إهداء لكل من سأل عنى فى فترة غيابى

خَلينى وِِسط حاجات كِتير عايشه ف حياتِك
خَلينى بسمه ف ذكرياتِك
خَلينى آخر الحاجات
خَلينى فارس فِ السُكات
وسيبينى أضيع
زى ما كنت انا قبلك باضيع
خلينى بعد الناس بحالها
خلينى ذكرى أو حكايه تحكى عنها
وافضل أطير فوق عيون الناس بشوق
واتعب واحط
بعد ما عشقت السِكك
اللى آخرها نور عيونك
واللى وخدانى إليكى
مشتاق لكى
والشوق جناين
مشتاق لكى
والشوق مداين
واخدانى معاها لفوق
وارجع ألاقينى وحيد بين القصايد والكلام
حَبة ورق
مَلانين بعطرك
حبة وعود من غير وفا
واختفى منها الأمل

ابقى ف عيون كل البشر مجهول
مَحروم من طَله منك
من سؤال لو تسأليه عنى كإنى عايش ف جنه
ساكن أمانك
عايش ثوانى العمر باحلم باللقى والقرب منك
بحرف منك
لو تبعتيه ، كل الأغانى تنتحر قدام كلامك
محتاج لبسمة من شفايفك
لو تبتسم ألاقى الكون منوَّر
وافضل أدوَّر
على القلب اللى تايه من زمان مش لاقى مَرسى فوق بحورك
تايه ف ضلمة دنيتى
محتاج لنورك

وافضل أحب عذابى لما بالتقى إهمال عيونك
خلينى وسط حاجات كتير عايشه ف حياتك

أسعدنى جداااااااااا إنى أكون أول من رد على قصيدتك
جميلة جدااااااا
كما تعودنا من حضرتك
دائما مبدع
ديما متألقا
ربنا يوفقك

تعجبني الموسيقى و الحنية المرسومة في القصيدة ، لكن الفكر ينبهني أن الحب قوة تدعم المحب فلا يتوه بين الأشياء و الأشخاص في الزمن بل يبرز علامة واضحة المعالم .
دمت مبدعاً .

مشكووووووووور

قصيده اكثر من رائعه
تسلم الايادي