والله انا مش عارف اقول ايه
هيه الحكومه عايزه منا ايه ؟ ايه حكاية الفيزا كرت اللى عاوزين يعملوها ويعمموها على كل العاملين بالتربية والتعليم ؟
هما عاوزين يريحونا ولا يتعبونا
المدرس منا كان مرتبه بيوصلة وهوه فى مدرسته وساعات وهوه داخل الفصل مع طلابه !
لكن مع الفيزا كارت المدرس هيكون مشغول وبيفكر امته يزوغ من المدرسة عشان يلحق يقبض قبل الزحمة !
ياناس انا محتار
الفيزا كارت دى حاجة كويسة ولا هما عاوزين يحيرونا وخلاص؟
انا سمعت من واحد صاحبى انهم عاوزين الموظف يسحب من حسابه على قد حاجته؟
النكته بقا لو حد حوش فى حسابه ؟
هيحصل ليه يعنى ؟
صاحبى قالى ممكن يقولوله كفايه عليك كده الفلوس الباقية زيادة عن حاجتك وملهاش لازمه معاك
انت تاخد اللى يكفيك بس ؟
طبعا ً انا كنتباهزر؟

شيئ لطيف جدا يعيش كلامك الحلو

عايزين يطوروا التعليم في مصر

قالك نطور المدرسين في الاول
نديهم كادر وبعدين دورة اي سي دي ال ونغير مناهج اعدادي وابتدائي وبعدين نديهم المرتب بالفيزا
عشان تعرفوا إنه مصر في تقدم :d

الفيزا كارت مش وحشة ولا حاجة
بجد دى كويسة
ولا هتفضل تدور على البشمهندس اللى بيدى لحضرتك الراتب
ثم دى حاجة توماتيكى توماتيكى
حط الفيزا اكتب الرقم السرى المكون من اربع ارقام
واتبع الخطوات
وسبحان الله تكتب الرقم اللى عايز تسحبه
تلاقى الفلوس طلعتلك
ودا دليل كبير على تطور الطب
بس كل المشكلة انك لازم تلحق تعمل فيزا لانها مش بتخرج غير بعد 10 او 15 يوم
بس مش عارف بتدفع فلوس اد ايه فى الاول
انا عن نفسى كنت دافع تقريبا 25 جنيه
واودعت 50 جنيه بحالهم اه وربنا
:d
عمار يا مصر

أثبتت التجارب أن الطوابير هى سر نجاح الانسان المصرى فعلى كل معلم

أن يكون قدوه فى إحترام الصف ويساعد الشويش فى تنظيمه-----------------------------------------

- بس اللى محير نى لو مدرسه فيها 500 موظف إزاى هيخرجوا من المدرسة ولو المدير زعلان من مدرس يبقى

عليه العوض مش هيقبض مرتبه وولاده هياكلواطوب ومدير الاداره هينشغل فى حل المشاكل دى ----------

وبكدا يبقى طورناالتعليم وكرمنا المعلم ------وألف تحيه لابوسلمى وموضوعه اللى مغص البطن

بعدربع قرن فى التعليم لاعقل باقى ولافكرسليم
كل يوم تعديل وتغيير ويقولوا قال إيه تنظيم

:039uw8:مدارس الصناعه والتجاره والتعليم الاساسى فيهامدارس فيها اكتر من الف موظف بس اسال وبعدين رد يابن بلدناومركزنا فيه اكتر من 50 الف موظف وكل اللى حيلتنا بنكين عمى وانت عارف كدا كويس يابلديتنا

- بس اللى محير نى لو مدرسه فيها 500 موظف إزاى هيخرجوا من المدرسة ولو المدير زعلان من مدرس يبقى



مش عارف هى ايه المشكلة فى كدا
دا بيعملو حاجات ظريفة
اولا مفيش مدرسة فيها 500 موظف ولا 200 موظف حتى
ثم مش كل الموظفين بيخرجو مع بعض
ثم مصر كلها فيها بنوك كتيرة واكيد مش كل الموظفين هيسحبو المرتب من بنك واحد حتى لو حصل العملية كلها دقيقة
ثم ان الحكومة كدا بتساعد على القضاء على الشخللة
لان الموظف كان بيقبض مع مرتبه شوية فكة جنيهات م الجديدة دى يجى عشرة مثلا
فبيمشى يشخلل والحكومة وفرت عليه الشخللة وبكدا فئة واحدة اللى فى المجتمع هيا اللى هتشخلل بعد كدا
ثم ان الحكومة ضمنتلك ان الفلوس اللى بتطلعلك كلها جديدة مفيهاش حاجة لزوقة او هايلة للسقوط بعد قبضها بدقيقتين
فدا خير لينا وللداخلية فى نفس الوقت
دمتم زى منتم

