في ناس بتسأل هما بيكرهونا ليه
وناس جاوبت لاننا التاريخ والانتصارات
كلامكم صح بس ده لو في سنة 67 ولا 73 ولا 80 اخر زمن احترام المصريين
اقولك انا ليه بيكرهونا مش الجزائر بس لا العرب كلهم والحقيقه اللي انتو عارفينها وبتتهربو منها

1- السفارة الاسرائيلة في مصر
2- اتفاقية الكويز والتطبيع مع اسرائيل
3- اغلاق معابر رفح امام المساعدات العاجله عند ضرب الاحتلال للفلسطينين وفتحها عند سماح اليهود لمصر بالفتح
4- الاعلام الفاشل من برامج سخيفة ومسلسلات غير هادفة وافلام الجنس والتحشيش
5- هروب كل الدعاة خارج مصر لفضائيات اخرى وغياب دور الازهر وظهور الراقصات والداعرات على الشاشات المصرية بدلا منهم
6 - اكبر عدد عماله رخيصة في كل البلاد العربية هم المصريين
7 - مصر هي اول بلد عربي تصدر 500 خدامة مصرية للكويت
8 - السفارات المصرية مصلحة فقط ولا دور ايجابي لها
9 - القرار قرار الريس لا قرار بعد قراره لا ازهر ولا معارضة ولا مثقفين ولا نقابات مما ادى للقرار اللي يناسب المصلحة الخاصة
10- المصري النصاب الفهلوي سمة جديدة للمصري القديم المثقف الفدائي

كفاية كده ولو عايزين تاني ازود لكم ممكن يوضل الالف بس دول الظاهرين لهم
غير فضائح قضايانا الداخلية دي بقا عايزه ملايين الارقام عشان نحصيها
الغريبة كل يوم بنسمع عن التعذيب للمعتقلين لمجرد انهم شباب حر بيعمل مدونة ولا مناقشة ويتم سلخه في المعتقلات ولا حد اتكلم
دلوقتي عايزين حقكم
كويس صحيتو مبروك بس اوعو تنامو تاني

شوفي .. اولا لا يمكن اننا نطلع التاريخ بره الموضوع.. و شعوب كتير بتكره بعض بسبب التاريخ.
و هم عنهم عقدة نقص لان تاريخهم الحديث يعني مثلا من اول استقلال كل دولة مصر تاريخها اعظم بكتييييييير.
موضوع السفارة الاسرائيلية و اسرائيل..انا لا اتوع ان العرب سواء الجزاير او الخليج بالذات مش هاممهم اوي موضوع فلسطين.
و غير كده اعتقد ان من برامجنا و اعلامنا (المحترم) اللي كل العرب بيشوفوه عارفين ان مصر كشعب رافض اسرائيل.
و لكن معاهدة السلام انا شايف ان لو العرب مش عاجبهم يغورو في داهيه لان لو مكناش رجعنا ارضنا بدل ما كانو يعايرونا بكامب ديفيد هيقولك يا عم روح حرر ارضك و بعدين ابقى كلمني.
و الشعب رضه رافض الوساخة اللي بيسموها فن .. في حاجة اسمها فن بس بتبقى حاجة محترمة.

وضوع بقى السفارات .. انا اتفق معاكي تماما في ان كل سفير خايف عل مكانه و علاقته بالمولك و الرؤساء.
لكن ده مش سبب كراهية .. هو سبب اننا كمصريين هوننا (من الهوان يعني)على العرب و العرب بيلطشوا في المصري في اي حتة.
و موضوع حبس المدونين ده اعتقد انه بره الموضوع خالص .. لاننا اكتر دولة عربية فيها حرية و مش بقول كده عشان بحب النظام ولا حاجة بس دي حقيقة..و انا اهو بقول عالنت انا نفسي نظام مبارك يرحل.
لو كنت بقى في اي دولة عربية كان ممكن قوي يتقبض عليا.
عموما .. تحيا مصر.

