<div align="center">السلام عليكم ورحمة الله وبركاته

ونظرا لعصبيتي الشديدة وغبائي المستحكم ( تلبيه لما قاله كريزي ايفان ) وحماقتي وسفاهتي ( زي ما نيو قال )

انا هقول حاجا بس انا تقريبا قبل ما اطلب من هنا اني اتنازل عن اشرافي مش في قسم المشرفين أحب اقول كلمة

انا مقصرتش في حقي ناحية الموقع دا وعرفت كل صحابي عليه ومبخلتش عليه بأي حاجا واشرافي كان مفيهوش اي غلطة
والحمد لله

لكن الاقي اهانات من اكتر من شخصية لا تستحق اني ارد عليها فدا مش هينفع

اولا انا بدأت اكره نفسي بسبب الموقع دا ..... وانا مش هستحمل تاني لا هكمل كعضو او كمشرف

اسباب انسحابي للأسف مش هقولها لاني هحفتظ بيها لنفسي

ممكن تلاقوني ادخل متخفي اما مشاركة او او او مش هتلاقوا دي حاجا سهلة بس بجد انا فترة ومش راجع الموقع تاني

هحضر الانتخابات وبس ودا اخر لقاء ليا مع الموقع بعد سنة اتحملت فيها كتير قوي قوي

واهانات من اقرب الناس وخصومات شديدة جدا

اسوأ عضو لعام 2006 وكفايا الوسام دا خرجت بيه من الموقع


واحب اقولكم ربنا يوفقكم واسف لاي انسان جرحت او دايقته في يوم

بس والله والله والله لو لقيتوا ليا مشاركة بعد كدا يبأى اانا استاهل اي حاجا تتصوروها

دخول مش هيكون كتير واغلبيته متخفي

انا مش هقول انا هسيب الموقع كامل بس هسيبه بالتدريج ابدأ بدون مشاركات وبعدين الدخول تخفي

بعدين انقطع عن الموقع

وياريت تكلموا في الموقع دا

انا ياما كتير كنت بتخانق مع ناس لما تيجي تمشي من الموقع وتعمل موضوع

بس انا قولت كتير انا اللي غلطت لما تحاملت على كرامتي كتير قوي

ابعت لعضو اقوله بلاش تنشر 15 موضوع في يوم واحد ميردش عليا

ابعت تحذيرات محدش يرد يبأى خلاص لاني فاقد لصلحياتي كمشرف

يباى ملياش لازمة وانا قمت بحذف كل مواضيعي في قسم اشرافي بالشعر

لاني مش عاوز اسيب اي حاجا هنا ليا

سلام عليكم </div>

اية يا محمد لية كل دة انا عارفة ومقدرة اللى انت فية
بس انت اكبر من كدة مش كلام زى دة اللى يخليك تسيب المنتدى
المرة دى لا تسيبة لا ودة اقل حق لينا عليك

اولا يابررررى
انتا عارف انك اكتر مشرف موجود دلوقتى وشايف شغله

ثانيا
انتا عارف سياسة التنفيض الاى شغاله اليومين دول
بالنسبة لموضوع الردود ده مش جديد وانتا عارف ده كويس
وبجد كبر دماغك مازن قالها حكمة احنا بننده فى مالطة
بس اقولك حاجة انا بئا عايز اصلح المنتدى ده وهصلحة
اناعمرى ما فقدت الامل
ومش المنتدى ده هو الاى هيخلينى ايائس
ده رهان المنتدى ده هيتظبط ويتصلح
بيك وبيا وبكل عضو بجد بيحبه وخايف عليه
سلام

<div align="center">بطل الكلام الخايب ده ... عشان ما اقومش اخبطك 52 قلم على سهوة من غير ما تاخد بالك ...


امال انا قاعد فى المنتدى ده عشان مين؟؟


انت عبيط يابنى ؟؟ ده كنت بقول انك افضل مشرف شايف شغله ...

بس هما بقى شكلهم عالم مش بتقدر ...


