مشاهدة النسخة كاملة : نشرة الاكاديمية للمعلمين المساعدين
Eslam Farouk 05-12-2009, 02:03 PM ورد الى المديريات الفاكس ـ الموضح أدناه ـ من الأكاديمية المهنية للمعلمين بالوزارة والذي أكد السيد وكيل الوزارة بضرورة ارسال نسخة لجميع المدارس للإعلان واشعار المعلم المساعد للالتزام بما جاء بالفاكس ....
الاكاديمية المهنية للمعلمين
____________________
السيد الأستاذ / مدير مديرية التربية والتعليم بمحافظة ................
السلام عليكم ورحمة الله وبركاته... وبعد
فى ضوء ما تكشف لنا من بعض المخالفات وعدم صحة الأوراق المقدمة من بعض المعلمين المساعدين عند التقدم بملفاتهم إلى الأكاديمية للترخيص لوظيفة معلم ، فإنه يستلزم الأمر إعطاء توجيهاتكم بضرورة تقدم المعلم المساعد الذى حصل بالفعل على إيصال التقدم لأصول الأوراق التى تقدم بها ( شهادة التخرج - شهادة الديلوم العام فى التربية لغير التربويين - أصل العقد - شهادة الحصول على icdl " الأربعة موديولات المطلوبة - صحيفة الأحوال الجنائية ) إلى فرع الأكاديمية الذى تقدم إليه.
وسوف تستقبل أفرع الأكاديمية بالمحافظات المعلمين المساعدين فى الفترة من 1/12/2009 حتى 31/12/2009
علماً بأن من يتخلف عن تقديم أصول أوراقه معتمدة سوف تحجب نتيجة اختباره.
شاكرين حسن تعاونكم معنا
وتفضلوا بقبول وافر الاحترام والتقدير
مدير الاكاديمية المهنية للمعلمين
أ.د / محمود عباس عابدين
** ملحوظة : مطلوب فيش جديد غير اللى قدمناه قبل كده ، لأن الفيش مدته 3 شهور فقط علشان كده بانصحكم تعملوا الفيش بكره علشان يلحق يطلع قبل انتهاء ميعاد التقديم.
وربنا يوفقنا جميعا
roaaaa 05-12-2009, 02:51 PM طيب واللى لسه شهادة icdl مطلعتش يعمل ايه ؟؟؟؟؟؟؟؟؟؟
ممكن يقبلوا الافادة ولا هيعترضوا كالعادة ؟؟؟؟؟؟؟؟؟؟؟؟؟؟
فعلا دوخينى يالمونة
Eslam Farouk 05-12-2009, 02:58 PM طيب واللى لسه شهادة icdl مطلعتش يعمل ايه ؟؟؟؟؟؟؟؟؟؟
ممكن يقبلوا الافادة ولا هيعترضوا كالعادة ؟؟؟؟؟؟؟؟؟؟؟؟؟؟
فعلا دوخينى يالمونة
انا لسه متصل بمسئول احد الفروع وسألته نفس السؤال..
قالى الافادة مش هاتنفع.. قالى لو الشهادة لسه مطلعتش بتطلب منهم ال skillcard وبتصوره وتختمه من المركز وتقدمه بدل الشهادة لحد ما الشهادة تطلع
almoslema 05-12-2009, 02:58 PM طيب واللى لسه شهادة icdl مطلعتش يعمل ايه ؟؟؟؟؟؟؟؟؟؟
ممكن يقبلوا الافادة ولا هيعترضوا كالعادة ؟؟؟؟؟؟؟؟؟؟؟؟؟؟
فعلا دوخينى يالمونة
انا برده عندى نفس المشكلة وللى مش فهماه ان هيخدوا الأصول و لا هيرجعوها فقط...............؟
Eslam Farouk 05-12-2009, 03:04 PM انا برده عندى نفس المشكلة وللى مش فهماه ان هيخدوا الأصول و لا هيرجعوها فقط...............؟
هاياخدوها.. لان اللى قدمناه قبل كده صور للمستندات علشان نعدى الامتحان.. لكنهم طالبين الاصول علشان التعيين ويبقالك ملف باصول اوراقك فى الوزارة .. ده اللى فهمته من مسئول احد الفروع ، لأن ماينفعش تتثبت وتتعين بصور لشهاداتك ومستنداتك
مس رانيا حسن 05-12-2009, 03:09 PM طيب يا جماعه يعنى مش هينفع ناخد الاصول اللى موجوده فى الادارة
ولا نستخرج اصول جديدة
يا ريت لو حد سال فى الادارة لو ممكن ناخد الاصول من الادارة ام لا
emy142005 05-12-2009, 03:15 PM طيب واللى لسه مدخلش الامتحانات يعمل ايه
Eslam Farouk 05-12-2009, 03:24 PM طيب يا جماعه يعنى مش هينفع ناخد الاصول اللى موجوده فى الادارة
ولا نستخرج اصول جديدة
يا ريت لو حد سال فى الادارة لو ممكن ناخد الاصول من الادارة ام لا
تقريبا فى الادارة مش هايرضوا يطلعوا الاصول..
