koshaman
09-12-2009, 03:10 PM
ماذا افعل للتوبه
|
مشاهدة النسخة كاملة : شاب عاصي koshaman 09-12-2009, 03:10 PM ماذا افعل للتوبه ~~ yaso ~~ 09-12-2009, 03:38 PM بص اول حاجة لازم تشوف كان ايه السبب يعنى مثلا اصحابك كانوا مش كويسين او اى سبب كان وبعد ماتعرف السبب وتبعد عنه يبقى نص المشكلة اتحلت اندم ع اللى فات واستغفر ربنا و اشكيله كل همك وقولوا ع الجواك وقولوا قد ايه انك ندمان وانك ضعيف وانك اقل كتيررر انك تعصيه وادعيه وقولوا انك عارف انه بيستجيب الدعاء للى بيدعيه وانك لما هتقرب لربنا شبر هيتقدملك ذراع و شوفلك اصحاب كويسين ودول اهم حاجة ولو ملقيتش عشان دول بيبقوا نادرين اصبر لحد لما تلقيهم فالوحدة خير من جليس السوء وحاول متعصيش ربنا تانى وواظب ع الصلاة وياريت لو فى المسجد والفروض واعمل خير كتير عشان ربنا يغفرلك و بر والديك او ع الاقل خالص بلاش تعصيهم ولو ليك اخوات او حد بتثق فيه ممكن تفضفضله وحاول تكون قوى شوية او عندى يعنى وتفتكر ان ربنا فضلك عن كل الكائنات فمينفعش تبقى اضعفهم والشيطان يضحك عليك ولا تعصى ربنا بدل ماتشكره وحدد هدفك كويس وانك مش هتعصى ربنا تانى ولو عصيتوا بذنب صغير لان كل ابن ادم خطاء فبادر بالتوبة قال إبليس : العجب لبني آدم ! يحبون الله ويعصونه ، ويبغضونني ويطيعونني ربنا يغفرلك ويوفقك لما يحبه ويرضاه اختك فى الله koshaman 09-12-2009, 04:00 PM شكرا ليكي بس انا مش عارف اعمل اي حاجه koshaman 09-12-2009, 04:05 PM صحابي هما السبب بس انا بحبهم ~~ yaso ~~ 09-12-2009, 04:54 PM يبقى انت اللى بتحب تجيب الاذية لنفسك بتحب ربنا و بتسمع للشيطان طب ازاى؟؟!! ربنا و لا اصحابك و بعدين هو انت متقدرش تغير من طبع صحابك دول؟ وع فكرة طول ماانت معاهم هيخلوا سمعتك وحشة ومحدش يبقى عايز يكلمك وبعدين ما انت كده او كده مسيرك هاتفارقهم يبقى تفارقهم فى طاعة ربنا ولا معصيته وكمان انت ازاى تحب حد مش بيحبك هما لو بيحبوك مكانوش هيخلوك تبقى محتار كده وبعدين انت لسه صغير اوى 16 سنة بس يعنى لسه ياما هتشوف م الناس اشكال والوان ومينفعش تضعف وتستسلم كده من اقل حاجة خليك اقووووووووووى من كده وع فكرة هقولك حاجة عن تجربة شخصية انا لما لقيت صحابى بيتغيروا للأسوأ و قلت انا لازم اسيبنى منهم بجد مفيش كام يوم ولقيت صحابة محترمة جدا ودمها خفيف وفيها كل حاجة انا كنت عايزاها دى مش مبالغة ولا كلام فاضى دى حاجة حصلت معايا انا شخصيا انت لو سبت صحابك دول عشان ربنا ربنا هيعوضك بأحسن منهم حتى لو مكنش فى ساعتها بس هيعوضك خليك قوى واعرف مصلحتك لو انت عايز تبقى كويس شوف صحاب كويسين مش صحابك اللى يخلوا ربنا يزعل منك لازم تسبهم صدقنى طول ما انت معاهم مش هتبقى مستريح اياك وان تثق فى انسان او تعطى الامان لثعبان اياك وان تقول صعب النسيان فاجعل من نفسك صخرة من صوان نصيحة من صفعات الايام وبكررررخليك اقوى من كده ربنا يهديك bido94 09-12-2009, 07:39 PM كلامك جميل جدا جزاكي الله خيرا koshaman 09-12-2009, 10:24 PM بصي انتي متتصوريش انا مرطبت بصحابي دول جدا بصي انتي متعرفيش انا عملت ايه انا وصحابي دول انا عايز اطلب منك انك ترسليلي ايميلك علي الخاص واكلمك بحريه اكتر .................................................. ...............................................شكر ا |