عشان يا بنى ادمين , تعالوا شوفوا محمد بيعمل ايه عشان يوفق بين مزاكرته والمنتدى ؟؟

مش ابص فى رد من الردود الاقى واحد كاتب عليه سفيه ؟؟

بالزمة ده يصح يا جماعة ؟؟ :o انا عايز اسمع ردكو انتو ؟؟ :unsure: واحد يعمل كل ده ويلاقى كده؟؟ :o


طب ما كان يريح دماغه ويعمل زى باقى المشرفين ؟؟ وسطله فى مالطا ... ويشوف حاله


والحمد لله ان الموضوع اتقفل عشان ربنا يعلم انا كنت داخل اقول ايه؟؟ يلا بقى


المهم يا جماعة , دى كلمه للناس اللى داخله من غير ما محمد يشوفها ...

انا حاسس ان محمد مش واخد حقه اوى , او على الاقل ميستحقش اللى بيحصل ده

ومحمد من اكتر الناس اللى بتحب المنتدى ...

وشوفوا محمد محمد عرف المنتدى لكام واحد وواحده ... وبيشتغل زى الناس ومن افضل المشرفين


مش هقولكوا اكتر من انه ياخد حقه ...

وعيب اللى حصل واللى بيحصل ................

اما اشوف بقى فى استجابة ... ولا مش باقيين على واحد من افضل الاعضاء ...</div>

.
.
.

محمد انت عارف نفسك كويس كمشرف وعارف كويس انك اكتر مشرف في الموقع متواجد ...
يعني لو مشيت هتبقى خسارة جامدة جدا للمنتدى ( مشرف مجتهد - شاعر كبير ) ...
وماتقولش ظروف احنا عارفين ظروفك ومقدرينها بس برده الموقع محتاجلك يعني حاول تنسى الظروف دي وشوية شوية هتنساها ...
وفعلا على راي الاخ مرشد ( انت عارف سياسة التنفيض اليومين دول ) ......
وياريت يامحمد تصرف نظرك عن الموضوع ده . بجد . لان بجد الموقع محتاج لامثالك ..
وشيل من دماغك اي حد يضايقك او يرد عليك رد سخيف - مايلزمكش في حاجة - وكفاية البيت اللي في توقيعك .
وياريت تهدى شوية انت مش في امتحانات ولا ايه ؟ ( صيدلة مش اي حاجة ) . :unsure:


سلام

اولا السلام عليكم
ثانيا: نجي لنقطة الخلافات بينك وبين الاعضاء
عايزني اتكلم بصراحة وبدون زعل لتصحيح المسار مش اكتر
طيب اسمعني بقى

بعيد عن العواطف والكلام ده

انت مشكلتك انك عصبي اووي
وده بيخلي ردودك فيها بعض الكلام المستفز زي مثلا (كل واحد يحط لسانة في بوقة )
وكمان البيت ال انت كتبة على طول بيتقول فيما معنى كلامك ان التعبير عن ردك هو البيت ال انت كتبة في توقيعك
كمان في حاجة عايز اقولها
انا معاك ان في بعض الاعضاء بيستفزوك بس ده نابع من طريقة ردك
وكمان على طول حاسس انك فوق الجميع وعلى طول انت الصح
ممكن ترد رد بسيط على موضوع ويكون الموضوع ده مستفز
بس ردك البسيط ده هيخلي اقدامك يفهمك احسن ما يرد على ردك العنيف(الناشف في بعض الاحيان)
وعلى سبيل المثال الناس ردودها فتاة_الاسلام وكمان مهرة وكمان الاستاذ الفاضل بور سعيدي وكمان زيزو وكمانmsamido

ف انا عايزك تراجع نفسك شوية وتصلح الاخطاء ال من وجهة نظري انا شايفها اخطاء
وممكن اكون انا غلط وممكن اكون انا صح
بس انا عايزك ترجع المنتدى تاني ده رجاء
وشكرا

محمد انت يمكن ما تعرفنيش انا عمرو جبر عضو قديم هنا وبحب المنتدى ده وانت لو مش عضو مهم صدقني مش ها اتعب نفسي وارد عليك
و انا قبل ما ارد في الموضوع ده دخلت في كل مواضيعك وانت عامل شغل كويس في المنتدى سواء مشرف او عضوابس انت محتاج تخلي لغة حوارك ارقى من كده يا عني لما تتكلم عن المنتدى ما تقلش انا سايب ام المنتدى ده عايز تنقد انقد باسلوب محترم

يا برى انا عارفك
كلمنجى بس :D
بص يا عم انت شايف انك بتعمل اللى عليك كمشرف
يبقى اى حد تانى ينتقد
يحط نفسه فى بلاعة
ويخلى حد يقعد على الغطا

==================
البرى لا هو عصبى ولا بتاع
كله كده

طريقة غنم بالظبط
واحد يقول كلمة
التانى يقولله
انا محترم عشان كده مش هرد عليك يا كلب!!

