من طالب ثانوية عامة :::: مشكلتي مشكلة :::: [الأرشيف] - بوابة الثانوية العامة المصرية

مشاهدة النسخة كاملة : من طالب ثانوية عامة :::: مشكلتي مشكلة ::::

soley93

31-10-2009, 05:47 AM

السلام عليكم ورحمة الله وبركاته

اخواني الاعزاء انا حبيت افضفض شوية واعرض مشكلتي علي امل اني الاقي حل
انا دلوقتي طالب في تانية ثانوي وزي ماكل الناس عارفة ان تانية ثانوي في مصر مهمة جدا وهي الي تقريبا بتحدد مصير كل طالب
انا طول عمري مبذاكرش يعني كنت بعتمد علي ذاكرتي من الي بفهمه من الدرس
وتخيلوا كنت الحمد لله بجيب درجات عالية بأقل مجهود
انا جيت السنة دي وتقريبا من الصيف وقولت مع نفسي انا لازم اذاكر واعمل اقصي ماعندي
وباذن الله ربنا يوفقني وعاهدت نفسي فعلا
وفعلا بدأت الدراسة وكنت داخل متحفز جدا ومتحمس اني هاكل الكتب اكل :049gc0:
ولكن للأسف مش عارف ايه الي جرالي كل لما اجي فاتح كتاب احس اني دايخ والله العظيمده بيحصل
او اجي اذاكر احس باحساس غريب من الزهق والملل واجري افتح تلفزيون ولا اعمل اي حاجة تانية
وحاولت اعمل اي شئ واعالج المشكلة دي
فقررت افصل كل وسائل الميديا عني واتفرغ بشكل تام للمذاكرة:abdoog8:
وبردوا نفس الشئ اجي اذاكر مبعرفش وبحس بملل شديييييييد
وانا من جوايا نفسي اقضي اليوم كله مذاكرة بس زي مايكون في حاجة بتبعدني وتشدني بعيد عن المكتب
اول لو حصلت المعجزة وفتحت كتاب بعد 10 دقايق بلاقي نفسي عايز اقوم وزهقت اقوم قايل لنفسي ايه اروح استريح شوية واخد بريك وارجع تاني
وللأسف ولا برجع ولا حاجة
انا والله بتعذب جدا وكل يوم بعاتب نفسي والوم نفسي مش عارف مالي بجد
علي فكرة انا في الانشطة الخارجية متفوق جدا جدا جدا
ولكن باجي لحد الكتاب ومش عارف ايه الي بيحصل
انا بضايق جدا لما اشوف ناس اقل مني في القدرات ومتفوقين عليا دراسين
متتصوروش العقدة الي بقت عندي وكمية القرف والزهق قد ايه
وكل يوم بيفوت بيزيد الالم عندي اكتر
مش عارف اعمل ايه
انا تقريبا قرأت معظم النصائح الي تتصوروها لطلاب الثانوية العامة بس كل ده مبينفعش معايا ابدا
انا بجد زهقت زهقت زهقت
وحاسس اني مش هجيب ربع المجموع الي كنت ناوي اجيبه
انا نفسي اكون مرشد سياحي او مترجم
بس بالشكل ده شكلي مش هجيب 50 % حتي
ياريت ياشباب الي عنده حاجة يقولها يمكن يجيبلي جديد
معلش ياريت مكونش ازعجتكم

