السلام عليكم ورحمة الله وبركاته

اهلا بكم أحبائي في الله
وانا قاعد كده بعد ما رديت علي موضوع الإستاذ أشرف " ملف صدام حسين بعد الإعدام " جات في بالي فكرة ممكن تكون موضوع جديد ومفيد لينا كلنا.
الفكرة كالأتي

بما إننا هنا من أجيال مختلفة مش بس ثانوية عامة لا إحنا فينا ناس من جامعات وناس خلصت دراسة واساتذة كبار يعني إحنا من أجيال مختلفة وطبعا بديهي جدا إن يكون في اختلاف في التفكير واختلاف في المبادئ واختلاف في وجهات النظر إختلاف في السياسة " ده إذا كنا بنفهم فيها اصلا " واختلاف في طريقة اللبس والأكل والشرب وكل حاجه باختصار في اختلاف بين الاجيال والملاحظ دلوقتي إن الإختلاف ده والفرق ده بيزيد بزيادة الفرق في السن يعني مثلا لما تلاقي واحد عنده 30 سنة بيختلف مع واحد عنده 25 سنة غير لما يخلتف مع واحد عنده 20 غير اللي عنده 18 غير الللي عنده 16 وهكذا طيب ليه الفرق ده ؟؟
نشأ ازاي ؟
إيه اسبابه ؟
كل دي حاجات واسئلة عايزه إجابة وتفكير صح ولا الموضوع مش مهم وملهوش لازمه ؟
طيب جاوبنا علي الأسئلة كل واحد من وجهة نظره وبعدين ؟
وبعدين دي هتتحدد علي اساس الإجابات والناس اللي هترد وتتابع بس عموما انا متوقع إختلاف في وجهات النظر واختلاف في الإجابات النتيجة هتكون إننا هنتناقش مع بعض ونشوف بعد كده إزاي ممكن نقلل الفرق ده ونلغي الإختلاف ده " مستحيل مش كده ؟؟ "
في كمان حاجه ممكن اضيفها لفكرة الموضوع بس لو لقيت إقبال أو لقيت إن الموضوع اصلا حد يهمه إنه يكمل
ودلوقتي مستني اشوف هنكمل ولا مفيش داعي للرغي والكلام الكتير

شكراا
.
.

افيييه
هههههه
بص يا عم يحموك فى كنكه مش هيحموك فى كنكه
اهم حاجة انك تستحمى :D
تذكر قول الافغانى تقريبا او محمد عبده((لقد اتفقوا على الا يتفقوا))
ده اولا لاننا عرب والحمد لله
ثانيا
انا شخصيا...مثال للشخص المتمسك برأيه بغباء
انت دلوقتى قولت المناقشة بتختلف فى الاعمار السنية
وكمان حسب شخصية اللى بيتكلم
مش ااى حد كبير بيعرف يتكلم
اقوللك على حاجة
استاذة محترمة عندنا فى الفصل
دوشت دماغنا
يا جماعة والله الدروس ما ليها لزمة
وتقوللى انا ايه رأيك
بعمل برأسى ايماءة كده وخلاص من غير كلام
لانى عارف انى لو فتحت بقى هفحمها اساسا

وهى بتدى دروس
لكن بسكت عشان عارف انه طريق مسدود

تقف وتقول
لازم نتكلم
وتشتم فى الحكومة شوية وفى المتأخرين شوية

ده مثال لاحدى المناقشات
ثانيا اانا لو مين حتى لو مقتنع بفكرة ما عمرى ما هقنع بيها حد
لسبب بحس والله ان فى ساعات عرق غباء فى سبب بيقولوا
سبب واهى لعدم الاقتناع
يكشر بوشه يجيب فى سيرة تانية
اى حاجة
لى عودة بس اخدrest :D

<div class='quotetop'>إقتباس(The_Relativistic200 @ Jan 1 2007, 10:23 PM) 251375</div>


افيييه
هههههه
بص يا عم يحموك فى كنكه مش هيحموك فى كنكه
اهم حاجة انك تستحمى :D

لسه مستحمي والله ;)

تذكر قول الافغانى تقريبا او محمد عبده((لقد اتفقوا على الا يتفقوا))
ده اولا لاننا عرب والحمد لله

