كتير بنسمع من الاب و الام ان مينفعش نحب حد من سننا و ان اللى يعمل كدة يبقى مبيفكرش فى اللى جاى ؟؟
لكن عمر ما حد قالنا ليه !! بيتهيألى انهم إما مش قادرين يبرروا مفهومهم او لأنهم اتعودوا على كدة هم يأمروا و احنا ننفذ و بدون نقاش و جدال و ( من غير ليه ) زى الأخ عبد الوهاب الله يرحمه ما قال
بالنسبة لأبو الولد بيقول كدة من منطلق انه هو شخصيا حب واحدة من سنه و بعد كدة فشل و دى حاجة لو سألتوا فيها ابائكم هيعترفوا بيها و اما ابو البنت ( لو أصلا اتناقش معاها فى موضوع الحب و اعترف بحقها فى الاقنتاع و معتبرش انه عيب زى
99.9% من اباءنا ) هيقولها متحبيش واحد من سنك بدافع ان الظروف بقت صعبة على الصعيد المادى و الصعيد الأخلاقى
"" إذا أردت أن تطاع فأمر بما يستطاع "" دى حكمة جميلة لالاسف الاباء و الامهات مش ماشين بيها ما هو أصل حاجة بالعقل
شئ انت نفسك و انتى نفسك مقدرتوش تمنعوا نفسكم عنه و انتم فى نفس المرحلة .... طب ازاى تطلبوا مننا اننا منعملوش !!!!!
هتقولولى هما مش عاوزينا نكرر أخطاءهم
هرد بكلام علمى و سيكولوجى بحت :
الانسان الطبيعى بيحب 3 أنوا من الحب فى حياته
1 حب الطفولة " مرحلة الطفولة " تقريبا لحد اخر سنة ثانوية ممكن اقل و ممكن اكتر حسب الشخصية
2 حب منجرف ( اللى الناس بتسميه الحب الاول ) "مرحلة المراهقة " غياب المنطق و انجراف المشاعر اهم سماته
3 حب النضوج ( الذى هو اكثر الانواع نجاح و استمرارية ) المنطقية و الجدية و الاصرار و التوافق سر اكتماله و اهم سماته
ده كلام د. أحمد عكاشة أحد اكبر الاطباء النفسيين فى العالم
ليه بقى الاباء يقولولنا متحبوش !!! و فى كل الحالات هنحب
اتحدى اذا ما كان 85 % من بنات و شباب مصر من حوالى سن 15 إلى 20 مبيحبش
يبقى لازم يصاحبونا و يحاول يوصلو لينا مفهوم ان الحب مش عيب و لا حرام اذا اتبنى على اسس سليمة و يفهمونا الاسس دى عشان لما نحب نبقى نحكي ليهم و نحب تحت عنيهم و كدة الفرصة اكبر فى التوجيه
لان الاب او الام هتقدر تقنع ابنها او بنتها ان اختيارها غلط طالما الولد او البنت واثقين فيهم و فى ود ما بينهم
وطبعا ما كنتش هيقدروا يوجهوا للصح اذا ماكانوش يعرفوا ان الموضوع اصلا و الابن او البنت مخبين عنهم عشان هم بنوا ليهم مفهوم ان الحب غلط و عيب و حرام مع ان علم النفس بيقول الكلام اللى قولتهولكم
عجبى ........ لحد امتى هنفضل نفكر فى نتايج المشكلة و نسيب اسبابها
لحد امتى هنفضل نسمع ان البنت و الولد و انا و انتم مخبيين حبنا عن ابائنا و امهاتنا
انا عارف ان الكلام هيوصل لأباء و امهات قليلين اوى بس انا بقول الكلام ده لينا كلنا عشان لما نجوز و نخلف نربى ولادنا كدة
عشان ميطلعوش زينا كدة .....
ملحوظة مهمة جدا جدا :
كلامى ليس معناه انا الاباء و الامهات فشلوا فى اداء دورهم و لا ادعو لاضطادهم او اتخاذ منهم موقف لالالالالا طبعا مش محتاج اقول اية الاب و اية الام و لكن " الكمال لله وحده " و يمكن لو حد كان قال لابائنا و امهاتنا الكلام ده كانوا عملو بيه عشان كدة
انا كتبت الموضوع ده
مستنى تعليقاتكم

<div class='quotetop'>إقتباس(semi_teacher2006 @ Jan 3 2007, 04:13 AM) 251927</div>

هرد بكلام علمى و سيكولوجى بحت :
[/b]

حلو الكلام العلمي والسيكولوجي البحت ده
ههههههههه
بس انا فكرت في الكلام ده قبل كده
ومش بتكلم علي الحب بس طبعا
بس صعب جدا جدا جدا ان احنا نعمل كده مع ولادنا
مش هنسمحلهم
علشان المجتمع اللي هو شيء مهم جدا في حياتك
هيرفض
وبالتالي انت هترفض
ولا ايه؟