ودى هاتبقى مشكلة جامدة هى وحكاية ال skillcard ..
علشان كده بطلب من كل المعلمين المساعدين يدخلوا لوكيل الوزارة اللى فى محافظتهم ويبقى يتصرف هو بقى..
هما هايقعدوا يلعبوا بينا كل شوية ؟!! ده يبعتنا لده وده يحدفنا لده ؟!!
بجد قمة المهزلة
حسبى الله ونعم الوكيل
Eslam Farouk 05-12-2009, 03:29 PM طيب واللى لسه مدخلش الامتحانات يعمل ايه
مانتى مقدمة الاقرار والتعهد بان النتيجة هاتحجب لحد ماتجيبى الشهادة او مايثبت انك اجتازتى الاختبارت..
وحاولى تخلصى الاريعة موديولات المطلوبة خلال هذا الشهر..
وربنا معانا كلنا
almoslema 05-12-2009, 03:36 PM مانتى مقدمة الاقرار والتعهد بان النتيجة هاتحجب لحد ماتجيبى الشهادة او مايثبت انك اجتازتى الاختبارت..
وحاولى تخلصى الاريعة موديولات المطلوبة خلال هذا الشهر..
وربنا معانا كلنا
المشكلة انهم مش معترفين بالإفادة و مركز التطوير رافضين يدونى skillcard اصوره......... طيب نعمل ايه
Eslam Farouk 05-12-2009, 04:02 PM المشكلة انهم مش معترفين بالإفادة و مركز التطوير رافضين يدونى skillcard اصوره......... طيب نعمل ايه
علشان كده بقول لازم كلنا بكره ان شاء الله نعدى لوكيل الوزارة ( كلا فى محافظته )
ونشرح ليه المهزلة اللى حاصلة دى وهو يتصرف.. يتصل بالمركز ويخليهم بدونا ال skillcard نصوره
Eslam Farouk 05-12-2009, 04:07 PM مطلوب فيش جديد غير اللى قدمناه قبل كده ، لأن الفيش مدته 3 شهور فقط علشان كده بانصحكم تعملوا الفيش بكره علشان يلحق يطلع قبل انتهاء ميعاد التقديم.
