بسم الله الرحمن الرحيم

انا هخش في الموضوع على طول وهختصر من غير تفاصيل

دلوقتي المفروض انا يكون ايه موقفي لما صاحبي يتهمني ويشك فيا ويقولهالي صراحة ان في حاجة بيني وبين واحدة بيحبها
اسبابو معرفش يمكن عشان معايا في الكلية وفي الكورسات طبعا ده مش سبب يعني ايه لما تكون بتاخد الكورسات في نفس الحتة الي انا باخدها ويعني ايه لما تكون زميلتي في الكلية طب يعني المفروض احول من الكلية ولا اعمل ايه يمكن كل غلطي والي بندم عليه دلوقتي ان هما متحرج عليهم يكلمو بعض فانا كنت حلقة الوصل بينهم غير كده كل تعاملاتي معاها اوراق كورسات وتصوير ورق وقت الكورس وبس

ويوم التلات يتصل بيا يقولو انت كذا وكذا وكذا فيه ايه يابني يقولي عشان انا ائتمنك وقولك كل حاجة وانت تلعب من ورا ضهري
قلتلو انا مش فاهم يقولي لما تفهمني الي بينك وبينها

طبعا انا اتصدمت قلتلو مفيش حاجة بيني وبينها صدق صدق متصدقش طز فيك

وبجد دلوقتي انا مش عارف انا اعمل ايه انا مش عاوز اكلمو مخنوق منو جدا حاسس انو هان كرامتي ( ممكن اكون مزودها بس ده الي انا حاسو ) بس في نفش الوقت عاوز اكلمو مش عاوز اخسرو عشان صاحبي بقالنا سنتين ومش عاوزهم يضيعو وكان طول السنتين نعم الصاحب وكل ما اقول انسى مش عارف
ياريت الي عند رأي يقولو وياريت محدش يتريق

انا شايفه انك تتكلم معاه وتشوف الاسباب اللي خلته يقول كده
مينفعش تسيبه كده من غير ماتتكلموا خاصة انك بتحبه
ولازم يقتنع باللي عندك طول منت صادق
وعلي كده بقه لو هو صمم علي اللي هو متخيله يبقي انت عملت اللي عليك
وربنا يوفقك

[quote]
انا شايفه انك تتكلم معاه وتشوف الاسباب اللي خلته يقول كده
مينفعش تسيبه كده من غير ماتتكلموا خاصة انك بتحبه
ولازم يقتنع باللي عندك طول منت صادق
وعلي كده بقه لو هو صمم علي اللي هو متخيله يبقي انت عملت اللي عليك
وربنا يوفقك
[/quote
فكرت في كده بس رجعت قولت لا للاسباب دي

اولا اخاف يقول حاجة تانية وانا مش ناقص
تاني حاجة انا كده بقلل نفسي لما يكون هو الي غلطان في حقي وانا الي اجي اكلمو مش هو

بص معلشى صاحبك ده عيل بجد
الى يخسر واحد صاحبه علشان بنت يبقى عيل
بص انته عليك انك تكلمه وتفهمه هوه اكيد واخد فكره غلط فانته لازم تكلمه وتعقله وتقوله عيب الى بيعمله ده
واذا مقتنعشى برده وتناه مخاصمك فمتعبروش تانى وهوه لما هيهدا هيكلمك
وان مكلمكش تانى يبقى مش صاحبك بجد ومتزعلشى عليه
وده رايي
سلام

هو انا رايي من رايك يا كلكول بس من غير ما اكلمو يعني هو لما يهدا يتكلم متكلمش براحتو
بس مشكلتي اني برجع وافكر في الي بينا هل في لحظة غضب يضيع يعني متستحقش السنتين استحمل كلامو عشان المركب تمشي

السلام عليكم ورحمة الله وبركاته
انا مش عارف اقول ايه ؟؟؟
انا مش حقول حاجه الا بس موقف بسيط كده واعتقد ان كلكم عارفينه لما الروم حبو يدخلو الاندلس
كانو بيبعتو الجواسيس بتعتهم وكانو بيقيسو الشباب لانهم هم مقياس الدوله وهم الذين يحددو متى سقوط هذه الدوله
المهم بعتو الجواسيس فافيه واحد منهم بيحطكى بيقول انا لقيت مجموعة شباب قاعدين بيتعركو فا قال اروح باه اشتغل
فا راح علشان يشوف بيتعركو على ايه فا لقاهم بيتعركو على من فيهم بيروى الحديث احسن من التانى
فا خاف وارسل الى الجيش والى الرائسه بتعته وقال لا ارجعو لسه
والكثير من المواقف بس علشان مطولش عليكم
فى الاخر احدهم وجد شاب بيبكى بكاء شديد فا ذهب اليه وقال له لماذا تبكى قال
انى احببت فلانه ومش فاكر ايه كده
فا الجسوس ارسل الى الوله الرومانيه قال لهم اتفضلو ادخلو اصبحو لقمة سهله واحد بيعيط علشان بيحب فتاة
اعتقد انتم زمنكم بتقولو ايه يا عم كل ده انته بتكتب موضوع بس عايز اقولكم ان الدوله الاسلاميه قعدت فى الاندلس اكثر من 800 سنه وسقطط بسبب الشباب تهاونو
وده جى بيقول انه هو الكان حلقة الوصل البنهم والتانى بيبع صحبه علشان واحده
بارك الله فى الشباب بس اقولك على حاجه اخى صاحب الموضوع انا كنت فكرك حاجاه تانيه خالص بس للاسف انته سقط من نظرى اوى
وانا اسف ان كان كلامى مجرح شويه
لان بسبب مثل هذا الامر يجعل الاعداء او يحددو انهم يدخلو من بكره دا اذا لسه مدخلوش اصلا