متشكر على مرورك و اهتمامك بالموضوع و احب اقولك حاجة صغيرة
لو المجتمع كله بيشرب خمرة ( سورى فى التشبيه ) هنعمل زيه ؟
و بعدين انا مطلبتش حاجة تخالف الشرع و الدين انا فقط طلبت ان احنا و ولادنا نبقى صحاب بس باحترام
انهى حالة تحبى انك تكونى فيها :
1) انك متعرفيش ولادك بيحبوا مين و بيحبوا ازاى ؟؟؟؟!!!!
2) انك توجهى ولادك من الاول لقيم و مبادئ و أسس الحب السليم و لو حبوا غلط - و ده حقهم - تحاولى تقومى الحب ده من خلال علاقتك الكويسة بيهم



أرجو الرد

استاذ احمد
انا مبقولش كده انا بقول ان المجتمع كله رافض موضوع الحب ده وبالتالي انت هترفضه
(( وطبعا انا مش بقول انت يعني انت انا اقصد الناس بشكل عام ))
بيقولوا عيب وحرام و......... و........ وحاجات كتير وانت سيد العارفين
حتي في ناس من اللي بيحبوا لما بيعرفوا ان في حد مرتبط عاطفيا
ممكن جدا تلاقيهم بطلوا يحترموه مع انهم في نفس الحاله ودي حالات انا اعرفها متقوليش مش موجوده
وعلشان كده يوم بقه ما حد يعرف ان بنته بتحب (( اكتر من ابنه لانه مش يفرق الولد معاه اد البنت ))
هيبقي يومها اسود لا مش يومها سنينها اللي جايه
ياتري انا غلط ؟
يمكن تشوفني غلط
ويمكن انا مش قادره اوصل رأيي او اعبر عنه قوي
بس انا متأكده انك فاهمني متأكده جدا
بس اللي انا متمسكه بيه اوي اوي اوي ان مفيش تواصل بين الاولاد واهلهم
وصعب اوي يبقي التواصل ده موجود لان مفيش حد هيقدر يغير اللي اتربي عليه مهما قاسي منه
هو انا معاك انه لازم بس الواقع انه دي احلاااااااااااااااااااااااااام كبيره اوي
وبكره ان شاء الله افكرك
ماهي الايام اللي جايه باذن الله كتير
ابقي رد عليا بقه




يااااااااااااااااااااااااااااااااااااااااه
انت فهمت اني بتكلم علي حب اتنين منسن بعض لبعض؟
لا لا لا لا لا لا لا لا لا
لا كتير اوىىىىىىىىىىىىىىىىى
انا بتكلم عن فكره الحب نفسها
ياريت ترد عليا انا كده تهت مش عارفه انت فهمت ايه من كلامي

انا فاهم قصدك كويس اوى و لكن
هو لما يبقى - بعد الشر - عندك ( برد ) لازم الدكتور يكتبلك على دوا طعمه حلو !!!!!!!
و لا احنا دايما عاوزين كل حاجة على الجاهز
احنا مقنعين ان احنا اتربينا بشكل كويس بس فيه خطأ فهل ما نحولش نصلحه حتى لو تصليحه ده صعب و مر
اعتقد اننا لازم نتغير و نربى ولادنا كدة عشان ما يجيش يوم ابنى يكتب عنى فى منتدى الكلام اللى انا كتبته
سلام

انا لو انت لاحظت هتلاقيني قلتلك هو لازم
اقصد لازم نتغير
بس الواقع انه ده مش هيحصل
وطبعا ده واقع اليم جدا
وطبعا انا مش فرحانه وانا بقول كده
ده علي فكره وافتكر انك عارف ده انه واجعني اوى اوى اوى

انتى شايفة كدة ؟

هرد بكلام علمى و سيكولوجى بحت :
الانسان الطبيعى بيحب 3 أنوا من الحب فى حياته
1 حب الطفولة " مرحلة الطفولة " تقريبا لحد اخر سنة ثانوية ممكن اقل و ممكن اكتر حسب الشخصية
2 حب منجرف ( اللى الناس بتسميه الحب الاول ) "مرحلة المراهقة " غياب المنطق و انجراف المشاعر اهم سماته
3 حب النضوج ( الذى هو اكثر الانواع نجاح و استمرارية ) المنطقية و الجدية و الاصرار و التوافق سر اكتماله و اهم سماته


