دلوقتي يا جماعه انا في كلية تجاره طنطا وبجد مخنوقه ومش فاهمه حاجه ومش زاكرت حاجه ومش عارفه ازاكر وحاسه اني هضيع وعاوزه احول دلوقتي اداب جغرافيا بس مش راسيه ع قرار معين ممكن تساعدوني وتقولولي اعمل ايه

السلام عليكم تسمعي كلام واحد اعتبريه صديقك او زميل خليكي في تجارة وان شاء الله هتعدي هي على العموم الكلية بنسمع عنها انها صعبة لكن ربنا بيسترها علينا كلنا وانتي لو مش عارفة تذكري من الكتب اشتري المذكرات اللي بتنزل في المكاتب زي ما انا هعمل بالضبط وانا والله زيك تمام مفتحتش كتاب من اول السنة وهقضيها مذكرات بس بحضر سكاشن في المواد المهمة وياريت في النهاية اكون افدتك وربنا معاكي على فكرة انا تجارة اسيوط انتظام اول سنة ومرعوب جدا بس بحاول اطمن نفسي والناس معايا وانا اسف لو كترت في كلامي

ميرسي كتير ليك وع ردك وانا فعلا هحاول اني اتأقلم مع الكليه مع اني مش طيقاها وربنا يستر بقي

العفو وربنا ويوفقك ويوفقنا كلنا في النجاح والخير ومساعدة المحتاجين

انا من رأي انيك تحاولي بجد تتأقلمي مع الكليه ولازم تكوني فخوره انيك في تجاره او بمعني اصح كليه اداره اعمال لانهم من المفروض يسموها كليه اداره اعمال وليس تجاره

وربنا معاكي ومعانا كلنا

بصي لو ناوية تشتغلي بعد الكلية - يبقى تدخلي الكلية الي ناوية تشتغلي في المجال بتاعها و ح تكوني متميزة في شغلك
و لا إيه .... موضوع التأقلم ده مش هو الحل

تصدق عندك حق لكن كلية تجارة ليها فرصة عمل اكتر من اي كلية تانية ومن ضمنها كلية اداب

اية الاخبار