**تسابيح**

31-10-2009, 04:52 PM

ياااااااااه بتفكرني بأيام ثانوي كنت زيك بالضبط ..ايااام بجد:d
المهم مشكلتك بسيطة جدا ووممكن تتحل بكل سهولة
بس مش تكبر الموضوع وبرده تحطه موضع جد
أولا:: لازم تكون علاقتك بربنا كويسة جدا ..وتصلي في مواعيد الصلاة ومش تقول
الصلاة ممكن تعطلني عن المذاكرة لو انت بتذاكر والاذان بيأذن سيب المذاكرة ورح صلي وقبل لما تذاكر تصلي ركعتين لله عشان ربنا ييسرلك الامور بجد هتحس براحة نفسية عجيبة وطاقة اعجب
ثانيا:: احسن مذاكرة بعد صلاة الفجر مخك يكون فاضي وهيستقبل حاجات مفيدة جدا
بس طبعا ميفعش تصحي الفجر وتحط الكتب كلها ادامك وتقول حادي بادي:o
لا طبعا ... انت قبلها بتكون محدد هتذاكر ايه وهتعمل ايه وتكون عامل لنفسك جدول مذاكرة ....
ثالثا:: انت دلوقتي فاتت حاجات كثير مش ذاكرتها اكيد
بعد لما تيجي من اي درس هتريح مخك كدا نصف ساعة بس طبعا مش تقعد تتفرج ع فيلم وتقول بريح مخي :dكدا بتشتته
يعني تتمشي في الشقة او تقف تشم شوية هوا وبعد كدا تذاكر اللي اخذته في الدرس او المدرسة وتعمل الواجب بعد ما تذاكر طبعا وتجيب حاجة من الدروس القديمة اللي فاتتك وتذاكر منها ع اقد ما تقدر ومش تقول **لا** دي دروس كثير مش هلحق اخلصها
خلي عندك امل ولو ذكرت كل يوم حاجة من القديمة صدقني هتلحقها بجدارة ...
رابعا:: تجيب كتب خارجية وتحل منها بس مش كتب كثير يعني بس اهم من الكتب الخارجية الكتاب المدرسة لازم قبل ما تخش امتحانات الثانوية العامة تكون حليت كل اسئلة كتاب المدرسة في كل المواد وطبعا لما فيه حاجة تقف ادامك روح اسئل الاستاذ
وفيه كتب بيبقي فيها اسئلة تعجيزية سيبك منها ...
انا في 2ث في الرياضة جبت المعاصر وكنت بحل منه واسئلته جميل
وكمان كنت بحل في كتاب المدرسة ....
وكنت لازم في الحصة اسئل الاستاذ وناقشه والطرق المختلفه
وفي العربي كتاب الاضواؤ وبرده كتاب المدرسة
الانجليزي كتاب جيم الاستاذ كان بيدينا منه واجب دايما
بس كنا بنجيب المراجعة The best عشان بيبقي فيه اسئلة كتاب التدريبات
كيمياء كان كتاب الامتحان وفي المراجعة مندليف وكتاب دليل تقويم الطالب
فرنساوي او اي حاجة مش كنت بحل الا من مذكرة الاستاذ
بس انت اضافة ليك هات كتاب وحل منه
خامسا :: الاصحاب بص نصيحة بجد لما تصاحب لتصاحب واحد في مستواك لاعلي من مستواك اوعي اوعي تصاحب واحد اقل منك وتقول انا عايز اصلحه
مش وقته تبقي مصلح اجتماعي:d
لا .. هو اللي هيشدك لتحت
اما اللي اعلي منك هيأخذ معاه وتبقي متميز وهيساعدك ويفيدك
ولازم تصاحب ناس مش خبيثة يعني مش تصاحب واحد بيقول مش بذاكر
انا عارفة ان نسبة الاولاد اللي بيقولوا مش بنذاكر اقل من البنات:d
بس يعني حاول تصاحب ناس وتعمل معاهم منافسة وتقولهم
اسئله وهم يقولولك وكدا ...
سادسا:: طبعا لو اي حد مهما كان الحد دا طلب منك انك تساعده ولا حاجة في مسألة في شرح وانت عندك القدرة دي مش تتأخر عليه صدقني انت كمان ممكن تستفاد منه
حتي لو مش استفدت منه ربنا اكيد هيوقفلك الناس اللي تفيدك
انا واحدة صاحبتك كانت بتقول انها مش فاهمة الفصل 9 في قصة طه حسين (3ث)
انا بحب القصة جدا وعندي القدرة اني افهما الفصل دا فعلا شرحتهالي الفصل
وبعدها انا مش كنت فاهمة حاجة هي شرحتهالي...
يعني احنا مش لازم نبخل ع بعض لان اللي بيخبي العلم ربنا بيعاقبه
ممكن صاحبك يفهم منك اكثر من الاستاذ
سابعا ::: يعني لما تيجي تنام تنام الساعة 11 عشان تصحي 4 الفجر تذاكر
ومش تسهر لوقت متأخر ...
ثامنا:: اليوم كله مش يبقي مذاكرة خصص ساعة او حتي ساعتين
حسب وقتك وومواعيد دروس انك تقرأ فيهم قصص لو بتحب المووضع دا
او تلعب كورة المهم مش تستحلي الموضوع وتخلي الموضوع كله لعب كورة:d
لا طبعا .. لازم يكون فيه نام
تاسعا :: بص بقي انت كدا كنت بتذاكر الاسبوع كله .. في وقت المذاكر
اكيد اكيد في حاجات قبلتك كانت صعبة او مش عرفت تحلها
ورحت للأستاذ وحلها ... الحاجة دي مش تقول انا حلتها وخلاص بقي
لا هتخصص كشكول لكل مادة من المواد دي وتكتب الحاجات االلي انت مش عرفتها واجابتها بتاعة الاستاذ ويوم الجمعة هتراجع عليها ...
واليوم لو مش واراك فيه دروس تستغله وتعوض الدروس اللي فاتتك

عاشرااا:: قبل لما تذاكر تكتب ع اول صفحة تذاكر عليها **إن شاء الله هكون مرشد سياحي**
اكيد هيديك طاقة انك تذاكر وتجتهدي وتحطي ع دولابك او حتي ع موبايلك
في اماكن نظرك بيبقي عليها ع طول
رقم 11:d:: اعمل اللي عليك ومش تضغط ع اعصابك عشان مش تندم في الاخر
وعشان مش تصاب بالملل الوقت لسه ادامك طويل انك تصلح من نفسك
بس برده لازم تخلي بالك انك كل دقيقة تبقي عارف هي راحة فين وجاية منين
رقم 12;)::اعمل اللي عليك واللي ربنا كتبهولك هتشوف اهم حاجة تكون بتجتهد والاصلح ربنا هيساعدك توصله
ربنا معاك ويوفقك
رغيت كثير انا انا عارفة:d
اي خدعة انا موجود:006et4:

BaNZeR

31-10-2009, 11:19 PM

بص يا برنس
من الآخر

وبعيداً عن مقال الحجة اللى من تنتاشر نصيحة ده

بقطع ارزاق خلي بالِك :d
هما كلمتين

انت بتقول تحصيلك كان كويس باقل مجهود
وانت تقريباً من نفس النوعية بتاعتي

كلنا بنبص للكتاب بنام
عن نفسي مكنتش بعرف انام غير وانا عالسرير
ومكنتش بعرف نفسي إني كنت بذاكر غير لما اصحى والكتاب جنبي

والله الحصص بتاعتي كنت بذاكرها في الشارع وانا رايح الدرس
بس كانت المشكلة درس الفيزيا جنب بيتنا والمسافة صغيرة ومش بلحق اذاكر
وكمان كان نور الشارع وحش ومش بعرف اخلص المذكرة بسرعة :d

انت بجد تابع بس الواجب بتاع دروسك وحتلقى كل حاجة اتحلت

اه وكمان الحتة اللى قالتها تسابيح بتاعت الاصدقاء مهمة جداً
وحبذا لو كانو اعلى منك
حتحس نفسك دايماً صغير وتحاول انك توصلهم

لكن لو مشيت مع فشلة حتحس نفسك دايماً متفوق ومش محتاج تعلى عن كده
واسأل مجرب
انا جربت الحالتين في تانية وتالتة

اهم حاجة متشغلش بالك وتحط في دماغك إنك مش حتقدر تذاكر

اهم حاجة متحلش امتحانات 2008 وحتلاقي كل حاجة سهلة وبسيطة بإذن الله :d
وأي خدمات يا بوب احنا خدامينك