جزاك الله كل الخير على الموضوع الجميل ده يامان

وشكرآ

ميرسى على مرورك و ردك اللى مش غريب عليا
ههههههههههههههههههههههههههه

عموما نورتنى

شكرا على الموضوع وبجد موضوع رائع وياريت يتنفذ
وارجو تقبل مرورى

شكرا على الموضوع وبجد موضوع رائع وياريت يتنفذ
وارجو تقبل مرورى

ميرسى لمروك الجميل
و احنا بإيدينا نتغير

بسم الله الرحمن الرحيم
السلام عليكم ورحمه الله وبركاته
هو أنا مش عارف إنت كنت فى بدايه الموضوع بتتكلم غن ليه الأمب أو الأب دائما بيبقى معارض فكره الزواج من اللى أدك وكده
بيتهيألى إنك لو لحظت هتلاقى إن معظم قصص الحب اللى بتبقى بين الشباب اللى أد بعض تقريباً بتنتهى بالفشل وده غالباً لإنخفاض المستوى المعيشى لأن الشاب بيتخرج لسه هيشوف جيشه وبعد كده يبقى يدور على وظيفه ويبدأ يكون نفسه إلا قله قليله بيبقو مستريحين مادياً شويه فاولدو بيساعده
تلاقى البنت من دول تقول هستناك بدل السنه 100 وفى الآخر طبعا مع الضغط من الأهل بتتجوز أول عريس مناسب وطبعاً هى مش غلطانه لأن الزن على الودان زى ما إنتو عارفين له تأثيره المعروف
أنا بقى من حيث لو إتجوزت واحده من سنك وده غالباً هتتجوزها على سن بتاع 27 أو 28 سنه على ما تبقى عرفت تجيب شقه هيكون المعدل الطبيعى اللى تقدر تبصلها فيه بتاع 5 أو 6 سنين وبعد كده هتلاقى شكلها إتغير وهتبدأ تبص بره وبيتهيألى كلامى واضح

أما بقه مرحله الطفوله والحب المبكر ومش الحب اللى مش عارف إيه والكلام ده كله فأنا أحب أقولك إن لو إتبعنا دينا وكل واحد عرف ربنا كويس كل ده هينتهى
يلا
سلام عليكم ورحمه الله وبركاته

هرد بكلام علمى و سيكولوجى بحت :
الانسان الطبيعى بيحب 3 أنوا من الحب فى حياته
1 حب الطفولة " مرحلة الطفولة " تقريبا لحد اخر سنة ثانوية ممكن اقل و ممكن اكتر حسب الشخصية
2 حب منجرف ( اللى الناس بتسميه الحب الاول ) "مرحلة المراهقة " غياب المنطق و انجراف المشاعر اهم سماته
3 حب النضوج ( الذى هو اكثر الانواع نجاح و استمرارية ) المنطقية و الجدية و الاصرار و التوافق سر اكتماله و اهم سماته


وشكرآ
السلام عليكم ورحمة الله وبركاته
غريبه يا ريت يعنى تقولنا منين جبت الكلام العلمى السيكولوجى ده منين
اصل انا اعرف انسان حب حب صادق وهو فى اقل من اولى اعدادى
وفضلوا يحبوا بعض الى المرحله التانيه وده مش نتيجة انهم كرهوا بعض لا
علشان ظروف عنده اولا ثم لظروف عندها ثانيا
بس مش ظروف يووووا مش حكمل حكاية الشخص ده لكم يعنى
المهم
يعنى وكتير وكتير اوى كمان زيه كده
يبقى منين كلام علمى بحت
انا مش بشكك طبعا
بس خدها بالعقل مش شرط
او منش قاعده عامه يعنى

حلو اوى اننا نفكر فى اصلاح عيوبنا او على الاقل نمنع نفسنا منها فى المستقبل ومنبقاش ذى اهالينا لان اكيد فى فرق واختلاف بين كل جيل والتانى وده اللى بيقولو عليه الفجوة بين الاجيال وبصراحه انا معاك فى كل كلامك او معظمه يعنى بس ياترى بقى ولادنا هتبقى مشاكلهم ذى مشاكلنا ولا هتفرق ؟؟؟؟؟؟؟؟؟؟ بيتهيالى هيكون تفكيرهم غيرنا واحلامهم مختلفه تماما ويمكن اهتمامتهم كمان تختلف وساعتها مش هنقدر نعرف دماغهم ماشيه اذاى وبيفكرو فى ايه واذا كان الحب عندهم ذى مااحنا شايفينه ولا لا ( هو اكيد طبعا الحب هو الحب مش بيتحول بس تفكيرنا فيه هو اللى بيتغير وده مش اختلاف او فرق اجيال بس حتى بيفرق من واحد للتانى وشخصيه كل فرد ) بس النهايه بقى احنا لو عايزين حياه افضل لولادنا ولينا وعايزين علاقتنا بيهم تبقى صح يبقى مفيش غير اننا نقرب منهم اوى فى كل مراحل حياتهم علشان نعاصر تفكيرهم ونقدر نلاحظ الفرق بينا وبينهم ونعالج مشاكلهم كويس بس بفكر معاصر ليهم ويناسب حياتهم هما مش احنا والا هيعانو برده من نفس المشكله اللى احنا ممكن نكون بنعانى منها دلوقتى . ميرسى ليك على الموضوع الجميل ده

