مشاهدة النسخة كاملة : حكااااااااااااوي..............مجرد حكاوي.........!!!
**تسابيح** 03-11-2009, 07:27 PM السلام عليكم ورحمة الله وبركاته
العوووووووووواف:d
طبعا انا كل شوية اكتبلكم موضوع
بس انا لو مش كتبته دلوقتي هنسي عشان انا مخي مش دفتر;)
ما علينا
:::::::
ندخل في الحدوتة بتاعة قبل الرد:p
كان ياما كان... كان فيه أستاذ جامعي مصري راح كندا أول لما وصل استقبله صديقه
وعرفه ع ابنه وصديقه وابنه عايشين في كندا بقالهم كثير
بمعني اصح بقوا زي بتوع كندا في الطبع
قرر الأستاذ الجامعي انه يروح مكان شغله وأخذ ابن صاحبه معاه
المهم وهم ماشين في الشارع
الأستاذ الجامعي لقي ساعة وطبعا راح واخذ الساعة
ابن صاحبه :: ايه ياعمو انت اخذت الساعة ليه ...؟؟
الاستاذ الجامعي:: عشان نحطها في الجامع :d
ابن صاحبه :: لا ياعمو ... هنا في كندا لما تلاقي حاجة بتسبها مكانها
عشان لما صاحبها يفتكر هو نساه فين يرجع يأخذها
فعلا رجع الساعة مكانها
وفعلا بقي كل يوم لمدة 5 أيام بيلاقي الساعة في الشارع ومحدش اخذها
جيه في اليوم 6 مش لاقي حاجة
قال:: أكيد صاحبها افتكر مكانها فرجع يأخذها
.... أو واحد مصري أخذها:d
::::::::
احنا لسه مع الأستاذ الجامعي
المهم انه مدخن كان بيدخن سجارة وبتيفرج ع المحيط
وجاب السجارة ومطوحها في المحيط
ابن صاحبه:: عمو .. مش انت كنت بدخن سجارة هي فين ياعمووو...
الاستاذ الجامعي:: رمتها في المحيط
ابن صاحبه:: ايه ياعمو .. بتقول ايه ... ازاي دا ...والولد بقي ع وشه الزعر والفزع
الاستاذ الجامعي:: ايه يابني فزعتني
ابن صاحبه:: لا ياعمو احنا لازم نحافظ ع البيئة .. مش مفروض نرمي الحاجات دي
في حاجات مخصصه لكدا
:::
المهم الدكتور الجامعي بيقول :: ان في كندا الشوارع مفيش انظف من كدا وفي الشوارع
3 سلات قمامة واحدة للبلاستك وواحدة للورق وواحدة للمعدن
وبتشم هوا نقي مفيش انقي من كدا
أما لما جيت مصر لقيت مفيش أحلي من عوادم السيارات
::
السيارات في كندا بتاعة السنة دي والسنة اللي فاتت
وبالكهربا والطاقة الشمسية
احنا بقي عندنا السيارت بتاعة قبل الثورة 52:d
::::
أنا بقي :d
كنت مرة مسافرة وكان فيه الميه بيقولوا ان البني ادمين بيشربوا منها
والستات بقي بتغسل فيها الحلل والهدوم بجد ويغسلوا فيها الحيوانات
انا فعلا كنت مزهولة اووي لما نبقي في 2009 ويحصل كدا
يبقي لازم يكون فيه مليون استفهام؟؟؟؟؟
عشان كدا مياه النيل ملوثة محدش بيهتم كل واحد عايز مصلحته
::::
كان مرة دعاء عامر (مذيعة ) بتقول ان في تركيا
في مساحات كبيرة مليانة لعب للأطفال ببلاش...
في مصرهنا ::بقي لو فيه كدا يبقي اللعب في نصف ساعة مش هتلقيها
:::
كنا مرة في الكلية وكان فيه بنات بتأكل وبتشرب كانز
المهم بعد ما خلصوا الحاجات دي راحوا سابوا في المكان اللي هما فيه
ومشيوا ومش كان هاين عليهم يشيلوه ويحطوه في القمامة :o
يعني لو حافظوا ع المكان مش كان هيبقي احسن
مش المكان دا هم هيستعموا المكان دا تاني ...