بص يا برى انا هقول حاجة
انت شايف ان الهروب من المشاكل بيحلها
اذا كنت انت شايف كدا فنا مش معاك خالص
حل المشكلة انك تحلها مش تهرب منها

اما بالنسبة للى غلط فيك وقال كلام مالوش لازمة
فسيبك منه
اكيد اللى غلطو فيك دول ماكنوش يقصدم
اصل الواحد ساعات بيقول كلام كتير وبعد كده بيندم عليه
وانا هقولك حكمة بس يا ريت تاخد بالك منها كويس
( كن كالشجرة يقزفها الناس بالحجرة فتعطى اطيب ثمرة )
وريلهم انك احسن منهم
اما لو انت سبت المنتدى وهما كانو يقصدو يغلطو فيك
فانت كدا هتسيبهم يفرحو فيك وهتخلييهم يقولو طفشناه من المنتدى
فياريت ما تعملش كدا وخليك معانا واللا انت زهقت مننا خلاص وعامل دى حجة عشان تسيبنا
على فكرة انت لو سبت المنتدى انا هزعلمنك مووووووت
وبردو كلم الناس اللى غلطت فيك وشوف هما عملم كدا ليه وحاول انك تسامحهم
انا معنديش كلام اكتر من كدا اقدر اقولهولك
ماتسيبنااااااااااااااااااااااااااااااااااااااااااا ااش يا برى

أأخر موضوع كنت اتوقع ان محمد البرى يكتبه هو الموضوع ده
وقبل ما هتكلم هقول ان انت مش هتعرف تعيش بره المنتدى
ولو بعدت هتدخله سرقه انا عارفه :rolleyes:
ويا اخ محمد انت مش بتهتم لراى حد فيك ..اشمعنى المره دى؟
وبعدين رايين ولا تلاته مش هيغيروا فكره انك من الناس اللى المنتدى مش ينفع يمشى من غيرها
واللى يقول غير كده انا موجوده واشهد بكده ومش لوحدى
وبرده العيب القاتل بتاعك تحصل مشكله فى ساعه غضب تتكلم وتتكلم وحاجه تقرف وخلاص مش هكمل ..... الخ
والمصيبه ان انت واثق انك مش هتعرف ومش تتكلم فى النقطه دى لانه فى الفاضى
و ياريت تفكر فى الكلام بتاعى وفى كلام الناس الكتير اللى فوق دول
برايك جايين يقولوك امشى ومع السلامه ؟؟
فهمى البسيط بيقوللى غير كده صراحه
اهم من ده كله لما تدخل الموضوع تشوف رد الفعل رد ومش تطنش :)
peace

<div class='quotetop'>إقتباس(Dare Angel @ Jan 9 2007, 11:30 AM) 253992</div>
أأخر موضوع كنت اتوقع ان محمد البرى يكتبه هو الموضوع ده
وقبل ما هتكلم هقول ان انت مش هتعرف تعيش بره المنتدى
ولو بعدت هتدخله سرقه انا عارفه :rolleyes:
ويا اخ محمد انت مش بتهتم لراى حد فيك ..اشمعنى المره دى؟
وبعدين رايين ولا تلاته مش هيغيروا فكره انك من الناس اللى المنتدى مش ينفع يمشى من غيرها
واللى يقول غير كده انا موجوده واشهد بكده ومش لوحدى
وبرده العيب القاتل بتاعك تحصل مشكله فى ساعه غضب تتكلم وتتكلم وحاجه تقرف وخلاص مش هكمل ..... الخ
والمصيبه ان انت واثق انك مش هتعرف ومش تتكلم فى النقطه دى لانه فى الفاضى
و ياريت تفكر فى الكلام بتاعى وفى كلام الناس الكتير اللى فوق دول
برايك جايين يقولوك امشى ومع السلامه ؟؟
فهمى البسيط بيقوللى غير كده صراحه
اهم من ده كله لما تدخل الموضوع تشوف رد الفعل رد ومش تطنش :)
peace
[/b]