كل واحد يحضر العصايه ورجالته عشان يخلص قبل الزحمه لان الطوابير هتكون زي القطر

احسن حاجة ممكن نعمل جمعيه مع البنك

:dالفيزا كارت مش وحشة ولا حاجة
بجد دى كويسة
ولا هتفضل تدور على البشمهندس اللى بيدى لحضرتك الراتب
ثم دى حاجة توماتيكى توماتيكى
حط الفيزا اكتب الرقم السرى المكون من اربع ارقام
واتبع الخطوات
وسبحان الله تكتب الرقم اللى عايز تسحبه
تلاقى الفلوس طلعتلك
ودا دليل كبير على تطور الطب
بس كل المشكلة انك لازم تلحق تعمل فيزا لانها مش بتخرج غير بعد 10 او 15 يوم
بس مش عارف بتدفع فلوس اد ايه فى الاول
انا عن نفسى كنت دافع تقريبا 25 جنيه
واودعت 50 جنيه بحالهم اه وربنا
:d
عمار يا مصر

تخيل أن كل المدرسين هربوا من المدرسة (يعني زوووووغوووا:p) علشان يستلموا المرتب اللي بالفيزا كارد أصله اكيد طبعاً هيكون مرتب كبيـــــــــــــــــــــــــــــر !!!
و فجأة ماكينة الصرف اللي أمام البنك اللى مش بتعطل كالعادة :d عطلت مرة واحدة وامامها حوالى 50000 مدرس مستنين المرتب هيكون أيه الحل في الوقت دا!!!:huh:
ول أقولك بلاش تعطل الماكينة ، المدرسين الحمد لله استلموا المرتب وقعدين في السيارة بيعدوا الفلوس حوالي 50 مرة لحسن تكون ناقصة و ماكينة الصرف بتخرف :blush: وفجأة اتسرق منهم المرتب يا تري أية شعورهم في الوقت دا !!!:049gc0:
هنقول اتسرقنا ول ما استلمناش الفلوس ول ما رحناش أصلاً البنك !!!!
ويا عيني بقا لو الناظر عرف ان المدرسين زووغووا من المدرسة امبارح أكيد هايقول في طابور الصباح والمساء الجملة المشهورة " اللي هربوا امبارح يطلعولى برا الطابور ":stickjo4:
أكيد طبعاً مش الطلاب بس اللي هيطلعوا برا الطابور:d والعيال بقى تبقا فرحانه لأنهم مش لوحدهم وهاتك يا ضحك وتسقيف وتهليل وصفافير:022yb4:
وكـــــــــــــــــــــــل عـــــام وانتـــــــــــــم بخيــــــــــر
وعمـــــــــــــــــــــار يا مصــــــــــــــــــــــــر يا أم الدنيــــــــــــــــا:078111rg3:

انا مش عارف اللى بيكتب عن الفيزا و ما يعرفش عنها حاجة يسكت احسن بدل هذا التهريج .
بالفيزا كارد ممكن تسحب مرتبك من اى ماكينة فى اى مكان فى الجمهورية و فى اى وقت حتى لو الساعة واحدة بالليل يعنى ولا فى زحمة و لا تزويغ علشان تسحب مرتبك حتى لو كان يوم الجمعة او عطلة لاى مناسبة

