ياجماعه ياريت اللى يعرف حاجه عن الmodels اللى فى كليه تجاره جامعه القاهره زى مثلا (abc-comet-....) يفهمنى عشان انا مش فاهم اى حاجه عنهم كل شويه الاقى مجموعه طلاب لابسين الوان زى بعض ويقولولى املا الابليكيشن وانا مش فاهم حاجه كل اللى اعرفه انهم بيدوك Certificate معتمده من الجامعه بتتحط فى ال cv وبتساعدك فى انك تلاقى وظيفه بسرعه .
هل الكلام ده صح ياجماعه؟
ياريت اللى عارف حاجه يفهمنى عشان انا مش فاهم اى حاجه فى الموضوه ده
شكراا

ايه يا جماعه هوا محدش عارف ولا ايه؟؟

ايه يا جماعه هوا محدش عارف ولا ايه؟؟

عيب عليك يا عم ..

يابني انا مافيش booth بيتعمل في الجامعة الا ما لازم اتزنق فيه http://l.yimg.com/us.yimg.com/i/mesg/emoticons7/4.gif

ومتهيألي انا جاوبت عليك قبل كدا .. بس ماعلينا نجاوب تاني مش مشكلة

ياجماعه ياريت اللى يعرف حاجه عن الmodels اللى فى كليه تجاره جامعه القاهره

الـ moduels دي هاتتلاقيها كتيرة في الجامعة عموماً ..

أشهرهم COMET و ALMUN ومجلس الوحدة العربية

اما بالنسبة للـ ABC دا انا اول مرة اشوفه من ساعة مادخلت الجامعة صراحة ..

تقريبا اول مرة ينزل هيا السنة دي

اهو المهم امسكهم واحد واحد وافهم بقى

1- COMET :-

الـ COMET دا بقيله 6 سنين بيتعمل في الجامعة ..

ويعتبر من انجح الموديولز اللي بتتعمل في الجامعة ككل وخاصة كلية تجارة

بكل بساطة الموديول دا بيعملك اختيار مابين 4 مجالات .. تسويق ، اقتصاد ، تجارة دولية ، بورصة

كل اللي بتعمله انك بتختار المجال اللي انتا حابب تاخد الكورس فيه

وبتسحب الريكويست بتاعه وبتملا الابليكيشن ..

وبيحددلك ميعاد معين على حسب اختيارك انتا وعلى حسب المتاح عندهم ..

والميعاد دا بتعمل فيه انترفيو .. بس قبل الانترفيو لازم يكون معاك صورة من الكارنيه

اما بييجي الميعاد بيتكلموا معاك شوية

وبيعرفوا انتا عارف ايه عن المجال اللي انتا داخل فيه دا وكدا ..

اسماء الناجحين في الانترفيو دا بتنزل في كشوفات قدام مبنى مدرج هـ ، و غالباً

وطبعا اللي ناجح هوا دا اللي هاياخد الكورس .. مع العلم ان الكورس دا معمول ايام الجمعة بس

2- ALMUN :-

دا موديول تابع لكلية سياسة واقتصاد ..

لكنه متاح لجميع الطلبة على مستوى جامعة القاهرة في اي فرقة

نشاطة بيتلخص حوالين انه نموذج محاكاة لجامعة الدول العربية والأمم المتحدة

لإن اختصار كلمة ALMUN دي Arab League Module United Nations

كل اللي بتعمله برده انك بتقولهم انا عندي رغبة اني التحق معاكوا .. هايقولك خد ابليكيشن واملاه

وصورة الكارنيه تكون معاك .. وبتحدد يوم وانترفيو ونفس الكلام اللي اتعمل في الـ COMET

معا ملاحظة برده ان كل الكورس دا هايبقي يوم الجمعة بس

3- مجلس الوحدة العربية :

ودي زي برده محاكاة لجامعة الدول العربية (على ما افتكر عشان كنت مقدم فيها السنة اللي فاتت)

وفيها 3 لجان تقريبا .. لجنة البترول "اوبك" ، لجنة الوحدة الاقتصادية ولجنة تالته مش فاكر هيا ايه صراحة

نظام التقديم هوا هوا زي النموذجين اللي قبل كدا ..

والانترفيو بيبقي اسئلة عامة جدا من ضمنهم سؤال حسن تصرف ..

يعني يحطك مثلا في موقف معين ويقولك لو كنت في الموقف الفلاني تعمل ايه ؟ ..

زي يقولك مثلا لو كنت مكان بوش لحظة اما اتضرب بالجزمة كنت هاتتصرف ازاي ؟

لو كنت مكان احمد نجاد في الموقف اللي هوا فيه كنت تتصرف معا الغرب ازاي ؟ ..

حاجات زي كدا يعني

5- MAP :-

دا موديول تابع لكلية سياسة واقتصاد وبرده متاح لكل طلبة الجامعة

ودي السنة التالته ليه على التوالي ..

الفرق مابينه ومابين الـ ALMUN ان دا عبارة عن نموذج محاكاة للرئاسة الامريكية

وفيه 3 اقسام تشترك فيها وتختار .. هاتختار يا اما وزارة الدفاع او وزارة الخارجية او وزارة التجارة

الدفاع والخارجية الدراسة فيهم بالعربي .. اما التجارة فابالانجليش

ونظام الالتحاق فيه زيه زي الـ ALMUN

والنموذج دا يمكن يكون مميز شوية لإن الويلكم بارتي بتاعه غالبا مابيتعمل خارج الجامعة

وبيبقي في حتت جامدة زي نايل مون وجراند كافيه والحتت دي

دا طبعا لو انتا هاتقدم كمستفيد .. لكن فيه حاجة تانية بقى اللي هيا بتبقي سابقة لميعاد بداية الكورس ذات نفسه

ويمكن هوا دا اللي انتا تكون قدمت فيه

اللي هوا اللجنة التنظيمية .. لكل موديول من دول ليهم لجنة تنظيمية ..

وبيبقي كلهم طبعا من الطلبة تحت اشراف دكتور معين وتحت مسمى كلية التجارة

اللجنة دي بقى بتنقسم لحاجتين .. OC و AC

الـ OC دول هما الناس اللي ورا الكواليس بمعنى اصح .. اللي انتا مش بتشوفهم

اللى بينظموا كل حاجه خاصة بالنموذج

بدءا من الاحداث المهمة الخاصة بالنموذج من خروجات ودوكمنترى ..

والناس اللى بتجيب القهوة فى الكافي بريكس .. انتهاءا بالرعاة بتوع النموذج

الـ AC بقى دول الناس اللي انتا بتشوفهم في وشك

وواقفين عمالين يتكلموا معاك ويدوك في معلومات

فهمت بقى يا سيدي .. هيا دي كل القصة .. عيش بقى