Eslam Farouk 05-12-2009, 04:10 PM والفيش يكون باسم الاكاديمية المهنية للمعلمين
محمدطعيمة 05-12-2009, 04:55 PM نأمل في حالة صدق ها الكلام أن تقوم الأكاديمية المهنية للمعلمين توضيح المطلوب بالضبط علي موقعها علي الأنترنت كما كانت تفعل وقت الامتحان حتي لا تترك مجالا للقيل والقال وأنا سوف أرسل لهم علي إيميلهم بذلك ومن يعرف يرسل يرسل هو الآخر أليس هذا أفضل وأسرع وأدق
خبير التقنيه 05-12-2009, 04:57 PM واللى مش معاه الicdl من اساسه يقدم اية ولا ما يروحشى الاكاديمية انا اعرف الالاف من الزملاء لم يدخلو امتحان الicdl
mena gerges123456 05-12-2009, 05:49 PM طيب ياجماعة انا مقدم شهادة التخرج مختومة صورة طبق الاصل من الادارة التعليمية مش تنفع ولا لازم اصل اصل
بختم النسر اة رايكوا وicdel انا خلصتها ومش عايزين يدوني الكارت اصورة ولا حتي يستخرجولي التقرير بتاعي من علي الموقع الرجاء الافادة
Eslam Farouk 05-12-2009, 06:09 PM طيب ياجماعة انا مقدم شهادة التخرج مختومة صورة طبق الاصل من الادارة التعليمية مش تنفع ولا لازم اصل اصل
بختم النسر اة رايكوا وicdel انا خلصتها ومش عايزين يدوني الكارت اصورة ولا حتي يستخرجولي التقرير بتاعي من علي الموقع الرجاء الافادة
بالنسبة لصور طبق الاصل ماتنفعش.. هما عايزين الاصول التالية :-
1- اصل المؤهل.
2- اصل الشهادة التربوية ( لغير التربويين ).
3- اصل العقد.
4- اصل شهادة ال ICDL أو صورة من ال skillcard مختومة طبق الاصل من المركز.
5- صحيفة الحالة الجنائية
وبالنسبة لتصوير ال skillcard عليك بالذهاب لوكيل الوزارة وهو مسئول عن كل هذه الاجراءات
chelseawy 05-12-2009, 06:17 PM طيب صورة الskill card لازم تكون مختومة ؟ أصل معايا صورتها بس مش مختومة ومبيتهيأليش هتنفع تتختم بيقولوا الأختام اللى على الأصل واضحة ومش محتاجة الصورة تتختم
roaaaa 05-12-2009, 06:19 PM انا كنت عملت فيش فى شهر 9 يعنى ينتهى شهر 12 ومقدم لوزارة التربية والتعليم
ينفع اقدم بيه ولا لازم اعمل واحد جديد ؟؟؟؟؟؟؟؟؟؟
مس رانيا حسن 05-12-2009, 06:32 PM بالنسبة لاصل العقد
طبعا موجود فى الادارة
والادارة هترفض طيب والحل
محمدطعيمة 05-12-2009, 07:31 PM http://academy.moe.gov.eg/contact.aspx (http://academy.moe.gov.eg/contact.aspx)
ماسبق هو رابط تقديم الشكاوي والاستفسارات وكل وسائل الاتصال بالأكاديمية المهنية للمعلمين
علينا جميعا أن نستفسر منهم ونسألهم عن هذا الكلام وأن نطالبهم بأن يضعوا كل مايريدون علي موقعهم للتأكد من صحته ومعرفة المطوب بالضبط
وشكرا مع أطيب التمنيات لنا جميعا
بوسى سمسم 05-12-2009, 08:31 PM ياجماعه لو سمحتوا واللى لسه ممتحنش icdl يعمل ايه
المجدد 05-12-2009, 10:37 PM انا قلت الكلام ده من ايام
ومحدش صدقني
عايزين اصل العقد
واصل العقد في الادارة فقط
والادارة هترفض منحنا اصل العقد
وانسى يا معلم
حاجة تانية غريبة جدا
كلنا مسلمين فيش اصل
عايزين فيش اصل تاني ليه
على اساس هنكون عملنا جرائم حرب في الشهر اللي فات
حاجة اخيرة
الاصول ديه ملهاش دعوة بالاصول
وحاجة اخير
انا مش هعمل حاجة
واللي عايزين يعملوه يعملوة
ولو اتحدنا مرة واحدة ممكن نعمل حاجة في البلد ديه
بلاش جبن
كلنا يبقى يد واحدة نرسل شكاوي ومش هنفذ حاجة لأن طلباتهم غير منطقية ومستحيله كما اوضحت في اول الرسلة
ما فيش فايدة
وطبعا اللي هيخاف وهيروح ويتصل يعمل اللي هو عايزة وبرده هيرجع لنفس البداية مافيش فايدة
المجدد 05-12-2009, 10:42 PM انا قلت الكلام ده من ايام
