عمل المرأة حاجة أم تحقيق ذات؟؟؟

طبعا الاتنين موجودين لكن الاغلب ايه

بما اننا شايفين المراة بقت بتوازي الرجل ف كل حاجة :friendsxs3:

والرجالة بقو محتاجين يعملو جمعيات للمطالبة بحقوقهم

وشايفين المراة بقت بتحتل الوظايف ازاي

لكن المراة اللي بتحتل الوظايف دي هل هي بتبقى محتاجاها فعلا ولا بس عشان يكون لها كيان :cool:

وما تحسش انها زيها زي الكرسي اللي ف المطبخ

طب حد يقوللي ماهي المراة دورها الاساسي اصلا اصلا ف البيت

وده ما يعنيش ابدا انها زيها زي عفش البيت

لا دي بتبني اجيال وبتربي وبتعلم ومدرسة

وحد يعمل كده ف المدرسة:d

طيب ماحنا بنشوف ستات بينزلو يشتغلو وبيسدو احسن من 100 راجل;)

وممكن يكونو مش محتاجين الشغل ده

بس لمجرد تحقيق الذات

وفي ستات بيشتغلو لانهم مضطرين

ومحتاجين

يبقى هي حاجة ف حالات

وتحقيق للذات ف حالات

على كده بقى الست اللي بتشتغل كويس دي بس مش محتاجة الشغل

لو قعدت ف البيت

مش هاتحس بالحاجة للماده

يعني هاتبقى حاجتها معنوية بس

لكن كمان لو هي شغلها احسن من 100 راجل

يبقى كده الشغل هايخسرها

وبردو الست اللي محتاجة للماده وبتشتغل وهي مضطرة واخر حاجة تفكر

فيها هي المعنويات وتحقيق الذات

لانها بتفكر اولا واخيرا ف تحقيق قرشين يقضو حق الغدا والعشا وسندوتشات

العيال ولبس المدرسة ومصاريف الدروس

دي ما ينفعش تقعد ف البيت لانها هاتخسر المادي والمعنوي اصلا كده كده

مش هايفرق معاها كتير
:giljotiiniug3:
ممممممممم

طب الناس اللي بيطلعو يقولو احنا ضد عمل المراة

بيتكلمو على انهو عمل

وليه

وما انتبهوش انو ايام الرسول صلى الله عليه وسلم كان المراة بتعمل بردو

امال ايه بقى

المهم انت لو مكفي زوجتك وهي عاوزة تشتغل تحقيقا للذات ليس الا
هاتوافق ولا نؤه؟؟؟
وانتي لو مش محتاجة الشغل
هاتشتغلي عشان تحافظي على مكانتك وكيانك ولا نؤه بره ؟؟؟
:)

صحيح

على رأي الحكمة الاغريقية الشهيرة جدا
ماحدش عارف الستات عاوزين ايه :p

جزاك الله كل خير

موضوه جميل كعادة مواضيع هنا

سوف اعلق عليه جزء جزء في وقت قادم ان شاء الله

تسجيل متابعة

معظم الشغل في مصر بيبقى حاجة >>> ايه حاجة دي :d

وحتى لو عايز يبقى تحقيق ذات ماشي مفيش مشاكل مش حنحرم الناس دي من ابداعاتها إذا ده مكنتش حيأثر على بيتها

لانه فيهم موهوبات كتير واكيد لو وظفوها حينتجوا بيها حاجات
بس الاغلب عندنا بيبقى لتحقيق الاتكفاء الذاتي للاسرة

الاغلبية العاملة دلوقتي بهدف الحاجة ..
نظرا لظرووف الاقتصادية الكويسة اوي :mad:

لكن اعتقد انه من الافضل ترك المرأة تعمل في مجال ابداعها
لان ده بيساعد على اسراع عجلة التطور ,, بس تمارسه بالشكل الصح
وزي ما حضرتك قولتي ممكن الوحدة تكون احسن من 100 راجل ,,

بس فيه نقطة مهمة وهي : لازم العمل ما يأثر بالسلب على بيتها
لان البيت هو الاساس ,,

وشكرا على الموضوع المميز ...

الموضوع يستحق النقاش ولو انه قتل بحثا ومفيش فايده
اما موضوع الذات والكيان وكل الجمل بتاعة المسلسلات ده بيتعب مرارتي
تلاقي الست تتحشر في المترو وتتبهدل في ميكروباص وتروح الشغل ماتشتغلش تمام زي الراجل هو مين بيشتغل اصلا
وتقوللك احقق ذاتي وكياني
هو في رجاله بتحقق ذاتها لما هي تحقق زي ماتكون شغالة في اليونيسكو

وان اختار ان عمل المرأة باستثناء حالات ليست قليلة
هو قلة رجولة ونطاعة مننا نحن الرجال
رجاله عاوزة تريح وزوجاتها او بناتها هي اللي تصرف ويقوللك تساعد واحياة صعبة
ورجاله بتدافع عن خروج المرأة عشان عاوزيين يشوفوا صنف غير اللي في البيت

وهنا اتذكر قصة ابنتي سيدنا موسى مع ابنتي العبد الصالح وهو ليس شعيب عليه السلام

{وَلَمَّا وَرَدَ مَاء مَدْيَنَ وَجَدَ عَلَيْهِ أُمَّةً مِّنَ النَّاسِ يَسْقُونَ وَوَجَدَ مِن دُونِهِمُ امْرَأتَيْنِ تَذُودَانِ قَالَ مَا خَطْبُكُمَا قَالَتَا لَا نَسْقِي حَتَّى يُصْدِرَ الرِّعَاء وَأَبُونَا شَيْخٌ كَبِيرٌ }القصص23

حيث بررتا الخروج بكبر الاب وعدم قدرته
ولم يختلطا بالرعاة

وللحديث بقية