بسم الله الرحمن الرحيم
السلام عليكم ورحمه الله وبركاته
هو أنا مش عارف إنت كنت فى بدايه الموضوع بتتكلم غن ليه الأم أو الأب دائما بيبقى معارض فكره الزواج من اللى أدك وكده
بيتهيألى إنك لو لحظت هتلاقى إن معظم قصص الحب اللى بتبقى بين الشباب اللى أد بعض تقريباً بتنتهى بالفشل وده غالباً لإنخفاض المستوى المعيشى لأن الشاب بيتخرج لسه هيشوف جيشه وبعد كده يبقى يدور على وظيفه ويبدأ يكون نفسه إلا قله قليله بيبقو مستريحين مادياً شويه فاولدو بيساعده
تلاقى البنت من دول تقول هستناك بدل السنه 100 وفى الآخر طبعا مع الضغط من الأهل بتتجوز أول عريس مناسب وطبعاً هى مش غلطانه لأن الزن على الودان زى ما إنتو عارفين له تأثيره المعروف
أنا بقى من حيث لو إتجوزت واحده من سنك وده غالباً هتتجوزها على سن بتاع 27 أو 28 سنه على ما تبقى عرفت تجيب شقه هيكون المعدل الطبيعى اللى تقدر تبصلها فيه بتاع 5 أو 6 سنين وبعد كده هتلاقى شكلها إتغير وهتبدأ تبص بره وبيتهيألى كلامى واضح

أما بقه مرحله الطفوله والحب المبكر ومش الحب اللى مش عارف إيه والكلام ده كله فأنا أحب أقولك إن لو إتبعنا دينا وكل واحد عرف ربنا كويس كل ده هينتهى
يلا
سلام عليكم ورحمه الله وبركاته

كلامك على العين و الراس يا محمد بس انا نقطتى ان الاب و الام من ناحية يدوا فرصة لولادهم يقولوا لهم هما حاسين بإية أحسن ما يحسوا من وراهم و الله أعلم هيعملوا ايه تانى من وراهم
فالموضوع يبقى فى النور حتى لو فاشل 100 % و ميرسى على مرورك






السلام عليكم ورحمة الله وبركاته
غريبه يا ريت يعنى تقولنا منين جبت الكلام العلمى السيكولوجى ده منين
اصل انا اعرف انسان حب حب صادق وهو فى اقل من اولى اعدادى
وفضلوا يحبوا بعض الى المرحله التانيه وده مش نتيجة انهم كرهوا بعض لا
علشان ظروف عنده اولا ثم لظروف عندها ثانيا
بس مش ظروف يووووا مش حكمل حكاية الشخص ده لكم يعنى
المهم
يعنى وكتير وكتير اوى كمان زيه كده
يبقى منين كلام علمى بحت
انا مش بشكك طبعا
بس خدها بالعقل مش شرط
او منش قاعده عامه يعنى

الاهل لازم يعرفو اى احساس يدور فى فلك التلات مراحل اللى ذكروا سواء حب او اعجاب او حتى انبهار
و مشكور مرورك يا حبيبى و نورت موضوعى


حلو اوى اننا نفكر فى اصلاح عيوبنا او على الاقل نمنع نفسنا منها فى المستقبل ومنبقاش ذى اهالينا لان اكيد فى فرق واختلاف بين كل جيل والتانى وده اللى بيقولو عليه الفجوة بين الاجيال وبصراحه انا معاك فى كل كلامك او معظمه يعنى بس ياترى بقى ولادنا هتبقى مشاكلهم ذى مشاكلنا ولا هتفرق ؟؟؟؟؟؟؟؟؟؟ بيتهيالى هيكون تفكيرهم غيرنا واحلامهم مختلفه تماما ويمكن اهتمامتهم كمان تختلف وساعتها مش هنقدر نعرف دماغهم ماشيه اذاى وبيفكرو فى ايه واذا كان الحب عندهم ذى مااحنا شايفينه ولا لا ( هو اكيد طبعا الحب هو الحب مش بيتحول بس تفكيرنا فيه هو اللى بيتغير وده مش اختلاف او فرق اجيال بس حتى بيفرق من واحد للتانى وشخصيه كل فرد ) بس النهايه بقى احنا لو عايزين حياه افضل لولادنا ولينا وعايزين علاقتنا بيهم تبقى صح يبقى مفيش غير اننا نقرب منهم اوى فى كل مراحل حياتهم علشان نعاصر تفكيرهم ونقدر نلاحظ الفرق بينا وبينهم ونعالج مشاكلهم كويس بس بفكر معاصر ليهم ويناسب حياتهم هما مش احنا والا هيعانو برده من نفس المشكله اللى احنا ممكن نكون بنعانى منها دلوقتى . ميرسى ليك على الموضوع الجميل ده