خبرة سنتين في ثانوية عامة ;)
(قال يعني دول كتير :d)

sabrina.sasoo

31-10-2009, 11:41 PM

اااانا زيك بالظبط عندي احباااط فظيع مع اني نفسي ادخل صيدله و واخده ده هدف ف دماغي بس شكلي مش هحصل معهد المذااكره دي مش بفتح كتاب غي لما اجي اروح الحصه واحل واجبهااا وخلصنا ع كده ودايماا بتلكك عايز ملخص ايه وحاجات هبله كده وباكل وبنام وانا ع الكتاب وفي الاخر ادايق جدا واعاتب نفسي واذاكرلي يومين واباه ماشيه كويسه وارجع زي الاول تاني ودلؤتي انا اخدتهاا منازل عشان يباه عندي الوقت الكاافي الي اذاكرو ادعوولي باه

soley93

01-11-2009, 01:10 AM

شكرا ليكي اختي تسابيح النجوم علي نصايحك دي
تعرفي انا من كتر مازهقت فكرت اروح لدكتور نفسي

soley93

01-11-2009, 01:12 AM

banzer
شكرا ليك ياغالي علي ردك
بس المشكلة اني تحت ضغط نفسي كبير جدا ونفسي اتعود علي النظام

soley93

01-11-2009, 01:17 AM

sabrina
وانا زيك بالظبط انا اشتريت تقريبا معظم الكتب الخارجية الي موجودة ومفتحتهمش لسه ولا قريبت حاجة خالص
وعندك مادة زي العربي معرفش فيها حاجة خالص لاني مكنتش بحضر حصص وبسه بادئ قريب
وبجد عندي توتر شديد جدا ازاي هعوض كل ده وكمان انا مطالب اجيب مجموع بجد مش عارف ربنا يوفقنا
وتعدي السنة دي علي خير

بروف انس

02-11-2009, 09:46 AM

يجماعه نا دايما بطالب الجماعه اللي في ثانوي عام انك تكون رايق علي الاخر اوعي تزعل نفسك خالص اوعي تكون زعلان خلي اعصابك بارده وذاكر واعمل اللي عليك بس هي دي نصيحتي ليك وانا الحمدلله كنت بعمل كده ودخلنا يعني كليه الهندسه وانا لسه برده علي الحال ده اعصابي في تلاجه ورايق خالص

حامدعبداللة

05-11-2009, 09:10 AM

خليك قريب من ربنا وابعد عن اصحاب السووووووووووووووووء وحاول تذاكر اول باول

طالبة حزينة

05-11-2009, 01:55 PM

BATSY15

09-11-2009, 09:24 AM

بسم الله ماشاء الله نص طلبة ثانوية عامة مروحلة اولى عندهم نفس المشكلة
وانا معاكم طبعا:022yb4:
على فكرة رغم المشكلة دي طبعا عندي
وسمعان كل يوم من كل الناس اللي في البيت واي حد معدي
دي مش طريقة مذاكرة ...ماشاء الله حد يخلص واجب الكليمياء ومذاكرة في نص ساعة ....اكيد اكيد هتنجحي:p
ابقي قابليني لو نجحتي بطريقتك دية ...{بنا يستر ... انتو عارفين الكلام اللي يرفع الروح المعنوية دة :028ja7:
تحفففففففففففففففففففففففففففففففففففففففففففففة:b osyht9:
انا على فكرة نفس المشكلة بصحى من الفجر عشان ازاكر درس النهاردة مثلا
وابتدي الساعة 11ونص افتح الكتاب (قمة الشطارة ;)(
او في السكة يعني
ونفسي بجد ادخل طب اسنان ...(سبحان الله)
ومذاكتري بالكاد واجب الدرس
بس على فكرة انا بحب جدااااااااااااااااااااااا المواد العلمية وبحس اني عايزة اقعد على المذاكرة اخلص كل اللي ورايا
بس طبعا بمجرد فتح الكتاب بزهقققققققققققققققققق :mad:
والروح المعنوية في النزلان والزعل والخنقة والملل في الطلعان :blink:
والحمد لله منظمة على الصلاة ولولا صلاتي مكنتش فتحت كتاااااااب اثلا :078111rg3:
ربنا بيستر
قوليولي اعمل ايه انا بقى :bosyht9:
ربنا يسترها معانا ويهدينا جميعا يااااااااااااااااااااارب
قولوا آمين
ثلاااااااااااااااااااااااااااااااااااااااااااااااا ااااان

كاره الثانويه

18-11-2009, 11:54 PM

ينهااااااااار ابيض

بص بقي ديه حاجه اكيد هتجيب نتيجه ان شاء الله

اولا انت اكيد لازم هتستفيد من انك بتعتمد علي ذكرتك وديه حاجه كويسه اوووووووووووووي

بس انت قبل لما تدخل تذاكر تقوم تتوضي وتصلي ركتين لله وتسمي كدا وتدخل تذاكر وانت ان شاء الله ربنا هيوفقك وتجيب المجموع الي عايزه

just ag!rl

20-11-2009, 12:31 PM

متهيألى المشكلة هنا

*انا طول عمري مبذاكرش يعني كنت بعتمد علي ذاكرتي من الي بفهمه من الدرس*

حضرتك دايما معتمد على الدروس وبس
لما تيجى تفتح الكتاب لوحدك هتزهق
تقريبا دى مشكلة طلبة تانية ثانوى اللى ردوا هنا
حضرتك حاول تبدا بالراحة امسك كتاب كتاب
وابدأ بمادة انت بتحبها عشان تبدأ كويس
وخلى قدامك هدف انك عايز تعمل حاجة
سواء مرشد سياحى او مترجم او اللى انت عايزه
حاول تقراها بعيدا عن انها فرض عليك تقراها
وروح دروس لان اكيد هتفهم هناك
وممكن تفهم لو انت عايز تفهم
لكن لو حطيت فكرة انك مش هتذاكر
مستحيل هتذاكر
بسم الله ابدا وان شاء الله ربنا هيوفقك
الكتب مش فيها حاجة الا شوية كلمات وبس
من كتر تعبي من كتاب الجبر كنت بحس انه هو اللى بيصدعنى
بس مسكته مرة قعدت عليه نص يوم خلصت المنهج كله
بس
ربنا يوفقك وكل طلبة تانية ثانوى واولهم انا
ربنا يوفقك وجميع المسلمين