الله ينور عليكى ياهند
والله انتى مخك كبير
ايه يابنى عايزنا نعمل مظاهرة
يابرى متهربش واجه عيب بئا كده هنشحتك
ثم انتا عارف السياسة العامة
برى فكر كويس
وقرر
ولا اندهلك كلكول
محدش شاف كلكول :rolleyes:

في ايه ياعم خلاص بقا مش شايف غلوتك ازاي
كلهم رافضين فكرة انك تسيب المنتدي ايه بقا قولي بس مين
اللي مزعلك وانت تشوف انا هعملو ايه بصي يامحمد البري
هو صحيح بلاقي ردود سخيفه بس المفروض نهدي اعصابنا
وبعدين تعالي هنا ايه اللي يخليك تسيب المنتدي سيب اللي يقول يقول
من الاخر لو لقيت رد مش عجبك ونرفزك اشرب شوية ميه وبعدين رد
عليه المشرف المتميز هو اللي يعرف يمتص غضب غيره ويرد باسلوب
يخلي اللي قدامه ينكسف
من الاخر
متسيبش المنتدي لانك مشرف كويس جدااااا وانا اسقا لو كنت ضايقتك في اي حاجه

ده عبط . اوك .. :@

انا عايزك على الزفت الميل ..

لا يابرى بلاش الهبل ده ... مفروض انت اعقل من كده
انا عارف انت متضايق من مين ... وعشان نبقى على بياض هو ...... انا
اه طبعا ومهما قلت انا عارف ان انت زعلان منى
بس ياريت تعرف ان انا ماغلطتش فى حد واستحاله اغلط فى حد هنا
عشان كل واحد وتربيته ... وانا على فكره خدت كلام كتير فى الركن الرياضى وانت اكتر واحد عارف
بس هقولك الحل اللى انت مفروض تعمله ... اعمل زى مانا عملت سيبك من الردود دى وركز شويه
مش لما ترد على حد تبقى كده كويس ... لا على فكره لما ما تردش عليه يقوم يعرف انه من غير قيمه
ياريت ترد على كلامى وتقولى رايك

<div align="center">أولا : ودا من اخر ردودي في الموقع احب اقول حاجا

انا مش عامل الموضوع عشان حد يدخل يقولي متمشيش والتاني يقولي لأ مش هتقدر تمشي

من ناحية اني همشي فدي لأ بس انا قلت مش هشارك ولا عدت كاتب رد لانسان في موضوع هادف او تافه

وحبيت بس اقولكم كلمة لكل واحد بيتحامل على مشرف وبيفكره مبيتابعش انا رجعت لكل الصفحات اللي في اشرافي وطلع عيني وفي الاخر لما اجي اطلب من مدير الموقع صلحيات اكتر ( دا حتى ميعرفش انا طالب ايه ) بتترفض وردي بيتحذف

انا ملاحظ من اخر مشاركات لا ان اي كلام بيني وبين اشرف بأى ينحذف

لدرجة اني في رد كتبت أشرف عادي

دخل الاستاذ جمعة يصلحلي الرد عشان يحط الألف سبحان الله

مع انه في ردود شتايم وتجريح محدش بيشوفها اصلا ... يلا مش مهم

اما اني ارجع انا قولت كلمة انا غلطت في ناس كتيرة قوي

اما استفزازيتي دي طبيعية جدا وبتنمو في شخصية اي فرد بس مين بيستخدمها هنا بتفرق

عصبيتي انا عمري ولا عمري هكون عصبي لان محدش فيكم بيعاملني على الحقيقة فميعرفنيش اصلا عشان يفتي ويقولي اني عصبي

انا منكرش ان اعصابي متوترة من مدة شهر بس دا لأسباب خاصة جدا جدا

ملهاش دخل بالموقع تقريبا وانا كنت بحاول كتير قوي افصل بين مشاكلي الخاصه وبين مشاكلي في الموقع او بين تواجدي ومرونه ردودي في الموقع