::::
برده كان فيه اشجار جميلة مزروعة وبعدين بعدها بأسبوع
اتقطعت وترمت
يعني برده لو الناس دي سابيت الاشجار مش كان زمانها بنستمتع بمنظر جميل جذاب
وكمان يحمينا من حاجات كثيرة
بصوا ياجماعة
انا عايزة اعرف ليه احنا مش بنحافظ ع الحاجة حتي ناس متعلمة ومش بتحافظ
؟؟؟
ولما تسأل حد
**ياعم هو مالنا ... دا مال الحكومة**
ما هو مال الحكومة دا مالك وهيفيدك في الاخر
بس لا حياة لمن تنادي
بس يعني هل حي ثقافة وجهل عندنا .؟؟ ولا ايه ؟؟
في أمان الله
والله عندك حق بس حلوة حكاية لساعة دى جزاك الله كل خير
**تسابيح** 03-11-2009, 07:40 PM والله عندك حق بس حلوة حكاية لساعة دى جزاك الله كل خير
كويس ان فيه حاجة عجبتك :)
جزانا الله واياك يارحاب
نورتي ياجميل
الموضوع كله عجبنى مش منك لازم يعجبنى
BaNZeR 03-11-2009, 07:49 PM كده احنا لو عايزين نبوظ دولة اوروبية
نبعتلهم جماعة عشر مصريين متاصلين كده ولا حاجة
وبعدين احنا حنتهم للهيافات بردهوقال 3 سلات قمامة واحدة ورق والتانية بلاستيك
فاضيين احنا للكلام الفاضي ده :d
**تسابيح** 03-11-2009, 07:49 PM الموضوع كله عجبنى مش منك لازم يعجبنى
ربنا يخليكي يارحاب ياعسولة
بتحرجيني بذوقك :)
ربنا يخليكي للشعب المصري:av4056bb7jp3:
**تسابيح** 03-11-2009, 07:52 PM كده احنا لو عايزين نبوظ دولة اوروبية
نبعتلهم جماعة عشر مصريين متاصلين كده ولا حاجة
وبعدين احنا حنتهم للهيافات بردهوقال 3 سلات قمامة واحدة ورق والتانية بلاستيك
فاضيين احنا للكلام الفاضي ده :d
ههههههههههههههه
عقبالك لما تسافر كدا وتشرفنا هناك:p
صح انت عندك حق .. هيافات بجد:d
عشان كدا احنا متقدمين اووووي
شكرا ع مشاركتك
نورتني ياباشمهندس:d
بس انتم ليه مش بتردوا ع الاسئلة هي مش عجباكم ولا ايه:bosyht9:
ymymym 03-11-2009, 07:58 PM هتعملي ايه يا بنتي نادر لما تلاقي حد يحافظ علي الشوارع
انا فاكره كذه مره قاعده مع صحبتي في الباس واحنا راجعين من السفر فبتشرب كانز وبتاكل كيس شيبسي فالمهم خلصته واحنا في الطريق
فلقيتها بتقولي افتحي الشباك فبقولها ليه فهي كانت هترمي الحاجات دي قلتلها لأ حطيها في شنطتك لغايه ما نوصل وبعد كده ارميها في اي زباله قالتلي لأ شنطتي تتوسخ ومعرفش ايه قلتلها حطي الكانز جوه كيس الشيبسي وخليكي ماسكاها لغايه ما نوصل قالتلي لأ
فقلتلها طب هاتيها وفضلت ماسكاها لغايه ما وصلنا الفيوم وملقتش زباله خالص الصراحه
فروحت حطاها علي جنب كده جنب شويه زباله لقتيها وخلاص
اينعم مكانش لطيف بالمره
بس ملقتش غير كده
بس بعد كده فكرت اني ابقي ارميها في زباله بيتي وخلاص
بس مبقتش اخدها منها بعد كده
هي بقي بترميها علي راحتها
هعملها ايه
كل شويه كده ومبترضاش تبهدل شنطتها
يعني لو فعلا نرميها في زباله ياريت لو نشيلها بس شويه لغايه ما نلاقي حته زباله كده ياريت
افضل من اني ارميها وخلاص كده في اي حته
او اني اسيب مكاني حاجه
موضوعك جميل بس ده بيرجع لنضافتك الشخصيه اولا