مصر أم الدنيا

في ناس بتسأل هما بيكرهونا ليه
وناس جاوبت لاننا التاريخ والانتصارات
كلامكم صح بس ده لو في سنة 67 ولا 73 ولا 80 اخر زمن احترام المصريين
اقولك انا ليه بيكرهونا مش الجزائر بس لا العرب كلهم والحقيقه اللي انتو عارفينها وبتتهربو منها

1- السفارة الاسرائيلة في مصر

ده سلاح ذو حدين
ثم انه يا أخى البلاد العربية هذه حجم التدوال المالى بينها وبين اسرائيل يفوق مصر بمراحل

2- اتفاقية الكويز والتطبيع مع اسرائيل

والدول العربية مطبعة برده
بس المشكلة انهم رفضوا التطبيع شكلا وقبلوه موضوعا وكمان طبقوه
3- اغلاق معابر رفح امام المساعدات العاجله عند ضرب الاحتلال للفلسطينين وفتحها عند سماح اليهود لمصر بالفتح

قضية المعبر فيه كلام كتير
بس كنت اتمنى انه يتفتح بشكل أكبر من كده
بس ميبقاش مفتوح علطول وتبقى هيصة يعنى لازم نراعى النقطة دى كويس
بس حقيقة هو كان بيتقفل فى أوقات المفروض ان كان يبقى مفتوح فيها

4- الاعلام الفاشل من برامج سخيفة ومسلسلات غير هادفة وافلام الجنس والتحشيش

احنا ان كان عندنا اعلام فاشل فعندنا برده الجيد والممتاز
وان كان عندنا مسلسلات وسينما ضايعة فعندنا برده الكويس
اما هما فلو كان عندهم إعلام أصلا فهو فاشل بكل المقاييس
5- هروب كل الدعاة خارج مصر لفضائيات اخرى وغياب دور الازهر وظهور الراقصات والداعرات على الشاشات المصرية بدلا منهم

االرقص والدعارة والأمور التافهة دى عندهم زى ما فى مصر واكتر

6 - اكبر عدد عماله رخيصة في كل البلاد العربية هم المصريين

يا سيدى العمال المصريين دول هم اللى صعنوا البلاد دى وفى الاخر يكافوهم بنظام الكفالة والكفيل
لك الله يا مصر
7 - مصر هي اول بلد عربي تصدر 500 خدامة مصرية للكويت

ده ممكن يبقى سبب للإحتقار مش للكره
8 - السفارات المصرية مصلحة فقط ولا دور ايجابي لها

ده صحيح
بس انت نسيت تذكر الدور الإيجابى اللى بتقوم بيه السفارات العربية فى عواصم العالم
9 - القرار قرار الريس لا قرار بعد قراره لا ازهر ولا معارضة ولا مثقفين ولا نقابات مما ادى للقرار اللي يناسب المصلحة الخاصة

بلادى وان كانت ليست عظيمة فى هذه الامور
فهى أعظم من هذه البلاد بكثير
10- المصري النصاب الفهلوي سمة جديدة للمصري القديم المثقف الفدائي

الفهلوة مشكلة فعلا فى مجتمعنا وهتفضل عائق للتقدم
بس ما اعتقدش ان القضية دى ممكن تخليهم يكرهونا بشكل أو بأخر


كفاية كده ولو عايزين تاني ازود لكم ممكن يوضل الالف بس دول الظاهرين لهم
غير فضائح قضايانا الداخلية دي بقا عايزه ملايين الارقام عشان نحصيها

هم يسبقونا فى ذلك
الغريبة كل يوم بنسمع عن التعذيب للمعتقلين لمجرد انهم شباب حر بيعمل مدونة ولا مناقشة ويتم سلخه في المعتقلات ولا حد اتكلم

هذه مشكلة بى كل البلاد العربية
أرجو من الله ان تزول قريبا
دلوقتي عايزين حقكم
كويس صحيتو مبروك بس اوعو تنامو تاني


شكرا لك

اعتقد ان ديه مش اسباب لكره مصر ......لان هما اكتر ناس اليهود مسيطرة عليم ..ده تقريبا اللي حاكمها وماسكها يهود....

وكل اللي حصل ده ديه سياسة ومشتركين فيها و تخطيط يهود وللاسف تنفيذ عرب او اللي اتسموا عرب....