مش شرط كلنا نتفق علي حاجة واحده بس أكيد كل واحد فينا هيضيف للأخر وهيلفت نظرة لنقظة معينة أو ما شابه
ثانيا
انا شخصيا...مثال للشخص المتمسك برأيه بغباء
انت دلوقتى قولت المناقشة بتختلف فى الاعمار السنية
وكمان حسب شخصية اللى بيتكلم
مش ااى حد كبير بيعرف يتكلم
اقوللك على حاجة
استاذة محترمة عندنا فى الفصل
دوشت دماغنا
يا جماعة والله الدروس ما ليها لزمة
وتقوللى انا ايه رأيك
بعمل برأسى ايماءة كده وخلاص من غير كلام
لانى عارف انى لو فتحت بقى هفحمها اساسا

وهى بتدى دروس
لكن بسكت عشان عارف انه طريق مسدود

ده هدفنا نوصل للناس دي فكرنا ونقول للكبار إحنا بردوه لينا فكرنا الخاص اللي ممكن يكون صح أكتر من فكركم وبردوه في ناس كبيرة بتعرف تتكلم يعني هنستفيد منهم ونشوف افكار الناس دي واراءها ايه

بص انا عايز اقولك مثال احنا اتفقنا إن كل ما زاد فرق السن كل ما زاد الإختلاف الفكري يعني كل ما قل كل ما قل الإختلاف
احنا هنا بقي فينا أعمار مختلفه يعني مثلا إنت في ثانوية ومحمد البري في جامعة وانا لسه يدوب مخلص الجامعه واستاذ اشرف بضع وعشرين سنة واستاذ بورسعيدي بضع وثلاثين سنة لما تقول إنت فكره محمد ممكن يفهمها ويفهمهالي وانا بدوري اوصلها للي أكبر من وهكذا وايضا العكس صحيح يعني في النهاية ممكن نتفاهم إن شاء الله

تقف وتقول
لازم نتكلم
وتشتم فى الحكومة شوية وفى المتأخرين شوية

ده مثال لاحدى المناقشات
ثانيا اانا لو مين حتى لو مقتنع بفكرة ما عمرى ما هقنع بيها حد
لسبب بحس والله ان فى ساعات عرق غباء فى سبب بيقولوا
سبب واهى لعدم الاقتناع
يكشر بوشه يجيب فى سيرة تانية
اى حاجة

هنا ممكن لما تقول رايك غيرك يفهمه ويوصله

لى عودة بس اخدrest :D
[/b]
مستنيك بعد ال rest

شكرا يا خالد لمرورك وتعليقك
.
.

الموضوع ده فعلا موضوع مهم قوي
انا شايفه ان الاختلاف ده نتيجه لاختلاف التجارب وعددها
لان طبعا تجارب الشخص 30 سنه استحاله هتكون زي 20
مستحيل الاتنين تكون عندهم نفس الخبره
وعلشان كده لو بنتكلم في حاجه معينه هنلاقي اختلاف في الراي
وده طبعا لان كل واحد هيشوف الموضوع من زاوية مختلفه عن التاني
نتيجه اختلاف التفكير الناتج عن فرق التجارب
كمان في حاجه مهمه اوي
البيئه
البيئه اللي اتربي فيها البني آدم دي بتأثر بشكل كبير اوي علي حياته
لان كل بيئه وليها عاداتها وتقاليدها
مثلا المدينه غيرالقريه
الوطن العربي غير الاوروبي ............ الخ ..
وطبعا نتيجه لاختلاف شكل التربيه هتلاقي اختلاف في الراي والتفكير واسلوب الحياه
وفي حاجه كمان مهمه جدا جدا جدا
هي علاقات الانسان مع الاخرين لان الاخرين دول غالبا ماهيكون ليهم تأثير عليك سواء
بالسلب او الايجاب طبعا لان تربيتهم مختلفه عنك يعني تفكيرهم كمان مختلف
واكيد في حاجات تانيه مسؤوله عن الاختلافات دي لكن انا شايفه ان الحاجات اللي انا
قلتها دي حاجات اساسيه جدا وياريت لو في اسباب تانيه تقولهالي او تنبهني ليها

