بســم الله الرحمن الرحيم ..

انا حبيت اعمل استطلاع علشان نشوف اراء الناس وانطباعتهم عن الروم

http://www.thanwya.com/vb/showthread.php?t=167509 (http://www.thanwya.com/vb/showthread.php?t=167509)

واتمنى انه كل الناس تكبت وتصوت سواء اللى دخل الروم قبل كدة او لاء ..

وبالنسبة للمعاد الجاي فان شاء الله هيكون يوم الخميس 17 / 12

وكالعادة الســاعة 9 باليل ..

ورجاء خاص للجميع .. اكتبوا ارئكوا بكل شفافية وصراحة ..

وان شاء الله هتناقش فى كل نقطة تتحط هنا .. وهنعالج العيوب ونشوف اية الميزات ونحاول نستغلها ..

وشكرا والسلام عليكم ،،

--Dr.MostaFa--

أهلا مصطفى الفكرة غير ناجحة لاننى اعتقد انها مضيعة للوقت لاكنه يمكن التناقش عبر رفع الموضوعات والرد عليها وأظن ان ذلك افضل وهل ممكن تخبرنى كيفية وضع التوقيع وشكرا وانتظر منى اليوم أول موضوع:d

احترم رايك يا دكتور محمد بس انا مش شيفاها مضيعة للوقت لانها بتبقى كل اسبوعين
وكمان احنا نقدر نفيد بعض عن طريق البرنامج ده اكتر لانه سريع
فرأيى فى الفكرة انها كويسة بس احنا نستغلها صح
وشكرا يا دكتور مصطفى على الموضوع

انا مؤيد للبرنامج بس العيب ان الروم مغلقة معظم الوقت والمعياد انا موافق علية واعتقد انة هيكون افضل من مشاركات المنتدى
واسرع بس دة طبعا هيأثر بالسلب فى المنتدى
هذا رأى وتقبلوا فائق احترامى وتقديرى لكل الاعضاء

انا عاجباني الفكرة جدا
بس هي عايزة تتنفذ صح
يعني مثلا قبل مانجتمع نبقى محددين هنعمل حاجة معينه ف الاجتماع تفيدنا كلنا
يعني مثلا نذاكر حاجة ونتناقش فيها
انا محضرتش قبل كده ولا بشارك معاكو اصلا بس متابعاكو جدا :d
يلا ربنا يوفقنا كلنا

والله با جماعه انا مقتنع بالموضوع ده تماما وانا يمكن اكون من اوائل الناس اللي اقترحت على مصطفى الفكره دي اننا نكون اون لاين مع بعض على طول واتمنى اننا نكمل

السلام عليكم ورحمة الله وبركاته ..


أهلا مصطفى الفكرة غير ناجحة لاننى اعتقد انها مضيعة للوقت لاكنه يمكن التناقش عبر رفع الموضوعات والرد عليها وأظن ان ذلك افضل وهل ممكن تخبرنى كيفية وضع التوقيع وشكرا وانتظر منى اليوم أول موضوع:d


اهلا وسهـلا بيك يا دكتور محمد .. وياريت دايما منورنا كدة بمشاركاتك ..

اولا احب اشكرك جدا جدا على صراحتك الرائعة .. وردك دا اكيد هيكون دافع لاي عضو انه يقول رائيه بكل صراحة

حضرتك قولت انه الفكرة غير ناجحة .. وبررت لسبب وهو " انه مضيعة للوقت " .. !

فاعتقد انك شايف انه من وقت اقتراح فتح الروم ما تفتحتش الا مرتين بس !!

والمرة الجاية هيا التالتة .. والرابعة ان شاء الله هتكون ف الاجازة لاننا هنبقى مشغولين جدا ف الفترة الجاية ..

وانا كنت متعمد تجاهل حكاية الروم ف الفترة اللى فاتت علشان متبقاش محور كلام مباشر واهتمام ما بين الاعضاء ..

واعتقد انه ساعتين بالكتير وكمان كل اسبوعين .. هيا اللى هتضيع الوقت ..

دا رائي شخصيا .. فاعتقد انه تضيع الوقت مش عيب من عيوب الروم ..

لكن لو فيه عيوب تانية .. ممكن اي عضو يتفضل يقولها .. واحنا ممكن نناقشها .. اذا كانت فعلا عيب حقيقي وموجود ف الروم ..

واتمنى نتكلم بكل صراحة .. وشكرا .. يا د . محمد على مشاركتك ..

وجزاك الله خيرا ،،

احترم رايك يا دكتور محمد بس انا مش شيفاها مضيعة للوقت لانها بتبقى كل اسبوعين
وكمان احنا نقدر نفيد بعض عن طريق البرنامج ده اكتر لانه سريع
فرأيى فى الفكرة انها كويسة بس احنا نستغلها صح
وشكرا يا دكتور مصطفى على الموضوع


فعلا البرنامج قيم جدا .. بس لو اتفقنا على استغلاله بطريقة مفيده ..