هههههههههههه
ده على اساس ان الدول العربية ملايكة
ياعم اتقوا الله بقى
وحبوا بلدكم

السلام عليكم
كل سنة وأنتم طيبين
أنا مبسوطة من كلامك جدا وكان نفسي أكمل وأقول أن فيه سجناء مصريين عند اليهود من أيام النكسة وكمان بلادنا اتباعت وكمان المسجد الأقصى في خطر واحنا كل الي بيهمنا حتة ماتش كورة ، رغم ان الي حصل في السودان ده لم يحصل مصادفة بل مؤامرة، واحنا معلش المصريين بنيجي على التافهة ونتصدر ، البلد ضاعت والمسجد الأقصى خلاص وبلادنا محاصرة غزة ومات أكثر من 300 فلسطيني وافقين على معبر رفح لأن مصر مش راضية تدخلهم علشان يتعالجوا وفيه غيرهم بيموتوا ووزارة الصحة في غزة أعلنت عن نفاذ أكثر من 100 صنف من الدواء.. واحنا بلد ..لك الله يا بلد انا مش عاوزة أكمل لأني بجد اتخنقت من البلد دي.. وعلى فكرة احنا مسئولين أمام ربنا وربنا هيسألنا على كل الحاجات دي

في ناس بتسأل هما بيكرهونا ليه
وناس جاوبت لاننا التاريخ والانتصارات
كلامكم صح بس ده لو في سنة 67 ولا 73 ولا 80 اخر زمن احترام المصريين
اقولك انا ليه بيكرهونا مش الجزائر بس لا العرب كلهم والحقيقه اللي انتو عارفينها وبتتهربو منها

1- السفارة الاسرائيلة في مصر
دا على كده بقى العالم كله بيكرهنا
مش الجزائر بس
2- اتفاقية الكويز والتطبيع مع اسرائيل
هم مالهم
احنا حامينا بلادنا
واخدنا اراضينا
خليهم هم يعرفوا يعملوا زيينا
بغض النظر بقى عن مساوئ الموضوع بتاع التطبيع ده
بس كفاية انك بتقول حاليا ان بلدك مصر ..مش مصر المحتلة
3- اغلاق معابر رفح امام المساعدات العاجله عند ضرب الاحتلال للفلسطينين وفتحها عند سماح اليهود لمصر بالفتح
دي سياسة عليا
بلاش نخوض في تفاصيلها
4- الاعلام الفاشل من برامج سخيفة ومسلسلات غير هادفة وافلام الجنس والتحشيش
نفس الاعلام ده
حذر الناس من جماهير الجزائر اللي كانت ناوية تقتل مع سبق الاصرار والترصد
زمع ذلك محدش انتبه للكلام
5- هروب كل الدعاة خارج مصر لفضائيات اخرى وغياب دور الازهر وظهور الراقصات والداعرات على الشاشات المصرية بدلا منهم
لا يا فندم
مين قال؟؟؟
لو جاهزة نعمل الاحصائية سوا حالا
واثبت لحضرتك ان الدنيا بالف خير
6 - اكبر عدد عماله رخيصة في كل البلاد العربية هم المصريين
محدش قالهم يطلعوا برا بلدهم...
دا غير ان مثلا الشركات اللي فرحانة باستثمارتها برا البلد ...المفروض تعمل اي منظر جدعنة مع ولاد البلد
ولا ايه؟؟
7 - مصر هي اول بلد عربي تصدر 500 خدامة مصرية للكويت
لا يا فندم
دا لو حضرتك حبيتي
ندخل ف التفاصيل واعرف حضرتك مين الغلطان في القصة دي
الموضوع اصله كبير وفيه تزوير وبلاوي
8 - السفارات المصرية مصلحة فقط ولا دور ايجابي لها
وجهة نظر مين دي؟؟؟
حضرتك؟؟؟
ولا الجزائر؟؟؟
9 - القرار قرار الريس لا قرار بعد قراره لا ازهر ولا معارضة ولا مثقفين ولا نقابات مما ادى للقرار اللي يناسب المصلحة الخاصة
على فكرة دي فكرة مغلوطة جدا
والادلة كتيرة مش وقتها
لكن احب اقول لحضرتك ان الناس هي المتحكم الاول والاخير ف البلد
10- المصري النصاب الفهلوي سمة جديدة للمصري القديم المثقف الفدائي
وايه المشكلة؟؟؟؟
كفاية كده ولو عايزين تاني ازود لكم ممكن يوضل الالف بس دول الظاهرين لهم
لا ما تكملي عادي
ونتناقش ف سلبيات بلدنا
وننسى بقى نعمل حاجة ايجابية تفيدها
غير فضائح قضايانا الداخلية دي بقا عايزه ملايين الارقام عشان نحصيها
الغريبة كل يوم بنسمع عن التعذيب للمعتقلين لمجرد انهم شباب حر بيعمل مدونة ولا مناقشة ويتم سلخه في المعتقلات ولا حد اتكلم
ماشاء الله
دا الموضوع اتغير لاتجاه تاني تماما
دلوقتي عايزين حقكم
كويس صحيتو مبروك
الله يبارك فيكي
العيد بقى واللحمة وخلافه
بس اوعو تنامو تاني
ربنا يسهل:d

