المشكلة دى بجد انا احترت فيها ومعرفتش لها حل علشان كدة كتبتها ليكم علشان اعرف ارئكم فى المشكلة دى اولا المشكلة دى بتخص واحدة صديقة ليا اوى
المشكلة بتبدا والبنت دى فى اولى ثانوى عام كانت بتحب ابن خالتهاوزى متقولوا كدا كان حب من طرف واحد يعن هوا مكنش حاسس بيها او مكنش بيبين لها حاجة وبعد شوية طلعت رحلة مع اصحابها واتعرفت فى الرحلة دى بواحد كان باين علية انة كويس ومؤدب ومحترم حبها وهيا كمان حبتةاو ارتاحت لة ولما حب يكلمها فى بداية الامر هيا رفضت بس فى الاخر وافقة ومرت سنة على الموضوع دة وبقت فى تانية ثانوى وربنا رزقها بسفر للسعودية مع والديها تعمل عمرة وسافرت معاهم وهنا صاحبت بنت اوى فحكت لها عن حبها دة فقالت لها صلى صلاة الاستخارة بينهم هما الاتنين ابن خالتك واللى انت بتكلمية دلوقتى وفعلا عملتها كتير وكل مرة يطلع لها ابن خالتها فى الحلم مع العلم ان هيا بعد كدة حاولت تبعد عن اللى هيا بتحبة دة بس مقدرتش لانها فعلا بتحبة مرت بعد كدة سنة وهيا لسة بتكلم اللى هيا بتحبة دةووصلت لثالثة ثانوى وطلعت رحلة برضو مع اصحابها وكان معاهم اللى هيا بتحبة دة وكان معاها بنات كتير وبعد الانتهاء من الرحلة وعادوا تانى جاء احد اصدقائها وقال لها دا فلان(اللى هيا بتكلمة) كان عايز يكلم واحدة من اللى كانوا معانا فى الرحلة وبمجرد سماعها الكلام دة اتصلت بية وقالتلة كل اللى بينا انتهى وبعد كدة هوا حاول يكلمها كتير وبعد كدة فهمت منة وهوا قال لها ان هوا كان عايز يكلمها هزار مش اكتر بس وهنا هيا رجعت لة وكلمتة تانى وفى نفس الوقت كان ابن خالتها بيصارحها بحبة لهاومن هنا بدات المشكلة تبقى مع مين وتحب مين وقالت لمامتها عن ابن خالتها ومامتها مش موافقة علية وبتقول لها لالالالا فاياريت تقولولى اية الحل فى المشكلة دى مستنيا ارائكم

اولا انا عايز اعقب على كلام حضرتك يعنى ايه طلعت عمرة وبعدين واحده قالتلها صلى صلاة استخارة
هو فى صلاة استخارة فى معصية ربنا
والمعصية هنا انها بتكلم ولد غير محارمها زى اخوها او كده وده حرام طبعا حتى ابن خالتها حرام برضه انها تكلمه فى مواضيع حب وكلام من ده
انا عايز حد يقولى ايه هيا نهاية الحب 99 % بيفشل والواحد فى الميه اللى بيتجوزوا حياتهم بتكون غير سعيده لانها اتبنت على معصية ربنا
يا جماعه فى حاجه مهمة الناس اعترتها عادى وهى حرام الا وهى حب البنت للولد وخروجهم او حتى تليفونات او اى حاجه طبعا الولد هيقول انا هتجوزها قال الله تعالى " واتوا البيوت من ابوابها " عايز ترتبط بيها يبقى تدخل البيت من الباب
فى حاجه تانية يعنى ايه كلمت والدتها وقالتلها ابن خالتك لالالالالا هو فى ام فى الدنيا ترضى لبنتها انها تحب وتكلم صبيان ولا الامهات الوقتى بقت بتقول اخرجى يا بنتى ودوريلك على عريس والله كل شىء مقدر ومكتوب والله زى ما القرأن بيقول " ياتيكم الموت ولو كنتم فى بروج مشيدة " برضه قدر ربنا لو انتى قعدتى من غير ما تكلمى صبيان هتتجوزى والله ربنا مبينساش حد .

طبعا فى ناس مش مقتنعة ان الحب حرام
فى حديث عن حبيبنا المصطفى صلى الله عليه وسلم " من مات على شىء بعث عليه " وده حديث صحيح تخيل ان حضرتك او حضرتها مات وهو بيكلم واحده بيحبها هل ده هيكون يوم القيامة مع الرسول عليه افضل الصلاة والسلام او مع عمر بن الخطاب او مع ابو بكر الصديق
يا جماعه عايزين نصحى ونفوق والله احنا فى غفلة عظيمة

انا لو فتحت فى الموضوع ده الكلام مش هيخلص وانشاء الله هنعمل موضوع كامل عن "الحب الحلال والحب الحرام"