السلام عليكم
يا جماعة ده تطور في صالحنا وصالح مصر
مافيش تعطيل ولا حاجة
في اي وقت ومن اي مكان ومش بالشكل بتاع طوابير الجمعية في حقبة الانفتاح والدلالات
الوضع مختلف تماما كلها مميزات
ولو فيه ميزة واحده في راي تكفي وهي
حضرة صاحب الجلالة الملك المعظم المسمي سكرتير المدرسة او اي مندوب مرتبات في اي مدرسة معظمهم كالاتي:
منهي العجرمة والتناكة وكانه بيقبضك من جيبه
نجهز السيارة والسواق ومعلم من طرفنا يذهب للادارة لاحضار الشيك...................
وبعدين يتحرك يذهب للبنك ياكل ويشرب شاي وبعدين لو فاضل لك بواقي جنية وطلبت بيه نهارك ...............
خد عندك لو تاخرت شويه
او ما اسرعتش نهارك برضه ....................
يا جماعة الفيزا نعمة من الله وتطور ودي سنة الحياة
فعلا في اي وقت ومن اي بنك او من اي مكان وفي اي زمان طول 24 ساعة والاخطاء قليلة
ومافيش حاجة اسمها اجازة
ابو جهاد عودة

انا مش عارف اللى بيكتب عن الفيزا و ما يعرفش عنها حاجة يسكت احسن بدل هذا التهريج .
بالفيزا كارد ممكن تسحب مرتبك من اى ماكينة فى اى مكان فى الجمهورية و فى اى وقت حتى لو الساعة واحدة بالليل يعنى ولا فى زحمة و لا تزويغ علشان تسحب مرتبك حتى لو كان يوم الجمعة او عطلة لاى مناسبة

فى بعض البنوك بيكون كل الماكينات عطلانه فى نفس الوقت لو المدرس داخل عليه العهيدج والماكينات عطلانه يعمل ايه ولا البنك هياخد جمعه وسبت اجازه على مايصلح الماكينات والناس اللى فى القرى والنجوع تعمل ايه لازم يروح مشوار لحد البنك وبعدين يمكطن الماكينه تكون عطلانه لازم يروح يوم تانى وشغلانه

كل عام وأنتم بخير والسلام عليكم
,ونتقابل فى موضوع جديد نكون فاهمينه وما نحتاجش لخبير اقتصادى يشرحه لنا والاستاذ رأفت اللى واضح من كلامه إنه مش موظف ولو موظف هل يعلم إنه من حقه ياخد يوم إجازه قانونا بخط سير رسمى عشان يقبض مرتبه فكم مو ظف فى مصر هيضحى ويروح يجيب مرتبه بالفيزا نص الليل ويضحى بالاجازه ياأستاذ إنت فى مصر مش فى المدينه الفاضله وإيه اللى هيحصل لو المرتب هينصرف قبل العيد بيومين أروح أجيبه بعد العيد هو بعد العيد بيتفتل كعك ياأستاذ أنا عجوز وكلامى دا من الواقع فأنا مدرس أكتر من ربع قرن وبلاش نكون واقفين ضد الاداريين
لو فيه سكرتير متكبر فيه كتير غلابه ومتواضعين

وان شاء الله الموظف اللي بيقبض هيعمل ايه ؟
هيخرط بصل !!!!!!!!!!!!

السلام عليكم
يا جماعة ده تطور في صالحنا وصالح مصر
مافيش تعطيل ولا حاجة
في اي وقت ومن اي مكان ومش بالشكل بتاع طوابير الجمعية في حقبة الانفتاح والدلالات
الوضع مختلف تماما كلها مميزات
ولو فيه ميزة واحده في راي تكفي وهي
حضرة صاحب الجلالة الملك المعظم المسمي سكرتير المدرسة او اي مندوب مرتبات في اي مدرسة معظمهم كالاتي:
منهي العجرمة والتناكة وكانه بيقبضك من جيبه
نجهز السيارة والسواق ومعلم من طرفنا يذهب للادارة لاحضار الشيك...................
وبعدين يتحرك يذهب للبنك ياكل ويشرب شاي وبعدين لو فاضل لك بواقي جنية وطلبت بيه نهارك ...............
خد عندك لو تاخرت شويه
او ما اسرعتش نهارك برضه ....................
يا جماعة الفيزا نعمة من الله وتطور ودي سنة الحياة
فعلا في اي وقت ومن اي بنك او من اي مكان وفي اي زمان طول 24 ساعة والاخطاء قليلة
ومافيش حاجة اسمها اجازة
ابو جهاد عودة
استاذي الفاضل
مش كل سكرتير بالمدرسة كما وصفته
ففي مدرستنا سكرتيرة متواضعة جدا و حقانية الشهادة لله