اينعم بيبقوا بنات نضيفه ومكياجات ومعرفش ايه لكن وحشين من جواهم فعاوزاهم يعملوا ايه يعني :o
لازم هيعملوا كده لو هما من الاول متربيين من الاول علي انهم يخلصوا اكل يروحوا يرموا الحاجات في الزباله علي طول مكانوش هيعملوا دلوقتي كده
بنت اختي مثلا لما انا اخلص كيس الشيبسي بتاعي او استخدم مناديل واحط شويه مؤقتا كده لغايه ما اقوم في الطفايه الاقيها تزعقلي تقولي قومي ارميها في الزباله :d
فهي اتربت علي انها ترمي الحاجات دي في الزباله اول ما تخلص بت نضيفه بقي تعملوا ايه :d
وبرضه هي لما تخلص كيس الشيبسي بتاعها الاقيها مكسله فبتقولي خدي سسم ارمي زباله فاقولها لأ قومي انتي انا مش هقوم وابرقلها كده
الاقيها عثل يا عيني تقوم ترميها :d
يلا زمن يا بنتي
فهي عادات وتربيه في الاول والاخر
شكرا
**تسابيح** 03-11-2009, 08:11 PM هتعملي ايه يا بنتي نادر لما تلاقي حد يحافظ علي الشوارع
بصراحة بحس ان الشارع بيجبر الناس
بس برده دا مش مبرر
يعني لو حد يتمني انه مش يرمي في الشارع تلاقي ناس
كثير بترمي ...
انا فاكره كذه مره قاعده مع صحبتي في الباس واحنا راجعين من السفر فبتشرب كانز وبتاكل كيس شيبسي فالمهم خلصته واحنا في الطريق
فلقيتها بتقولي افتحي الشباك فبقولها ليه فهي كانت هترمي الحاجات دي قلتلها لأ حطيها في شنطتك لغايه ما نوصل وبعد كده ارميها في اي زباله قالتلي لأ شنطتي تتوسخ ومعرفش ايه قلتلها حطي الكانز جوه كيس الشيبسي وخليكي ماسكاها لغايه ما نوصل قالتلي لأ
فقلتلها طب هاتيها وفضلت ماسكاها لغايه ما وصلنا الفيوم وملقتش زباله خالص الصراحه
فروحت حطاها علي جنب كده جنب شويه زباله لقتيها وخلاص
اينعم مكانش لطيف بالمره
يعني بصي يايميم لو كلنا كدا وكلنا مش بنرمي الزبالة الا في السلة
يبقي أكيد الحاجات دي مش هتعود عليكي بس هتعود ع المجتمع كله
مش هينتشر الامراض ... اصل لو الموضوع بيقتصر عليكي بس ماشي
لكن كل واحد بيقول هو انا اللي هصلح انا مليش دعوة
ودي بقت ثقافة اغلب الشعب المصري
بس ملقتش غير كده
بس بعد كده فكرت اني ابقي ارميها في زباله بيتي وخلاص
بس مبقتش اخدها منها بعد كده
هي بقي بترميها علي راحتها
هعملها ايه
كل شويه كده ومبترضاش تبهدل شنطتها
يعني لو فعلا نرميها في زباله ياريت لو نشيلها بس شويه لغايه ما نلاقي حته زباله كده ياريت
افضل من اني ارميها وخلاص كده في اي حته
او اني اسيب مكاني حاجه
موضوعك جميل بس ده بيرجع لنضافتك الشخصيه اولا
أكيد طبعا بترجع للنظافة الشخصية اللي نظيف في بيته عمره ما هيبقي بره
بيته مش نظيف
اينعم بيبقوا بنات نضيفه ومكياجات ومعرفش ايه لكن وحشين من جواهم فعاوزاهم يعملوا ايه يعني :o
لازم هيعملوا كده لو هما من الاول متربيين من الاول علي انهم يخلصوا اكل يروحوا يرموا الحاجات في الزباله علي طول مكانوش هيعملوا دلوقتي كده
مش شرط يعني الانسان مش بشكله لو هو حاطط ميك اب
يبقي نظيف معظمهم بيجذب الانتباه وليس الا