الشكر ليكى لمرورك و انا متفق معاكى تماما فى كل كلمة قولتيها



ميرسى لك اللى شارك فى موضوعى و نوره برأيه

السلام عليكم

جزاك الله خيرا على الموضوع

بس انت نسيت ان " لا يكلف الله نفسا الا وسعها " " ورحم الله امرء عرف قدر نفسه "

يعنى ....
الحب مش عيب ولا حرام ولكن قبل ان تحب لازم تعرف ايه هيه نهاية الحب ده
هل انت قادر انك تتزوج الانسانه اللى بتحبها فى النهاية ولا لاءه :eek:
لو مش قادر يبقى يغووووووور الحب بدال ما تجرحها فى النهاية:mad:

وكمان مش معنى ان الاب خايف على ابنه او بنته انه فشل فى الحب قبل كده :cool:
لانه مش معقول يسيب ابن او بنته يحب فى مرحلة لا يقدر على ادخالها فى اطار شرعى :mad:

لانه معروف بالنسبة للجميع ما هو الحب ؟؟ اليومين دول:p

ملخص الكلام :: :mad:
بدال مش هتعرف تدخل الحب فى اطار شرعى
يبقى نووووووووووو حب

تقبل مرورى ؛

السلام عليكم

جزاك الله خيرا على الموضوع

بس انت نسيت ان " لا يكلف الله نفسا الا وسعها " " ورحم الله امرء عرف قدر نفسه "

يعنى ....
الحب مش عيب ولا حرام ولكن قبل ان تحب لازم تعرف ايه هيه نهاية الحب ده
هل انت قادر انك تتزوج الانسانه اللى بتحبها فى النهاية ولا لاءه :eek:
لو مش قادر يبقى يغووووووور الحب بدال ما تجرحها فى النهاية:mad:

وكمان مش معنى ان الاب خايف على ابنه او بنته انه فشل فى الحب قبل كده :cool:
لانه مش معقول يسيب ابن او بنته يحب فى مرحلة لا يقدر على ادخالها فى اطار شرعى :mad:

لانه معروف بالنسبة للجميع ما هو الحب ؟؟ اليومين دول:p

ملخص الكلام :: :mad:
بدال مش هتعرف تدخل الحب فى اطار شرعى
يبقى نووووووووووو حب

تقبل مرورى ؛

مع احترامى الشديد لرأيك و شرف ليا مرورك

و لكن متقدرش تقول نوووووووووو حب لأنه مش بايد الشباب
اه معاك فكل اللى انت قولته بس بغض النظر عن فشل العلاقة او نجاحها
قصدت انه يكون فيه نوع من الصراحة ما بين الاباء و ابنائهم و بناتهم
اصل هنلف و ندور و نرجع لنقطة اللى هى مفيش حاجة اسمها بنت او ولد عندهم 17 سنة و لا 18 مش بيعجبوا ببعض او بيحبوا بعض
مش هتقدر تمنعهم هنا بقى بدل ما يعملوا حاجة فى الظلمة لا الاباء يكون عندهم علم بالقضية و لو شايفنها مناسبة يساعدوهم و لو مش مناسبة يبقى ينصحوهم و يقنعوهم ما اقتنعوش خلاص يسيبهم يجربوا و لكن و الاباء حاطين ميكروسكون على تصرفاتهم فى الموضوع ده
بحيث كل خطوة تكون معروفة لهم لحد ما ينتهى الموضوع و بكدة صلحنا سلوك ولادنا و الولاد كسبت ثقة الاب و الام و هما كسبوا راحة البال و سوء الظن و كمان الولاد استفادوا من التجربة

و لكن متقدرش تقول نوووووووووو حب لأنه مش بايد الشباب

بص انا مش ضدت فكرة الحب لانى برده شاب وعارف ان كل الشباب ممكن يعجبوا ويتطور الاعجاب لحب وهلم جر ...
ولكن برده اى انسان يقدر يقول مفيش حب بدال مش هيقدر يتحمل مسئولية الحب ده
ولو مقدرش مش هيناسبه غير بيت الامام الشافعى ..

