مشاهدة النسخة كاملة : سؤال مش عارفة اجابته


soul333
22-11-2009, 10:27 PM
فى برامج كتير اتصل ناس من دول عربية وكان فى متصلين جزائريين
بيقولو حرام عليكم ده احنا عرب ليه اللى بيحصل شوفو مين عدوكم الحقيقى
شوفو المسجد الاقصى واللى بيحصله
وكلام كتير من النوع ده
طبعا كان كل واحد بلهجته
طيب السؤال ليه المصريين همّ اللى متوجه ليهم الكلام؟
يعنى نضّرب ونتهان ويحصل فينا اللى حصل وبيحصل وبردو نبقى الغلطانين
وما حدش يقولى قصدهم الكل مصريين وجزائريين لأ الكلام كان موجه لينا احنا



انا عايزة حد عاقل يرد عليا اللى شايف انه متنرفز اوى مايردش
وياريت ماحدش يزعل منى

أحمد2025
22-11-2009, 10:35 PM
هستنى اشوف الأعضاء هتقول ايه علشان محدش يقول ان انا متنرفز

repentance
22-11-2009, 10:58 PM
ماعلينا من ان متنرفزه ولا لا لكن اللي سمعته وقريته واللي معصي بعض العرب علينا
هو انهم فكرنا يهود لاننا لما بنساعدفلسطين بنساعدها باننا بنهدي الامور يعني زي شبه سلام هما بقي مش عايزيين ان مصر تكون دبلوماسيه كدهوه .. بس اظن يعين للي مش عاجبوا حاجه معينه وعايز يغيرها يبقي يجيب البديل خخلاص هما يجبوا البديل بقي طالما بيتفلحسوا كدهوه
الحاجه التانيه ان اغلب العرب اتغيروا مع مصر بعد زيارةاوباما

كل اللي قولته مجرد كلام سمعته وقريته لكن مش اكييد

_Mohamed_
22-11-2009, 11:15 PM
فى برامج كتير اتصل ناس من دول عربية وكان فى متصلين جزائريين
بيقولو حرام عليكم ده احنا عرب ليه اللى بيحصل شوفو مين عدوكم الحقيقى
شوفو المسجد الاقصى واللى بيحصله
وكلام كتير من النوع ده
طبعا كان كل واحد بلهجته
طيب السؤال ليه المصريين همّ اللى متوجه ليهم الكلام؟
يعنى نضّرب ونتهان ويحصل فينا اللى حصل وبيحصل وبردو نبقى الغلطانين
وما حدش يقولى قصدهم الكل مصريين وجزائريين لأ الكلام كان موجه لينا احنا



انا عايزة حد عاقل يرد عليا اللى شايف انه متنرفز اوى مايردش
وياريت ماحدش يزعل منى

كل العالم العربي يعرف مدى قوة مصر وقدرتها على الذود عن المسجد الأقصى وسائر المقدسات
كما دافعت ولا تزال تدافع
ولذلك فهم يوجهون الكلام لمصر والمصريين هذا من جانب
ولكنهم يريدونها تدافع وهم يتفرجون فقط
وعلى الجانب الآخر نجحت وسائل إعلام كثيرة عربية وعالمية في تشويه صورة مصر
وعلى رأسهم قناة الجزيرة التي لا يزال همها الشاغل هو النيل من مصر ومن شعبها
وومؤخراً كثف الإعلام الجزائري هجومه على مصر

يالا بينا
23-11-2009, 12:40 AM
لما شفت العنوان....قلت ما شاء الله ...اخيرا حد هيغير الموضوع
لكن طبعا اتفاجئت انه نفس الموضوع.............

looody
23-11-2009, 02:09 AM
شكرا ليكى
بس هو خلاص مفيش غيلر الكورة

يوسف الشوري
23-11-2009, 07:42 AM
الحل الوحيد ان اي مقدم برنامج يكلمه حد ويقول ليه الكلام ده يقول له وحوي يا كابتن ويفصل التلي

