بسم الله

سلام عليكم ..

======

من سنة فاتت وزيادة .. جوزيه طلب فلافيو .. و جه فعلا ..

من اول ماتش لعبه .. ظهرت مهارته .. كان ماتش اياكس كيب تاون اللى كان فى القاهرة .. اذا لم تخنى الذاكرة ..

لكن المشكلة انه ما احرزش اهداف ...

وجه ماتش الزمالك فى بطولة افريقيا "اول ماتش " .. ساعتها ضيع ضربة جزاء .. كان متسبب فيها ..

من هنا بدأ " الحقاد " الرياضيين ( اه .. رياضيين والله ) ياخدو فرصتهم ..

والفراخ بدأت تطلع من العشش ..

بعضهم بدأ ينقد فلافيو ويمسحه تريقة ويشبهه بالاجانب اللى سبقوه زى كاستيللو و ماكى .. و ايفيلينو .. لانهم بيكرهه جوزيه ..

والبعض .. لانه بيكره الاهلى اصلا ..

وفيه ناس تانية .. رغبة فى استعراض خفة دمها .. زى حسن المستكاوى .. اللى اطلق على لعب فلافي وقتها : " ظاهرة الفلافيوزى "" ..

فى ناس صدقت .. وبدأت تغضب من جوزيه لانه كان بيصر يلعبه ويديله فرصة ... وهى للأمانة كانت اكبر من اى فرصة اداها لاى لاعب ...

دفاعا عن رأيه فى اللعيب اللى طلبه .. الصفقة اللى كان هو اول سبب ليها ...

=============

ميتهيأليش حد انصفه او اتعاطف معاه غير جزء من جمهور الاهلى .. و ""محمد سيف"" فى جريدة الاهرام .. لما قال ان الناس لازم تصبر عليه ..

وفكرهم بلاعب الزمالك الافريقى اللى جابوه فى موسم وما احرزش الا جون واحد .. والموسم اللى بعده بقى هداف الدورى ..

اسمه انا ناسيه الصراحة .. لكن كان حاجة شبه : ايمانويل تقريبا

=============

فى ظل الظروف دى .. وبعد انتهاء الموسم .. زيادة على الاشاعات ببيعه .. كان لازم اى لعيب ينهار كرويا ..

لكن فلافيو كان له رأى تانى ..

الجحيم الانجولى بدأ فى الاشتعال فى كاس الامم الافريقية هنا فى مصر .. وكان هداف منتخب بلاده ..

ثم ازداد اشتعالا فى كأس العالم .. قدام عيون الملايين .. لما احرز هدف بلاده الوحيد فى منتخب ايران ..

وبعدين الانتفاضة فى الدورى .. امام بترول اسيوط .. 21/8/2006 .. ودى كانت بداية الانطلاقة الحقيقية ..

http://www.w30w.com/up-pic/uploads/fd7fc99b6e.jpg

===================

بتوالى المباريات .. اصبح فلافيو هداف الفريق تقريبا .. وهو دلوقتى على قمة هدافى الدورى .. برصيد 13 هدف ..

.. فلافيو هوة اللى اتغير .. اتغير لدرجة تخلى ((الجماعة اياهم)) يتهموه بالحظ .. اللى اتبدل فجأة 180 درجة بعد ما كان " منحوس ""
غير اتهامه بالمنشطات .. ولا حول ولا قوة الا بالله .. ودى عملنا فيها موضوع لوحدها ..

===================

بمناسبة صراع لقب الهداف ..

النهاردة فى حاجة جميلة اوى ...

المنافسة بين هدافى الدورى بقت حلوة ..

فلافيو 13
متعب 12
احمد حسن11

وباذن الله فلافيو يكمل المشوار .. ويوم فلافيوزى اخر


http://members.lycos.co.uk/crazyivan4ever1/Flavio.png


تحياتى ...

يااااااااه
تعرف
فيه ناس كل يوم تصحى تحمد ربنا
عشان فلافيو ماجالهومش فى المنام

هههههههههه حلوه يا منص .

وضوع حلو بجد يا مان .

لو تعرف تعمل موسوعه عن فلافيو التثبيت يتنظرها .

<div align="center"> يخربيت دماغك يا راجل

انت بتكتب شعر ولا ايه

ولا منقول ولا حاجة

جميل يا =CRaZY_IVaN=</div>

ده حاجة على السريع ..

عشان حبيب قلبى فلافيو ..

شكرا للمرور يا رجالة ..

================

والله بفكر فعلا فى حوار الموسوعة ده ..

بس عايزله وقت .. فى الاجازة اللعب هيبتدى ان شاء الله ..

وعلى رأى منص .. اللى يلعب بالدح .. ميقولش اح



====

وشكرا يا ريكوبا ..

احنا فعلا مبننقلش غير الاخبار بالمصدر