إذا لم يجد صبرا لكتمان سـره *** فلــيس له شي ســوى الموت أنفع

اه معاك فكل اللى انت قولته بس بغض النظر عن فشل العلاقة او نجاحها
قصدت انه يكون فيه نوع من الصراحة ما بين الاباء و ابنائهم و بناتهم

ماشى انا معاك فى النقطه ان الاب لازم يكون صديق مع ابنه بعيدا عن التكلف والالقاب .
وكذلك الام ... لانه ممكن يضطر للبحث عن لمن يحكى عنه وممكن يكون صديق سوء ...
والنقطه دية بالذات مش موجودة فى مجتمعنا بسبب مشاغل الحياة ارتفاع مستوى المعيشة والبقية معلومة للجميع ..:eek:

اصل هنلف و ندور و نرجع لنقطة اللى هى مفيش حاجة اسمها بنت او ولد عندهم 17 سنة و لا 18 مش بيعجبوا ببعض او بيحبوا بعض
مش هتقدر تمنعهم هنا بقى بدل ما يعملوا حاجة فى الظلمة لا الاباء يكون عندهم علم بالقضية و لو شايفنها مناسبة يساعدوهم و لو مش مناسبة يبقى ينصحوهم و يقنعوهم ما اقتنعوش خلاص يسيبهم يجربوا و لكن و الاباء حاطين ميكروسكون على تصرفاتهم فى الموضوع ده
بحيث كل خطوة تكون معروفة لهم لحد ما ينتهى الموضوع و بكدة صلحنا سلوك ولادنا و الولاد كسبت ثقة الاب و الام و هما كسبوا راحة البال و سوء الظن و كمان الولاد استفادوا من التجربة

انت بتقول الاولاد استفادوا من التجربه
يعنى انتى فى رايك الحب تجربه .... يعنى مش حب صادق :mad:
والتجربة لابد ان تنتهى ..... :rolleyes:
وانت بتقول برده لحد ما ينتهى الموضوع :o
طيب بدال الموضوع محكوم عليه بالانتهاء ليه نتبدى اصلا حاجة محكومه بالفشل
بدال الشخص ده عارف انه مش هيقدر يجوز حبيبته له يعيشها فى وهم :cool:

وتقبل مرورى مرة اخرى ؛

وتذكر الاختلاف فى الراى لا يفسد للود قضيه

التجربة كدة كدة هتحصل
انا مثلا كنت بحب فى فترة ثانوى
و اخويا الكبير قعد معايا يقولى يابنى مش هينفع
انت مش هتقدر تكمل
و انا اقوله لا
زى الناس كلها جيل امبارح و اول و جيل النهاردة و اجيال بكرة و بعده هتقول نفس الكلام
فو شديت عليه هيفلت من تحت طوعك و هيحب من وراك قصة حب هتفشل
طب لما انت كأب عارف خلاص ما اقتنعش سيبه يجرب
بس يبقى تحت عينك لا يروح يمين و لا يبعد شمال
اتمنى اكون قدرت اوضح

و طبعا
الخلاف فى الرأى لايفسد للود قضية و ليس فقط بل يزيد المعرفة و الخبرة و التقدير للشخص المختلف معى
فى وجهة نظرى

و ميرسى لاهتمامك

بص يا بندق

انا معاك اننا نصاحب اولادنا لكن مش معاك فى حكاية الحب مش معاك فى حكاية الحب ديت

او احنا لو صحبنا اولادنا اكيد هنعرف عنهم كل شىء وسعته هنقدر نربيهم كويس واكيد هنقدر نقعنهم بوجة نظرنا

احنا عندنا فى اسكندرية الحمدلله البنات بتحور على الاولاد والولاد بتحور على البنات احلى حاجة

معتقدش إن فيه غير 5% من الاباء والأمهات اللي ممكن يسمحوا بكده

انا لا مع الحب ولا الاهل

بص يا بندق

انا معاك اننا نصاحب اولادنا لكن مش معاك فى حكاية الحب مش معاك فى حكاية الحب ديت

او احنا لو صحبنا اولادنا اكيد هنعرف عنهم كل شىء وسعته هنقدر نربيهم كويس واكيد هنقدر نقعنهم بوجة نظرنا

كلامك جميل يا أميرة
بس ولادك مش هيقتنعوا بوجهة نظرك لأننا احنا مقتنعناش
اصلها مش علبة كبريت هتقوليلهم متلعبوش بيها لحسن تتحرقوا
الموضوع موضوع مشاعر لازم تتجرب و كدة كدة هتتجرب
يبقى تتجرب بعلم الاباء و الامهات و يبقى معروف اولها من آخرها احسن ما تتجرب بعيد عنهم
و يحصل البلاوى اللى بنسمع عنها و لا ايه ؟
مشكور مرورك الجميل

احنا عندنا فى اسكندرية الحمدلله البنات بتحور على الاولاد والولاد بتحور على البنات احلى حاجة

طالما انت شايف ان كدة احلى حاجة يبقى انت معندكش مشكلة عادى


معتقدش إن فيه غير 5% من الاباء والأمهات اللي ممكن يسمحوا بكده

أنا عملت الموضوع علشان كدة عشان نزود النسبة دى و نعرف اهمية الموضوع ده

انا لا مع الحب ولا الاهل

أفادكم الله

على فكره يا شريكى ده أحلى موضوع انا قرأته ليك
بس إعمل زى ما أنا عامل
أنا عايز إيه وبعمله
المهم انه صح
ومش حرام
وخليك على مبدأ لا ضرر ولا ضرار
وخد برأى اللى حواليك من زملائنا اللى عارفينك وعارفينها
كل واحد بمستوى تفكيره
مادى , منطقى ,دينى ,عقلانى
ولو لاقيت كل الانماط ده كلها ف صلاحك يبقى طنش الاب والام واعمل الصح
ولا إيه يا شريكى؟؟؟؟؟؟؟؟؟؟؟؟؟؟؟؟؟؟؟؟