Confidence

21-11-2009, 03:34 PM

**تسابيح**

21-11-2009, 05:11 PM

السلام عليكم و رحمة الله و بركاته
أنا برضه نفس مشكلة الاحباط و الملل و معظم اللى انا عارفاهم خبثه بطريقة فظيعه
و أنا نفسى أدخل كلية الطب و ما بعرفش اعمل جدول مذاكره أبدا أعمل ايه
من فضلكم تردوا عليا و خصوصا انتى يا تسابيح لأن كلامك مقنع و عجبنى اووى

الأصدقاء الخبثة
بص هتشوف من الناس الخبيثة دي كثيرا اووووووي
لازم تتعود ... بعد كدا هتشوف الموضوع عادي
كنت زيك بضايق وكدا بس لما عرفتهم بقت بتعامل معاهم عادي اووي
بص اسمع من هنا وطلع اللي سمعته من الناحيه الثانية
بس انت مش تحاول تبقي زي الناس دي خليك كويس لان اللي بيخبي العلم
ربنا يعذبه بيه لاننا نتعلم عشان نفيد الناس
وحاول تدور ع ناس مش خبيث وصاحبهم وقرب منهم
صدقني هتستفيد من الناس اللي زي دول وكمان هتتفوق انت وهم
:::
جدول المذاكرة
نفرض ان النهاردة الجمعة وكان وراك عربي وفرنساوي وكمياء يوم السبت
يبقي هتذاكر الثلاثة مواد دي وحسب الوقت اللي انت فاضي فيه
مثلا لو فاضي من 3 العصر لحد 10 بالليل المهم انك تخلص اللي عليك
واللي انت محدده وكمان لو خلصت مذاكرتك تكافأ نفسك مثلا
تلعب لمدة ساعة وتحل تمارين دي حاجة مهمة اوووي وتسأل الاستاذ دايما باستمرار مفيش استاذ بيبخل ع الطالب اللي بيسأل
ويوم السبت لما تيجي من الدروس دي مثلا تقرائهم مجرد قراءة عابرة
قبل ما تنام عشان المعلومات اللي قرائتها دي تتخزن في عقلك
بس لازم كل يوم تصلي الفجر ولمدة ساعتين قبل ما تروح المدرسة ذاكر اللي انت محتاج تذاكره ....
بص انا بصراحة مش عارفة انت بتأخذ دروس امته وكام درس في اليوم
انا بس كنت عايزة اوصلك انك لازم المادة اللي عليك فيها درس تذاكرها قبلها بيوم وكمان تقرا لما ترجع من الدرس وتراجع عليها قبل ما تروح الدرس
بنص ساعة وبكدا المعلومة هتثبت في دماخك
::::
الملل والزهق
لو انت بتزهق ع طول اول لما تمسك الكتاب استغفر ربنا كثير
وتوضا وصلي لان في الوقت دا االشيطان بيبقي مسيطر عليك ولما تتوضا الميه تبعد الشيطان لانه من نار ...وتحط في دماخك دايما انك هدفك
التفوق ودخول الطب وان شاء الله ربنا هيوفقك
اعمل اللي عليك وبس ومش تضغط ع نفسك وتقول الثانوية
صعبة ولحاجات دا كله الثانوية اسهل من اي سنة وعايزة واحد بيتابع مع المدرس وبينتبه اوووي وبيذاكر اللي بيأخذه بس
من اول شهر 4 و5 و6 دول الثلاثة شهور اللي مفروض تموتك نفسك فيهم
مش معني كدا انك مش تذاكر دلوقتي *لا* ما انت لو متابع من الاول
ال3 شهور دول هتبقي مستريح خالص لانك عامل اللي عليك
ع العموم لو احتجت اي حاجة كلنا اكيد هنساعدك
بالتوفيق ان شاء الله

Confidence

22-11-2009, 11:25 PM

السلام عليكم و رحمة الله و بركاته
كلامك يا تسابيح مفيد جدا و ربنا يكافئك على هذا
بصى انا بأخذ
الكيمياء السبت
الفرنساوى الاثنين
العربى الثلاثاء
الانجليزى الاربعاء
الرياضة الخميس
و على فكرة ان بت مش ولد

Confidence

22-11-2009, 11:37 PM

و على فكرة يا تسابيح انا مش بروح المدرسة
من فضلك افيدينى فى اقرب وقت تدخلى على المنتدى

**تسابيح**

23-11-2009, 02:34 PM

السلام عليكم و رحمة الله و بركاته
وعليكم السلام ورحمة الله وبركاته
كلامك يا تسابيح مفيد جدا و ربنا يكافئك على هذا
بصى انا بأخذ
الكيمياء السبت
الفرنساوى الاثنين
العربى الثلاثاء
الانجليزى الاربعاء
الرياضة الخميس
و على فكرة ان بت مش ولد
معلش العتب ع الجزر :d

بصي ياحبي ;)
شرط اساسي انك تتعودي تذاكري من بعد صلاة الفجر لحد مثلا الساعة 9 الصبح المهم ان الوقت دا بيبقي ذهنك صافي جداااااااوكمان تبقي دماخي فاضية
والمعلومة اللي هتدخل ان شاء الله مش هتخرج:dوهتثبت في مخك
في الاول بس هتتعبي بس بعد كدا صدقيني هتلاقي لوحدك
من غير منبه ولا حاجة بتصحي في الوقت دا
:::

الكيمياء السبت
الفرنساوى الاثنين
العربى الثلاثاء
الانجليزى الاربعاء
الرياضة الخميس