وشكرا جزيلا اخ محمد علي الموضوع
علي فكره هو سن حضرتك كام ؟ انا عندي 18 سنه وشهور

<div class='quotetop'>إقتباس(loza99 @ Jan 1 2007, 10:49 PM) 251388</div>
الموضوع ده فعلا موضوع مهم قوي
انا شايفه ان الاختلاف ده نتيجه لاختلاف التجارب وعددها
لان طبعا تجارب الشخص 30 سنه استحاله هتكون زي 20
مستحيل الاتنين تكون عندهم نفس الخبره
وعلشان كده لو بنتكلم في حاجه معينه هنلاقي اختلاف في الراي
وده طبعا لان كل واحد هيشوف الموضوع من زاوية مختلفه عن التاني
نتيجه اختلاف التفكير الناتج عن فرق التجارب
كمان في حاجه مهمه اوي
البيئه
البيئه اللي اتربي فيها البني آدم دي بتأثر بشكل كبير اوي علي حياته
لان كل بيئه وليها عاداتها وتقاليدها
مثلا المدينه غيرالقريه
الوطن العربي غير الاوروبي ............ الخ ..
وطبعا نتيجه لاختلاف شكل التربيه هتلاقي اختلاف في الراي والتفكير واسلوب الحياه
وفي حاجه كمان مهمه جدا جدا جدا
هي علاقات الانسان مع الاخرين لان الاخرين دول غالبا ماهيكون ليهم تأثير عليك سواء
بالسلب او الايجاب طبعا لان تربيتهم مختلفه عنك يعني تفكيرهم كمان مختلف
واكيد في حاجات تانيه مسؤوله عن الاختلافات دي لكن انا شايفه ان الحاجات اللي انا
قلتها دي حاجات اساسيه جدا وياريت لو في اسباب تانيه تقولهالي او تنبهني ليها

وشكرا جزيلا اخ محمد علي الموضوع
علي فكره هو سن حضرتك كام ؟ انا عندي 18 سنه وشهور
[/b]

بإختصار هنلخص كلامك يا loza في بعض النقط

1- إختلاف التجارب
2- إختلاف البيئة والمنشأ والتربية
3- علاقات الإنسان بالمجتمع والعكس

دي فعلا 3 نقط مهمين جدا في الموضوع واسباب رئيسية في الإختلاف
عايز اضيف بالنسبة لنقطة إختلاف التجارب إن مش شرط يكون الإنسان اللي عنده 30 سنة تكون تجاربه أكبر من الإنسان اللي عنده 20 سنة ده مش شرط يعني ممكن تلاقي الإنسان الأصغر تجاربه أكتر وخبراته اكتر وهكذا

شكرا ليكي اخيتي
تابعينا وانتظري المزيد وباقي الردود لنتعرف علي باقي النقاط والاسباب التي تسبب الإختلاف الفكري والمذهبي

وانا سني 21 سنة وشهور بردوه
شكرا ليكي
.
.

بسم الله الرحمن الرحيم...


اولا الموضوع جميل ومهم...

ثانيا هختصر شوية لانى منتظرة البقية..والنت مهنج..عذرا <_<
نرجع للمهمبخصوص النقطة الخاصة بالسن...
هى بتفرق اه..بس هل يشترط ان يكون الاكبر هو الاصح..ساعات العكس..وساعات بيختلف الرأى و ال2 صح.. و كمان انا ممكن مثلا فى موضوع لى رأى بعد فترة و بحث و تجربة و حاجات كتير كدة و تفكير اعمق رأيى ممكن يتغير..بس هل هذا انى وحشة؟؟ لا..لان ده بيرجع الى ان تفكيرى بالنسبة للنقطة دى تطور.. و كمان عرفت عن النقطة او الموضوع ده اكتر و الذى لم اكن اعلمه.. و حاجات تانية كتير
((اختلاف الرأى لا يفسد للود قضية))
و ممكن الشخصين اللى بيتناقشوا ممكن بيرموا لنفس الشىء لكن فى اساليب مختلفة مما يخليهم يصعب عليهم كل منهم فهم الاخر .. ده مثلا...
و ممكن كل واحد اصلا بيكون بيتكلم فى نفس الموضوع اى نعم لكن كل واحد ماسك نقطة مختلفة...و هما مقدروش يتفهموا ده
فى نقطة كمان فى الحوار...ان الواحد مش بيبص للكلمة من مفهوم صاحبها او يقصد بيها ايه..مبنحاولش نفكر شوية مقصدهم.. و كل واحد يفهم على مزاجه...
مش شرط الاختلاف فى الرأى بين المختلفة اعمارهم ...
بل موجود كمان بين نفس السن... و ده انا ملاحظاه بنفسى... و المشكلة بقى لما يكون فى ناس معندهاش استعداد تسمع اصلا وتمشى رأى و خلاص
...................................
و فى بردو نقطة التجارب...البيئة مؤثرة.. و التجارب فعلا ممكن الاصغر سنا شاف تجارب اكتر و اكثر فايدة..
و التجارب او البيئة او الظروف ..منها السىء او الصعب و منها الحلو و اليسير
طبعا فى ناس بتتأثر غالبا بالصعب
فمثلا نقول ده كانت ظروفه وحشة عشان كدة هو كذا و كذا و معقد و الموضوع ضارب وعامل عقدة..
لا ع العكس..فى اللى بيأثر معاه سلبى على افكاره و طباعه و اراءه و فى اللى بيأثر معاه ايجابيا تمام اوى و بتكون له شخصية مقدرة بجد ولو مكنش مر بالظروف دى مكنش بقى كدة..مثلا
.....فى نقطة كمان...هو الخطأ فى الحكم ع الشخص..اللى بيقول الرأى فبالتالى بنحكم ع الرأى غلط..
________________________________________
معلش بقى فى حتت فى كلامى لم توضح وخصوصا الاخر..بس مضطرة غصب عنى ..ولى عودة باذن الله
..........................

أولا شكرا ليكي يا حابي علي الرد رغم ظروف النت

ثانيا إنتي اثرتي نقطة إختلاف الأراء ووجهات النظر في المرحله العمرية الواحدة ودي نقطة مهمة فعلا وانتي اتكلمتي فيها تمام

بس موضوعنا كان الهدف الأول منه الحوار بين الأجيال وتقريب الإختلافات بينهم ولذلك بدأنا أولا بالسؤال عن اسباب الخلاف لنحاول الوصول لما بعد الخلاف والوقوف علي أرض ثابتة في الحوار

شكرا ليكي يا حابي ومنتظر عودتك إن شاء الله
.
.

:):) جميل الموضوع خصوصا لما يكون فيه مساحة حلوة للحوار كدة<div class='quotetop'>إقتباس</div>بس موضوعنا كان الهدف الأول منه الحوار بين الأجيال وتقريب الإختلافات بينهم ولذلك بدأنا أولا بالسؤال عن اسباب الخلاف لنحاول الوصول لما بعد الخلاف والوقوف علي أرض ثابتة في الحوار[/b]
و فى برده هنا الموضوع ممكن يتجزأ
هل الاختلاف بين الاباء و الابناء؟ ولا الاختلاف بين كبير وصغير عموما؟؟ ممكن يكونوا اصحاب حتى او زملاء..الخ..ألخ


;) هنا برده الوضع بيختلف فى نقاط اخرى... و ابعاد اخرى

نقطة تانية مهمة اتكلمتي فيها يا حابي فعلا

الأباء والابناء ومساحة الحوار اللي ممكن تكون بينهم وازاي ممكن ينشأ gap كبير بينهم أو مساحة فراغ واسعه لو مفيش مساحة الحوار دي

شكرا ليكي وأكيد دي نقطة هتتناقش إن شاء الله وتكون موضوع حوار

شكرا ليكي يا حابي مرة تانية للمتابعه والمرور.
.
.

تقريبا اسباب الاختلاف فى الاراء ان بيكون الاكبر سنا عنده خبره اكثر فى الحياه
وممكن يكون الاصغر سنا عنده نفس الراىء وشبيه بيه
لانه ممكن يكون برده عنده خبره عن طريق مثلا والديه او اخواته او عن طريق انه بيبحث
مثلا عن طريق ( الجرائد او البرامج المفيده او النت )
واختلاف الراىء مش بينشأ بس بين شخص اكبر سنا او اصغر سنا
ممكن بين شخصين متقاربين فى السن او سنهم واحد
وده لان تفكير كل منهما بيختلف ساعات علشان البيئه اللى عاش فيها
او على حسب تفكيره لاشياء تافهه يمكن بالنسبالنا او اشياء بيشغل فيها تفكيره صح
لانها ساعات بتحصل معايا لما بتكلم مع اصدقائى فى موضوع طبعا بتبقى ارائهم مختلفه معايا
وبحس انهم اصلا مش عايشين فى الدنيا وتفكيرهم بيروح فى اشياء تافهه او يمكن انا بالنسبه ليهم
اللى معقده ساعات بحس بكده :(

