محتاجه مساعده ضرورى [الأرشيف] - بوابة الثانوية العامة المصرية

مشاهدة النسخة كاملة : محتاجه مساعده ضرورى

without_heart

09-12-2009, 03:35 PM

انا بجد مستوايا مش عرفه هو كدا ايه انا مستوايا غير منتظم خالص يعنى مره انقص درجه مره 3 مره بدرجه وحشه جدا وانا نفسى مستوايا يباه متظم مش عرفه ممكن اعمل دا ازاى وتانى حاجه انا فى الانجليزى والعربى مع مجموعه متفوقه فانا اما انقص درجه دى حاجه بتحسسنى بالفشل وانى مش نافعه فى حاجه وكمان اللى مخلينى مقتنعه باللى انا فيه دا انى لو ابتديت مذاكره بجد من الوقتى هاجى بعد كدا واحس بملل فانا مش عرفه انا كلامى صح ولا بدحك على نفسى وخلاص انا فى تانيه ثانوى وغير كدا انا نفسى اجيب مجموع هندسه وحاسه ان بطريقتى دى مش هحصل تجاره بجد ساعدوونى عشان انا ابتديت احبط خلاص

BaNZeR

09-12-2009, 03:49 PM

احباط ايه الاحباط ده في هندسة لسه بدري عليكي في ثانوي :d

موضوع الانتظام ده شيء مستحيل لإننا مش كمبيوتر متبرمج
اكيد في يوم حذاكر كتير في يوم حكسل في يوم حكون تعبان في يوم حبقى زهقان
طبيعي درجاتي في المادة الواحدة طول السنة تبقى متفاوتة
بس المهم النسبة المئوية في الآخر هي اللى متبقاش طبيعية لو كانت بعيدة اوي عن درجة امتحان اخر السنة

النقطة التانية
موضوع المجموعة المتفوقة
طول ما انا حاسس بالفشل حذاكر اكتر
طول ما انا حاسس بالعبقرية في مجموعة من الاغبياء حيحسسني إني مش محتاج اذاكر اكتر
يبقى الشعور الاول ولو كان اوحش فهو الافضل
وده عن نفسي اللى كنت بمر بيه في تالتة ثانوي وهو اللى نفعني
إني دايماً بحس نفسي مقصر

موضوع لو ذاكرتي دلوقتي حتحسي بملل
أكيد بتاخدي دروس
لو مبتخديش يبقى شور طبعاً لازم تكوني بدأتي مش لسه حتبدأي
احنا خلاص وصلنا نص السنة تقريباً كمان شهر وامتحانات التيرم بتاعت الناس التانية تبدأ

اما لو بتاخدي دروس فانتي لو بتابعي دروسك كل درس بالاسبوع بتاعه خلاص مش حتحسي بملل او حاجة

الكلام ده لو الواحد بادئها مذاكرة من اول يوم ماشي
لكن اللى حيستنى لحد شهر 1 ويقول لسه بدري حيلاقي شهر 4 دخل عليه وهو لسه بيقول فاضل شهر !

أتمنى اكون قدرت اساعد بحاجة وربنا يوفق الجميع

without_heart

09-12-2009, 03:58 PM

مس رانيا حسن

09-12-2009, 04:49 PM

السلام عليكم ورحمة الله وبركاته
اولا اختى الحبيبة أذكرك أن الله عز وجل
خلقنا متفاوتين فى الرزق والصحة
والجسم وأيضا العقل
الفروق الفردية موجوده بين البشر
لهذا عليك الا تقارنى نفسك بأحد
كل منا مختلف عن الاخر
ثانيا مجرد قلقك وتوترك هذا كفيل ألا تحققى
ما تتمنيه
عليك بالهدوء وعدم القلق اجتهدى فلكل مجتهد نصيب
خذى بالأسباب أما النتائج فهى لله
أتمنى لك التوفيق والسداد
فى امان الله

BaNZeR

09-12-2009, 04:57 PM

هندسه انا ادخلها بعد كدا احبط براحتى
ماشى لازم تكون متفاوته طب واللى ثابتين دول طب اشمعنا
وبالنسبه للنقطه التانيه ماشى بحاول اذاكر اكتر يعنى انا فى اول امتحان كنت ناقصه 7 درجات ماشاء الله تانى امتحان درجه ونص بعد كدا نص درجه واتعشت على كدا ثبت على النص وهما full mark دايما
وانا اه باخد دروس ومعاهم والمشكله انى فعلا ابتديت احس انى مش نافعه خلاص الامتحانات قربت وانا فله وحتى لو بدات من الوقتى مش هلحق بردو
طيب كويس خالص يعني انتي ثابتة على مستوى كويس تقريبا الفل مارك
زعلانة من ايه بقى :d
هو طبيعي إنها تبقى متفاوتة بس مقلتش لازم طبعاً
المفروض بيبقى فيه مستوى عام لكل الامتحانات تقريباً بيكون واحد
وبيحصل احيانا التفاوت لكن مش على طول

والامتحانات لسه احنا في نص السنة الامتحانات لسه قدامها وقت
مش لسه قدامنا وقت عشان نذاكر قدامنا وقت عالامتحان نقدر نلحق فيه نفسنا

كان في نظرية بتقول الحاجة اللى المخ بيفكر فيها بتفضل تكبر وتنمو لحد ما تتحقق
فلو الواحد قعد يقنع نفسه إنه فاشل ومش نافع حيجيله وقت ومش حينفع في حاجة بجد
يعني اي واحد من الاوائل لو سألته حيقولك اه انا كنت بذاكر عشان اكون من الاوائل
عمرها ما حتيجي حظ

فانتي شخص الحمد لله درجاته حلوة وبيحاول يحسن مستواه اكتر من كده
اهم حاجة تفضلي على كده
فالوصول إلى القمة سهل ولكن المحافظة على القمة هو الاصعب
وبلاش الافكار الغريبة بتاعت الاحباط دي هي مرحلة زهق وحتعدي

without_heart

10-12-2009, 08:52 PM

without_heart

10-12-2009, 08:54 PM

طيب كويس خالص يعني انتي ثابتة على مستوى كويس تقريبا الفل مارك
زعلانة من ايه بقى :d
هو طبيعي إنها تبقى متفاوتة بس مقلتش لازم طبعاً
المفروض بيبقى فيه مستوى عام لكل الامتحانات تقريباً بيكون واحد
وبيحصل احيانا التفاوت لكن مش على طول

والامتحانات لسه احنا في نص السنة الامتحانات لسه قدامها وقت
مش لسه قدامنا وقت عشان نذاكر قدامنا وقت عالامتحان نقدر نلحق فيه نفسنا

كان في نظرية بتقول الحاجة اللى المخ بيفكر فيها بتفضل تكبر وتنمو لحد ما تتحقق
فلو الواحد قعد يقنع نفسه إنه فاشل ومش نافع حيجيله وقت ومش حينفع في حاجة بجد
يعني اي واحد من الاوائل لو سألته حيقولك اه انا كنت بذاكر عشان اكون من الاوائل
عمرها ما حتيجي حظ

فانتي شخص الحمد لله درجاته حلوة وبيحاول يحسن مستواه اكتر من كده
اهم حاجة تفضلي على كده
فالوصول إلى القمة سهل ولكن المحافظة على القمة هو الاصعب
وبلاش الافكار الغريبة بتاعت الاحباط دي هي مرحلة زهق وحتعدي

اه مهى المشطله ان النظريه اتطبقت عليا وخلصت ربنا يستر باه انت تقريبا فى هندسه جبتها ازاى دى