واسباب اني امشي اولا اني مش بتمتع بمرونه في الرد

ولاني عصبي زيادة عن اللزوم

ولاني بجر شكل الناس الجديدة والقديمة

ولاني عضو عاشق للخناقات

ولاني ملياش اي لازمة انا مفيش اقتراح ليا من ساعة كوني مشرف اتنفذ ولا اكن ليا اي وجود عبقر بينفذ اللي عاوزه وبس

وانا هقول م الأخر مشاركاتي 4495 بردي دا لو زادوا عنهم يبأى انا اللي كداب ومسبتش الموقع

اما اني ادخل متخفي او او دي حاجا ترجعلي ومحدش ليه دخل فيها

بالنسبة لفاروق اولا انا ميهمنيش ردك في موضوعي لانك اول واحد غلط بغباء اوكي يعني انتا اول واحد ميتكلمش

ثانيا لما اقول لواحد ( حط الجزمه في بؤك واسكت )

دا مش نابع من فراغ

البيت اللي في توقيعي ( ولو ان كل كلب عوى القمته حجرا .... لصار الصخر مثقالا بدينار )

دا ينطبق على نص اعضاء الموقع اوكي

بالنسبة لمنص

انا مش زعلان منك والله ابدا انتا ماهنتنيش ولا اي حاجا لو كان حوار الركن الرياضي لو تقصد انا اللي بدأت الغلط يعني بس انا قولت كلمة انا اخري نقد وبس لكن هزعل ليه مش هتفرق انا على كدا اخسر كل صحابي عشان حاجا تافهه زي دي

انا مش بتكلم عليك يا منص وتقريبا انتا عضو كويس جدا ومتفرقش بأى حبك لنادي او لمنتخب دي حاجا اسمها اراء ومحدش بيشارك حد ارائه زي ما انتا حر في اسمك ولبسك انتا حر في كل حاجا بعد كدا


وفي الأخر انا قولت مهما كانت الردود انا مش عاوز حد يقولي انتا مشرف ولا عضو مميز لأ كفايا عليا قوي شهادة مدير الموقع

بالنسبة لناس بتقول اني مكنتش بهتم قبل كدا بالردود دا تقريبا السبب للي انا فيه طول عمري كنت بنفض لغايه موصل الأمر للتجريح على العام وفي اي مكان من اي عضو

تقريبا أكتر عضو نال اهانات في عام 2006

واكتر عضو اتعمل عليه مواضيع في قله أدبه وسفالته

ما انا بأيت مش محترم ليه لاني سكت من الأول وجيت على نفسي

وانا اتعلمت انه لا يلدغ مؤمن من جحر مرتين

وانا مش هفضل في مكان تكون في كرامتي = Zero

انا الحمد لله ليا صحابي من الموقع اللي بعتز بيهم وبكلمهم غير كدا ميهمنيش الموقع طول ما المعامله في كدا من اي حد

وتقريبا مش عاوز قبل ما امشي من اي حد حاجا

وحكاية اقدر او مقدرش لأ دي هقدر قوي قوي مش لاني عصبي وعنيد لأ لاني مبقتش تفرق معايا دلوقتي

في اي حاجا

سلام عليكم :)</div>

السلام عليكم ورحمة الله وبركاته
وبعدين انا هلاقى مين يتعصب عليا فى مواضيعى والله انا كنت بحب كل ردودك وتعليقاتك

ياريت متسبش المنتدى

وشكرا............

هو انت بتقول مش هاتشارك تانى
هههههه
ضحكتنى :D
عادى يامان انا هاعمل موضوع اشتمك فيه وانت هاترد غصب عنك :lol: :lol: :lol:

عارف انت بتفكرنى بمين :huh:

بتامر حسنى وهو رايح السجن المعجبين بتوعه :lol: :lol:
بنحبك ياتامر .. ماتسيبناش ياتامر :lol: :lol:
كلنا فداك ياتامر :D :D :D

تصدق احسن قرارا انت اتخذته ;)
بحيك عليه :rolleyes: B)
ربنا يوفقك بعيد عن المنتدى ده

منتدى غرائب وطرائف :lol: :lol:

<span style="font-family:Arial">بس يا اخ محمد انك تسيب المنتدى ده مستحيل ولو سبته يبقى انت بجد مش هتبقى محمد البرى اللى معروف فى المنتدى انت المشرف الوحيد اللى فى المنتدى فعليااااااااااااااااا و العضو المميز واعتقد انك مش لازم تنسحب ديه مش من سمات الصيادله اعتقد انك لوقدرت تستغنى عن انك تبقى فى صيدله بعدها تفكر فى الخروج من المنتدى............................</span> :(

<div class='quotetop'>إقتباس(شاعرالحب @ Jan 9 2007, 03:37 PM) 254075</div>

عارف انت بتفكرنى بمين :huh:

بتامر حسنى وهو رايح السجن المعجبين بتوعه :lol: :lol:
بنحبك ياتامر .. ماتسيبناش ياتامر :lol: :lol:
كلنا فداك ياتامر :D :D :D

[/b]

تامر تامر
هو مفيش غير تامر هنا ولا ايه
غير الموضوع غير الموضوع

بالنسبة لفاروق اولا انا ميهمنيش ردك في موضوعي لانك اول واحد غلط بغباء اوكي يعني انتا اول واحد ميتكلمش

الف شكر على ردك ده
انا فعلا غلطان اني ردات انا اسف جدا جدا
حقك فوق راسي من فوق
انا كنت اتمنى انك تفهمني صح بس انت حر تفهم ال تفهمة

احب اقولها تاني يا استاذ محمد انا اسف جدا اني ردات

السلام عليكم .......اصراحه يابرى انا عارف انك قررة هذا من زمن ولكن بعد الحب الذى ظهر من كل الاصدقاء وانتى الى عملة هذا المنتدى متنساش انت السبب فى معرفتى واشتراكى فى هذا المنتدى انا كتير من كوم حماده وكل انحاء الجمهوريه.
يا بر زى مانت سبب اشتراكنا ستكون سبب لابتعادنا ماشى
سلام

<div class='quotetop'>إقتباس(farouk @ Jan 9 2007, 04:14 PM) 254094</div>
بالنسبة لفاروق اولا انا ميهمنيش ردك في موضوعي لانك اول واحد غلط بغباء اوكي يعني انتا اول واحد ميتكلمش

الف شكر على ردك ده
انا فعلا غلطان اني ردات انا اسف جدا جدا
حقك فوق راسي من فوق
انا كنت اتمنى انك تفهمني صح بس انت حر تفهم ال تفهمة

احب اقولها تاني يا استاذ محمد انا اسف جدا اني ردات
[/b]
ايه ياعم فروق الى انته بتقوله ده
انته جاى تولع الموضوع ولا ايه :angry: :angry: :angry: :angry:
هيا ناقصه
وبعدين ايه يابرى الكلام الى انته بتقوله ده
بقى علشان ردين من اتنين تافهين خلاص هتسيب المنتدى
وبعدين لما انته تسيب المنتدى انا ادخله علشان مين
لا يابرى ماينفعشى الكلام ده
وبعدين الكلام ده مش كلام البرى الى انا عرفته وصاحبته وحبيته زى اخويا بالظبط
نسيت يابرى انته اد ايه بتحب المنتدى ده
خلاص يابرى هيهون عليك المنتدى.طب ان كنت زهقان مثلا من امتحانات او غيره ان شاء الله هتهدى وهترجع تانى
ياريت يابرى تفكر فى كلامك ده كتير
انا عايزك ترجع البرى الى انا اعرفه
البرى الى كان بينزل قصائد تهبل والبرى الى عرفنى ع المنتدى ده
ياريت يابرى تعيد حساباتك تانى
سلام

اسوا عضو ف المنتدي
تصدق
وغبي تصدق يا راجل
ههههههههههههههههه
عارف انت غبي ليه
فيه حد يقدر يسيب بيته
يابني انت موجود ع المنتدي
اكتر ما انت موجود فبيتكم
واللي مش عاجبه هو اللي يغور
وبطل الصداع اللي انت جبتهولي دا