زي ما انتي قلتي ننضرب ونتهان ومش عاوزينا ناخد حقنا نعمل ايه طيب نسكت علشان اليهود مايشمتوش فينا احنا العرب

عرب ايه وزفت ايه اغلب الجزائريين دول مش بيعرفوا يقولوا جمله كامله بالعربي

والموضوع كبير جدا علي فكره مش موضوع مصر والجزائر بس المصري مهان في كل الدول العربيه وشكلنا زي الزفت وطول عمرنا

بنقول الشقيقه الكبري والكلام اللي ملهوش لزمه ده لازم لو لمره ناخد حقنا هتبقي نقطه فارقه جامد في حياه كل المصريين اللي في الخارج بجد

BaNZeR
23-11-2009, 07:49 AM
الكلام ده من وجهة نظرنا

من وجهة نظرهم وكما يصور لم الاعلام

احنا شتمناهم في قناة دريم
طلعنا عليهم صور ورسوم وكلام
ضربنا المنتخب بتاعهم واستقبلناهم بالحجارة مش بالورد


محدش يقولي حصل ولا محصلش
بس ده عندهم هو اللى حصل لأنهم مشافوش حاجة

واهم من كده اول ما تكلمه يقولك دنتو ممثلين وانتو بتاع الافلام وانتو دايماً كذابين باعلامكم

وكل اللى حصل في السودان - وإن كان مبالغ فيه - فما هو إلا رد على ما فعلتم في مصر
وفي الآخر دايماً بتطلعو نفسكو ملايكة


دي نظرتهم هما كما صورتنا مجلة الشروق
فطبيعي جداً واضح إننا مفتريين وكمان كدابين وظالمين واعلامنا هو اللى بادي
وكإننا احنا اللى بدينا الحرب

وباعتبار اننا عملنا كل ده يبقى لازم حيكون الكلام متوجه لينا قبل ليهم
امال حيلوم بلده بس :d

yn_2009
23-11-2009, 01:04 PM
على فكرة انا مش متنرفزة بس البيحصل دة اهانة لمصر كلها من اصغر واحد فيها لاكبرانسان موجود فيها وشرب من نيلها وتلاقى الجزائرين دول شربو من نيلها بس هما عملين زى القطط يكلو وينكرو

سيف بن محمد
23-11-2009, 11:25 PM
على فكرة انا مش متنرفزة بس البيحصل دة اهانة لمصر كلها من اصغر واحد فيها لاكبرانسان موجود فيها وشرب من نيلها وتلاقى الجزائرين دول شربو من نيلها بس هما عملين زى القطط يكلو وينكرو

لا يقتلوا القتيل ويمشوا فى
جنازته حلو التوقيع بتاعك

noda 2000
24-11-2009, 11:44 AM
هى فعلا إهانة لينا كل اللى حصل
ولكن ما العمل مع شوية همج لا هم من جمهور الكرة
ولا ينسبوا اليه

ahmedfeqy
25-11-2009, 12:08 PM
جزاكم الله خيرااااا

soul333
26-11-2009, 07:17 PM
انا عارفة ان فى عرب كتير بيكرهو مصر مش الجزائريين بس وفعلا دى حاجة تدايق اوى بس ليه الحقد ده تجاهنا وليه الكره اللى مالى قلوبهم ده
لكن بردو فى اللى بيحبها
شكرا لكل اللى رد على السؤال بس انا عارفة الكلام ده كويس
ولسه مش لاقيه اجابة تخلينى اقول عندهم حق
بس ياترى ممكن يرجعو عن اللى بيعملوه ده ولاّ لأ ؟؟؟؟؟

soul333
26-11-2009, 07:21 PM
قال شاعر سعودى
يا مصر يا أغرودة الدنيا وملحمة الدهور
يا مصر يا أنشودة الاكوان يا مجد العصور
يا صفحة الماضى المجيد ويا رؤى الآتى النضير
خطت فنونك فوق هامات الدنى أزهى السطور
:av4056bb7jp3::av4056bb7jp3::av4056bb7jp3:
:078111rg3: