بعد اذنكم انا ليا سؤال مهم اوى وهو ازاى اذاكر الانجليزى يعنى مثلا اراجع فى يوم الجرامير كله ويوم الكلمات ويوم القصة ولا اراجع وحدة وحدة لوحدها بالجرامير بتاعها وكلماتها الحاجة التانية اذاكر الانجليزى كام يوم فى الاسبوع وكام ساعة يعنى ساعة ولا2 فى اليوم معلش بس عشان انا نفسى بجد اقفل الانجليزى ومش عارفة اذاكره ازاى وخصوصا ان المنهج كبير وانا عايزة من دلوقتى اكون مش مراكمة حاجة واكون مذاكره اول باول

1- احفظى كلمات كل unit كويس جدا
2- ذاكرى الجرامر كويس واحفظى القواعد :006et4:
3- اشترى كتاب خارجى وحلى منه الاسئلة اللى على كل unit
4- هتبقى 100% فى الانجليزى :022yb4:

او سمحت حد يرد لان انا كمان مش بعرف اذاكره

وانا كمان زيكم الانجليزى عملى مشكلة من ناحية المذاكرة حاسة انى مقصرة فى مذكرتة

والله ده يرجع لمستواكى فيه يعنى لو كنتى بتحبيه واصلا شاطره فيه وقويه فى الماده يبقى مش هتحتاجى مزاكره كتير غير نص ساعه بس فى اليوم.

انما لو مش شاطره اوى فيه يبقى لازم تحلى كتير وتشتغلى مع المدرس اللى بيديكى
ولو محتاجه اى مساعده انا الحمدلله مستوايا كويس فى الانجليزى وممكن اساعدك لو عايزه

بصى انت الاول تخشى على حفظ الكلمات كويس قراءه وكتابه وبعد كده تزاكرى الجرامر تفهميه مش تحفظيه لان الانجليزى عمرة ماكان حفظ بعد كده تطبقى انتى من كتاب خارجى وتحلى تستات وبعدين تراجعى وخلاص هتبقى فل الفل وعلى فكرة انا فى سنه اولى بس هى نصيحه اخويه

شكرا ليكم اوى بس انا عايزة اسأل اراجعه ازاى يعنى انا مثلا اخدت 4 unit وذاكرتهم وحليت عليهم وعايزة بقى اراجعهم مثلا طول الاسبوع ياترى اراجع كلماتهم كلها مع بعض فى يوم وبعدين الجرامير بتاعهم فى يوم وبعدين الدروس بتاعت فىreading يوم ولا اراجع اليونيت كلها على بعضها منفصلة بجراميها وكلماتها انا الحمد لله مستوايا كويس فى انجليزى بس انا بس قلقانة شوية منه عشان دايما هو كتر مادة بتنقص فى ثانوية عامة على حد مبسمع فعشان كدة بس عيزة عرف ازاى اراجعه بحيث انى افضل فاكره ومذاكراه على طول

بيتهيالى ان لما تخلصى unit لوحده على بعضه كده يبقى احسن
وتحلى عليه برضه
وفى الاخر لما تخلصى على كل اللى اخدتيه تحلى تست شامل كله
وربنا يوفقنا كلنا

بصى المذاكرة بترجع للقدرات الفردية يعنى حسب مستواكى حاولى تذاكرى اول باول كل وحدة لوحدها كويس اوى بعد كدة اعملى مراجعة سريعة للكلمات كلها والجرامر برضه وابتدى تحلى واللى انت عايزاه انا تحت امرك وربنا يوفقك

اشتري كتاب English Lovers هتلاقي كل شيء منظم