ومحدش صدقني
عايزين اصل العقد
واصل العقد في الادارة فقط
والادارة هترفض منحنا اصل العقد
وانسى يا معلم
حاجة تانية غريبة جدا
كلنا مسلمين فيش اصل
عايزين فيش اصل تاني ليه
على اساس هنكون عملنا جرائم حرب في الشهر اللي فات
حاجة اخيرة
الاصول ديه ملهاش دعوة بالتعين ده لتصحيح اوراق شاكين فيها
وحاجة اخيرة
انا مش هعمل حاجة
واللي عايزين يعملوه يعملوة
ولو اتحدنا مرة واحدة ممكن نعمل حاجة في البلد ديه
بلاش جبن
كلنا يبقى يد واحدة نرسل شكاوي ومش هنفذ حاجة لأن طلباتهم غير منطقية ومستحيله كما اوضحت في اول الرسلة
ما فيش فايدة
وطبعا اللي هيخاف وهيروح ويتصل يعمل اللي هو عايزة وبرده هيرجع لنفس البداية مافيش فايدة
احمدوزه 05-12-2009, 10:54 PM دول كفرونى خلاص بجد انا تعبت
ايه الدوخه دى
وبعدين انا لسه مخلصتش دورة الكمبيوتر دى اصلا وشغاله فيها
مش عا رفه بيعملوا فينا كده ليه
محمدطعيمة 05-12-2009, 11:06 PM أنا باستغرب جدا من الأخوة الذين يقولون أن أصل العقد بالادارة التعليمية
أصل العقد بالادارة التعليمية بيعمل ايه
أمال احنا في ادارة أشمون التعلمية بالمنوفية معانا من أول 1/7/2008 اللي عملنا فيه عقد المعلم المساعد معانا أصل العقد ليه
وده حق طبيعي لكل واحد فينا لأن العقد بيكون أربع أصول واحد في المديرية وواحد في الادارة وواحد في التأمينات وواحد مع حضرة كل واحد فينا
نور الهدى 22 05-12-2009, 11:19 PM احنا في الازهر بيقى في اصل للمعهد اللي بتشتغل فيه واصل معاك وباقى الاصول في المنطقة
طيب بالنسبة للمتعاقدين الجداد 2009 اللي لسه مش امتحنوا يقدموا برضوا في الاكادمية
Eslam Farouk 05-12-2009, 11:42 PM احنا عندنا هنا كانوا طالبين اصل العقد مننا فى الادارة.. فيه اللى سلمها وفيه اللى ودالهم صورة منه
المجدد 06-12-2009, 02:31 AM انا من الجماعة اللي بيقولوا اصل العقد في الادارة
انا اعترف سيدي الجنرال
واقر بذنبي
عارف ليه اصل العقد في الادارة لاننا في ادارتنا الغراء لم نكتب سوى نسخة واحدة من العقد وعندما طلبنا نسخة لنا قالوا صوروا العقد
وعادي جدا صورنا لم نكن نعلم سيدي انه سيأتي يوما الاكاديمية تبحث عن ولاد الاصول ......... اقصدي الاصول
ايهاب العراقى 06-12-2009, 04:17 PM لا حول ولا قوه الا بالله
اللهم اجعلنا من الصابرين
بوسى سمسم 06-12-2009, 04:33 PM ياناس كلنا مستلمين صوره ومكتوب عليها صوره طبق الاصل بس لكن ولا اصل ولا اى حاجه وحسبى الله ونعم الوكيل
emidiabi 06-12-2009, 04:48 PM حسبي الله ونعم الوكيل
aliya 06-12-2009, 05:25 PM انا بجد معاك لزم نبقى ايد وحده ونوقف وقفة وحدة لزم نبطل خوف شوية يعنى هيعملو فين اية اكتر من كدة والله من عملة حاجة لان الاكادمية ملهاش تخد اصول ولما هما شكين فى شى معين ماقولوش لية من الاول ولا عيزين ينسونا حاجة معينة بجد بقى شى مهين
aliya 06-12-2009, 05:28 PM يلا بنا نوقف مع بعض ومندهمش فرصة لاى شى اخر لان احنا لو استجبنا لكل المطالب هنلقى الف حد بيطلب مننا اوراق وسلاملى على الحكومة
suzanne sami 06-12-2009, 07:45 PM ياجماعة هم طالبيين الاصول علشان التعيين ده الللي انا عرفته واللي ماخدوش الicdl يحاولوا ياخدوا ... ربنا معانا
المجدد 06-12-2009, 08:51 PM النشرة واضحة
الاصول لمراجعة بيانات المعلمين لأن ببعضها أخطاء
جيش الموظفين اللي في الأكاديمية واللي عذبونا عشان يستلموا الورق
واللي يقول الأمضاء غير واضح
واللي يقول التاريخ مش مظبوط
واللي يقول الورق اللي عليه العقد 80 جرام والمفروض يبقى 85 جرام !!!!!!!!!!!!!
