طالب نفسه يخش كليه طب [الأرشيف] - بوابة الثانوية العامة المصرية

مشاهدة النسخة كاملة : طالب نفسه يخش كليه طب

ahmed hesham mohamed

01-11-2009, 12:02 AM

السلام عليكم ورحمه الله وبركاته

انا احمد من البحيره وامنيه حياتى انى اخش طب اسكندريه مع اختى الكبيره

وبصراحه مش عارف اعمل ايه عشان اخشها يعنى اذاكر امتى وازاى وعدد الساعات وكل حاجه خاصه بالموضوع

وكل لما اقول حذاكر الاقى اللى بيقولى ده اللى بيدخلوا الطب فى بلدنا 10 ولاد بالكتيييييييير خالص

وحاسس انى محبط اوى ياريت حد يقولى اعمل ايه لانى والله العظيم انا نفسى احقق الحلم ده لوالدتى لانها

تعبت عشانى كتير:(

وانا مش عارف ارد جمايلها ازااى :confused:

وياريت حد يقولى ازاى اذاكر الكيميا لانى تعبان معاها اوى
يارب ما تكونوش زهقتوا منى

BaNZeR

01-11-2009, 12:15 AM

بص يا أحمد

اولاً والله أعلم انا معرفش ميولك ايه

بس انا حاسس إنك عايز تدخل طب عشان ترضي والدتك ربنا يخليهالك وعشان تبقى مع اختك
أتمنى يكون ده مش كافي وتكون انت نفسك كمان هاوي كلية الطب

تاني حاجة سيبك من كلام الناس واللى بيتقال على كل كلية
اديني انا اهه واحد في هندسة او تقدر تقول في هلوسة :d
اخدت كمية احباطات في الكلية للصبح قبل ما ادخلها حتى
ودخلت واتهندست وبقيت انا اللى بحبط دلوقتي كمان :d

فالكلام ده حتلاقيه عادي جداً ومن اللى في الكلية نفسهم
امال دخلتوها ليه مادام بتقولو عليها وحشة ؟
اهه كلام

الكيميا مادة بجد اللى يستطعمها ويفهم بدايتها منين وبتتكلم عن ايه
حتلاقيها مادة جميلة جداً جداً
يعني الفيزيا اصعب منها ومحتاجة دماغ وكله
بس كيميا ثانوية عامة كان ليها طعم فعلاً
وخصوصاً استاذنا كانت دماغه عالية وبيحسسك بالكيميا كيميا

فانت شيل من دماغك إنها صعبة لأنها حلوة
متحاولش تحفظ المعادلات قد ما تفهمها
لإنك لو اعتمدت عالحفظ كتير في الكيميا ممكن تزهق

بس وربنا يوفقك

بروف انس

01-11-2009, 05:08 PM

يام احمد خد الحكايه ببساطه خالص انت عايز تدخل طب يعني تذاكر كويس وخلي باللك دايما مرتاح واعمل لنفسك خطط بديله يعني متقولش يا اما كليه الطب يا اما هنتحر لا خالص اكيد والدك ووالدتك يتمنوا يشوفوك مستريح نفسيا بس هم بيعلقوا امنيتهم علي كليه الطب علشان هي اللي بتشغل وفي نفس الوقت مركز محترم واوعي تعصب نفسك حط اعصابك دايما في تلاجه او في فريزر خدنا ايه من الضغط سوي زياده الحجم ومتعلقش علي السطر اللي بالاحمر ده

pureheart

05-11-2009, 06:43 PM

متبقاش خايف كدة
خد الموضوع ببساطة
انت ممكن تسال اختك على الحاجات اللى مش عارف تتصرف فيها كانت بتعمل فيها
ايه و اكيد حتفيدك جامد
يعنى انا لولا مساعدة اخويا اللى فى طب اسنان ليا كانت ممكن مدخلش صيدلة
بعدان الكيميا مادة حلوة جداً و اول 6 ابواب مفهمش حاجة صعبة
الكيميا عايزة مذكرة و فهم و الحفظ طبعاً مهم
بس الفهم اهم
و مش لازم تضغط نفسك و انك لازم تدخل طب ياما تبقى فشلت
لازم يبقى ليك طموح بس متخليهوش يخنقك
شد حالك

pureheart

05-11-2009, 06:47 PM