السلام عليكم ورحمة الله وبركاته
غريبه يا ريت يعنى تقولنا منين جبت الكلام العلمى السيكولوجى ده منين
اصل انا اعرف انسان حب حب صادق وهو فى اقل من اولى اعدادى
وفضلوا يحبوا بعض الى المرحله التانيه وده مش نتيجة انهم كرهوا بعض لا
علشان ظروف عنده اولا ثم لظروف عندها ثانيا
بس مش ظروف يووووا مش حكمل حكاية الشخص ده لكم يعنى
المهم
يعنى وكتير وكتير اوى كمان زيه كده
يبقى منين كلام علمى بحت
انا مش بشكك طبعا
بس خدها بالعقل مش شرط
او منش قاعده عامه يعنى




بتفق معاك فى الرأى ده لان الحب الحقيقى مالوش سن محدد بس المشكلة ان فى السن الصغير - 12 لحد 18 - اغلب الشباب مش بيقدر يميز بين مشاعر الحب الحقيقية ومشاعر الاحتياج لاى حب والسلام
نادرا ما هتلا قى حد بيحب حقيقى فى سن صغير والقصة دى بتكمل لان الملل والمشاكل بيقضوا على الحب

بالنسبة للاهل فغالبا بيخربوا الموضوع ان لم يكونوا متفهمين وده بردو نادر للاسف رغم انهم بيكونوا عارفين ان ده امر لا مفر منه ومش بايد حد بس افكار مجتمع متخلف وكلام الناس ومش كلام الناس وكل الخنقة دى بتخليهم يعملوا كده

صعب الكلام ده فى مجتمعنا وشكرا على موضوعك المتميز

على فكره يا شريكى ده أحلى موضوع انا قرأته ليك
بس إعمل زى ما أنا عامل
أنا عايز إيه وبعمله
المهم انه صح
ومش حرام
وخليك على مبدأ لا ضرر ولا ضرار
وخد برأى اللى حواليك من زملائنا اللى عارفينك وعارفينها
كل واحد بمستوى تفكيره
مادى , منطقى ,دينى ,عقلانى
ولو لاقيت كل الانماط ده كلها ف صلاحك يبقى طنش الاب والام واعمل الصح
ولا إيه يا شريكى؟؟؟؟؟؟؟؟؟؟؟؟؟؟؟؟؟؟؟؟

الكلام اللى انت بتقوله ده مينفعش يا صديقى لأنى متعودتش اخد حاجة غصب عن حد


بتفق معاك فى الرأى ده لان الحب الحقيقى مالوش سن محدد بس المشكلة ان فى السن الصغير - 12 لحد 18 - اغلب الشباب مش بيقدر يميز بين مشاعر الحب الحقيقية ومشاعر الاحتياج لاى حب والسلام
نادرا ما هتلا قى حد بيحب حقيقى فى سن صغير والقصة دى بتكمل لان الملل والمشاكل بيقضوا على الحب

بالنسبة للاهل فغالبا بيخربوا الموضوع ان لم يكونوا متفهمين وده بردو نادر للاسف رغم انهم بيكونوا عارفين ان ده امر لا مفر منه ومش بايد حد بس افكار مجتمع متخلف وكلام الناس ومش كلام الناس وكل الخنقة دى بتخليهم يعملوا كده

صعب الكلام ده فى مجتمعنا وشكرا على موضوعك المتميز

بالظبط ............... انا متفق معاك جدا
و احنا بقى درونا لو معرفناش نغير من آباءنا و امهاتنا يبقى نغير نفسنا لأننا آباء و أمهات المستقبل

عارف يا بندق أنا مش مخبيه عن أهلي اني بحب واحد , و هو مش سني اصلاً اكبر مني بحوالي 3سنين كده و انا هو متربيين مع بعض من و احنا صغيرين يعني حبنا ده من زماااااااااااااان اوي
المهم يعني هما لما عرفوا ماحدش فيهم علق لي على كده غير أخويا الكبير لأنه اقربهم ليا و قالي"أهم حاجه يا بوسي , ماتغضبوش ربنا في حبكم ده عشان يستمر , و كمان ماتتفاعليش اوي مع الأحداث عشان لو لاقدر الله الحب ماكملش و انتهى نهايته الطبيعيه ماتقفليش قلبك و تتعقدي من الحب و سيرة الحب"
و بابا علق لي بس تعليق عجيب اوي اوي بصراحه قالي ان الحب في حذ ذانه مش عيب ولا حرام طول ما احنا ماعملناش كلام الأفلام (أخرج معاه يعني و ابعت له مسج قبل ماانام و الهبل ده) بس لازم تتأكدي ان مشاعرك دي صحيحه , لإن انتِ لسه مانضجتيش اوي و لسه يعني مراهقه و المراهق مشاعره مابتبقاش ثابته , و كمان انتي لسه ماخرجتيش في الحياه كتير و ماقابلتيش ناس كتير (مع اني اصلاً بشتغل في جمعية صناع الحياه و بقابل ناس كتير اوي يعني) و قالي برضو ماتتعلقيش بيه اوي و خليكي عاقله في حبك

