حدث فى مدرسة بالمنوفية..

معلمة تكسر ذراع تلميذ نسى كراسة الواجب

الثلاثاء، 10 نوفمبر 2009 - 18:55

http://www.youm7.com/images/NewsPics/large/S520094164852.jpg ضرب التلاميذ ممنوع بقرار وزارى ورغم ذلك المعلمة كسرت ذراع التلميذ - صورة أرشيفية
المنوفية ـ ماجد الإمام
http://www.youm7.com/images/graphics/lg-addthis-en.gif (http://www.youm7.com/bookmark.php?v=20) http://www.youm7.com/images/graphics/igoogle.gif (http://www.google.com/ig/adde?moduleurl=http://activedd.googlecode.com/svn/trunk/iGoogle/Gadgets/Youm7/Youm7.xml) شهدت مدرسة السلام الابتدائية، حاثة ضرب تلميذ حيث توجه التلميذ مصطفى على عبد الغنى (12 سنة) بالصف الخامس الابتدائى إلى المدرسة كعادته كل يوم، فحضرت مدرسة مادة العلوم وطلبت من التلاميذ إخراج كراسة الواجب ففوجئ مصطفى بأنه نسى الكراسة.

فما كان من المدرسة، إلا أن أمسكت بعصا خشبية كبيرة وانهالت بها على جسد مصطفى حتى كسرت ذراعه الأيسر وسط خوف وذعر باقى التلاميذ، فتوجه التلميذ بصحبة عمه إلى قسم شبين الكوم وحرر محضراً بالواقعة وأخطرت النيابة لتولى التحقيق، وأمرت باستدعاء المدرسة التى تدعى صديقة لسماع أقوالها.



بروتوكول نشر التعليقات (http://www.youm7.com//protocol.asp?NewsID=89577)

تعليقات (11)
1
جت كسر رقبتك

يا ريت يكون الخبر كاذب

وما المطلوب يعني
طب خد الخبر ده عندك أنت كمان
طالب ثانوي يسب مدير المدرسة أمام كل الطلاب ويقول له أنت فاكر نفسك إيه أنت ولا حاجة
ليه ؟ علشان قال لحضرته بتلعب كرة في فناء المدرسة في غير وقت حصة الألعاب ليه ؟!!!! وبرده الكلام ده في المنوفية
أسكت يا عم الله يكرمك الحل إن كل واحد يخلي عنده ضمير ويراعي ربنا فلا تفعل من الحبة قبة يا أخي العزيز
مع رفضنا للعنف من كل الأطراف طبعا

السلام عليكم
احنا مش ناقصين بصراحة
كفاية علي التلاميذ الهلع والخوف الغير مبرر من انفلونزا الخنازير
وتخيل هذا الابن ابنك
ماذا سيكون رد الفعل
وضع نفسك مكان هذا التلميذ ولي امره وزملاء الفصل
الف طريقة وطريقة تربوية لعقاب من نسي الكراسة
وخصوصا لو كان صغير السن كما نري
ولا اجد مبرر للدفاع عنها اذا كان الخبر صحيحا
قلبت الموضوع من جميع الاتجاهات
ولم اجد لها عذرا
فالمخطيء يتحمل وزر مافعل
ابو جهاد عودة

قديما قالوا العصا لمن عصا
و الطالب نسى الواجب لا يهم ممكن في التقويم الشامل تقليل درجاته بدون ضرب ووجع دماغ و الضرب العادي عقوبته خصم شهرين و الضرب هنا تحول لجنحة وفقا لقانون العقوبات
فعذرا لا يهم عمل الواجب أم لا الدرجات كافية أم لا المهم الحفاظ على كرامة المعلم فلا ضرب والعامةو لا ألفاظ نابية حتى لا تكون العواقب وخيمة
و لو حتى طلعت النتيجة أقل من 50 % للناجحين في الفصل لن يتم خصم شهرين من راتب المعلم أبو كادر ولن يذهب للنيابة العامة فتخير عزيزي المعلم أقل الأضرار في زمن عدم الحساب للطالب وشعار الوزاراة كشعار عمر أفنديالسابق " الزبون دائما على حق " وهنا الطلاب دائما على حق و المعلم مدان حتى تثبت إداننته !!!!!