والف شكـر يا دكتورة ..

انا مؤيد للبرنامج بس العيب ان الروم مغلقة معظم الوقت والمعياد انا موافق علية واعتقد انة هيكون افضل من مشاركات المنتدى
واسرع بس دة طبعا هيأثر بالسلب فى المنتدى
هذا رأى وتقبلوا فائق احترامى وتقديرى لكل الاعضاء


شكرا لتاييدك فكرة البرنامج ..

لكن انا شايف انه حكاية انه الروم مغلقة دايما ..دا ميزة مش عيب .. لان لو فتحنا دايما .. هيحصل زي ما حضرتك قولت ..

هياثر سلبا ف المنتدى .. ودا احد اهم الحاجات اللى ممكن نخاف منها ف حكاية الروم ..

وميزة الروم انه لو فى واحد مننا عايز يسال سؤال عادي مش محتاج انه يبقى قاعد السؤال على طول ..

بالاضافة انه هيلاقيله اجابة فورية .. وكمان من اكتر من عضو .. ويمكن بسؤاله يفتح اكتر من باب للنقاش ..

واعتقد اني بحاول احدد معاد للروم قبلها بفترة علشان اي واحد يرتب نفسه على المعاد دا ..

وكمان كل الاعضاء يتواجدوا ف وقت واحد .. لكن بفرض فتحها دايما .. ممكن بكتيره تلاقي 3 اعضاء يدخلو ف وقت واحد ..

اعتقد انه الفكرة وصلت .. وشكرا يا محمد على مشاركتك ..

انا عاجباني الفكرة جدا


اولا اهلا بيكي يا دكتورة ..

وشكرا لتاييدك للفكرة ..

يعني مثلا قبل مانجتمع نبقى محددين هنعمل حاجة معينه ف الاجتماع تفيدنا كلنا
يعني مثلا نذاكر حاجة ونتناقش فيها


احنا ممكن نحدد هنعمل اية ف الروم نفسها اول ما نفتح ويبدا التجمــع ..

لكن الفكرة حلوة وهي عبارة عن صياغة تانية للي قالته الدكتورة اسراء ..

و احنا ممكن تنتاقش عن المادة ككل او عن جزيئة معينة مش واضحة ..

ودا برده داخل تحت نفس الاقتراح ..

انا محضرتش قبل كده ولا بشارك معاكو اصلا بس متابعاكو جدا :d
يلا ربنا يوفقنا كلنا

الف شكر لحضرتك على المتابعة الدائمة للمنتدى ..

بس ياريت تسجلي معانا وتشاركي ,,, علشان دا بيحمس الاعضاء التانين ..

وربنا يوفنا كلنا ,, والسلام عليكم

والله با جماعه انا مقتنع بالموضوع ده تماما وانا يمكن اكون من اوائل الناس اللي اقترحت على مصطفى الفكره دي اننا نكون اون لاين مع بعض على طول واتمنى اننا نكمل



انتا معروف يا عبد الرحمن من الاول بتاييدك للفكرة ...

لكن لازم نشوف اراء باقي الاعضاء .. وعندنا وقت لغاية المعاد الجاي ..

وان شاء الله هنكمل .. ما دام الاغلبية مؤيدة للفكرة ..

وشكرا ليك يا دكتور عبده

بصراحة انا شايفة ان فكرة البرنامج كويسة جدا على الاقل بيكون كل الاعضاء متواجدين واى حد هيسال هيلاقى الرد فى نفس اللحظة
ومع احترامى لرأى الدكتور محمدعلى انه بيضيع الوقت ده فى حالة لما يكون بندخل كل يوم لكن دى مرة كل اسبوع او اتنين
واذا كان على الوقت ال بيضيع فمتعدش:p

بصراحة انا شايفة ان فكرة البرنامج كويسة جدا على الاقل بيكون كل الاعضاء متواجدين واى حد هيسال هيلاقى الرد فى نفس اللحظة


فعلا البرنامج فيه ميزات كتير ..

لكن انا احب انه الناس تشارك وتقول العيوب كمان ..

وبالنسبة للمايك .. فمفيش مايك بيتفتح ف الروم لكن ممكن تشغل حاجة عندك على الجهاز ف الروم .. بطريقة Streo Mix ..

وكويس انه الناس بدات تشارك .. وتقول رايها ..

واذا كان على الوقت ال بيضيع فمتعدش:p

اه .. طبيعي .. شوية تيليفزيون وشوية كمبيوتر .. وطلبات بقى

دا غير اللعب والخروج .. دا غير الوقت اللى بقضيه واحنا بنفكر ..