استاذي الفاضل
مش كل سكرتير بالمدرسة كما وصفته
ففي مدرستنا سكرتيرة متواضعة جدا و حقانية الشهادة لله
السلام عليكم
يا استاذة امل
كاتب هذه السطور ذكرت معظمهم يعني نفس منطق حضرتك مش كل سكرتير مدرسة
يعني وسعت المجال اتحت المجال لسكرتيرة مدرستكم هذا للعلم
اما ما لدينا وما سمعته من زملائي المعلمين والمعلمات
لا استطيع ذكر ه كله حتي لا اجرح مشاعر البعض
بعضهم بيضع سياسات المدرسة ومش بس كده وبعضهم بيفرض اتاوات
علي مدرسي مجموعات التقوية المساكين
اذا لكل ظالم نهاية
واعتقد ذكرت معظمهم من قبل والان علشان خاطرك لطفت التعبير وذكرت ( بعضهم)
تكنولوجيا وتطور وموجة عصرية
والمش حيركبها يغرق
ولا ايه

وان شاء الله الموظف اللي بيقبض هيعمل ايه ؟
هيخرط بصل !!!!!!!!!!!!
السلام عليكم
هذه مشاركة حضرتك
من هاجم طقم السكرتارية
الان حضرتك ذكرت ان الموظف اللي بيقبض هيعمل ايه؟
السكرتير مش مرتبات وبس لا والف لا!!
السكرتير لديه كم من الاعمال لايطاق ( من تحصيل و جمع المصاريف والتوريد
وميزانية المدرسة ولجنة المشتريات وحساب المدرسة وبنود الصيانة
وانتقالات المعلمين والطلبة والطالبات للمسابقات وخلافه والرحلات والمعسكرات ومجموعات التقوية
والكتب الدراسية والامتحانات ولجان الامتحانات وفرش اللجان ..................الخ)
مش حيقشر بصل ولا حاجة ده فيه عجز الان فيهم !!!!!!!!!!!!!!!!!!!!!!!!!!!!!!!!!!!!!!!!!!!!!!!!
كان الله في عون الجميع
ابو جهاد عودة

فى بعض البنوك بيكون كل الماكينات عطلانه فى نفس الوقت لو المدرس داخل عليه العهيدج والماكينات عطلانه يعمل ايه ولا البنك هياخد جمعه وسبت اجازه على مايصلح الماكينات والناس اللى فى القرى والنجوع تعمل ايه لازم يروح مشوار لحد البنك وبعدين يمكطن الماكينه تكون عطلانه لازم يروح يوم تانى وشغلانه
عندك حق بالنسبة للمدرسين اللى فى القرى و النجوع انا مجاش فى بالى النقطة دى لكن بالنسبة لمكانيات البنوك مش كلها حتعطل فى يوم واحد دى اعطالها قليلة جدا و الماكينات فى البنوك كتيرة قوى الآن ده غير انها دلوقت فى الشوارع و المولات

لا حول ولا قوة الا بالله
للاسف من كلامكم اقدر اطلع بنتيجه واحده (قدامنا الف سنه مش ميه) عشان نوصل لجزء من اللي وصل له الغرب وفي الاخر نقول الوزارة هي اللي قارفانا وتاعبانا والوزير والغفير و .......و......
عمرنا ما هنتقدم ولا تعليمنا هينصلح حاله طالما احنا بالشكل ده. (مع احترامي للمعلمين المحترمين) بعض بل قل الكثير من المدرسين اصبحوا عار علي المهنه. وآسف للمرة الثانية بس ده من حرقه الدم اللي انا شايفها من الردود المتخلفه

يا نا س يا هوووووووووووووووووووه
انا مش ضد الفيزا كارت ولا ضد التطور ولا ضد اى شىء جديد مفيد
المشكلة اننى من مركز فية بنك واحد ويتبع له 312 مدرسة ابتدائى واعدادى غير الثانوى بانواعة
وانا مثلا باسكن بعيد عن المركز ده ( مقر البنك ) 17 كم يعنى بهدلة وحيرة
ليه اللى فكر فى الفيزا كارت دى مش مخليها الاول اختيارى كتجربة
انا مثلا ً مرتاح فى التعامل مع سكرتير المدرسة ( وللعلم فيه سكرتريا كتير جدا ناس محترمة )
السؤال ليه مش اختيارى كتجرية!!!!!!!!!!!!!!!!!!!!!!!!!؟؟؟؟؟؟؟؟؟

(مع احترامي للمعلمين المحترمين) بعض بل قل الكثير من المدرسين اصبحوا عار علي المهنه.