المهم مثلا النهاردة الاثنين هتذاكري العربي بتاع بكره
والفرنساوي اللي أخذتيه ف الدرس
وكمان هتحلي عليهم وضيف عليهم مادة انت مش متمكنة فيها اوي
كل واحد عنده قصور في مادة معينة يحاول يطور ذاته عشان يوصل للي هو عايزه
وقبل ما تنامي تشوفي اللي انت ذاكرته في العربي مراجعة سريعة بس
:::
يوم الثلاثاء
هتذاكري الانجليزي
وهتراجعي مراجعة سريعة ع العربي قبل الدرس بساعة
وتذاكر العربي اللي اخذتيه
وبالاضافة لمادة اللي مش متمكنة فيها اوووي
:::
يوم الاربعاء
هتحلي رياضة كثير ... تعرفي انا لما كنت بضايق من المذاكرة كنت بقعد احل رياضة ....واي حاجة مش بعرفها بعمل عليها اكس بالقلم الاحمر عشان لما اروح الدرس اسئل الاستاذ ...ع فكرة انا قبل ثانوي كنت بكره الرياضة
بس قررت لما دخلت 2ث اني لازم اجيب فيها درجات كويسة وعملتها
عايزة اقلك ان اللي بيحط حاجة في دماخه بيعملها ان شاء الله
والمراجعة بساعة قبل الدرس دي ضرورية جداا عشان تفكري اللي انت ذاكرتيه
ولما ترجعي راجعي مراجعة سريعة ع اللي الاستاذ قاله
وذاكري مادة اضافية انت فعلا محتاجة تذاكريها
::::
يوم الخميس
هتذاكري كيمياء
هتراجعي الرياضة قبل الدرس ولو فيه قوانين راجعي عليها
ولما تراجعي حلي الواجب وراجعي ع اللي الاستاذ ادهولك
ومادة الاضافية انت اللي هتحطيها بمذاكرك
:::::
يوم الجمعة
اليوم دا بالذات لازم تستغليه ع اكمل وجه
اي حاجة كانت صعبة قبلتك في الأيام 6 اللي قبل كدا
راجعي عليها تاني عشان تثبت في دماخك
ولازم تكوني عاملة كشكول ملاحظات اي حاجة تقف ادامك
اعملي عليها اكس وكتبيها في الكشكول او اكتبي عنوانها في الكتاب
عشان يوم الجمعة تراجعي عليها ...
ولو مسألة في الرياضة او الكيمياء اكتبيها وحليها تاني
::::::
يوم السبت
هتذاكري فرنساوي
وهتراجعي ع الكيمياء قبل الدرس
ولما تراجعي من الدرس من الدرس اقرائي الدرس عشان تاخذي معلومة عنه
وذاكري مادة محتاجة تذاكريها
::::
يوم الاحد هتذاكري فرنساوي ومادة كمان
:::
ملحوظة:: مش شرط تمشي ع كل كلمة انا كتبتها انا بس وضحت لك ازاي الجدول ممكن يتعمل ولو مناسبك ومناسب ظروفك امشي عليها
ولازم يكون عندك مرونة في الجدول يعني لو وراكي امتحان
ومش هينفع تذاكي المادة دي النهاردة مش مشكلة ممكن تذاكريها في يوم تاني
اتحكمي في الجدول بس برده مش تستهتري بيه
ان شاء الله ربنا معاكي ياجميل:blush:

**تسابيح**

23-11-2009, 08:02 PM

السلام عليكم و رحمة الله و بركاته
وعليكم السلام ورحمة الله وبركاته
ممكن حد يفيدنى فى كيفية مذاكرة الفرنساوى و الكيمياء
من فضلكم ضرورى

بصي ياقلبي
انتي أخذت العضوية ولا لا
اخر باب
المهم ان الباب دا مهم جدا ركزي فيه
ولازم المعادلات دي تحفظها صم
وتكتبيها بالورقة والقلم
وتكتبيها في ورقة وكل يوم تراجعيها
والمسائل في الباب السادس
هاتي كتاب الامتحان حل هتلاقي فيه مسائل كثيرة
حليها كلها بمساعدة الاستاذ وكمان حلي مسائل كتاب المدرسة عشان مهمة
وبتيجي في الامتحان
والرسم في الكيمياء برضه لازم تحفظيه وتتمرني عليه
هو اصلا مش فيه رسومات كثيرة ....
والفصول الباقية سهله وكمان حل اسئلة كتاب المدرسة وامتحان السنوات الماضية ادربي عشان لما تدخلي الامتحان مش تكوني خايفة
*****
بالنسبة للفرنساوي
ركز ع مين بيقول لمين والحاجات دي لازم تكوني مذاكرها صم
والأفعال في الفرنساوي
كل شيء في الفرنساوي مهم مش تسيبي كلمها الا لما تكوني عارفها
وهات كتاب خارجي (اسألي الاستاذ ع احسن كتاب )وهاتيه وحلي منه
في اسئلة ثابتة في الامتحان ودرجاتها مضمونه
ركزي عليها وحفظيها كويس وان شاء الله هتجيب الدرجات النهائية
ربنا يوفقك:d

Confidence

24-11-2009, 01:00 AM

السلام عليكم و رحمة الله و بركاته
شكرا جدا يا تسابيح و ربنا يجعله فى ميزان حسناتك ان شاء الله
انا اخويا فى هندسة و بيقولى ذاكرى العربى و الانجليزى قبل الدرس لكن الكيمياء و الفرنساوى و الرياضة اهتمى بيهم و ذكريهم على طول
من فضلك قوليلى اتبع طريقة مين

sammer2009

24-11-2009, 11:56 AM

بس من غير مقدمات لو عايز تذاكر بجد لازم تبقى متفائل مفيش حاجة اسمها السنة ضاعت عليا ولا حاجة اسمها مش عارف اذاكر انت اكيد عارف تعمل كل دة بس انت عايز حبة تفائل وبالنسبة للمواد كلها سهلة بس عايزة شوية تركيز ومذاكرة بعد متتشرح مباشرة لا تاجيل ولا غيرة وفى الاخر حبة حل صغيرين
وانا مجبتش حكاية الجداول لانى مش بؤمن بيها وفى الاخر بقولك انسى ان انت مش عارف تذاكر وابدا من جديد وان شاء الله ربنا هيساعدك :022yb4:
اه ونسيت حاجة متذكرش وانتى مضايق :mad:لانك هتكره المادة

**تسابيح**

25-11-2009, 07:29 PM

بص ياروحي احنا بنديك تجاربنا واللي ينفعك وتأخذي وتستفيدي منه
مش شرط تعملي كل حاجة حد يقول لك عليها
انت بتشوفي ايه اللي ينفعك وتعمليه

زائر غير مسجل

22-12-2009, 11:05 AM

مممكن اعرف اذاكر القديم تاني ولا لا وانافي
المدرسة

ainmo

16-01-2010, 04:06 PM

ZerOo_CodE

17-01-2010, 03:48 AM

بسم الله الرحمن الرحيم

بص يا سيدى

كلنا كده وقليل منا اللى تلاقيه غير كده

اولا الزهق من المذاكرة ده مالوش غير سبب واحد

انك بتفكر فى حاجه واخده تفكيرك كله

بالعميه

فى حاجة شاغلة بالك

والحل فى ايديك هو

انك تحاول تنسى الحاجه دى لمده ساعه او ساعتين او حسب المده اللى انت هتذاكر فيها

وتصلى وتدعى ربنا بالهدايه وربنا دايما رحيم بعباده ورؤوف بيهم

وتنسى اللى بتفكر فيه وتركز فى مذاكرتك صدقنى

لو ذهنك صافى ومش بتفكر فى حاجه مش هتزهق من المذاكرة

وهتفهم بسرعه

ربنا يوفقك ويعينك

**تسابيح**

17-01-2010, 09:23 PM

مشكوررررررة كتير يا تسابيح. نصائحك فعلا روعة
ان بنام دايما اول مافتح كتاب دراسى ولكن مشكلتى الحقيقية تكمن فى العربى مش بعرف احفظ كويس افهم ماشى وشغال لكن الحفظ بعيد عنى تماما والمدرس بتاعنا معتمد على الحفظ وبس حتى فى مطالبنا اننا نحفظ الاعرابات
نفسى يكون عندك حل لمشكلتى
على فكرة انا عملت جدول مذاكرة معرفتش امشى علية:confused:
لا طبعا مينفعش اننا نحفظ الاعرابات
لان كل مكان بيتغير لازم نفهم كويس عشان نعرف نحل
وتجيب امتحانات كثير وتحل النحو بتاعها
وتسأل الاستاذ
بس فيه حااجات في النحو بتبقي محفوظة
زي مثلا
لا النافية للجنس لو مفرد يبقي ميني علي الفتح
ولا مضاف يبقي كذا
يبقي تعرف ايه اللي هيتحفظ وايه اللي هيتفهم
وخليك عارف كل حاجة في المناهج
شوف انت دماغك ماشية ازاي
لو انت بتفهم خليك في الفهم
بص هتجيب الدرس اللي انت عايز تذاكره وتقرأ خمس مرات
اول مرة مش هتفهم حاجة بعد كدا هتجمع شوية
المرة الثالثة هتجمع كمان شوية
علي المرة الخامسة هتكون كل حاجة متجمعة عندك
وطبع تشد خط تحت العنوان الرئيسي وتعرفها وتحفظها كويس
وكمان العنوانين الفرعية
الاستاذ عايز منك انك تجاوب
حفظت فهمت المهم انك تجاوب
يعني هو هيكون قاعد معاك وانت بتذاكر:d
لا طبعا يبقي انت اجتهد وذاكر زي ما انت عايز
بس المهم انك في الاخر تقدر تجاوب
بخصوص الجدول
انا ذات نفسي عمري ما عملت جدول ومشيت عليه
هههههههههه
هو دا العادي:dمن شعب مصري
بصراحة مش لازم تلتزم بالجدول ولازم يكون عندك مرونة
يعني انت عملت جدول ونفذت ربعه مثلا
كويس اعمل جدول تاني ونفذ نصفه
وبعد كدا ان شاء الله ممكن مش تبقي زي خالص :pوتمشي علي الجدول
ربنا يوفقك

timo mido

22-01-2010, 10:35 AM

بص يا نجم انت لو متعرفش اي حاجه في اي ماده دلوقتي وهتبدا تذاكر بتركيز من دلوقتي هتعدي 97 % بسهوله

والله الثانويه دي سهله جدا جدا جدا يعني انا رأيي لو قدرت تذاكر 4 ساعات يوميا بطريقه منظمه لحد اخر السنه هتجيب مجموع كبير
ومتعقدش نفسك الموضوع ابسط مما تتصور