" يا تري هذاكر اية .. ابدا بـ دي ولا دي ولا اكتب دي ولا اعمل دي " .. وف الاخر يروح اليوم .. :p

يلا ربنا يسهلنا ..

فرأيى فى الفكرة انها كويسة بس احنا نستغلها صح
صح كده يا دكتور اسراء

احنا بالفعل لو اتفقنا ع حاجة معينة نتكلم فيها هيكون احسن كتير


واذا كان على الوقت ال بيضيع فمتعدش:p
اه و الله يا دكتور سمايلي الواحد خايف مش يعدي صافي السنادي بالمنظر دا:bosyht9::blink:

صح كده يا دكتور اسراء

ياااااا اسراء
اول ما المنتدى يكتبنى طالبة تروحى انتى تقولى يا (دكتور اسراء):d
يا جماعة انا طالبة:p

اه و الله يا دكتور سمايلي الواحد خايف مش يعدي صافي السنادي بالمنظر دا:bosyht9::blink:
وحياة ربنا بلاش تفولى فى وشنا علشان هى مش ناقصة خالصصصصصصصصصص

[ياااااا اسراء
اول ما المنتدى يكتبنى طالبة تروحى انتى تقولى يا (دكتور اسراء):d

اول مرة اشوف حد يزعل من كلمة دكتورة انتى محسسانى ان احنا غلطنا فيكى
يا ريت يا جماعة محدش يغلط فيها تانى

اه و الله يا دكتور سمايلي الواحد خايف مش يعدي صافي السنادي بالمنظر دا:bosyht9::blink:



لية بس .. لا اله الا الله ..

(( ومن توكل على الله فهو حسبه )) ..

-----

لا اله الا الله

حلو الدعاء ده ابقوا قولوه بعد المذاكرة
(اللهم انى استودعك ماقرأت وما حفظت فرده لى عند حاجتى اليه انك على كل شئ قدير)

حلو الدعاء ده ابقوا قولوه بعد المذاكرة
(اللهم انى استودعك ماقرأت وما حفظت فرده لى عند حاجتى اليه انك على كل شئ قدير)



دعاء رائع ..

الف شكر يا دكتورة وجزاك الله خير

ماله ايه حكايه الروم اون لاين

يا جماعة احنا هنمتحتحن الفيزياء العملى ازززززززززاى

يا جماعة احنا هنمتحتحن الفيزياء العملى ازززززززززاى



احنا في سكشنا مخدناش ولا سكشن مراجعة .. :confused:

لكن لو في اي حاجة او معلومات عن معاد الامتحان او ازاي .. هنقول ان شاء الله ..

لو حد جديد عنده يقول ..

احنا لما سألنا الناس ال اكبر مننا قالوا ان فى الامتحان بيبقوا عملين ورق على البنشات كل ورقة فيها التجربة ال هنشتغلها
وبنشتغل التجربة ال قدامنا زى ما اشتغلناها فى السكشن وبنكتب نظرية التجربة والادوات وتقريبا الخطوات (بس انا مش متأكده من حكاية الخطوات ) والقراءات وطبعا لو فى رسم بيانى هنرسمه يعنى هنكتب كل حاجة تخص التجربة

احنا لما سألنا الناس ال اكبر مننا قالوا ان فى الامتحان بيبقوا عملين ورق على البنشات كل ورقة فيها التجربة ال هنشتغلها
وبنشتغل التجربة ال قدامنا زى ما اشتغلناها فى السكشن وبنكتب نظرية التجربة والادوات وتقريبا الخطوات (بس انا مش متأكده من حكاية الخطوات ) والقراءات وطبعا لو فى رسم بيانى هنرسمه يعنى هنكتب كل حاجة تخص التجربة



الف شكر ليكي يا دكتورة ..

وان شاء الله انا مستنى ورق الخبير .. يمكن يكون مفيد ..

لان الدكتور متكلمش ولا مرة على ازاي نكتب ف الامتحان او هنعمل اية ..

على العموم ربنا يسهل ..

شكرا يا دكتوره سمايلى وايه ورق الخبير ده يا دكتور مصطفى

ان شاء الله في ورق فيزياء عملي ها ينزل عند الخبير بكره ده زي ما قالت ايمان اللي شغاله هناك يعني مش اكيد وانا ان شاء الله اول ما ها اجيبه ها اقولكم

ان شاء الله في ورق فيزياء عملي ها ينزل عند الخبير بكره ده زي ما قالت ايمان اللي شغاله هناك يعني مش اكيد وانا ان شاء الله اول ما ها اجيبه ها اقولكم
ياريت يادكتور ربنا يكرمك
لان الفيزيا دي بجد ربنا يعديها ع خير