_the_sad_smile_
04-01-2007, 01:26 PM
لما تكون فى ملاك مخدوع
رافض تبكى بصوت مسموع
لما الحزن دة يملا قلبك
حتى الدمع يبان موجوع
لما تكون مش لاقى كلام
يوصف غدر سنين اوهام
كل ما فيك بتعاند قلبك
والنتيجة يزيد فى آلام
من جواك فى نار بتغرق
حاسس احلى كلام بيحرق
وان الموت قريب منك
وروحك من الحياة بتسرق
لما تكون مش لاقى نفسك
فاكر ان الحزن اسمك
وان خلاص اتعود قلبك
ان مفيش غيرك بيحسك
ساعتها خلاص زمنك بيفوت
وارضى بكفن الكون فى سكوت
ساعتها بس اعرف انك
عايش من جواك بتموت
شاعرالحب
04-01-2007, 01:42 PM
والله انا بحب الحاجات الحزينه اللى زى دى
شكرا ليكى بجد
ودى اجمل حاجه عجبنى فى القصيده دى
لما تكون مش لاقى نفسك
فاكر ان الحزن اسمك
وان خلاص اتعود قلبك
ان مفيش غيرك بيحسك
ساعتها خلاص زمنك بيفوت
وارضى بكفن الكون فى سكوت
ساعتها بس اعرف انك
عايش من جواك بتموت
جمييييييييله بجد
محمد البري
04-01-2007, 02:11 PM
<div align="center">اولا ازيك يا بسمة يارب تكوني بخير
أولا العمل دا جميل قوي بس ليه الحزن :(
انا قلتلك قبل كدا حاولي تخلي الشعر وسيلة لمداوة جراحك والبعد عم ذكريات بتؤلمك
مش تخليها تزيد الجراح دي ولو مش ليكي القصيدة للي كتباه
ممكن كلمات مستوحاه جدا يكون ليها معنيين واحد فرح واحد حزن
بلاش تلعبي على وتر واحد فيهم
اما جمال العمل النهاردة مقدرش اوصفه اه انا بحب الحزن قوي في الشعر لان معانيه بتأثر في اللي بيقراه قوي
بس انا رسمت صورة للعمل بس انا عارف انه مش من حقي بس اهو يلا عملك تقريبا يكون كدا وعالجي انتي الأخطاء براحتك لانك عارفه اني ملياش في العامي قد كدا
لما تكون في ملاك مخدوع
رافض تبكى بصوت مسموع
لما الحزن دة يملا قلبك
حتى الدمع يبان موجوع
لما تكون مش لاقى كلام
يوصف غدر سنين اوهام
كل ما فيك بتعاند قلبك
والنتيجة بيزيد فى آلام
لما تلاقي قلبك مجروح
والحب في زمنك مدبوح
يومها بس هتعرف ان
زمن الحب بيموت ويروح
من جواك في نار بتحرق
حاسس أحلة كلام بيغرق
وان الموت قريب منك
وروحك م الدنيا بتسرق
بتسرق بسمة حب جميله
تكسر صورة حزن ذليله
هو العشق يبات مغلوب
بعد سنين وليالي طويله
لما تكون مش لاقى نفسك
فاكر ان الحزن دا اسمك
وان خلاص اتعود قلبك
ان مفيش غيرك بيحسك
ساعتها خلاص زمنك بيفوت
وارضى بكفن الكون فى سكوت
ساعتها بس اعرف انك
عايش من جواك بتموت</div>
_the_sad_smile_
04-01-2007, 03:51 PM
شكرا شاعر الحب انها عجبتك وربنا ميحرمك من النكد ابدا :P (لا قصدى يعنى ربنا ميحرمك من الفرح)
محمد انا كويسة الحمد لله والبتاعة دى مش كتباها لحد عشان كدة سالتكم انتوا حسيتوا بكدة قبل كدة ؟
(انا قلتلك قبل كدا حاولي تخلي الشعر وسيلة لمداوة جراحك والبعد عم ذكريات بتؤلمك
مش تخليها تزيد الجراح دي ولو مش ليكي القصيدة للي كتباه )
انا فاهمه كلامك كويس وصدقنى البتاعة دى مكانتش كدة كنت كاتبة نهاية سعيدة وبعد مكتبتها قعدت اضحك بس مقدرتش عشان كنت بضحك على نفسى
(بس انا رسمت صورة للعمل بس انا عارف انه مش من حقي بس اهو يلا عملك تقريبا يكون كدا وعالجي انتي الأخطاء براحتك لانك عارفه اني ملياش في العامي قد كدا)
شكرا اوى على اضافاتك انا مش هعدل فيها الكلام مش كلامى بس هو مؤثر اوى شكرا ليك
msamido
04-01-2007, 04:21 PM
يعني العمل منقول يا بسمة ؟؟؟
عموما هي الكلمات مؤثرة جدا وتعديلات محمد في محلها
شكرا ليكي
.