ahmed yay

23-01-2010, 11:50 AM

السلام عليكم.
كيف حالك اخى الكريم نصايحى ليك هيه:-
1-اولا ماتهولشى الموضوع وتكبره واستصغره وقول نفسك ان دى مشكلة سهلة وانا هاقدر احلها ومش هاتوقف قدامى ابدا.
2-خليك متفائل دايما وابتسم.
3-اهم اهم اهم حاجه هى المحافظة على الصلوات الخمسة فى جماعة وخصوصا صلاة الفجر لان صلاة الفجر دى هى اللى بتديلك طاقة وعزيمة وتخليك تتخلص من كل المشاكل اللى عندك وهتظبطلك كل حاجه فى حياتك تعرف انا اليوم اللى ما اصليشى فيه الفجر ببقى زيك كده مبذاكرشى كويس.
4-عليك وعلى قناة الرحمة والشيخ محمد حسان الله يبارك فيه ويشفيه ويخليه لينا الشيخ محمد حسان حفظه الله انا ما قدرشى اوصفلك اقد ايه انا بحبه انت كفايه بس تبص فى وجهه المنير الذى يبعث فيك الهمة العالية ويريح قلبك ويجعلك بكلماته الرقيقه الرقراقه الرائعه فى حاله كبيرة من السعاده وراحة البال والطمئانينة والله العظيم وتلاقى نفسك بذاكر ميه ميه ومتحسسش باى مشاكل.
5-انت لسه قدامك وقت كويس وانا متاكد ميه فى الميه انك لو نفذت النصايح اللى قولتهالك هاتجيب 99فى الميه لو مكنتشى 100.
6-على فكره انا فى تالته ثانوى عام طبعا هتوقلى يا ساقط هقولك فعلا انا عدت تانيه ثانوى وكنت فى السنه الاولى زيك بالظبط وانيل بكتير انا كنت ما بذاكرش ابدا تخيل لو قلتلك انى طول السنه النيلة دى ماذكرتش الكيمياء غير ساعه او ساعتين والرياضه عمرى ما ذاكرها ابدا مع انى والدى مدرس رياضيات ثانوى وجيت فى اخر شهر خمسة كان فاضل على الامتحانات 28يوم اعمل ايه مش عارف المهم قررت انى ادخل امتحان النجليزى والفرنساوى طول الايام متعرفشى حالتى ايه حاله تصعب على الكافر ومكنتش بذاكر فى البيت كنت بذاكر مع ابن خالى وكنت حاله فظيعه طبعا انا حكيتلك الكلام ده عشان تذاكر وما يحصلكش زى كده ابدا ابدا لانه حاجه صعبة جدا بذت مع الكويسين بس والمهم جبت فى الانجليزى 23.5 والفرنساوى 48.5وجيت فى سنه تانية اللى بعدها اتجهت لقناة الرحمة والشيخ محمد حسان والحمد لله جبت فى تانية 97فى المية فانا بحذرك علشان لو فضلت كده هتتعب فانت ذاكر ودوس على نفسك قبل ما الوقت يفوت.فى الختام ادعو الله لك بانشراح الصدر وتسيير الامور.
اخوك احمد.

مسترلوفا

28-01-2010, 04:44 AM

تساااااابيح بصى على نيمى كدا يمكن تفتكرينى انا عملت موضوع زى دا وخدت نصايح ناس كتير وفااات الوقت والحكاية زى مهى بس الفرق انى فاضللى اربع شهور بس واروح الاقى امتحان فوشى معرفش فيه حاجة وكل لما ابص للكتاب اتغم واليوم يتقفل مع انى وربنا عاوز اذاكر وطول منا قاعد ع الكمبيوتر او قدام التلفزيون قاعد بقول ايه اللى انا بنيله دا وكدا مش هتنفع فى السنادى يعنى ولا مذاكرة ولا حااجة الدنيا بئت غااامقة اوى ومبقتش لاقى حل عاوز اذاكر وفى نية للمذاكرة وغيور جدا لما اجيب درجة وحشة ومع ذلك مش بذاكر وفاضل اربع شهور ع الامتحان120 يوووووووووووووووم

اشهد ان لا اله الا الله

31-01-2010, 12:47 AM

ainmo

31-01-2010, 07:44 PM

يبقي تعرف ايه
وخليك عارف
شوف انت

بخصوص الجدول
انا ذات نفسي عمري ما عملت جدول ومشيت عليه
هههههههههه
هو دا العادي:dمن شعب مصري
بصراحة مش لازم تلتزم بالجدول ولازم يكون عندك مرونة
يعني انت عملت جدول ونفذت ربعه مثلا
كويس اعمل جدول تاني ونفذ نصفه
وبعد كدا ان شاء الله ممكن مش تبقي زي خالص :pوتمشي علي الجدول

ربنا يوفقك

بصى يا تسابيح انا بشكرك جدا على كل نصايحك و بحاول و ربنا يسهل
بس عندى تعليق واحد انا بنت مش ولد:078111rg3:
ولله التوفيق

اشهد ان لا اله الا الله

01-02-2010, 02:09 AM

ايه ماحدش رد عليه ليه ارجوكم حد يعبرنى ويرد

boy.bird

01-02-2010, 02:53 AM

اشهد ان لا اله الا الله

01-02-2010, 07:42 PM

ماشى ياعم هاشوف وهاجرب

بنت دمنهور

01-02-2010, 08:01 PM

مزاكرة اية وبتاع ايـــــــــــــــــــــــــة سيبكــــــــــــــم

زاكر اى حاجة

الامتحانات بتيجى سهلـــــــــــــــــــة

انا اعرف واحد كان فى الثانوية بيزاكر ساعة فى اليوم او اليومين وجاب 97%

ودخل هندسة مية مية

وعادى يعنى متحبوكهاش كدة

انا واخد احياء فى تانية ثانوى
وعااااااااااااااادى مش بزاكر اوى عادى يعنى

ومع كدة مش فارقة الامتحانات مهما اتنططت ع قدها ومفيش حاجة صعبة حبة تفتيح دماغ تجاوب ع السؤال ودة كنت ماشى ع كدة فى 3 اعدادى وطلعت الاول ع المدرسة اة والله

عاااااااااااااااااااادى يعم هو انك متزاكرش كتير

ساعة او ساعتين وخلاص سيبك من اللى بيقول خمس ساعات دة انت مش عاوز تطلع من اوائل الجمهورية انت تجيب فوق 96% وخلااااااااااااااااااص