كل ده
وبعد كده اكتشفوا
ان هناك بيانات خاطئة
!!!!!!!!!!!!!!!!!!!!!!!!!!!!!!!!!!!!!!!!1
لا توجد علامات تعجب كافية في جهازي
وبرده بكرر
انا العبد الفقير لن أنفذ الأمر
وأضربوا دماغكم في أتخن ورقة
عايزين تلغوا العقد
مستحيل هجرجركم في المحاكم (أنا معايا خبرة مخبر خافوا مني أحسن )
عايزين أصول في الأدارة اتصرفوا معاهم
وحسبنا الله ونعم الوكيل
(هند) 06-12-2009, 09:12 PM السلام عليكم
امال الاكاديمية كانت بتعمل ايه
مش كانوا بيراجعوا الورق الى ااصلا متراجع من الادارة وممضى ومختوم خمس اختام منها وختم النسر منور عايزين ايه هما
وليد سرحان 06-12-2009, 09:49 PM حسبنا الله ونعم الوكيل
fefe_2006 06-12-2009, 10:44 PM كلناااااااااااااااا فى الادارة بدون استثناء يوم امضاء العقد قالو صوروه 3 نسخ واحنا زى اللى ....... عملنا كدا ومش معانا غير الصور يبقا ايه الحل وبعدين اعمل ليه فيش تانى وانا استلمته فى شهر 10 لييييييييييييييه وكمان ال icdl طيب دى لوحدها قدامها تلات شهور علشان نمتحن وناخد الشهادة وطبعا التأخير مش مننا ده من الادارة اللى وقفت التدريب لمدة شهر .. ومراكز التدريب الخارجية كانت خلاص مفيش مكان بالاضافة انك لما تقدم للامتحان تستنى دورك ياسيد بصراحة لسانى عاجز عن الكلام .... !!!!!!!!!!!!!!!!!!!
نور الهدى 22 06-12-2009, 11:13 PM طيب بالنسبة للمتعاقدين الجداد 2009 اللي لسه مش امتحنوا يقدموا برضوا في الاكادمية
ممكن حد يفدني في الموضوع دا او يكون في اي رد
جزاكم الله خير
حاتم صالح 06-12-2009, 11:17 PM احنا قدمنا فى الازهر كل ده
قبل الامتحان
بس فيه حاجه عاوز استفسر عنها
انا معايا icdl من 3 سنوات وقدمت منها صورة طبق الأصل
يا ترى المفروض اقدم الاصل ولا ايه
Eslam Farouk 06-12-2009, 11:33 PM طيب بالنسبة للمتعاقدين الجداد 2009 اللي لسه مش امتحنوا يقدموا برضوا في الاكادمية
ممكن حد يفدني في الموضوع دا او يكون في اي رد
جزاكم الله خير
لا لسه يا نور انتوا فى شهر 4 ان شاء الله
abou wafaa 06-12-2009, 11:39 PM ياجماعة هم طالبيين الاصول علشان التعيين ده الللي انا عرفته واللي ماخدوش الicdl يحاولوا ياخدوا ... ربنا معانا
فعلااااااااا الكلام دا صحيح
بس للاسف تعين بعقد مش تعيين عادى
|