بس على فكرة
انا شايفة ان الكلام دا عبارة عن وجهة نظر حضرتك في مصر
مش وجهة نظر الجزائر:blush:

ربنا يسهل:d

بس على فكرة
انا شايفة ان الكلام دا عبارة عن وجهة نظر حضرتك في مصر
مش وجهة نظر الجزائر:blush:


ال 10 اسباب دول ولاشيء جنب اشياء تانية
وان كان ع الدعاة كلهم بيعملو برامجهم من بره مصر سواء من سعودية او امارات مطردوين بالعربي مش سايبلكم غير طنطاوي بتاع الحكومة
اما حكايه الخدامات صحيحه ومش تزوير :d

حابب البلد اوووووي انتي اوعى تكون من الحزب اياه:rolleyes:

هههههههههههه
ده على اساس ان الدول العربية ملايكة
ياعم اتقوا الله بقى
وحبوا بلدكم
حاضر هنحبها زي ماببغنوا لنا طول اليوم في اعلامهم
حبها زي ماهي بحلوها ومرها:av4056bb7jp3:
حبها حتى لو خلتك اقل قيمة بره بلدك
حبها حتى لو بتديك على دماغك هي ادرى بمصلحتك
مش ده اللي عايزينه مننا

انا مع حضرتيك فى معظم الكلام دة ومش كلة
الاستاذ محمد حجازى كلنا بنحب مصر ومفيش حد اسمة مش بيحبها
ولكن من وجهة نظر حضرتك اننا نشوف الغلط ونسكت علية علشان احنا بنحبها
اعتقد هو دة الى مش حب
الاخت اتكلمت كلام كويس مش دفاعا عنها لا
بس فعلا 80 فى المية من كلمها مظبوط
وانا اتفق معاها فية
جزاكم الله خيرا
موضوع جميل
اللهم اهدى الناس اجمعين

اولا الكلام ده مغلوط لان عندك كتير اوى من العرب مبيطبعوش ولا عندهم استثمارات اسرائيليه فى بلادهم وفيه اللى كان عنده استثمارات اسرائيليه وانهاها بسبب الحرب على غزه
زى السعوديه وقطر وعمان وموريتانيا وقبليهم سوريا
ثانيا فيه فرق بين انك تتنازل عن دورك فى محاربة عدوك او انك تنفض وهو بيقتل اخوانك فى فلسطين وبين انك تعينه وتحارب اخوانك فى فلسطين مع عدوك وده اللى عملته مصر لاما قفلت المعابر وحاصرت غزه وقت الحرب وصدرت لاسرائيل الغاز والبترول اللى بتحرك بيه ترسانتها الحربيه وشنت حرب سياسيه وديبلوماسيه واعلاميه على حماس وقت الحرب وطلعت تقول ماهم اللى جابوه لنفسهم حد قالهم يعملوا دكره (سوررى على اللفظ) ثم سعيها بكل السبل ان متنعقدش قمه عربيه تطالب بوقف الحرب على غزه وبالتالى طبيعى ان تطلع وقتها الحاجه تسيبى ليفنى تقول ان مصر والعرب بيئيدونا فى الحرب على غزه ومتفهمين موقفنا فى الدفاع عن نفسنا
ثم مصادرتها لاموال اعادة اعمار غزه بعد الحرب وتاكدها من دم وصول مليم منها لغزه
فللاسف مصر او حكومة مصر كانت شريك اساسى فى الحرب على غزه
وده اللى يفرق مصر عن بقية العرب ويخللى العرب يكرهوها انها مسكتتش او عاشت فى دور عبده العبيط او نفضت وعملت نفسها مش شايفه او قالت نشجب وندين
لا دى شاركت فى الحرب بشكل اساسى على غزه فاتساوت بالاسرائيلى واحنا كمصريين اول ناس دفعنا ضريبة ده باننا بقينا نشتم ويتقالنا يا يهودى وتترسم نجمة داوود على علم بلادنا