بنت اختي مثلا لما انا اخلص كيس الشيبسي بتاعي او استخدم مناديل واحط شويه مؤقتا كده لغايه ما اقوم في الطفايه الاقيها تزعقلي تقولي قومي ارميها في الزباله :d
فهي اتربت علي انها ترمي الحاجات دي في الزباله اول ما تخلص بت نضيفه بقي تعملوا ايه :d
وبرضه هي لما تخلص كيس الشيبسي بتاعها الاقيها مكسله فبتقولي خدي سسم ارمي زباله فاقولها لأ قومي انتي انا مش هقوم وابرقلها كده
الاقيها عثل يا عيني تقوم ترميها :d
يلا زمن يا بنتي
فهي عادات وتربيه في الاول والاخر
شكرا
ربنا يخليهالك يارب
يبقي بقي هي دي مهمة الاهل
انهم واولاهم اطفال يعملوهم لازم يحافظوا ع الحاجة
ويبقوا نظافوا وكدا
نورتي ياياسمينة
شكرا ياجميل نورتي بجد;)
أسطورة الأحزان 04-11-2009, 04:46 AM كده احنا لو عايزين نبوظ دولة اوروبية
نبعتلهم جماعة عشر مصريين متاصلين كده ولا حاجة
وبعدين احنا حنتهم للهيافات بردهوقال 3 سلات قمامة واحدة ورق والتانية بلاستيك
فاضيين احنا للكلام الفاضي ده :d
هههههههههههههههههه
انا جاهزه بس عليكم التذكرا والاقامه وتنظيم فرق العمل عاوزين نوزعهم فى كل مكان
والله يا تسبيح انتى بتدنى فى مالطا مفيش حددلوقتى بيحافظ على حاجه مش فالحين غير فى الكلام
تلاقى الواحد من دول يعد يقول ايه الزباله دى :oاه ده بيحموا انكل حمار وطنط جموسه فى النيل ألحقنى يابابى:006et4: ويفضل يعيب على مصر وبتاع بعد كدا نكتشف انه هو كمان بيسيب مكانه زباله ويرمى من العربيه ازباله هو ده المصرى كلامنجى أوى وبيحب يبان واحد غلبان يقول وميعملش
ههههههههههههه مش عارفه انا بقيت رغايه ليه كدا تقبل مرورى
**تسابيح** 04-11-2009, 10:03 PM هههههههههههههههههه
انا جاهزه بس عليكم التذكرا والاقامه وتنظيم فرق العمل عاوزين نوزعهم فى كل مكان
ههههههههههههههه
دا كله :)
لا مصر محتاجاكي
والله يا تسبيح انتى بتدنى فى مالطا مفيش حددلوقتى بيحافظ على حاجه مش فالحين غير فى الكلام
تلاقى الواحد من دول يعد يقول ايه الزباله دى :oاه ده بيحموا انكل حمار وطنط جموسه فى النيل ألحقنى يابابى:006et4: ويفضل يعيب على مصر وبتاع بعد كدا نكتشف انه هو كمان بيسيب مكانه زباله ويرمى من العربيه ازباله
ما احنا لازم ننبه عشان احنا مش عايشين لوحدنا
والحاجات دي مش بتأثر ع واحد بس
بتأثر ع المجتمع كله
هو ده المصرى كلامنجى أوى وبيحب يبان واحد غلبان يقول وميعملش
ههههههههههههه مش عارفه انا بقيت رغايه ليه كدا تقبل مرورى
هههههههههه
هو تامر عاشور جيه المنتدي
هههههههههه
نورتي يايويو
BaNZeR 05-11-2009, 01:08 AM ههههههههههههههه
عقبالك لما تسافر كدا وتشرفنا هناك:p
صح انت عندك حق .. هيافات بجد:d
عشان كدا احنا متقدمين اووووي
شكرا ع مشاركتك
نورتني ياباشمهندس:d
بس انتم ليه مش بتردوا ع الاسئلة هي مش عجباكم ولا ايه:bosyht9:
اسئلة ايه :d
احنا عشان مش مذاكرين فبنجاوب من عندنا
كله بيمشي :d
بس هو بجد مش حالقالها اجابة
احنا شعب متميز
متلاقيش زيه اتنين :d
صفحة ف الماضى 05-11-2009, 03:42 AM كل يومين توبيك
عالم فاضية ..