او يمكن انا اللى خرجت عن الموضوع اللى انت طرحته

وشكراااااا ليك

صديقى محمد القبانى
أحتراما" لشخصكم شاركت
ولو أن مشاركتى ستخلو من الكلام بعد أن أصبح الكلام مجرد هواء فى الأثير

كان أبى يقول لى دائما" شئ لم أفهم أبعاده كاملة إلا الأن وبعد أن توفى بحوالى 20 عام
قال يا أبو سمعين خذ الجواب أقرئه
رد أبو سمعين وقال مين يقرء ومين يستمع

<div class='quotetop'>إقتباس(sama_91 @ Jan 2 2007, 01:37 AM) 251484</div>
تقريبا اسباب الاختلاف فى الاراء ان بيكون الاكبر سنا عنده خبره اكثر فى الحياه
وممكن يكون الاصغر سنا عنده نفس الراىء وشبيه بيه
لانه ممكن يكون برده عنده خبره عن طريق مثلا والديه او اخواته او عن طريق انه بيبحث
مثلا عن طريق ( الجرائد او البرامج المفيده او النت )
واختلاف الراىء مش بينشأ بس بين شخص اكبر سنا او اصغر سنا
ممكن بين شخصين متقاربين فى السن او سنهم واحد
وده لان تفكير كل منهما بيختلف ساعات علشان البيئه اللى عاش فيها
او على حسب تفكيره لاشياء تافهه يمكن بالنسبالنا او اشياء بيشغل فيها تفكيره صح
لانها ساعات بتحصل معايا لما بتكلم مع اصدقائى فى موضوع طبعا بتبقى ارائهم مختلفه معايا
وبحس انهم اصلا مش عايشين فى الدنيا وتفكيرهم بيروح فى اشياء تافهه او يمكن انا بالنسبه ليهم
اللى معقده ساعات بحس بكده :(

او يمكن انا اللى خرجت عن الموضوع اللى انت طرحته

وشكراااااا ليك
[/b]

شكرا ليكي يا سما ولرأيك واهتمامك وفعلا زي ما قتلي وقالت حابي إن الإختلاف بينشأ مش شرط بسبب فرق السن لا ممكن ينشأ بين الأفراد في نفس السن وده طبيعي لأختلاف النقاط التانية زي ما وضحت الأخت لوزة من التربية والبيئة وما إلي ذلك

شكرا ليكي يا سما ونتمني متابعة باقي الموضوع إن شاء الله فما زال هناك قضايا ستطرح للنقاش

<div class='quotetop'>إقتباس(gomaa @ Jan 2 2007, 12:34 PM) 251582</div>
صديقى محمد القبانى
أحتراما" لشخصكم شاركت
ولو أن مشاركتى ستخلو من الكلام بعد أن أصبح الكلام مجرد هواء فى الأثير

كان أبى يقول لى دائما" شئ لم أفهم أبعاده كاملة إلا الأن وبعد أن توفى بحوالى 20 عام
قال يا أبو سمعين خذ الجواب أقرئه
رد أبو سمعين وقال مين يقرء ومين يستمع
[/b]

شكرا أستاذ جمعة لتلبية الدعوة

ولكن إسمح لي أن أطلب منك التوضيح للمثل ولسبب خلو مشاركتك من الكلام

شكرا لك استاذي ومنتظر العودة
.
.

