hamadagoal
22-11-2009, 07:22 PM
ايه هو احسن قسم في كلية السياحة والفنادق ؟
وياريت تكون الاجابة من الخبراء وخريجي هذة الكلية الجميلة لنستفيد من خبراتهم وينالو هم ثواب النصيحة
وياريت تكون الاجابة مبنيه علي النقاط التالية
1/فرص العمل المتوفرة لكل قسم
2/ نسبة الوسطة او الكوسة في العمل
3/المرتب المالي والمكانة الاجتماعية لخريجي كل قسم
وفي الاخر كل الشكر والتقدير لهذا المنتدي الرائع
hamadagoal
23-11-2009, 02:47 AM
طب مش لازم خريجي الكلية ياعني اي حد عندة معلومة عن احسن قسم في الكلية يقولهنا طيب يا جماعة
hamadagoal
23-11-2009, 07:38 PM
والله يا جماعة دة حرام 21 ولا تعليق دة انتو بخلا اوي مفيش اي معلومة
ديدو الغلباوى
03-03-2010, 11:03 PM
الله علم ربنا معاك يا مان
eslam_2009
17-03-2010, 06:40 PM
بسم الله الرحمن الرحيم ,,,
اولا : قسم السياحة او الدراسات السياحية : فهو وظائفه كثير فى مجال السياحة وممكن تشتغل فى جميع اقسام شركات السياحة ( رحلات - حج وعمرة - حجز طيران وفنادق - برامج سياحية - اشراف )وايضا شركات الطيران والمطارات وكمان ليك شغل محدود فى الفنادق ( موظف استقبال فقط و ممكن فى الادارة )
وهذا القسم فى نسبة واسطة تكاد تكون كبيرة فى شركات الطيران
ثانيا : قسم الفنادق ( الدراسات الفندقية ) : فهو وظائفه فى جميع اقسام الفنادق ( مكاتب اماية - مطبخ او الشيف - ادارة الفنادق - استقبال - اشراف - .... ) وجميع شغله فى القرى السياحية والفنادق والمطاعم .
وهذا القسم يكاد يكون خالى من الواسطة
ثالثا : قسم الارشاد السياحى : هو قسم دراسته صعبة شوية لان فيه هيروغليفى بالاضافة الى اللغات الاجنبية الاخرى التى يتم دراستها , وبيشتغلوا مرشدين سياحيين وبياخدوا الرخصة بعد التخرج علطول مع شهادة التخرج .
وهذا القسم ممكن متشتغلش مرشد سياحى وحصلت مع ناس كتير , وبتختلف حسب اللغات اللى معاك لكن الاغلبية العظمى بتشتغل
اما المكانة الاجتماعية فلا داعى لذكرها حتى لا اكون من المنحازين لقسم معين , ولكن قارنها انت من الوظائف اللى سبق ذكرها .
اما المرتب فهو غالبا على الترتيب التالى : مرشد سياحى - ادارة فنادق او شركة سياحة - موظف فى شركة طيران كبرى - شيف فى فندق 5 نجوم او اكتر - موظف فى شركة سياحة - موظف استقبال