مفيش كلام بعد الكلام ده
لا حول ولا قوة الا بالله
لا تعليق

اوك انا ف وجهة نظري ولا دا
تشوف مستقبلها وتركز فيه اهم
ولما تضمن مكستقبلها بكلية كويسه وتقدير كويس تبقي تفكر ف الموضوع دا
وهي لسه صغيره يعني لسه حتعيش تجارب وحتشوف

<div class='quotetop'>إقتباس(اسيل رزق @ Jan 1 2007, 06:51 PM) 251301</div>
مفيش كلام بعد الكلام ده
لا حول ولا قوة الا بالله
لا تعليق
[/b]


ايه ايه
الحب ولا عيب ولا حرام
بس يجي ف وقته ويكون ف حدود الادب والعادات
وفيها ايه يعني لو استخارت ربنا ف الحب
الاستخاره بتكون فل كل حاجه ع ما اظن

وانا من رايك وتركزى انت كمان فى مذاكرتك ولا ايييييييييييييييييه

بسام هوا اللى هيا بتقول عليه دا حب
واحده بتمشى مع واحد دا حب
دى سفاله وقله ادب

المستقبل اهم برده من كل ده (لسا بدرى)

يا جماعه انا شايف ان فى ناس لسه مش مقتنعة فى موضوع الحب والكلام اللى قلته اللى موافق نفتح موضوع الحب الحلال والحب الحرام يرد ولو فى ناس كتير هنزل الموضوع علطول

الحب مش حرام لما يكون حب فى الله غير الحب بتاع الانسه دا دا حب بتنجان سلق بيض
منين هوا محترم ومنين بيكلمها ويمشى معاها
ولا صلاة الاستخارة مش لما تصلى اللى عليكى الاول تبقى تفكرى تصلى الاستخارة

ايه ايه ايه ايه
هو موضوع الحب محتاج نقاش
مش محتاجه موضوع
الحب ولا حرام ولا عيب
شكرا ع الفكره

انا شايف الاخ باتمان زعلان من كلامى
تقدر تقولى حضرتك دليل على كلامك ان الحب مش عيب ولا حرا ؟؟

<div class='quotetop'>إقتباس</div>اوك انا ف وجهة نظري ولا دا
تشوف مستقبلها وتركز فيه اهم
ولما تضمن مستقبلها بكلية كويسه وتقدير كويس تبقي تفكر ف الموضوع دا[/b]
ده كلام سليم ومش هزود اكتر

السلام عليكم ورحمة الله وبركاته
اختى اسيل هدى من روعيك شويه ايه ماليك انتى دخله شمال ليه كده ؟ لقد قال الله تعالى (وادعو الى سبيل ربك بالحكمه والموعظة الحسنه ) مش كده وتانى حاجه انا بتفق معاكى على فكره ان ده مسمهوش حب لان كلمة حب ارقى من كده يعنى ايه محتاره بين ده وده ولا ده ينفع ولا ده ينفع ولا العلاقه كلها تنفع اصلا
ام انت يا بتمان اخى ان لم نجد فى القران او الحديث دليل
فا الرسول امرنا ان ناخذ براى العلماء
والعلماء حين قسمو الحب وانواعه اندرج هذا الموقف تحت قسم الحب المكروه الذى يصل الى منزلة المحرم
لان ليس شريف حتقولى عرفت منين؟؟؟ حقولك السن يحكم بهذا
دلوقتى دول لسه مطلعوش من الثانوى ولسه فى مرحلة اسمها مرحلة المراهقه عايزه يبقى حب ايه او اوصفلى انته باه الباقى
وتالت حاجه ايه حكاية انالحب مش عيب ده ازاى يعنى ان الحب مش عيب لا اكبر عيب لو الحب خرج من القلب وخرج من الاضلاع وانته تعرف على طول انها مش محترمه لو بنت قالت لولد انها بتحبه قولى كده تبقى دى محترمه (معتقدش )
اما انت يا كامل جزاك الله كل خير يا اخى وانا متفق معك فى كل كلمه انته قولتها
اما اختنا طارحت الموضوع
يا اختى هنا ياتى دور الصحبه الصالحه
اختى قفى بجانبها واقنعيها ان ده مسمهوش حب وخليها تركز فى مذكرتها وتطلع من تالته ثانوى وبعد كده متستعجلش الفيهم بيحبها بجد اكيد سياتى لخطبتها وانتى لازم تقنعيها با الكلام ده وده اول الخيط للتخلى عن الفى دمغها
وانا اسف انى طولت عليكم

دايما بتحرجنى لما بتنرفز :D

ربنا يكرمك يا رب

بتهيقلى محدش ممكن يتكلم زياده عن كده


وفقك الله الى ما تحبه وترضاه :)

انا اسفه يا جماعه على الكلام اللى قلته بس بصراحة الموضوع ينرفز اوى <_<

وربنا يهدى الجميع

اخى المجاهد فى سبيل الله

الرد اكثر من رائع