كلامكم جميل اوى واحب اضيف فى نقطة المجتمع او البيئة بان مجتمعاتنا بتطور يعنى طفل زمان غير طفل دلوقتى فى تلفزيزن فى كمبيوتر فى وسائل حديثة بتوسع ادراكهم اللى عمل الفجوة دى الاجيال اللى قبل كدة معاصروش الزمن الجديد متمسكين بتقاليد واساليب غلط فى التربية كلها راجعة لنشاه غلط ودة مش قاعدة بالعكس فى ناس متحضرين بس معظمهم كدة
دة سبب مشاكل كتير اوى فى مجتمعنا بجد الموضوع دة خطير جدا انا شايفة ان دة هو مرض مجتمعنا المصرى
عايزين نصلح نقرب التفكير نبقى متماسكين حتى فى ارائنا على الاقل يسمعونا يسمعونا
مين بيحرك مجتمعنا مين ماسك ادراتنا كلهم كبار مع ان نسبة الشباب فى مصر اكبر من النص الرسول صلى الله علية وسلم اعطى لاسامة ابن زيد القيادة مع انه كان16 سنة
المجتمع دة فى الاصل اسرة ولما يبقى الاب والام كل العلاقة بينهم وبين اولادهم هيا كلمة واحد (لا) مفيش تشاور مناقشة راى واحد يوافقوا علية منين هنلاقى مجتمعنا دة متماسك

موضوع هايل يا ميدو حقيقى

والاخوة والاخوات الافاضل اضافوا فيه بما يكفى

بس انا عايز اقول ان هذه الفروق لاميمكن التقارب بينها كما اشرت فى بداية موضوعك الجميل

وكمان عايز اقول ان نضج العقل له مراحل محددة مثل المراحل العمرية للإنسان

فالانسان يولد رضيع ثم طفل ثم صبى ثم شاب ثم رجل ثم مسن ثم كهل

وبطبيعة الحال نمو ونضج العقل له مراحل مشابهة فصاحب 16 مراهق وصاحب ال20 شاب وصاحب ال30 رجل وصاحب 50 شيخ وصاحب ال60 مسن
فكيف تتفق هذه المراح من العمر ؟

كل عمر وله اسلوب وطريقة تفكير معينة لا تتفق مع من قبلة ولا مع من بعده وهذا الخلاف سيظل قائم مدى الحياة

باستثناء الخلاف على الاساسيات مثل الحلال والحرام والصح والخطأ

فهذه الاساسيات تختلف باختلاف البيئة والنشأ والتربية ولغة الحوار مع من هم اكبر منك

صحيح التجارب له دخل كبير ولكن تبقا القاعدة قائمه



شكرا يا ميدو

وكل سنة وانت طيب

<div class='quotetop'>إقتباس(_THE_SAD_SMILE_ @ Jan 2 2007, 07:07 PM) 251719</div>
كلامكم جميل اوى واحب اضيف فى نقطة المجتمع او البيئة بان مجتمعاتنا بتطور يعنى طفل زمان غير طفل دلوقتى فى تلفزيزن فى كمبيوتر فى وسائل حديثة بتوسع ادراكهم اللى عمل الفجوة دى الاجيال اللى قبل كدة معاصروش الزمن الجديد متمسكين بتقاليد واساليب غلط فى التربية كلها راجعة لنشاه غلط ودة مش قاعدة بالعكس فى ناس متحضرين بس معظمهم كدة
دة سبب مشاكل كتير اوى فى مجتمعنا بجد الموضوع دة خطير جدا انا شايفة ان دة هو مرض مجتمعنا المصرى
عايزين نصلح نقرب التفكير نبقى متماسكين حتى فى ارائنا على الاقل يسمعونا يسمعونا
مين بيحرك مجتمعنا مين ماسك ادراتنا كلهم كبار مع ان نسبة الشباب فى مصر اكبر من النص الرسول صلى الله علية وسلم اعطى لاسامة ابن زيد القيادة مع انه كان16 سنة
المجتمع دة فى الاصل اسرة ولما يبقى الاب والام كل العلاقة بينهم وبين اولادهم هيا كلمة واحد (لا) مفيش تشاور مناقشة راى واحد يوافقوا علية منين هنلاقى مجتمعنا دة متماسك
[/b]

فعلا يا بسمة كلام جميل ونقطة فعلا مهمة وهي النقاش بين اعضااء الإسرة نقاش الأب لأبنائه نقطة في غاية الأهمية
عايز اضيف لكلامك كمان إن بعض الكبار بيتصور إنهم هما دايما الصح وإن الاصغر دايما علي خطأ في حين إن ده مش شرط
ودي نقطة نقاش اخري
شكرا ليكي يا بسمة نتمني المتابعة