هما بصراحه كلامهم عجبني و انا فعلاً مش بعمل معاه كلام افلام انا بعرف اخباره من اخويا الأوسط لإنه صاحبه اوي , و كمان من بنت عمه و دي تبقى انتيمتي و هو بيحبني الحمد لله , بس انا سايبه نهاية الحب دي على ربنا , لو ليا نصيب فيه هاخده و لو ماليش نصيب فيه خلاص ده قدر ربنا , و انا مقتنعه بكده , و مش بحب انجرف ورا مشاعري أبداً , لإني بحب بقلبي و عقلي في نفس الوقت , و انا حبيت اعرفهم قبل اي حد عشان مايبقاش حبي في الضلمه , لإن اللي بيكبر في الضلمه بيفضل طول عمره في الضلمه و عمره ابداً ماهيخرج للنور
و شكراً لموضوعك الجميل ده

عارف يا بندق أنا مش مخبيه عن أهلي اني بحب واحد , و هو مش سني اصلاً اكبر مني بحوالي 3سنين كده و انا هو متربيين مع بعض من و احنا صغيرين يعني حبنا ده من زماااااااااااااان اوي
المهم يعني هما لما عرفوا ماحدش فيهم علق لي على كده غير أخويا الكبير لأنه اقربهم ليا و قالي"أهم حاجه يا بوسي , ماتغضبوش ربنا في حبكم ده عشان يستمر , و كمان ماتتفاعليش اوي مع الأحداث عشان لو لاقدر الله الحب ماكملش و انتهى نهايته الطبيعيه ماتقفليش قلبك و تتعقدي من الحب و سيرة الحب"
و بابا علق لي بس تعليق عجيب اوي اوي بصراحه قالي ان الحب في حذ ذانه مش عيب ولا حرام طول ما احنا ماعملناش كلام الأفلام (أخرج معاه يعني و ابعت له مسج قبل ماانام و الهبل ده) بس لازم تتأكدي ان مشاعرك دي صحيحه , لإن انتِ لسه مانضجتيش اوي و لسه يعني مراهقه و المراهق مشاعره مابتبقاش ثابته , و كمان انتي لسه ماخرجتيش في الحياه كتير و ماقابلتيش ناس كتير (مع اني اصلاً بشتغل في جمعية صناع الحياه و بقابل ناس كتير اوي يعني) و قالي برضو ماتتعلقيش بيه اوي و خليكي عاقله في حبك

هما بصراحه كلامهم عجبني و انا فعلاً مش بعمل معاه كلام افلام انا بعرف اخباره من اخويا الأوسط لإنه صاحبه اوي , و كمان من بنت عمه و دي تبقى انتيمتي و هو بيحبني الحمد لله , بس انا سايبه نهاية الحب دي على ربنا , لو ليا نصيب فيه هاخده و لو ماليش نصيب فيه خلاص ده قدر ربنا , و انا مقتنعه بكده , و مش بحب انجرف ورا مشاعري أبداً , لإني بحب بقلبي و عقلي في نفس الوقت , و انا حبيت اعرفهم قبل اي حد عشان مايبقاش حبي في الضلمه , لإن اللي بيكبر في الضلمه بيفضل طول عمره في الضلمه و عمره ابداً ماهيخرج للنور
و شكراً لموضوعك الجميل ده

ميرسى لمرورك يا بوسى
بس عاوز اقولك انتى من الناس المحظوظة اللى قدر أهلهم يفهموهم و دة اللى انا عاوزه

بس السؤال //// هل البنت اللى أهلها مش هيتفهموا و لا هيتقبلوا حبها
متحبش ؟؟؟
طب و لو حبت من وراهم تبقى مش كويسة ؟؟

أنا رأيى لالالالالالالا خالص
البنت تكون مش كويسة إذا هى بإرادتها من جواها مش عاوزة تعرف اهلها بغض النظر هيتفهموا او لا
لكن مفيش بنت هتقدر تعمل كونترول على قلبها عشان متحبش فقط لأن اهلها مش هيتفهموا
و الحب إذا كان صادق و جاد لا يحتاج فقط إلا قلبين بيحبوا بجد