ماشى ياعم هاشوف وهاجرب لا طبعا الكلام ده مش سليم
المذاكرة دي قدرات
يعني في ناس ممكن تذاكر فعلا ساعتين وتكون حصلت فيه اكبر قدر
في ناس تانية بتحتاج وقت اكبر
يعني ايه
مينفعش ان واحد ماشي بنظام انا اعمل زيه
انا منكرش ان في ناس ممكن تذاكر كويس في الساعتين دول ووممكن تحصل اكتر من ناس تانية بتذاكر خمس ساعات
بس لازم كل واحد يشوف قدراته
لو حاسة انك تقدري تحصلي كله وتحلي اسئلة كتير في ساعتين بس وده طبعا صعب اوي خلاص اعملي كدة
ولو شايفة انك محتاجة وقت اكتر يبقى لازم تذاكري اكتر
ومعاكي بقى بقيت النصايح اللي اتقالت في الموضوع
نصيحة ليكي متمشيش بنظام حد في المذاكرة لانه زي ما قلت دي قدرات تختلف من شخص للتاني

ainmo

03-02-2010, 12:01 AM

مزاكرة اية وبتاع ايـــــــــــــــــــــــــة سيبكــــــــــــــم

زاكر اى حاجة

الامتحانات بتيجى سهلـــــــــــــــــــة

انا اعرف واحد كان فى الثانوية بيزاكر ساعة فى اليوم او اليومين وجاب 97%

ودخل هندسة مية مية

وعادى يعنى متحبوكهاش كدة

انا واخد احياء فى تانية ثانوى
وعااااااااااااااادى مش بزاكر اوى عادى يعنى

ومع كدة مش فارقة الامتحانات مهما اتنططت ع قدها ومفيش حاجة صعبة حبة تفتيح دماغ تجاوب ع السؤال ودة كنت ماشى ع كدة فى 3 اعدادى وطلعت الاول ع المدرسة اة والله

عاااااااااااااااااااادى يعم هو انك متزاكرش كتير

ساعة او ساعتين وخلاص سيبك من اللى بيقول خمس ساعات دة انت مش عاوز تطلع من اوائل الجمهورية انت تجيب فوق 96% وخلااااااااااااااااااص

لا كدة سياتك هتضيع الكل معاك انت عندك قوة تحصيل واستيعاب فى وقت قليل اوك
بس دة مش معناة ان الكل زيك فى ناس محتاجة تزاكر وتركز وتراجع الحاجة كذة مرة علشان تثبت
انت دماغك عالية ربنا يقويك و يزيدك بس بالله عليك سيبنا فى حالنا
وبعدين مفيش حد هيجيب فوق ال96% بكلامك ده

ainmo

03-02-2010, 12:17 AM

السلام عليكم ورحمه الله وبركلاته انا طالبه فى الصف الثانى الثانوى العلمى الازهرى انا عندى نفس المشاكل اللى بتحصل فى اى حد ونفسى الاقى حل وانا نفسى واتمنى من الله عز وجل ان يرزقنى بكليه الصيدله ونفسى فى جدول مذاكرة انا باروح المدرسه كل يوم وعندى دروس كل يوم ماعدا الجمعه ومواعيد دروسى السبت قران ورياضة والاحد انجليزى والاثنين فيزياء والتلات رياضه وقران والاربعاء انجليزى والخميس كيمياء ارجوا الرد عليه

بصى يا قمر انتى فى الاول خصصى وقت للقران يوم الجمعة و الاثنين وبرضه الرياضة زيه
وفى يوم الجمعة زودى ماده كمان زى الفيزياء مثلا
وفى يوم السبت ذاكرى انجليزى و فيزياء
و الاحد زاكرى فيه فيزياء برده
و الاتنين طبعا هتذاكرى فية رياضة و قران زى ما قولنا
اما الثلاثاءفذاكرى فية انجليزى و كيمياء
ويم الاربعاء خصصيه للكيمياء
ويوم الخميس راجعى فيه الكيمياء و القران
هو تقريبا هو هيبقى كده الجدول حسب الدروس ظبطيه انتى بقى حسب ظروفك
هو ده اللى انا فكرت فيه فلو نفع اوك لو منفعش يبقى سورى معنديش غيره

بس هو انا ممكن اسالك سوال هو انتى بتاخدى فيزياء و كيمياء مع بعض؟
بجد ربنا يكون فى عونك احنا الكيمياء بس مخليانا نشد فى شعرنا
وبعدين هو انتى مش بتاخدى عربى

وطبعا فى الاخر براحتك يا باشا

اشهد ان لا اله الا الله

03-02-2010, 02:36 PM

السلام عليكم ورحمه الله وبركاته انا متشكرة جدا على اهتمامك وحزاك الله خيرا انا ازهر وعندنا بناخد فى النصف الاول نصف كيمياء ونصف احياء ونصف فيزياء كمان واه عندى عربى بس مش زيكم انا عندى نحو كتاب وصرف كتاب وبلاغه كتاب ومطاله ونصوص كتاب ايضا بس هو كده وادعيلى اجيب صيدله وانا حاليا بامتحن الترم الاول والسلام عليكم ورحمه الله وبركاته

ainmo

04-02-2010, 10:29 PM

اشهد ان لا اله الا الله

07-02-2010, 11:46 PM

يارب ادعولى انا امتحنت ولسة ماجيبتش النتيجه

invent_yas2020

10-02-2010, 09:07 AM

10000000000000000000 شكر للافاده ويارب دائما لافضل

amenelhoda

15-02-2010, 04:48 PM

والله الموضوع ان شاء الله حله سهل
بص انت تستعين بالله وتحافظ على الصلاة والصحبة الحسنة واهم حاجة رضى الوالدين
ولما تذاكر متفكرش فى كل المواد وحاول انك تعمل جدول للمذاكرة وتمشى علية وتذاكر فى اوقات معينه
زى بعد صلاة الفجر او بعد العشاء لحد صلاة الفجر وحاول انك مثلا كل ساعتين تاخذ راحة ربع ساعة عشان تجدد نشاطك
وان شاء الله ربنا يوفقق ويوفقنى ويوفق الجميع

ahmedkuwit

23-02-2010, 01:27 AM

ربنا يوفقنا

lover rose

25-02-2010, 11:50 PM

والله كلنا تقريبا بنعانى من المشكله دى
انا تانيه ثانوى واحياء وعندى احباط فظيع اليومين دول
بزهق بسرعه جدااااااااا من المذاكره
مع انى لو قعدت ساعتين اذاكر بجد بتركيز بيبقى كويس
بس مش عارفه مالى بجد
بس انا مكنتش متعوده اذاكر قبل كده بردو وكان الموضوع طبعا سهل جدا
الحل اننا نذاكر وذهننا صافى بس ومن غير قلق
وميرسى على النصايح يا جماعه
وربنا يوفقنا كلنا