ثالثا طب وايه اللى يخللى حضرتك كامعه لو العرب كلهم مستسلمين لاسرائيل تقول ايشمعنى انا ؟
ليه متقيمش المسائل حسب مصلحتك ومصلحتك المباشره لو قعدت تحسبها معايا هتخليك تلغى كامب ديفد دلؤت وتقطع علاقاتك مع اسرائيل لان الدرس اللى مستوعبنهوش ولسه مبنستوعبهوش مع ان فيه مليون حاجه بتحصل كل يوم بتخلينا لازم نستوعبه
اننا علشان نقدر نحقق اى حاجه مينفعش العدو يتحول لحليف حتى ولو كان التمن ارضنا
ومينفعش نتخللى عن العرب اللى بيربطنا بيهم التاريخ والجغرافيا والدين والثقافه والمصير المشترك وندخل فى سلام منفرد مع عدونا
حتى ولو كان التمن ارضنا
وبالمناسبه للى ميعرفش الرئيس عبد الناصر اتعرض عليه فى اواخر سنة 68 بعد ماسرائيل انهكتها حرب الاستنزاف انها تنسحب من سينا مقابل الاعتراف باسرائيل وحدود دولة اسرائيل اللى بعد سينا فرفض عبد الناصر وقالهم ومذا عن القدس
كلام عبد الناصر ساعتها مكنش كلام رومانسى خيالى انما كان كلام راجل عارف ومستوعب انه لو عمل كده هييجى بعد شويه ويقول :
اكلت يوم اكل الثور الابيض
وده للاسف الدرس اللى لسه مش عارفين نستوعبه

ورابعا بتنسى ان العرب مدخلوش فى علاقات مع اسرائيل الا بعد مادخلت مصر فيها وان مصر هى اللى جرت العرب لعلاقات مع عدوهم

فلو انت شايف ان السلام مع عدوكم غلط وهو بيدبح اخوانك يبقى المفروض تركز انك تشتغل علشان ميبقاش فيه سلام مابينا وبين عدونا وتوصل صورة الشعب المصرى اللى بيجاهد علشان مايبقاش فيه سلام بينه وبين عدوه للعرب
ساعتها انت هتحقق الرياده اللى بتكلم ععنها وتخللى العرب يتبعوك فى قطع علاقتهم مع اسرائيل
على الاقل يا اخى ليه مكنتش زى تركيا فى موقفها اثناء وبعد الحرب على غزه رغم ان تركيا برضه ليها علاقات مع اسرائيل
لو انت عملت كده وخليت العرب يتبعوك فى كده مش ده احسن ماتقول ماهو العرب كلهم عاملين علاقات مع اسرائيل هى جت عليا

مش انت لسه بتتكلم عن ان مصر كبيره وليها تاريخ عظيم اهو انت بتصفرها لما بتخليها امعه بتقلد الناس مش بتدعو لانها تاخد زمام المبادره علشان تقطع علاقتها مع اسرائيل ويتبعها العرب فى كده


وبعدين حتى لو انت مش شايف ان العرب بيكرهونا علشان علاقتنا مع اسرائيل طب ليه متشتغلش وتعرف العرب قد ايه المصريين بيكرهوا اسرائيل ومش راضيين عن علاقة حكومتهم بيها علشان بعد كده توصل ان يبقى خط احمر ميخليش العرب يكرهوا المصريين ان المصريين ضد اسرائيل وكراهية المصريين هى محبه لاسرائيل

شكرا لجميع الاراء واتقبل رأي الجميع
حتى وان كان مخالف بس مايكون منافق .. في فرق كبير
ادعوا ربنا يزيل الغم والهم عنا لاننا خلاص صلاحيتنا انتهت من زمان
وربنا يستر على مصر فساد داخلي شامل كل شيء
وضياع هيبه خارجيا
ادعوا لمصر لانها فعلا محتاجة لدعواتنا عشان ربنا يرفع عنا غضبه