:p
كنا مرة في الكلية وكان فيه بنات بتأكل وبتشرب كانز
المهم بعد ما خلصوا الحاجات دي راحوا سابوا في المكان اللي هما فيه
ومشيوا ومش كان هاين عليهم يشيلوه ويحطوه في القمامة
يعني لو حافظوا ع المكان مش كان هيبقي احسن
مش المكان دا هم هيستعموا المكان دا تاني ...
يعنى الستات اللى بيغسلوا الحلل والهدوم والحيوانات دول مش عارفين ان ده غلط
لان ماحدش قالهم كدة
واعتقد لو فيه شوية توعية وشوية دم كل حاجة هاتبقى تمام
بس لما ادخل السكشن الاقى اللى كان قاعد قبلى سايب اللوحات البايظة
والكلينيكس وبرى الاقلام وانا اطلع كلينيكس عشان امسك بيه الحاجات دى ارميها ف الباسكت برا
يبقى مفيش دم
المفروض ان دول طلبة جامعة
يعنى عدوا بمرحلة ( التربية ) والتعليم قبل كدة
انا اخر ما زهقت بقيت افكر اسيب انا كمان حاجتى ومارميهاش
عشان ييجوا تانى يوم يلاقوها ويحسوا باللى بيعملوه
هما مش احسن منى ف حاجة عشان الم وراهم ..!!
:angry2:
والمفروض ان دول لما يتخرجوا هايشتغلوا ف ( تجميل ) الاماكن
يا فرحتى
:d
وبعدين احنا حنتهم للهيافات بردهوقال 3 سلات قمامة واحدة ورق والتانية بلاستيك
فاضيين احنا للكلام الفاضي ده
لو ده اتعمل هنا ف مصر
هاتلاقى كل واحد ماسك الحاجة اللى عايز يرميها وواقف حاطط ايده على خده محتار يرميها فين
وف الاخر هايرميها ف الارض برضو
;)
looody 06-11-2009, 12:26 AM موضوعك جميل جدا
جزاك الله خيرا
**تسابيح** 07-11-2009, 04:39 PM اسئلة ايه :d
احنا عشان مش مذاكرين فبنجاوب من عندنا
كله بيمشي :d
عشان كدا بتجيبوا جيد جدا في الاخر:p
بس هو بجد مش حالقالها اجابة
احنا شعب متميز
متلاقيش زيه اتنين :d
بس هل هو فعلا دي طبيعة في المصري ولا الحكومة اللي بتجبره ع كدا؟؟
مثلا يعني انا والعيال اصحابي يوم الخميس رايحين الكلية في امان الله
لقينا منطقة رئيسة نطيفة اوووي والشارع مرشوش :006et4:
وقبل ما نكمل الاستغراب لقينا لافته مكتوب عليها ^^مرحبا بالمحافظ**:d
لو كان الحاجات دي في الايام العادية كان هيحصل ايه مش عارفة!!
موضوعك جميل جدا
جزاك الله خيرا
الله يخليكي ياجميل
نورتي الموضوع
silverman 07-11-2009, 04:54 PM الناس بترمي حجات في الشارع>>>>>>>> يبقى انت أكيد في مصر
الشوارع موش نضيفة>>>>>>>> يبقى انت أكيد في مصر
الناس بتستحمي وبتشرب من النيل>>>>>>>> يبقى انت أكيد في مصر
انت لسه عايش>>>>>>>> يبقى انت أكيد في مصر
**تسابيح** 08-11-2009, 11:40 PM كل يومين توبيك
عالم فاضية ..