.
msamido
04-01-2007, 04:56 PM
اوك
جميله يا بسمة
شكرا ليكي
.
.
مغترب وبس
04-01-2007, 05:05 PM
جميل يا بسمة واضافاتك يا محمد جميلة بردو :)
_the_sad_smile_
04-01-2007, 05:26 PM
شكرا مسميدو شكرا مغترب شكرا محمد تانى بردة
magooodah
05-01-2007, 05:14 AM
كلام جميل اوى يا بسمة حرك مشاعرى بجد وخلانى اشوف احزانى برؤية تانية غيرت معانى الحقد والحزن اللى كانت فيا وحولتها لمعانى تسامح وحب وامل
ميرسى جدا على الكلام الجميل ده وياريت نشوف مواضيع اكتر
لان بجد مواضيعك كلها زى السكر
وميرسى كمان مرة
_the_sad_smile_
05-01-2007, 05:26 AM
:blink: اية دة كلة اية الكلام دة
شكرا يا احمد ميرسى اوى انت مزودها حبتين ;)
الله بجد الله الله
كلمات روعة روعة روعة من قلب حزين رقيق
ربنا يوفقك
أختك دك.أماني
_the_sad_smile_
08-01-2007, 01:28 AM
ميرسى يا دكتور كدة علطول بتأحرجينى شكرا لمرورك
فنكوشه المنكوشه
10-01-2007, 05:42 PM
ازيك يا بسمه
طبعا اكيد مش تعرفيني
ولا انا اعرفك الا من خلال مواضيك
بس بجد من غير مجامله تحفه بجد بجد تحفه
كلامك جميل اوي يا بسمه
وانا قراتلك كذا قصيده من دي ابل كدا كلهم تحفه بجد
متبخليش علينا بئه وافضلي اكتبي كدا عالطول
بس مش حزين طبعا
سلالالالالالالالالالالالالالالالالالالالالالام
نغم البحر
10-01-2007, 11:10 PM
<div class='quotetop'>إقتباس(_THE_SAD_SMILE_ @ Jan 4 2007, 01:26 PM) 252324</div>
لما تكون فى ملاك مخدوع
رافض تبكى بصوت مسموع
لما الحزن دة يملا قلبك
حتى الدمع يبان موجوع بداية جميلة جدا
لما تكون مش لاقى كلام
يوصف غدر سنين اوهام
كل ما فيك بتعاند قلبك
والنتيجة يزيد فى آلام كان افضل تقولى ونتيجته بتزيدنى الام عشان الموسيقى
من جواك فى نار بتغرق تعبير جديد بس جميل لانه غير واقعى بالمرة
حاسس احلى كلام بيحرق
وان الموت قريب منك
وروحك من الحياة بتسرق هنا الكلام مش ماشى ازاى روحك من الحياة بتسرق هى بتتسرق وما تنفعش تتحط كان ممكن تجيبى كلمة غيرها
لما تكون مش لاقى نفسك
فاكر ان الحزن اسمك
وان خلاص اتعود قلبك
ان مفيش غيرك بيحسك الله جميل جدا جدا المقطع ده فى الجون
ساعتها خلاص زمنك بيفوت
وارضى بكفن الكون فى سكوت برضو التعبير ده جديد ورائع
ساعتها بس اعرف انك
عايش من جواك بتموت
[/b]
برافو عليكى يا بسمة
انا اول مرة اقرالك
قصيدة جميلة بس حاولى تقرى شعر كتير
عشان تزيد خبرتك
ربنا يوفقك والى الامام
تحياتى
نغم البحر
_the_sad_smile_
10-01-2007, 11:27 PM
اية يا سارة اية الكلام الجميل دة شكرا يا قمر
ميرسى يا احلام وباذن الله هقرا كتير وعد