فلن يحميك أحد لكن لو تطاول طالب لفظا بدون سبب و كان المعلم مظلوم فليتمسك بحقه في فصل الطالب ويصعد الأمر للوزاراة و لن يدخر الكل وسعا في استرداد كرامته المهدرة حينئذ

فتريث عزيزي المعلم قبل عقاب الطالب يكفي ان تظهر له ضألة معلوماته العلمية و عجزه عن الإجابة و مهما قالوا عن منع العقوبة النفسي هي الأخرى فتلك أضعف الوسائل بلا زيادة حتى لا يصاب الطالب بإكتئاب و يتم معاقبة معلم الكادر حيث تتفنن كل الإدارات في توقيع الخصومات عليه لأنهم لا يحصلون مثله على الكادر مش كده ولا إيه رحم الله فؤاد المهندس

الحق أنه موضوع جد خطير ....
فمعلم المرحلة الإبتدائية هو بانى الطفل والإنسان لأنه يضع الأساس ..

لكن للأسف الشديد البعض منهم لا يعى هذه المسئولية الجثيمة ...

ابنتى ف الصف الأول الإبتدائى من ثانى يوم ضربتها المعلمة بالفصل لأنها لم تعمل الواجب العربى بينما هى تحب الحساب وتركز عليه ...
فجعلت البنت تبكى وتقول لى : "لنأذهب للمدرسة عشان أنفلونزا الخنازير ..." !!!!!!!!
بطريقة غريبة وبكاء مستمر .. فشعرت ان هناك أمر غير طبيعى وفين وفيييين على ما قالتلى ان المعلمة ضربتها لأجل الواجب !!!!!!!!!
جعلتها تكرة المدرسة سامحها الله من أول أسبوع !!!!!!!!!!!


والحق ان على كل منا أن يضع هؤلاء الطلبة مكان أبنائه وما يرضاه لإبنه فليتعامل به مع طلابه

بسم الله الرحمن الرحيم الرجاء من جميع من بالمنتدى عدم ذكر مواضيع الضرب الخاصة بالتلاميذ او سوء السلوك الصادر من الطلبة تجاه معلميهم او مدرائهم ولنعمل سويا على تقويم كل اعوجاج ولا ننشر الفتن ونزيدها وانا عن نفسي وانا معلم حاسب آلي انادي بمعاقبة ابنى إن أخطأ ونسي الواجب او اهمل في مذاكرة الدروس او عمل الفروض الخاصة به ولنعلم جميعا اذا تساهل المعلم اهمل المتعلم وقلل المتعلم من اهمية المعلم ولكن صور العقاب كثيرة اخرها الضرب يعنى ممكن نظره ممكن وعيد وما شابه ولنتأكد ان ما من مدرس يريد ضرب تلميذ ولكن إذا كان الضرب دعوة او تخويف من اجل مادة او إرغم طالب على درس فهذا هو الفشل والهلاك بعينة وربنا المستعان وتقبلوا التحية

هى دى التربيه والتعليم

أنا يصراحه تأذيت كثيرا عندما قرأت هذاالخبر فأنا ضد العنف بكل صوره وأشكاله .فمابالكم بضرب طفل برئ لا حول له ولا قوه بهذه القسوه والعنف .وللأسف العنف موجود ومتأصل فى كثير من المدارس الابتدائيه على وجه الخصوص وان كنا لا ننكر وجود مدرسيين لاينتهجون هذا النهج فى عمليه التعليم .فالضرب المبرح يخلق جيلا خائفا قلقا وتغرس فى الطفل كراهيته للمدرسه منذ الصغر .يجب على المدرس أن يكون مصدرا للراحه والهدوء النفسى للطالب داخل المدرسه وخارج أسوارها ايضا.وان كان لابد من العقاب فلنتبع طرقا مدروسه تربويه بدلا من أسلوب الضرب هذا الذى لايخلف وراءه سوى نفسيه مدمره مهزوزه.

تصدقوا بالله العيال عفاريت من تحت الارض واللى على البى شاطر

كفاية دلاعة فى العيال الله يخرب بيوتكم ضيعتونا

[انا مش مصدقة الخبر يعنى ايه تكسر دراعه .. ؟!!!!!! هى سهلة اوى كدا ده خامسة ابتدائى يعنى اطول منى ...... هههههههه

يا عم الفاروق محمد أنت مازلت عضوا جديدا بهذا المنتدي
علي رسلك أخي حتي لا تغضب أحدا منك

انا مع مدرسة المنوفية التى لا تبتغى سوى وجه الله و ما قصدت سوى تذكير ابنها بالواجب وقلبى و قبلاتى للطالب الذى نسى كراسة الواجب يا بنى ان امك فى المنزل لن ترضى اذا نسيت