:p
أنا بكتب التوبيك بس
عشان اشوف ردك
هو انت شوية ياقلبي:blush:
يعنى الستات اللى بيغسلوا الحلل والهدوم والحيوانات دول مش عارفين ان ده غلط
لان ماحدش قالهم كدة
واعتقد لو فيه شوية توعية وشوية دم كل حاجة هاتبقى تمام
بس لما ادخل السكشن الاقى اللى كان قاعد قبلى سايب اللوحات البايظة
والكلينيكس وبرى الاقلام وانا اطلع كلينيكس عشان امسك بيه الحاجات دى ارميها ف الباسكت برا
يبقى مفيش دم
المفروض ان دول طلبة جامعة
يعنى عدوا بمرحلة ( التربية ) والتعليم قبل كدة
انا اخر ما زهقت بقيت افكر اسيب انا كمان حاجتى ومارميهاش
عشان ييجوا تانى يوم يلاقوها ويحسوا باللى بيعملوه
هما مش احسن منى ف حاجة عشان الم وراهم ..!!
:angry2:
والمفروض ان دول لما يتخرجوا هايشتغلوا ف ( تجميل ) الاماكن
يا فرحتى
:d
هو دا بقي دور المجتمع
ان يعرفهم الغلط والصح
لانه مش بيأثر عليهم بس لا بيأثر ع المجتمع كله
اما بقي الناس المتعلمة دي
برده عندهم عدم وعي او هم شخصيا ناس في بيتهم كدا
او بيئتهم كدا
بس مش عشان ناس بتعمل غلط وتضيقنا احنا نقلدهم ونرخم عليهم
لازم نرد السلبية بالايجابية;)
لو ده اتعمل هنا ف مصر
هاتلاقى كل واحد ماسك الحاجة اللى عايز يرميها وواقف حاطط ايده على خده محتار يرميها فين
وف الاخر هايرميها ف الارض برضو
;)
ههههههههههه
لا عسل بجد
:d
بس هم يعملوا بس ع الاقل نقول احنا زيهم ;)
شكرا ع مشاركتك ياروحي
نورتيني
:::
ملحوظة :: انا رديت قبل كدا بس النت بقي:dبركة بركة يعني :stickjo4:
**تسابيح** 08-11-2009, 11:41 PM الناس بترمي حجات في الشارع>>>>>>>> يبقى انت أكيد في مصر
الشوارع موش نضيفة>>>>>>>> يبقى انت أكيد في مصر
الناس بتستحمي وبتشرب من النيل>>>>>>>> يبقى انت أكيد في مصر
انت لسه عايش>>>>>>>> يبقى انت أكيد في مصر
ع فكرة العيب مش في مصر
العيب في البني ادميين اللي في مصر:d
بس لا حياة لمن تنادي
شكرا ع مشاركتك
يالا بينا 11-11-2009, 04:55 PM انت عارفة يا تسابيح....
مشكلتنا:اننا مش شايفين ان في اصلا مشكلة
وشايفين الامور عادي تماما
والدليل :ان حضرتك دلوقتي بتتكلمي ببساطة مطلقة....ومش شايفة ان في مشكلة لما نقول صفات زي كده عن مصريين في الخارج....
ف لا شك انها مش ثقافة جهل ..لكن ثقافة تجاهل....
**تسابيح** 11-11-2009, 10:15 PM انت عارفة يا تسابيح....
مشكلتنا:اننا مش شايفين ان في اصلا مشكلة
وشايفين الامور عادي تماما
والدليل :ان حضرتك دلوقتي بتتكلمي ببساطة مطلقة....ومش شايفة ان في مشكلة لما نقول صفات زي كده عن مصريين في الخارج....
ف لا شك انها مش ثقافة جهل ..لكن ثقافة تجاهل....
أنا بصور حقيقة
موجودة وبنشوفها في كل مكان
وبقول أمثال عشان تقرب المعلومة
والناس تنتبه
والدليل :ان حضرتك دلوقتي بتتكلمي ببساطة مطلقة....ومش شايفة ان في مشكلة لما نقول صفات زي كده عن مصريين في الخارج....
