولادهم وبناتهم
بيبقى ليه تأثير جامد جدا بعد كده على حياتهم لغااااااااااااااااية مايبقوا أجداد

ربنا يهديهم يارب

ربنا يهدي يارب
ويسعدك ياجميل ع طول
نورتي ياروحي