الله يخرب بيت البنات الاى بيقرقوه بين الاصحاب
هقولك بص انتا تحاول تقنعه ان مفيش حاجة بينكم وبين بعض
اقتنع اقتنع مقتنعش
يخبط دماغه فى الحيط الصاحب الاى يخاون صحبه ميستحقش انهم يكونه اصحاب
انتا بس خلص زمتك واكيد الحقيقة هتبان وهو هيندم على شكه فيك
وشكرااا على ردك فهمنى :angry:

اولا انا عاوز ابين لمجاهد نقطة اني مش زعلان على واحدة حسب ما فهمت من القصة انا زعلان على اني ممكن افقد صديق
قعد معايا سنتين ياريت تكون فاهمني

بالنسبة ليك يا مرشد الصراحة مش فاهمك بس ردك هو الي انا بنفذو حاليا

السلام عليكم ورحمة الله وبركاته
يا اخى اولا انا بجد اسف انى كلامتك بهذا الاسلوب بس اعذرنى بس
علشان انا بمتحن واعصابى شده شويه معلش استحملنى
يا اخى الفاضل انا بتكلم على الموضوع كله فى حد ذاته غلط
حضرتك بتقول انه ازاى يشك فيك وانته الكنت حلقة الوصل البنهم بالله عليك ده ينفع ؟؟ دى حاجه
وتانى حاجه انته غلطان ده منظر صاحب ينصاحب يبيعك علشان واحده يقطع علقته معاك بكل سهوله علشان بيشك ان فيه علاقه بينك وبين البنت دى ده بالله عليك صاحب
وتالت حاجه هل انته راضى عن هذه العلاقه واين دورك
هل اسلمنا علمنا كده

<div align="center">بقولك ايه يا دكتور محمود كبر دماغك بجد انتا مش غلطان في حاجا ولا محتاج انك تبرر موقفك لصاحبك وانتا مش مطالب برضو انك تكون السبب في انهاء العلاقة هو اللي اتخلى عنك يبأى هو اللي مش عايزك والانسان اللي ميبقاش على صاحبه يبأى ميستاهليش ينصاحب وبالذات لو عشان خاطر بنت او حاجا بيحبها وانا دايما بقدم الصديق عن الحبيب

وأكيد لما هو عمل كدا كان هيعرف ان دا هيحصل في يوم من الأيام وانتا غلطان انك دخلت نفسك في موضوع معروف نهايته


ونسيت اقولك حاجا انا طول عمري بفصل بين علاقتي بالانسانة اللي بحبها وبين علاقتي بالبيت وبين علاقتي بصحابي وبين علاقتي بزمايلي في الكلية وبين علاقتي بنفسي وبين مستقبلي

وصحبك للاسف معملش فاصل بين كل دا

لو هو مش باقي عليك خلاص .... بس هقولك حاجا يا محمود لو كانت الانسانة دي بتحبك ( دا فرض ) يبأى انتا هتعمل ايه؟

يمكن لما شافت طريقتك في المعاملة امانتك احترامك تكون حبتك ودا فرض أخر

فانتا مش هتسيب صحبك عشان بنت يعني بس انتا لازم تعرف مين اللي غلطان ... لو هو اللي غلطان فخلاص انهي علاقتك بيه بجد وحاول تطلع م الموضوع دا بأقل الخساير

سلام ;)</div>

اولا بالنسبة ليك يا مجاهد انا مزعلتش من اسلوبك بس لو قريت موضوعي هتلاقيني قلت اني اكتشفت اني اكبر غلطة عملتها اني كنت حلقة وصل وانا بندم على كده فعلا

بالنسبة ليك يا محمد انا فانا قررت اني مش هكلمو لحد ما هو الي يجي يتكلم عشان انا مغلطش في حاجة الا اني كنت حلقة وصل وفعلا بندم على كده بس ساعة اما يجي يكلمني الحوار هيطول اوي اوي بيني وبينو

بالنسبة لو حبتني بقة هيا فده مش يهمني عشان انا شايل موضوع الحب ده من دماغي خالص وعمري ما هفكر في واحدة كان واحد صاحبي فكر فيها وطبعا مش هسيب صاحبي عشان واحدة ده حاجة مفيش اختلاف عليها