مشاهدة النسخة كاملة : ايها المتعاقد الاكاديمية ترحب بك وتطلب منك مقاس جزمة حضرتك
المجدد 02-12-2009, 09:54 PM من الاسبوع القادم ستجد في كل المدارس نشرة تطالبك بالمزيد من الاوراق وتذهب بها للاكاديمية ابتداء من 1/12 وحتى 31 / 12 وان لم تذهب بالاصول لن تصدر لك الرخصة (والله كلمة الرخصة ديه بتغيظني)
طبعا هما طالبين اصول والاصول في الادارة والادارة هترفض تمنحك الاصول وتقولك طلع اصول ورق من جديد ..................................
اصول الورق مش عشان تعين ولا تثبيت بس للمراجعة وهتودي الورق بنفسك
موضوع النشرة بكل دقة
ابتداء من الاسبوع القادم ستكون وصلت النشرة لجميع المحافظات والمدارس
المقصود بها ومن غير وجهات نظر مختلفة
تريد الاكاديمية اصول تلك الاوراق للتأكد من صحة البيانات لأن على حسب قولهم ان الاوراق التي قدمت كانت صور وكان بها الكثير من الاخطاء ولهذا تريد الاصول للتأكد ليس إلا وليس للموضوع علاقة بالتعيين او التثبيت مجرد الاطلاع على الاصول فقط للمراجعة
الاوراق المطلوبة :: أصول أكرر أصول
شهادة المؤهل
شهادة التربوي
العقد ................اكرر العقد أصل وليس صورة
ما يفيد باجتياز 4 مديولات من icdl لمن لم يقدم اقرار
الصحيفة الجنائية (الفيش)
وقبل اي لخبطة أوضح أنا اطلعت على النشرة بنفسي وهي حقيقية وستراها قريبة
حاجة كمان
طبعا اصول تلك الاوراق في الادارة التعليمية للجميع وعندما ستذهب لتسحبها سيرفض الموظفين وهذا من حقهم وسطالبوك باستخراج اوراق جديدة ولف يا معلم من اول وجديد وادفع على هذه الاوراق
ليس مطلوب صور
بصراحة الموضوع اصبح مستفز وبدل التعميم كان يرسلوا لنا من لدية اخطاء في الاوراق ويطلبوا منه فقط الاصول
وكمان البشاوات اللي كانوا بيراجعوا الورق ويعقدوا الدنيا وبهدلوا الناس كانوا فين وهما بيستلموا ورق غير مظبوط
فعلا صباح التطوير
محمدطعيمة 02-12-2009, 10:41 PM ماشي يا عم عندنا بدل الأصل أربعة
عاملين حساب الناس الحلوة دي حتي لو طلبوا لبن العصفور راح نجيبوا احنا وراهم والزمن طويل
nasserfathy 02-12-2009, 11:00 PM علي راي الاستاذ محمد طعيمه لو طلبوا اي حاجة ماشي ام نشوف اخرتها معهم ايه
roaaaa 02-12-2009, 11:10 PM الحمدلله عملنا حساب حاجة زى دى
بس يارب يكون بفايدة
elsaher555 03-12-2009, 12:53 AM بصراحة كدة كفاية ولازم من وقفة منكم اضراب عن اي شئ يطلبوه بس تكونوا ايد واحده
أ/ هشام العيسوى 03-12-2009, 12:59 AM طب سؤال
شهادة الاى سى دى ال
لو اخدوها
اعرف انا اطلع مكانها؟
mr_mostafa84 03-12-2009, 06:25 AM طب انا اساسا مقدم اصول
هقدم اصول تانى ؟
ايهاب العراقى 03-12-2009, 12:43 PM الله المستعان دا احنا ولا الى بنجاهد فى فلسطين
fefe_2006 03-12-2009, 01:10 PM فعلا اتعلمنا فى البلد دى يكون معانا بدل الاصل اربعة .. اللى يطلبوه هيلاقوه .. بس ليا تعليق عنوان الموضوع اهانة لينا مش الاكاديمية .. يعنى حاول ترفع من روحنا المعنوية احنا لسه فى مقتبل العمر هههههههههههه
وليد سرحان 03-12-2009, 01:43 PM حسبنا الله ونعم الوكيل قولوا آمين
اللهم عليك بمن يقفون ضد المتعاقدين الغلابا
العروبة2 03-12-2009, 01:56 PM دي أقل كلمة ممكن نقوله
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
احمدابوالقاسمالقاضى 03-12-2009, 02:04 PM حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
vip_ame 03-12-2009, 03:42 PM فى الاسماعيلية الاوراق كلها فى المديرية مش فى الادارات والمديرية عاملين مكتب ملفات مخصوص للتعاقد بس
ولما قدمنا فى الاكادمية قدمنا اصل الفيش والتقارير والباقى كان صور طبق الاصل مختومة بختم الادارة
وبعدين مش مشكله يعنى لو عايزين الاصول نديلهم اصول ماجتش عليها يعنى
المهم نوصل فى النهاية للى احنا عايزينه ان شاء الله
المجدد 03-12-2009, 11:26 PM تقريبا ما حدش فيكم حاول يجرب يسحب الاصول سواء من الادارات او المديرية
واللي بيقول معاه اصول كثيرة يركز شوية
الادارات غير معترفة تماما بالفاكس بتاع الاكاديمية وبتقول مستحيل نطلع الاصول في المشمش
طيب والحل يا جهابذة عصركم
استخرجوا اصول تاني
يعني نلف مصر من جديد
ماشي هنلف
وهنغرم وهنتبهدل
بس هنطلع اصل العقد منين احنا كتبنا عقد واحد موجود في الادارة ممكن نسحبة .... مستحيل
طيب نعمل ايه
الاكاديمية عايز اصل العقد
نعمل صورة طبق الاصل
الاكاديمية معاه صورة طبق الاصل ومش عاجباه عايزة اصل
والبيضة الاول ولا الفرخة
الفرخة ولا البيضة
وعلى الاصل دور
أيمن البدري 04-12-2009, 12:45 AM الأكاديمية( وهى تضرب بكل قوتها على ظهر المتعاقدين ) : مين... سى لطفى؟!!!!!!!