يا أستاذ هذا الكلام عيب ولا يخرج من معلـــــم أجيـــــال:excl::excl:

فى مثل بلدى زمان كان بيتقال **** ميعرفش قيمة امة الا لما يعيش مع زوجة ابية ****

انتظر عليهم لما يقفوا طبور والشمس تاكل افاهم والمكنة عطلانة وانهردة عطلة وزحمة المواصلات وقرى مفهاش بنوك واقرب بنك على بعد مش عارف اية وهلم جر ****** وابقى اغلطى فى السكرتير ياست امل بعدين لما تعرفى قيمتة

خلي بالك لأن الدولة ممكن تجمد رصيدك
ذي ما عملوا مع الأستاذ صدام حسين

ياعم المتحضرسيب الناس تشكى وتحكى عن أحوالها
واذا كانوا عار ع التعليم ياريت تقدر تسد مكانها
وحرية الرأى للجميع وانت بكلامك قطعت وصالها
الملافظ سعد ياعبد العال وانت بكلمه سقيتنا مرارها
والأمم إزاى هتنهض بس والتكبر مالى كيانها
لازم ياناس نحترم الكبير ونفتح الطريق لشبابها
مش نقعد فى قصر عالى ونحكم ع الناس من مشاكلها
ساعات الاه بتكون من جاه حواليه كونسلتو بيشفى ألمها
وكتير بتكون من ابن يتيم والقرش مخاصم أسرته بحالها
ياعم إنزل هنا وسطينا وتعالى بلدنا وشوف أحوالها
من حبى فيك رديت عليك وبلاش تظلم مصر وناسها
ولو كنت مصرى مصرى صحيح تعالى نكسر صخر جبالها
هنقدر؟ طبعا نقدر لما نشعر إن دى بلدنا واحنا فرسانها
وكل حريه وليها مساوىء وكل حريه وليها محاسنها
بس احنا نخلص لبعض بجد وبإيد واحده نقيم أركانها
وادى الدليل واضح قدامنا إن احنا بدينا فى مشوارها
وتعيش مصر أمه واحده متوحده بمسلميها وبأقباطها
وكل عام وانتم بخير ومصر أم الدنيا ربنا يصونها

السلام عليكم
هذه مشاركة حضرتك
من هاجم طقم السكرتارية
الان حضرتك ذكرت ان الموظف اللي بيقبض هيعمل ايه؟
السكرتير مش مرتبات وبس لا والف لا!!
السكرتير لديه كم من الاعمال لايطاق ( من تحصيل و جمع المصاريف والتوريد
وميزانية المدرسة ولجنة المشتريات وحساب المدرسة وبنود الصيانة
وانتقالات المعلمين والطلبة والطالبات للمسابقات وخلافه والرحلات والمعسكرات ومجموعات التقوية
والكتب الدراسية والامتحانات ولجان الامتحانات وفرش اللجان ..................الخ)
مش حيقشر بصل ولا حاجة ده فيه عجز الان فيهم !!!!!!!!!!!!!!!!!!!!!!!!!!!!!!!!!!!!!!!!!!!!!!!!
كان الله في عون الجميع
ابو جهاد عودة

السلام عليكم استاذ/ ابو جهاد
والله العظيم الواحد نفسه يعرف ايه اللي ليه و ايه اللي عليه
فبعض الاعمال التي ذكرتها حضرتك نقوم بها نحن المدرسين وديا مع الاداريين من جمع مصروفات و الكتب المدرسية و بعضها بتكليف رسمي من المدير مثل فرش اللجان