معلش يا جماعة دى حالات فردية مش لازم نعممها وكمان لازم كل مدرس وخصوصا مدرسين المرحلة الإبتدائية يعتبر ان التلاميذ دول أولاده ويراعى ربنا فيهم بس من ناحية تانية لازم يكون فى قانون رادع للطالب المخالف لأن فى طلبة حاليا بعد قانون منع الضرب بقت فى منتهى قلة الأدب مع المدرسين ووالله أنا نفسى شوفت مدرسة فى ثانوى بتبكى بحرقة علشان عاقبت تلميذ داخل الفصل متأخر عن الحصة نصف ساعة فمنعته من الدخول وقفلت باب الفصل , كسر الولد الباب ودخل على المعلمة ونزع عنها حجابها وجرجرها من شعرها أمام التلاميذ وهما طبعا فرحانين وضحكوا عليها وتعاقبت بجزا تقريبا شهرين والله أعلم مش متذكر , فلازم يكون فى قانون يحفظ للمعلم كرامته .

بسم الله الرحمن الرحيم ايها العقلاء تلاميذ الابتدائي ابناء لكل معلم ومعلمة ولكن هناك اشياء تعدت البراءة يعنى اما تلاقي تلميذ بيقول زغرتي يامنحرفة ولا يصفر ولا جايب قطعتين بلاستيك وعاملهم جوزة يعني شيشة واشياء كثير ولا اما تلاقي طالب طول الحصة فاتح فمة من الضحك ولا طالب بيقول والله سوف اذهب انا وابي لمدير ا لادارة ونرفدك يا جماعة الفضائيات اصبحبت هي المدرسة وياريت يسمحوا بتحويل المناهج لمواد تلفزيونية سيكون الناتج سريع وزغرتي يا منحرفة

الضرب ومنع الضرب
كلام فاضي لا قيمة له

الضرب يفضل ان يكون شيئاً رمزياً على أن يكون فعلياً


وخاصة المرحلة الابتدائية والتي يجب التعامل معها بحذر
افتكر مدرسة الانجليزي في خمسة ابتدائي كانت بتضرب في المرة الواحدة ما بين 10 - 20 ضربة بعصاية خشب
وعدد الضربات بيختلف حسب عدد اللى مش حالين الواجب وتعبها هيا في الضرب :d

انا اضربت منها 3 مرات في السنة كل واحدة 15 ضربة تقريبا :d
بس كان ممشية الفصل مية مية
بس طبعاً الضرب بعصاية خشب عالايد وكتير ممكن يأدي لمضاعفات وحشة او كسور
وفي ناس كارهاها جداً عشان كده


المدرس اللى بجد اللى يخوف الطلبة بشخصيته مش بعصايته
في مدرس كان بيدخل الفصل واحنا في ثانوي ومحدش فينا بيعرف يتنفس
وفي مدرس بيدخل واحنا في ابتدائي والطلبة بيستهتروا بيه


كله بيرجع للشخصية مش للعصاية
وادي نتيجة العصاية

لا حول ولا قوة الا بالله العلى العظيم
انا عايزة اعرف ياعنى فيها ايه لما ينسى الكراسه ولا ميعملش الواجب حتى
اللى ياكل ع \رسه ينفع نفسه
بس بجد مدارس ابتدائى بيحصل فيها مهاذل م المدرسين
الحمد لله ماخدتش فيها الا سنه واحده (شفت فيها العجب)

طب لو مثلا ابنها دايقها أو جوزها ؟

أكيد هتولع فيه


كسر إديها

يعنى تضرب تلميذ الى ان تكسر ايدة:::stickjo4:: مش حرام لو ضايقك خالص اضربية مرة او اثنين مش تكسرى ايدة خلى عندكوا قلب ]

أعتقد ان المدرس اللى لسه بيستعمل العصا والعقاب البدنى ده
الحقيقة مش عارف أقول عليه ايه بس



أنا أكتر ناس كرهتهم فى حياتى كانوا مدرسين
وأكتر ناس حبيتها واحترمتها كانوا برده من المدرسين بس كانوا قليلين أوى

بس أنا برده مش متخيل ازاى واحدة ليدى تضرب حد بالطريقة البشعة دى لحد ما تكسر دراعه كمان

انتوا مستغربين ليه؟
هي جديدة الحكاية؟
طيب ما في مدرس قتل تلميذ ابتدائي قبل كده
والقصة معروفة طبعا


يا جماعة دا اضعف الايمان يعني
ايه يعني دراعه؟؟؟
المهم سابته عايش

معقوله دي المعروف عن المدرسات أنهم طيبين و كمان أمهات للطلبه الصغيرين أزاي مدرسه تعمل كدا

وأزاي قدرت تضربه بكل القسوه دي ( الله أعـــــــــلم )

علي رايكم المهم انها سابتة يعيش مش مهم دراعة ّّ*******!!!!!!!!!!!!!!!!!!!!!!!!!!!!!!!!!!!!!!

