بالصور.. 72 ألف معلم "شاب" يشكون صعوبة "الإنجليزية".. وضيق الوقت وطول الأسئلة فى "اختبار التعيين".. وأكاديمية المعلمين تعترف بأخطاء فى التخصصات والأرقام السرية

الجمعة، 20 نوفمبر 2009 - 17:29

http://www.youm7.com/images/NewsPics/large/s1120092017157.jpg شكاوى من صعوبة "الإنجليزية" فى اختبار التعيين
كتب حاتم سالم ـ تصوير أحمد إسماعيل
http://www.youm7.com/images/graphics/lg-addthis-en.gif (http://www.youm7.com/bookmark.php?v=20) http://www.youm7.com/images/graphics/igoogle.gif (http://www.google.com/ig/adde?moduleurl=http://activedd.googlecode.com/svn/trunk/iGoogle/Gadgets/Youm7/Youm7.xml) أدى 72 ألفاً و600 معلم مساعد ظهر اليوم، الجمعة، اختبارات التعيين فى وظيفة "معلم"، وأجمع العشرات من المعلمين، الذين خاضوا الاختبار داخل 29 جامعة، على صعوبة الأسئلة التى بلغ عددها 400 سؤال فى 4 مواد وعدم كفاية الوقت "5 ساعات" لحلها ومراجعتها، مؤكدين وجود أخطاء فى عملية تنظيم الاختبار، فى الوقت ذاته أكد الدكتور محمود عابدين، رئيس الأكاديمية المهنية للمعلمين، أن غرفة العمليات المشرفة على الاختبار تلقت بالفعل شكاوى من وجود أخطاء فى تخصصات المعلمين وفى "أكوادهم" السرية.

وقال معلمون بـ "التعليم العام" و"الأزهر" لليوم السابع إن تشابه إجابات الأسئلة، التى جاءت جميعها بطريقة الاختيار من متعدد، أوقعتهم فى حيرة توقعوا معها فقد العديد من الدرجات، وأكد المعلمون أن وقت الامتحان لم يكفِ لحل جميع الأسئلة ومراجعتها فطلبوا منحهم وقتاً زائداً لكن مشرفى الاختبار رفضوا طلبهم وقاموا بسحب كراسات إجاباتهم بمجرد انتهاء الوقت المحدد للاختبار، على حد قولهم.

وجاء اختبار المهارات الأساسية باللغة الإنجليزية على رأس الاختبارات التى شكا المعلمون المساعدون من صعوبتها، حيث وصفوه بـ "التعجيزى والملئ بالغموض" يليه فى الصعوبة اختبار الكفاءة التربوية أما اختبارى اللغة العربية والتخصص فجاءا فى مستوى "المعلم العادى" بحسب وصفهم.

وأجمع عدد من المعلمين، الذين أدوا الاختبار بجامعة عين شمس، على عدم الاستفادة من "حصص التهيئة" التى تلقوها الأسبوعين الماضيين داخل مراكز "التعلم عن بعد" التابعة لوزارة التربية والتعليم، وقالوا إن أسئلة الاختبار جاءت من خارج "حصص التهيئة".

كما فوجئ معلمون، أدوا الاختبار داخل "عين شمس"، بوجود أخطاء فى تخصصاتهم المُثبَتة داخل عقودهم مع الوزارة، وهو ما أحدث حالة من الارتباك داخل لجان الاختبار، لأن المشرفين عليها رفضوا منحهم أوراق أسئلة تتناسب مع تخصصاتهم إلا بعد التوقيع على إقرار يفيد باعتبار اختبارهم لاغياً فى حالة خوضه فى غير تخصصهم الفعلى.

وهو ما اعترف به الدكتور خالد عيد منسق الاختبار بجامعة عين شمس، والذى أكد أن الأكاديمية المهنية للمعلمين حددت التوقيع على الإقرار كشرط لكى يحصل المعلم على ورقة أسئلة فى تخصصه الفعلى فى حالة اكتشاف خطأ فى تخصصه المُحدد له داخل اللجنة، مضيفاً لليوم السابع أن الجامعة لديها أوراق أسئلة احتياطية لمثل هذه الحالات.

هذا وحاول عدد من المعلمين الذين لا يحملون أرقام جلوس الدخول إلى اللجان وأداء اختبار التعيين فى وظيفة "معلم"، لكن أمن الجامعة منعهم من خوضه وأخرجهم من اللجان وفقا للضوابط التى حددتها الأكاديمية المهنية للمعلمين، والتى تمنع أى معلم لا يحمل رقم جلوس ورقى من تسلم ورقة أسئلة أو الجلوس داخل اللجنة.