يا أستاذ هذا الكلام عيب ولا يخرج من معلـــــم أجيـــــال:excl::excl:
مستر مجدي عايزك تحكم ( بالله عليك مش عيب ان المدرس تكون قدامه اجهزة الكمبيوتر ومش عارف يشغلها. مش عيب انه مبيعرفش يعمل كام شريحه بوربوينت باقل الامكانيات ويشتغل بيها. مش عار علينا ان الطالب قدامك يقولك اشغلك الجهاز يا استاذ ومش عيب زميل مكسل يتعب نفسه ويحاول يتعلم. مش من العار ان معلم الاجيال يقعد يدور علي الحروف في لوحه المفاتيح. بالله عليك كام مدرس عندك يجيد استخدام التكنولوجيا في عمله؟ اراء الناس في الفيزا كارد هي القشه التي قسمت ظهر البعير لانها تدي صورة للواقع المرير وبتفضح ما وصل اليه المعلم من جهل تكنولوجي. انا مش سعيد اني قلت الكلام ده ولكن انا مدرس انجليزي زيك ومسئول عن التطوير بمدرستي ولحسن الحظ مدرستي بها امكانيات عاليه من الوسائل التكنولوجيه 44 كمبيوتر عادي 3 لابتوب سمارت بورد 4 داتا شو 2 كاميرا ديجيتال .............كام واحد بيحاول يستفيد منها الله اعلم؟ مش عايز احبطك. في حجرة المدرسين 4 اجهزة وللاسف عليهم التراب كأنهم في مزبله مش حجرة مدرسين واللي بيقعد فيها مدرسات فقط
هسيبك ترد علي نفسك

مستر مجدي عايزك تحكم ( بالله عليك مش عيب ان المدرس تكون قدامه اجهزة الكمبيوتر ومش عارف يشغلها. مش عيب انه مبيعرفش يعمل كام شريحه بوربوينت باقل الامكانيات ويشتغل بيها. مش عار علينا ان الطالب قدامك يقولك اشغلك الجهاز يا استاذ ومش عيب زميل مكسل يتعب نفسه ويحاول يتعلم. مش من العار ان معلم الاجيال يقعد يدور علي الحروف في لوحه المفاتيح. بالله عليك كام مدرس عندك يجيد استخدام التكنولوجيا في عمله؟ اراء الناس في الفيزا كارد هي القشه التي قسمت ظهر البعير لانها تدي صورة للواقع المرير وبتفضح ما وصل اليه المعلم من جهل تكنولوجي. انا مش سعيد اني قلت الكلام ده ولكن انا مدرس انجليزي زيك ومسئول عن التطوير بمدرستي ولحسن الحظ مدرستي بها امكانيات عاليه من الوسائل التكنولوجيه 44 كمبيوتر عادي 3 لابتوب سمارت بورد 4 داتا شو 2 كاميرا ديجيتال .............كام واحد بيحاول يستفيد منها الله اعلم؟ مش عايز احبطك. في حجرة المدرسين 4 اجهزة وللاسف عليهم التراب كأنهم في مزبله مش حجرة مدرسين واللي بيقعد فيها مدرسات فقط
هسيبك ترد علي نفسك

كلام حضرتك أكيد صحيح
بس احنا بنتكلم من منطلق الفيزا كارد من حيث مزاياها وعيوبها
ارجع لأول مشاركة لي في الموضوع هتلاقي ان انا كتبت الواقع الأليم بسخرية مضحكة
لأننا كمدرسين وبالعدد الكبير دا على مستوى الدولة هنعانى الكثير من الفيزا كارد اذا لم يتم تحسين الراتب الشهري !!!!! وكمان اكثر المدرسين يعيشون بعيد عن المدن وبالتالي من الصعب استخدام هذا النظام الجديد.
إنت عارف انا مرتبي كام كمدرس متعاقد 350 جنية .............. بالله عليك الراتب دا مستاهل الفيزا كارد ؟؟؟؟
وبالنسبة للتكنولوجيا الحديثة في المدرسة:
انا أخذت دورات ICDL و Intel في الأجازة
هل استفدت ............ لالالالالالالالالالالالالالا
النظام التعليمي عشوائي الى حد كبير
عموما الحمد لله انا أجيد استخدام الكمبيوتر من زمان سواء سوفت وير او صيانة او برمجة
من ويندوز95 الى فيستا