و إيه الجديد ؟!!
المدرسين دول عايزين يدخلوا الكلية و يتعلموا و يتأدبوا قبل ما يبقوا مدرسين
هما فاكرين نفسهم بيدرسوا لأصنام !!
العيال ايوه بقوا مش زينا كلهم أشقية و عايزين ضرب النار بس ممكن يكونوا زى ما إحنا عاوزين لو عاملناهم بطريقة تانية
أمال لازمة المواد التربوية اللى بيتهببوا و ياخدوها فى الجامعة دى إيه؟؟
المدرسين عايزين منخل كبير و ينخلهم :romarioxp6:

يا جماعة لو سمحتم ...
المدرسين شاركوا وشجبوا قبل ما تتكرموا وتتكلموا وياريت تراجعوا المشاركات فوق ...

لكن ما توصلش لقلة الأدب والإستهزاء والتعميم على جميع المدرسين ..
ياريت اللى يتكلم يكون موضوعى ومحايد ...
صحيح احنا كمدرسين رفضنا هذا السلوك الشاذ لكن كما وصفت أسيل الطلاب بأنهم عاوزين ((ضرب النار )) .. يبقى اما نتكلم عن المدرسين عيب اوى اما نقول .. يتنخلوا بمنخل أو نقول يتهببوا لأن ده قلة أدب وسوء أخلاق عمن علمكم ورباكم وبالتالى يكون غير مقبول ....
كما نرفض الخطأ ممن يخطىء من الزملاء .. نرفض الخطأ من الأبناء ويكون الخطأ أكبر عندما يعيبون فى المعلمين والآباء ...

يا جماعة لو سمحتم ...
المدرسين شاركوا وشجبوا قبل ما تتكرموا وتتكلموا وياريت تراجعوا المشاركات فوق ...

لكن ما توصلش لقلة الأدب والإستهزاء والتعميم على جميع المدرسين ..
ياريت اللى يتكلم يكون موضوعى ومحايد ...
صحيح احنا كمدرسين رفضنا هذا السلوك الشاذ لكن كما وصفت أسيل الطلاب بأنهم عاوزين ((ضرب النار )) .. يبقى اما نتكلم عن المدرسين عيب اوى اما نقول .. يتنخلوا بمنخل أو نقول يتهببوا لأن ده قلة أدب وسوء أخلاق عمن علمكم ورباكم وبالتالى يكون غير مقبول ....
كما نرفض الخطأ ممن يخطىء من الزملاء .. نرفض الخطأ من الأبناء ويكون الخطأ أكبر عندما يعيبون فى المعلمين والآباء ...
قلة أدب !! .. الله يكرم أصل حضرتك
و مين قال إنى عممت على كل المدرسين


المدرسين دول عايزين يدخلوا الكلية و يتعلموا و يتأدبوا قبل ما يبقوا مدرسين

أنا خصصت كلامى فى أول ردى يا أستاذتنا و قصدت نوعية المدرسيين المتعصبين و اللى ملهمش لازمة فى التعليم
بالنسبة للمنخل فا دى قصدى منها إن الوحش بقى مع الكويس فى المهنة كإن الوظيفة دى للعالم و الجاهل
يا ريت و الله يكون فى منخل يبين اللى يستاهل المهنة و اللى مايستهلهاش

قلة أدب !! .. الله يكرم أصل حضرتك

و مين قال إنى عممت على كل المدرسين

الله يكرمك .. شكراً لك على كل حال

أنا خصصت كلامى فى أول ردى يا أستاذتنا و قصدت نوعية المدرسيين المتعصبين و اللى ملهمش لازمة فى التعليم
بالنسبة للمنخل فا دى قصدى منها إن الوحش بقى مع الكويس فى المهنة كإن الوظيفة دى للعالم و الجاهل

يا ريت و الله يكون فى منخل يبين اللى يستاهل المهنة و اللى مايستهلهاش



شكرا للتوضيح ... وياريت نكون أكثر حرصاً وتحديداً فى كلامنا حتى لا يحتمل أكثر من معنى ...
وشكراً لمتابعتك

يا جماعة فى مدرسين كتير محترمين جدا وعندهم ضمير مش معنى ان فى بعض الحالات الفردية موجودة يبقه هو ده التعليم فى مصر
مصر بخير بفضل الله وبجهودكم جميعا

انا اعتقد ان الي لسة بيستعمل الضرب او اى وسيلة من العنف
دا مش عندة شخصية لان ممكن بكلمة بس يوصل الي هو عيزة للطالب من غير عنف