من جانبه أكد الدكتور محمود عابدين، رئيس الأكاديمية المهنية للمعلمين، أن التصحيح الإلكترونى لأوراق إجابات المعلمين سيبدأ نهاية الأسبوع الجارى بمجرد وصول أوراق إجابات المعلمين من الجامعات إلى الأكاديمية ومراجعة إقرارات من وجدوا أخطاء فى تخصصاتهم علاوة على التأكد من صحة الأرقام السرية "الأكواد" للمعلمين، وأشار إلى أن التصحيح سيتم بالماسح الضوئى دون أى تدخل بشرى ضمانا لنزاهة أعمال رصد الدرجات.

وأوضح الدكتور عابدين أن الأكاديمية عقدت اليوم غرفة عمليات لتلقى شكاوى المعلمين، وكشف أن أغلب الشكاوى كانت من وجود أخطاء فى التخصصات والأكواد السرية، لكنها لم تمثل، بحسب حديثه، أى أزمة نظراً لتوفير الأكاديمية نسبة من أوراق الأسئلة الاحتياطية داخل كل جامعة لتدارك هذه الأخطاء علاوة على مرونة المشرفين على الاختبار فى تعديل أى كود غير صحيح.


http://www.youm7.com/images/issuehtm/images/youm/e5tbaraatelmo3almeen/1.jpg


http://www.youm7.com/images/issuehtm/images/youm/e5tbaraatelmo3almeen/2.jpg


http://www.youm7.com/images/issuehtm/images/youm/e5tbaraatelmo3almeen/3.jpg


http://www.youm7.com/images/issuehtm/images/youm/e5tbaraatelmo3almeen/4.jpg


http://www.youm7.com/images/issuehtm/images/youm/e5tbaraatelmo3almeen/5.jpg


http://www.youm7.com/images/issuehtm/images/youm/e5tbaraatelmo3almeen/6.jpg


http://www.youm7.com/images/issuehtm/images/youm/e5tbaraatelmo3almeen/7.jpg



بروتوكول نشر التعليقات (http://www.youm7.com//protocol.asp?NewsID=89577)

المهم نتيجه مش تقعد سنه حتي تظهر

انشاء الله الامتحانات سهلة والنتيجة نجحين انشاء الله

الامتحان يعتبر كويس و لكن فى الامتحان الخاص بالكفائة فى اللغة الانجليزية يعتبر الى حد ما صعب على التخصصات الاخرى

ياجماعة بلاش مبالغة نحن دخلنا الاختبار ونعرف ما كان به
هل امتحن أحدكم في أربعمائة سؤال كما يدعون
فقط (38) سؤال إنجليزي في ساعة ونصف
والمهارات والتربوي والتخصص (100) سؤال في ثلاث ساعات
وكانت أسئلة جميلة وتمت الإجابة عليها ولا يلومن مقصر إلا نفسه وعموما ألف مبارك مقدما لـــــ(72) ألف وستمائة معلم مساعد
ونركز في الخطوة القادمة وهي الحصول علي (i.c.d.l) من أجل أن يوفقنا الله وننسي كلمة متعاقد تلك وتصبح في جانب الذكريات بحلوها ومرها إن شاء الله تعالي

اييييييييييييه التفاؤل ده
عارف عيبك الوحيد ايه ؟
ان انت بتصدق كل حاجه
انا غيرك
بصدق لما اتعين ياحبيبى
وده هيحصل ان شاء الله لما تموت او تنتحر او تنعدم:giljotiiniug3:


:039uw8:كل ده كلام

يا جماعة خليكوا متفائلين وبلاش تشاؤم

بصراحة ياجماعة الموقع هنا قدم الامتحان على طبق من فضة لينا تربوى وتخصص وعربى بأمانة شديدة احنا مديونين بالشكر لكل اللى تعب هنا وكمان الانجليزى مش صعب لدرجة التعجيز بس احنا خايفين من نسبة النجاح اللى عرفنا انها لازم تعدى 75% هى دى اللى هاتصعب الموضوع وتخلينا خايفين ...... ربنا يستر

والله امتحان الانليزى اقل من المتوسط لكن المشكلة كانت فى التربوى ومهارات اللغة العربية اللى اجاباتها كلها زى بعضيها ولا تعتمد على قاعدة للحل بل للاهواء الشخصية

وفقكم الله جميعا

ولى رجاء من الأخوة المتعاقدين اللى امتحنوا اليوم الجمعة 20/11
من يتذكر أى سؤال من مهارات اللغة الإنجليزية يضعوا هنا فى المنتدى حتى نتمكن من تجميع هذة الأسئلة ومراجعتها وتصحيحها حتى تكون مرجعا لكل من سيدخل الإمتحانات لاحقا

أبو علاز هو أنت مصري ؟
ما معني علاز تلك ؟
وبعدين يا أخي كل واحد يقول اللي نفسه فيه أنت زعلان ومشغلنا المقصلة وعمال تقطع في الرقاب ليه ؟
خف شويه يا عم الحاج الله يكرمك

بصراحه والله العظيم الامتحان سهل جدا جدا والانجليزى تافهه علة فكره انا مدرس علوم وكمان معظم اسئلة امتحان النهارده مكرره من اخر امتحان فى جميع التخصصات انا خلصت الامتحان تقريبا فى ساعه للانجليزى وساعه وربه للمكونات الثلاثه الاخرى وعدد الاسئله كان 138 سؤال مش 400 ونسبة النجاح قالوا عندنا النهارده انها 40 %

الامتحان كان سهل جدا جدا ومكرر من اخر امتحان معظم الاسئله لم اقرئها وجاوبت مباشرة وعدد الاسئله 138 سؤال مش 400 ونسبة النجاح زى ما قالو لنا النهارد 40% والانجليزى كان تافهه

يا أخى ألف شكر لأنك تقريبا الوحيد اللى اهتممت فى مصر بامتحان اليوم
الامتحان كان معقول بنسبة 60% سواء الانجليزى أو امتحان مهارات اللغة العربية والتربوى والتخصص
المشكلة كانت فى نسبة تشابه كبير فى الاجابات مما يثير التشتت
المهم أنا عايز أثنى على حضور المعلمين المساعدين لما بدا منهم من التحضر والالتزام والثقة بالنفس وعدم الهمجية
ويا رب يا دكتور عابدين نكون عند حسن ظنك لما قلت لأساتذة الجامعة سوف ترون تحضر والتزام المعلمين المساعدين
الجامعين وخريجى الدراسات العليا
ولذلك نطلب من سيادته أن نأخذ نفس الحقوق التى حصل عليها من سبقونا فى امتحان الترخيص
ونتمنى من الزملاء أعطاء الأكاديمية حقها فى التنظيم والامتحان ولا نهول فى صعوبة الامتحان
ولكن لى ملحوظة على جامعة عين شمس عدم الاهتمام بنظافة أرضيات قاعة الامتحان
محاولة الأساتذة معاملة المعلمين كتلاميذ صغار
ومشكورين ونرجو سرعة إعلان النتيجة

لازم نقول شكرا لمنتدي الثانوية بجد من قلبنا والله

عايز اتاكد من فضلكم نسبة النجاح من كام واتاكدوا من فين..........؟

السلام عليكم
والله يا جماعة لله الحمد الامتحان كان جميل جدا
وفعلا كان فيه تحضر من قبل المتعاقدين داخل اللجان
ومن قلبى اشكر منتدى الثانوية العامة وجزى الله القائمين عليه خير الجزاء لانه بصراحة موقع مفيد جدا وانا شخصيا استفد منه استفادة كبيرة
جزاكم الله خيرا

أولا الحمد الله على كل شئ

ثانياً الإمتحان كان 38 سؤال لغة إنجليزية متنوعين بس كان فية أسئلة كتير منهم

ترقيم وقطع

والزفت الإمتحان التانى كان تخصص حوالى 40 سؤال معظمهم ذى الزفت

و30 سؤال تربوى يعتبروا كويسين نظراً لإن الواحد قرا شوية قبل الإمتحان

والعربى 30 سؤال ما بين سهل وصعب

عموماً إن شاء الله ننجح كلنا ونيجى نبارك لبعض بس وقت الإمتحان التانى ما ينفعش إنة يكون 3 ساعات بس
ً

أولاً : يا جماعة التعميم ليس مطلوب وإليكم الآتى:

بالنسبة لامتحان الإنجليزى كان كويس إلى حد كبير

أما التخصص ( لغة عربية ) كان بصراحة مش كويس

لأننى دخلت اختبار معلم لغة عربية ابندائى

ولكن فوجئت بأن كثيراً من الأسئلة تناسب قدرات معلم ثانوى

ثانياً: التربوى كان إلى حد ما كويس رغم أنه لم يأت أى سؤال

من الموجود على المنتدى أو الموجود فى المكتبات فكلها أسئلة جديدة

وأما العربى العام كان سهل لسببين : الأول أننى معلم لغة عربية

والثانى : لأن هناك أسئلة كثيرة مكررة موجودة على المنتدى من الاختبارات السابقة

على فكرة نموذجى فى الإنجليزى كان 7002 والآخر 50

على فكره ياجماعه الانجليزى كان جميل يعنى بعض اسئلة النت اللى كانت صعبه بس هو عموما جميل التخصصات اللى كانت صعبه بس العربى والتربوى بالظبط زى مانزلناهم من هنا وبجد شكرا على المساعده من كل اللى ساعدنا ويااااااااااااارب ننجح ان شاء الله

ما قلنالكم كل الاسئلة هنا وبس كل اللذين طلعوا الامنتحانات ((اللي حطوها السادة الزملاء على المنتدى ))
طالعين مبسوطين جدا
وجزى الله كل من ساهم وقدم شئ وله جزيل الشكر وجعله الله في ميزان حسناتهم ..........آمــــــــــــــــــين

بصراحة الامتحان كان من ده على ده (صعب وسهل وكله يشيل بعضه وهاننجح ان شاء الله زى المتثبتين بص ليهم وقان نفسك هاتلاقى نفسك نجحت

علي الله قصد السبيل المهم النتيجة تكون مرضية للزملاء وربنا الموفق

]نصيحة هامة لكل معلم مساعد سيصل الى الامتحان زاكر ما تقدم من امتحانات عن الكادر

الحمدلله الاسئلة كانت سهلة جدا فى الانجليزى والتربوى والعربى لكن تخصص الحاسب كان فى بعض الاسئلة غريبة شويه كود التخصص كان 4453 بس الحمدلله على كل حال
وشكرا لبوابة الثانوية العامة بجد استفدت منها كتيييييييييييييير جدا فى 4 مواد
وربنا يجازيكم كل خير
ويااااااااااارب النتيجة تظهر بسرعه
وتكون خير علينا كلنا وننجح

السلام عليكم جميعا000الحمد لله على كل حال
بالنسبه لامتحان الكادر 20/11 انا شايف انه كان معقول يعنى فيه اسئله كويسه جدا وطبعا كان فيه بعض الاسئله المحيرة وعلى كل حال ربنا يستر

قبل ما اقول اى حاجه انا بشكر منتدى بوابة الثانويه العامه كتيييييييييييير وكل اللى ساعدونا فى الامتحان لهم جزيل الشكر وجزاهم الله عنا خيرا
اما بقى بالنسبه لامتحان الانجليزى فكان سهل جدا جدا جدا وامتحان العربى والتربوى فكان معقول وحلينا فيه كويس الحمد لله اما بقى المصيبه اللى اسمها التخصص فكان زباااااااله واسئلة الحاسب كانت صعبه جدا ومسمعناش عنها قبل كدا بس يلا ..المهم كلنا نقول يارب وان شاء الله كلنا ناجحين

بسم الله الرحمن الرحيم
انا بئا نيابة عن المدرسين المتعاقدين الموجودين فى جميع محافظات الصعيد بشكر بوابة الثانوية العامة شكر جامد اوى وبشكر كل من ساهم فى الكادرى التعليمى وهناك بعض الملاحظات على الامتحانات الاربعة بما يرضى الله ورسولة
اولا امتحان اللغة الانجليزية يعتمد على الترجمة والالمام بالكلمات الانجليزية يعنى كان صعب على كل واحد مش متخصص انجليزى او درس انجليزى فى كليتة وكل الناس طالعة تشتكى من الانجليزى والله العظيم فى اغلب المحافظات وحسبى الله ونعم الوكيل عارفين لية لان فى كليات مدرستش انجليزى وكمان سيبين الانجليزى من ثانوى عام يعنى اللى يقولك الامتحان كان سهل لانة كان عارف انجليزى او درس فى تخصصة انجليزى المهم الامتحان كان صعب على الطالب العادى ولم ياتى اى اسئلة من اختبارات الاكاديمة اللى كانت على الموقع
ثانيا الكفاءة التربوية الله ينور بجد سهلة والله العظيم
ثالثا امتحان مهارات اللغة العربية سهل جدا والله لكل الناس فى المستوى العادى
رابعا ودى الاهم التخصص وكل واحد دارس تخصصة اكتر من كذا سنة فى الكلية والمادة اللى انتا بتديها فى الفصل حتى ولو ما كنتش هى هى المفروض اكتر واحدة عارف فيها معلومات
اخوكم كريم * كامل معلم مساعد محافظة المنيا

اهلا بحضرتك في المنتدي نورت المنتدي