طبعا مصر يآ انسة فيها فساد بالصلاة على النبي مش عند حد . بس هما بيكرهونا عشان الأسباب ديه طب مايشوفو عيوبهم الأول . طبعا اللي بيكرهونا اكتر حاجة الخليج و فلسطين ., شعب الخليج ملياااااااااااااان عيووووووووب وحكومتهم ملياااااانة عيوب يبقى كل واحد يشوف عيوبو الأول وبعدين يحاسب غيرو , هتقوليلي السفارة الأسرائيلية في مصر ( تعرفي ان بعد حرب 73 لما اعترفت مصر بإسرائيل ) السلطة الفلسطينية نفسها كانت معترفة بإسرائيل (وكان اعتراف متبادل بينهم بين السلطة واسرائيل)
هتقولي اغلاق معابر رفح , يعني هوا مفيش غير مصر اللي بتحارب ؟! اومال فين الأمة العربية الواحدة وفين الكلام اللي بيقول نحارب مع بعض ومش عارف ايه ... يعني لما اليهود هجمو على غزة افتكرنا الشقيقة الكبرى (مصر) وافتكرنا الجيش المصري (( واللي يقولك هنحارب لغاية آخر جندي مصري)) طب احنا اللي يجبرنا ان احنا نساعد ناس ميستحقوش هي مصلحة يعني ولا ايه ساعة الحرب شقيقة كبرى و ساعة السلم تتنسي و تتشتم ؟!
دي وجهة نظري مش أكتر يعني

هو فى ايه انتم متاكدين انكم مصريين
المصرى اللى على حق ميفضحش بلده
المصرى اللى على حق يصلح ويبدا بنفسه
المصرى اللى على حق يقول للمو اضيع دى
لالالالالالالالالالالالالالالالالالالالالالالالالا لالالالا

مش معنى إن احنا مصريين وخايفين نفضح نفسنا نسكت على الغلط ولكن لازم نقول للغلط لالالالالالالا أيوه فى فساد وفساد كبير كمان لكن فيه أيضا صحوة من ناس كتير وإن كان على العرب مش كلهم بيكرهونا ولا كلهم واخد الفكرة الغلط دى عن مصر . أنا شايفة إن الكل لازم يشتغل بضمير شوية وربنا يسهل ويستعمل علينا من هم من أنفسنا بس بعد ما نغير نفسنا شوية كتيييييير مش شوية صغيرين

السلام عليكم
انا مش مصري وارجو انكم تسمحوا لي بالمشاركة التالي:
اولا انا ما اعتقد انه في شعب عربي بيكره مصر او المصريين يمكن الجزائر بعد المباراة اما في السابق فلا لكن يمكن تسمهوه انزعاج من مصر والمصريين. يمكن تكون الاسباب الذي ذكرتوها هيا الاسباب الي تنقال انها سبب خلاف العرب من الشعوب الاخرى مع شعب مصر العربي لكن في اعتقادي ان اهم شئ يسبب ازعاج العرب من الاخوة المصريين هو حاجة واحد بس وهي ان المصري شايف نفسه عن اخوه العربي في كل شئ في الاعلام في الكورة في السياسة في العلم في كل شئ. انا ما انكر انه مصر متقدمه عن الشعوب العربية في اشياء كثيرة لكن مافيش حد يقبل ان واحد يشوف نفسه عليه مهما كان هذا الشخص. في دول عربية في اعتقادي اصبحت الان اكثر تقدما من مصر يمكن بفلوسها صح لكن برضه اتطورت حسن من مصر ومع كذا يفضل المصري انه يشوف نفسه هو الاحسن ويحقر من اخوه العربي. المصري برا بلده يعرف كل العرب انه عرب لكن هوا مصري وبس ان لم يكن فرعوني.
عن نفسي انا باحب مصر شعبا مش حكومة لاني باعرف الشعب المصري واذكر اني زرتها في 1994 وكنت تايه في شارع فسالت واحده بنت ماشية في الشارع بعد مادلتني على الطريق سالتني انت من اين؟ قلتلها عربي. (لان كل المصريين في الخارج بقولوا عربي) ردت عليا وعليها ابتسامه لحد الان اذكرها (كلنا عرب من اي بلد انت؟)
الست هذه هي الي يتمنى كل عربي من الاقطار العربية يشوفها ويسمعها تتكلم مصري
تحياتي