محمد انا مش هقول حاجة عشان في كتير قالو حاجات قبلية
كل الي هقولهولك عيب ان الواحد يكون بينادي بحاجة ويعمل غيرها
هتقولي فين دي هقولك بص في توقيعك وانت هنا اتأسفت للغلط فيهم وخلاص المفروض يبقى الكل صافي يالبن كده انا خلصت كلام في موضوع البري

اخش بقة في موضوع الاهانات دي في ايه يا جماعة كل يوم عضو هيخش ويقول واحد بعتلي قالي كذا ايه ابراهيم وسما ودلوقتي محمد واعتقد في اتنين كمان نسيتهم فيه ايه
يعني المحترمين الي بيبعتو رسايل خاصة يبطلو الهبل ده انا زهقت

وكمان يابرى انته مش اى حد يستفزك تقوم انا هسيب المنتدى وماشى
ساعم الى يرد عليك رد وحش نفضله
وبعدين انا بيتهيألى ان انته بتديهم الفرصه انهم يفرحوا فيك
ياريت يابرى تفكر كتيييييير
سلام

<div class='quotetop'>إقتباس(كلكول @ Jan 10 2007, 03:07 AM) 254291</div>
وكمان يابرى انته مش اى حد يستفزك تقوم انا هسيب المنتدى وماشى
ساعم الى يرد عليك رد وحش نفضله
وبعدين انا بيتهيألى ان انته بتديهم الفرصه انهم يفرحوا فيك
ياريت يابرى تفكر كتيييييير
سلام
[/b]

ايوه كده ياكلكول اديله
ايه يابرررى هو محدش قادر عليه
بص يابنى الاى انتا شيفة صح اعمله

أنا شايف أن فيه أعضاء بيبالغوا

أيه المنتدى بيته مش بيته

شويه شويه حيقولوا نموت نموت ويحيا المنتدى

أولا أنا مش شايف أن عصبية البرى بتأثر على ردوده

لكن اغلب الاعضاء هما اللى بينتظروا الشكر والتقدير دون النقد والتكدير

واللى بقولوا لمحمد

أنت مستمتع بوجود فى المنتدى

وبتقضى فيه وقت إلى حد ما مفيد

وبيكسبك صداقات

تسيبه ليه

وبالنسبة للى بيشتم


فهو مضرش صورتك بالنسبة لبقية الاعضاء فى حاجه

وعلى العموم القرار راجعلك


وماهواش يعنى اقرار اللى حيغير مسرى حياتك

والله الصراحه يالبري احسن قرار خذته
عقبالي وانا بدأت تدريجيا اطلع من المنتدى اللي مفهوش تفاعل
والله يوفقك
واتمنى انك تسامحني يمكن اكون انا السبب
سلام يا اخي

كل واحد يقول انا السبب .

ههههههههههه

البرى هوه اللى استبعط .

فاكر اول يوم رجعت فيه المنتدى يا برى .

فاكر انت بعتلى رساله بتقول ايه .

............

تعرف .. انا ليا 2 اصحاب بس فى المنتدى ده .

انت و تيتو الله يرحمه بقى معندش شوفه .

امشى انت كمان عشان ابقى لوحدى . هههههه

. انا قبلك كنت اكتر واحد بتعرض لانتقاد واهانات . واللهى لدرجه انى مكنت بقرأ الرسائل الشخصيه لانى مش فاضيلهم .

لكن انا متفرقش معايا . ده تقريبا المنتدى العربى الوحيد اللى انا مشترك فيه . لو سيبته معندش هتكلم عربى خالص .

وبصراحه . فيه كام عضو بس بتمنى انى افيدهم . وبنتظر ردودهم . وباقى الردود حتى مبعقبش عليها .

واى مووضع جديد لاى عضو ملوش لازمه مبردش عليه .

لكن انت شكلك مبتعرفش تطنش ولا تكبر دماخك .

....... انا اللى فهمتوا من كلامك انه بسبب نيو و**** وواحد كمان فى رساله خاصه .

نيو تبقى عبيط رسمى لو زعلت منه .

**** انت حر معاه

واللى بعتلك رساله خاصه ده

ايه يعنى ده جبان مش قادر يرد عليك فى المنتدى ." زيك :) "

عايز تمشى بسبب رساله خاصه . اتفضل يا تافه .

محمد ..خلص امتحاناتك ورد بعدها