مش فاهمة قصد حضرتك في البساطة المطلقة دي !!:bosyht9:
شكرا ع مشاركتك
صفحة ف الماضى 13-11-2009, 02:21 AM ملحوظة :: انا رديت قبل كدا بس النت بقي:dبركة بركة يعني :stickjo4:
طول عمرى
:d
روميو 13-11-2009, 01:47 PM موضوع حلو يا تسابيح بجد عاجبنى اوى
يالا بينا 16-11-2009, 12:45 AM قصدي يا دكتورة ان حضرتك بتتكلمي عن المصريين في الخاج من وجهة نظر بسيطة جدا....وهي انك شايفة انك بتوضحي حقايق وخلاص للناس
السؤال بقى:
تفتكري الناس مش عارفة يعني؟
ولو عارفين....هو همومهم خلصت جوا بلدهم عشان يدوروا عليها برا؟
sara kiky 16-11-2009, 08:46 AM والله عندك حق انا عمرى ولا عمر اى مصرى شوفنا الشوارع نظيفة ولا مرة
ولا خاليه من اوراق ولا نيلة ولو الاستاذ الجامعى دة لو طفى السجارة فى ابن صاحبه مهو عادى
كان سكته شوية بدل لوكلوكلوك اللى هو فيها الراجل فى امانة الله ورعايته وبيطفى السجارة
لا بقى ازاى دى كندا
كاره الثانويه 18-11-2009, 11:12 PM الله الله عليك بجد موضوع جنان وتحفه بجد
وانا من رائي المتواضع ان الناس بتعمل كدا عشان هي خلاص اتعوديت علي كدا
ولما تيجي تقول انت عملت ليه كدا يقولك ما كله بيعمل يعني جت عليا انا
ولما تقوله ابتدي بنفسك يقولك ياعم لما الاقي الناس بتعمل الاول ابقي اعمل
**تسابيح** 10-12-2009, 04:47 PM طول عمرى
:d
:wub::wub::wub::friendsxs3:
موضوع حلو يا تسابيح بجد عاجبنى اوى
ربنا يخليك للشعب المنوفي:d
نورت الموضوع
قصدي يا دكتورة ان حضرتك بتتكلمي عن المصريين في الخاج من وجهة نظر بسيطة جدا....وهي انك شايفة انك بتوضحي حقايق وخلاص للناس
السؤال بقى:
تفتكري الناس مش عارفة يعني؟
ولو عارفين....هو همومهم خلصت جوا بلدهم عشان يدوروا عليها برا؟
حبيبتي فيه ناس بتبقي عارفة كويسة
بس كل مشكلتها انها بتقول نفسي وخلاص
فأنا عاملة الموضوع كله اننا لازم يكون لينا دور ف المجتمع حتي ولو قليل
واكيد افي الدنيا
ودا
مش هيحصل الا لما نذكر العيوب وعلاجها
انا وانت وكلنا عايشين نكون في احلي بلد
نورتي الموضوع
**تسابيح** 10-12-2009, 06:18 PM والله عندك حق انا عمرى ولا عمر اى مصرى شوفنا الشوارع نظيفة ولا مرة
ولا خاليه من اوراق ولا نيلة ولو الاستاذ الجامعى دة لو طفى السجارة فى ابن صاحبه مهو عادى
كان سكته شوية بدل لوكلوكلوك اللى هو فيها الراجل فى امانة الله ورعايته وبيطفى السجارة
لا بقى ازاى دى كندا
ههههههههههههه
يحرق يعني :d
اكيد هيسجن مش ف كندا بقي
نورت الموضوع
الله الله عليك بجد موضوع جنان وتحفه بجد
وانا من رائي المتواضع ان الناس بتعمل كدا عشان هي خلاص اتعوديت علي كدا
ولما تيجي تقول انت عملت ليه كدا يقولك ما كله بيعمل يعني جت عليا انا
ولما تقوله ابتدي بنفسك يقولك ياعم لما الاقي الناس بتعمل الاول ابقي اعمل
لا ... ما هو لازم الفكرة دي تصحح
ولازم كل الناس تفهم ان اللي بيتدي بنفسه اكيد هيفيد المجمتع
نورتي ياقمراية
|