المتعاقدون فى الأرض : لطفى مين يا خالتى ... ده أنا قتيلك المتعاقد !!!!!
الأكاديمية (معتذرة بكل أدب ) : لا مؤاخذة يا ابنى .. أصل أنا عندى ( نشرة ) .. ساعة تروح وساعة تيجى .. ساعة تروح وساعة تيجى .............
احمدابوالقاسمالقاضى 04-12-2009, 01:18 AM اشكرك كثيرا
هذا الكلام اجمل ما قرات فى وصف ما يحدث للمتعاقدين
patient 04-12-2009, 01:49 PM والله انت بجد عسل ................... فعلا ساعة تروح وساعه تيجي
vip_ame 04-12-2009, 02:35 PM تقريبا ما حدش فيكم حاول يجرب يسحب الاصول سواء من الادارات او المديرية
واللي بيقول معاه اصول كثيرة يركز شوية
الادارات غير معترفة تماما بالفاكس بتاع الاكاديمية وبتقول مستحيل نطلع الاصول في المشمش
طيب والحل يا جهابذة عصركم
استخرجوا اصول تاني
يعني نلف مصر من جديد
ماشي هنلف
وهنغرم وهنتبهدل
بس هنطلع اصل العقد منين احنا كتبنا عقد واحد موجود في الادارة ممكن نسحبة .... مستحيل
طيب نعمل ايه
الاكاديمية عايز اصل العقد
نعمل صورة طبق الاصل
الاكاديمية معاه صورة طبق الاصل ومش عاجباه عايزة اصل
والبيضة الاول ولا الفرخة
الفرخة ولا البيضة
وعلى الاصل دور
انا رحت المديرية فى الاسماعيلية وطلعت ورقى وصورته ورجعته ليهم عادى جدا
ياريت بس الكلام يكون عن تجربة شخصية مش بالتعميم
يعنى انت رحت الادارة او المديرية وحاولت تاخد ورقك ؟؟؟؟
----------------------------------------------------------------------
وعلى فكرة الاكاديمية معظمها ناس محترمة وفاهمين اكتر من اللى فى المديريات والادرات بس اللى عامل المشاكل كلها ان قرارات التعيين والترقيات مش عندهم اصلا هما كل اللى عندهم انهم يمتحنوا الناس ويقولوا دول ينفع يترقوا!
وده ما يمنعش ان فيه بعض الموظفين فى الاكاديمية زى اخواتهم فى المديريات والادارات عبيد للقانون فاكرين انهم بيعملوا الصح لما ينفذوا كل حاجه بالمللى بالرغم من التخبط الواضح بين قرارات ونشرات الاكاديمية والوزارة
------------------------------
ويا استاذ دور على حقك احنا معانا نسخة اصلية من العقد شوف انت فين نسختك ما وصلتكش ليه لحد دلوقت؟؟؟
لان احنا مضينا 3 نسخ من العقود نسخة معانا ونسخة فى المديرية ونسخة فى الادارة
واصول الاوراق كلها فى المديرية
-----------------------------------------------
AlaaElden 04-12-2009, 11:57 PM احنا فى الشرقية قدمنا اصل الفيش الجنائى وصورةطبق الاصل للمؤهل وصورة طبق الاصل من شهادةicdl
الى اكاديمية المعلمين ولحد دلوقتى مفيش اى نشرة جت المدرسة هل فى حد هنا من الشرقية وجتلة النشرة؟
MO2A MATH 05-12-2009, 01:01 AM لا يسعنا إلا ان نقول
حسبنا الله ونعم الوكيــــل
suzanne sami 05-12-2009, 02:34 PM ياجماعة المشكلة في الاصول دي العقد احنا مش معانا غير نسخة واحدة بس ولما كتبناه قالوا لنا انه لو ضاع يبقي راح عليكم العقد .... والicdl مبتطلعش غير مرة واحدة بس ومش هتطلع تاني طيب الحل ايه ؟؟؟؟؟
احمدوزه 05-12-2009, 11:08 PM انا شايفه ان الاكاديميه والوزارة بتحاول تشوف مين طويل النفس وهيروح ضحايا منا كتير فى النص و يقول يا عم انا مش لاعباللعبه دى وانا قربت اقولها انا تعبت بجد نا فضلى زلطة واطلع من اللعبة دى بقى ايه الغلب ده
|