خير اللهم اجعلوا خير هى الناس المتحضره راحت فين؟

مستر مجدي عايزك تحكم ( بالله عليك مش عيب ان المدرس تكون قدامه اجهزة الكمبيوتر ومش عارف يشغلها. مش عيب انه مبيعرفش يعمل كام شريحه بوربوينت باقل الامكانيات ويشتغل بيها. مش عار علينا ان الطالب قدامك يقولك اشغلك الجهاز يا استاذ ومش عيب زميل مكسل يتعب نفسه ويحاول يتعلم. مش من العار ان معلم الاجيال يقعد يدور علي الحروف في لوحه المفاتيح. بالله عليك كام مدرس عندك يجيد استخدام التكنولوجيا في عمله؟ اراء الناس في الفيزا كارد هي القشه التي قسمت ظهر البعير لانها تدي صورة للواقع المرير وبتفضح ما وصل اليه المعلم من جهل تكنولوجي. انا مش سعيد اني قلت الكلام ده ولكن انا مدرس انجليزي زيك ومسئول عن التطوير بمدرستي ولحسن الحظ مدرستي بها امكانيات عاليه من الوسائل التكنولوجيه 44 كمبيوتر عادي 3 لابتوب سمارت بورد 4 داتا شو 2 كاميرا ديجيتال .............كام واحد بيحاول يستفيد منها الله اعلم؟ مش عايز احبطك. في حجرة المدرسين 4 اجهزة وللاسف عليهم التراب كأنهم في مزبله مش حجرة مدرسين واللي بيقعد فيها مدرسات فقط
هسيبك ترد علي نفسك

انا مدرسة دراسات كنت في مدرستي القديمة بشتغل بجهاز الكمبيوتر دائما هو واحد قديم بس شغال
مدرستي الجديدة هموت وادخل اشتغل علي الجهاز واشغل الاولاد علي الاسطوانة الي عملتها للمنهج كامل لاكن ممنوع الاقتراب او التصوير (الكمبيوتر سر من اسرار الدولة لو اقتربت ممكن تروح ورا الشمس )
وانا لو عندي الي انت بتقول علية كنت اقع مغشياً علي من الفرحة.
ليس العيب فينا وحدنا ولكن في عقول من حجر وانت فاهم.

ياعالم هذا إفتراء- وأنا مدرس وشايف غيركدا تماما - بس الكل بيحاول يكون متحضر على حساب غيره - هو اللى هيلاقى نفسه فاضى ساعه أوساعتين هيقعد فى المدر سه ولا هيكلف نفسه ويذهب لحجرة المناهل ولاللمكتبه لا طبعا هيكت والأعذار عندنا مابتخلص- وليعلم الجميع أن الكلام فى السياسه ممنوع والكلام فى الاقتصاد ممنوع والكلام فى الرياضه أصبح ممنوع أومكروه ولم يبقى أمام كل المصريين الان غير التعليم الكل بيطلع كل خنقته من الأحداث الموجوده الغير راضيين عنها فى كل المجالات بيخلصوها من التعليم والمعلمين - يعنى لو سمعت واحد فضائى يصف التعليم بالتخلف فاعلموا إنه يقصد حاجات تانيه لا يجرؤ على ذكرها - ولنكن صادقين مع أنفسنا هل ما يوجد فى مدارسنا من وسائل وإمكانيات كانت موجوده فى مدارسنا أيام ماكنا طلبه وهل كانت موجوده زمن أحمد زويل والبرادعى وغيرهم - لكن احنا ياناس اللى قصرنا فى عملنا وحقنا وسمحنا للكل يسىء لنا فى وشنا - ويدخلوا مدارسنا ويضربونا- رغم إنهم إخواتنا وأهلنا-
م اللى بيسمعوه م الفضائيات من أكاذيب عننا وعشان مفيش نقابه حقيقيه تضمنا وتدافع عننا
وأتحدى لوفيه مدرس يعرف أكتر من إسمين
من أعضا ء نقابتنا المبجلين والسلام ياطيبين

الهروب الكبير!!!!!!!!!!!!!!!!!!!!!!!!!!!!!!!!!!!!!!؟؟؟؟؟؟ ؟؟؟؟؟؟

لا حول ولا قوة الا بالله
للاسف من كلامكم اقدر اطلع بنتيجه واحده (قدامنا الف سنه مش ميه) عشان نوصل لجزء من اللي وصل له الغرب وفي الاخر نقول الوزارة هي اللي قارفانا وتاعبانا والوزير والغفير و .......و......
عمرنا ما هنتقدم ولا تعليمنا هينصلح حاله طالما احنا بالشكل ده. (مع احترامي للمعلمين المحترمين) بعض بل قل الكثير من المدرسين اصبحوا عار علي المهنه. وآسف للمرة الثانية بس ده من حرقه الدم اللي انا شايفها من الردود المتخلفه