<div class='quotetop'>إقتباس(بورسعيدى @ Jan 2 2007, 08:46 PM) 251769</div>
موضوع هايل يا ميدو حقيقى

والاخوة والاخوات الافاضل اضافوا فيه بما يكفى

بس انا عايز اقول ان هذه الفروق لاميمكن التقارب بينها كما اشرت فى بداية موضوعك الجميل

وكمان عايز اقول ان نضج العقل له مراحل محددة مثل المراحل العمرية للإنسان

فالانسان يولد رضيع ثم طفل ثم صبى ثم شاب ثم رجل ثم مسن ثم كهل

وبطبيعة الحال نمو ونضج العقل له مراحل مشابهة فصاحب 16 مراهق وصاحب ال20 شاب وصاحب ال30 رجل وصاحب 50 شيخ وصاحب ال60 مسن
فكيف تتفق هذه المراح من العمر ؟

كل عمر وله اسلوب وطريقة تفكير معينة لا تتفق مع من قبلة ولا مع من بعده وهذا الخلاف سيظل قائم مدى الحياة

باستثناء الخلاف على الاساسيات مثل الحلال والحرام والصح والخطأ

فهذه الاساسيات تختلف باختلاف البيئة والنشأ والتربية ولغة الحوار مع من هم اكبر منك

صحيح التجارب له دخل كبير ولكن تبقا القاعدة قائمه



شكرا يا ميدو

وكل سنة وانت طيب
[/b]

أولا شكرا جزيلا أستاذي العزيز لمرورك وتعقيبك وتلبية الدعوة

ثانيا طبعا أنا متفق مع حضرتك إن مهما عملنا مستحيل كلنا نفكر بنفس الطريقة وبنفس الشكل لكن الهدف إننا نوصل أفكارنا لبعض علشان نفهم بعض أكتر علشان الكبير يقدر يوجه الصغير لما يفهم فكره كويس وفي نفس الوقت أنا واثق إنه هيستفاد من فكر الصغير زي العكس ما هو صحيح

كمان في نقطة حضرتك اشرت ليها في الحوار نتمني تكون نقطة نقاش هي الإخري وهي :

الخلاف على الاساسيات مثل الحلال والحرام والصح والخطأ

طبعال الحلال والحرام شئ أعتقد الخلاف فيه لا يصح فيه الجدال فقط نلجأ لمن هم أعلم منا بامور الدين لنصل الي الحق

أما الصح والخطأ فهذا ما نود مناقشته فتلك الأشياء فرضها العرف والمجتمع وطبيعي إن تختلف باختلاف المجتمع وتطور فنجد ان هناك من الأشياء ما يعتبرها الكبار خطا في حين يعتبرها الشباب ليست كذلك والعكس ايضا
فتلك نقطة نود مناقشتها ايضا

شكرا لك استاذي واتمني أن تتابع معنا
وشكرا لك مره اخري
.
.

عايز اسئل ايه الربط بين عنوان الموضوع بالموضوع

هي كانت هتوضح في مرحلة متقدمة يا استاذ اشرف ولكن بما إن حضرتك سألت هوضح

أنا كنت بفكر إن الموضوع بعد مناقشات واقبال من الناس هياخد شكل معين وهو كالأتي إن الكبار في المنتدي هيبدأوا يتكلموا مع الشباب ويقولوا ايه اللي مش عاجبهم فينا وفي تفكيرنا وفي اسلوبنا وايه الصح اللي هما شايفينوه وايه الخطأ وكذلك العكس ودي كده اسمها " اشمعنه "

أما يحموك في كنكة دي الرد علي اشمعنه يعني الرد علي ما يقوله الأخر من اشياء يري إنها غير صحيحه في وجهة نظره وهكذا ده كنت متصور إنه يكون شكل الحوار وكنت بحاول ادير الموضوع بحيث اوصله للشكل ده

شكرا لمرورك وإن كنت اتوقع رد في صميم الموضوع ولن اخفيك أني استخدمت العنوان أيضا لأن فيه شئ من الفرقعه واسم جذاب شويه

بس السبب الرئيسي هو اللي انا شرحته
.
.