السلام عليكم ورحمة الله وبركاته
اخى واختى فى الله ....
مش تبركلنا مش الحكومه بقت بتدينا العديه وبتعمل الواجب معانا
اعتقلت قوات مباحث أمن الدولة أربعة من الإخوان المسلمين في منطقة المرج بشرق القاهرة عقب صلاة عيد الأضحى المبارك اليوم السبت 30/12/2006م بسبب توزيعهم تهنئة مجدي عاشور عضو الكتلة البرلمانية للإخوان المسلمين في مجلس الشعب لأهالي الدائرة بهذه المناسبة الكريمة.



وتم اعتقال الأربعة وهم : حسن عنبر ، محمد زيادة، محمد فرح، محمد عبد العزيز من عدد من ساحات إقامة صلاة العيد عقب توزيعهم لبطاقات تهنئة من النائب على المصلين.



وتأتي هذه الاعتقالات الجديدة في ظل حملة أمنية شرسة ضد الإخوان المسلمين بدأت قبل ثلاثة أسابيع باعتقال عدد من قيادات الجماعة على رأسهم المهندس خيرت الشاطر النائب الثاني للمرشد العام.
بالله عليكم ده ينفع واعتقد ان اكثركم عارف ان الهدايه دى مفهاش حاجه ومن ايام زمان اوى واحنا متعودين اننا نوزع هذه الهدايه يعنى مش شئ جديد
بس السؤال الذى يطرح نفسه ؟؟؟
لماذا لماذا ليه هما بيعملو كده ليه بجد انا حتجنن
يا اخوتى هل احنا غلط هل احنا مكروهين الى هذا الحد ممكن حد يقولى
ممكن اكون انا علشان منهم ممكن اكون مش شايف جانب ممكن لو حد شايف اننا غلط ممكن يقولى ويقولى وجهة نظره
ويااما يقنعنى يا اما اوضحله الغلط الهوه فهمه

بص ياسيدى الحكومة ملهاش مصلحة مع الاخوان يبئا ليه تتحالف معاها
وكمان الاخوان ظهر خطرهم على الحكومة بعد الانتخابات الاخيرة
وكمان مبارك زى السمن على العسل مع امريكا يبئا ايه الاى هيخلى امريكا تتدخل ولا حتى بتوع حقوف الانسان

طيب بص هقولك على حاجة تقربلك الموضوع شوية
ايمن نور مش كانت امريكا بتايده متعرفش بئا مبارك عمل معاهم ايه ولا اتنازل ليهم عن ايه
علشان يرفعه تايدهم عنه
وهو دلوقتى محبوس وكمان المرض اشتد عليه
ومفيش حد من بتوع حقوق الانسان ولا غيرهم سال
صح يبئا كله فى ايد مين ؟؟؟؟؟؟؟

ولله يا اخى عندك حق يبقى الامر بايد مين ؟؟؟ يا ريت حد يجاوب

الامر بيد الله فى كل شئ
طب حضرتك بتطرح ان ليه الاخوان المسلمون متهضون صح؟
طب بالله عليك وهى ده اصلا حكومة اسلامية او دولة اسلامية؟
دى اسم وبس فى كل حاجة
كل حاجة فيها فاشلة
نظام تعليم فاشل ونظام سياسة كله نهب فى نهب
واقتصاد مدمر والاحوال الاجتماعية اكيد كل واحد عارف ايه حالها عندنا
والدين عندنا ضايع خالص من الحكومة والدولة الا من رحم ربى
حد يصدق ان رئيس الجمهورية مصر المفروض انها دولة اسلامية زوجة الرئيس تبقى متبرجة
هى دى دولة اسلامية بحق؟
فين ايام خلافة الرسول صلى الله عليه وسلم؟.
فين ايام خلافة الصحابة رضوان الله عليهم؟
لابد وحتما ان الخلافة الاسلامية دى هيجى يوم من الايام وستعود باذن الله
وكل انسان محقق انجاز له اعداء واعداء كثيرين كمان

وبالنسبة للاخوان المسلمين ما شاء الله عليهم
انا اعرف ناس بتعامل معاهم اخوان مسلمين وهما ناس عاديين خالص
بس لاحظت فيهم عيب بسيط وهو انهم متساهلين فى بعض الامور مثل الموسيقى وفى حجاب المراة المسلمة
وفى اللحية بالنسبة للرجل
وجزاكم الله خيرا على الموضوع
واسف للاطالة