عندك حق

وياريت بعد كدة اللى يتكلم أو يفتح موضوع يبأة عندة دراية كافية بية

العملية مش ناقصة عك

والله يرحم أيامك يا جمل

الراجل أول ما بدأ يطور التعليم بجد

إتشال؟؟؟!!!

وما تفرحوش باللى راح إلا لما تشوفوا اللى جاى

بالفيزا كارت تقدر تقبض فى اى وقت ليل او نهار بس فيه مشكله انها لاتصرف الفكه وانا بعشق الفكه ناس بتقولك بتفضل فى حسابك وناس تقولك ممكن المكنه تعطل وتسحب فلوس كتير او تعلق مرتبك ميتصرفشى لو مكنه عطلت او خرفت او مكنتشى بالعدد الكافى هيكون مصيرنا ايه طب هل الدوله حطه مرتب المدرس طول السنه طب لواحد مرتبه موقف او وقع عليه جزاء يعنى الفيزا كارت بتكون بملغ محدد ولا مفتوحه ولا كل واحد يسحب برحته يعنى ممكن يسحب مرتب السنه كلها مره واحده و ترد المكنه لقد نفذ رصيدكم

انا مش عارف اللى بيكتب عن الفيزا و ما يعرفش عنها حاجة يسكت احسن بدل هذا التهريج .
بالفيزا كارد ممكن تسحب مرتبك من اى ماكينة فى اى مكان فى الجمهورية و فى اى وقت حتى لو الساعة واحدة بالليل يعنى ولا فى زحمة و لا تزويغ علشان تسحب مرتبك حتى لو كان يوم الجمعة او عطلة لاى مناسبة
السلام عليكم
وكمان فيه ناس فى ارياف لازم يزوغوا فى النهار قبل المواصلات ما تريح واصلا لو كان فيه ماكينة ولا اتنين فى المركز بتكون عليها ضغط وزحمة دا اصلا لو اشتغلت قبل ما ينفذوا قرار ياريت يجهزوا ليه زى ما بيعملوا دايما احنا مش ضد التقدم والتحضر احنا ضد التظاهر باننا متقدمين هو عايز يقول انا المدرسين متحضرين ومتقدمين يوفر بقه لهم الحاجات دى لان الى فى مدينة كبيرة اكيد سهلة عليه جدا واحسن له طبعا انما الى فى قرية او مدينة صغيرة صعب عليه طبعا لان اصلا الماكينة مش مكفية الى عندها كمان هيكون ضغط مدرسين من كل مكان فين بقه التقدم والتحضر دى قرار مش ليه اى نظام ولا ترتيب كالعادة طبعا؟؟؟

ياجماعه طيب على ما ييجى ميعاد قبض المرتب بالفيزا كارد أو من يد السكرتيره (ربنا يديمها نعمه علينا وعلى رأى المثل - ما تقر بخيرى إلا ماتشوف غيرى) ماتيجوا سوى نشجع منتخب مصر

يقول الله تعالى {‏ إن الذين يأكلون أموال اليتامى ظلما إنما يأكلون فى بطونهم نارا وسيصلون سعيرا}‏ النساء :‏ ‏10

أنا مسحراتى النت وبلف شمال ويمين
أصحى الولد والبنت يشجعوا المصريين

مشكووووووووووووووور

اكيد قبل ما يعملوا الفيزا كارد

هيفورو اماكن كثيرة ومتعددة للصرف

يعنى مش هيكون الصرف على قد البنك فقط

ده ممكن يعملوا سيارات متنقلة وموجود فيها اماكن لماكينات الفيزا كارد

متقلقوش كل حاجه هيتعمل حسابها

:av4056bb7jp3:ايه اخبار اجازه نصف العام؟ وامتي المدارس ترجع فتره واحده؟؟؟؟؟؟؟؟؟؟؟؟؟؟

عمار يا مصر:av4056bb7jp3: