مشاهدة النسخة كاملة : صدق أو لا تصدق:هجوم الأفاعى على مبنى أ فى المدينة الجامعية للبنات بالأزهر
زهرة الاسلام 13-12-2009, 12:34 AM عمرك شفت ثعبان بيتمشى وسط الناس:excl:
هذا ماحدث فى المدينة الجامعية الأزهرية للبنات بمدينة نصر مبنى أ تحديدًا
أو كما وصفه اخرون احتلال الأفاعى للمبنى
وقبل أن أروى لكم ماحدث أخبركم أولا بحالة المبنى
مبنى أ مبنى قديم والحمامات التى فيه تُرٌمم منذ ثلاث سنوات (مش عارفة بصراحة بيعملوا فيها إيه كل ده)
ونظرا لترميم الحمامات فإن بدلا منها حمامات أخرى فى الأرضى أو البدروم
ولا أصف لكم حال هذه الحمامات من عدم النظافة والإهمال الشديد (يعنى تجيبلك المرض لوحدها)
ومنذ ثلاثة أيام قالت إحدى الطالبات أنها رأت ثعباناً فى الحمامات ولكن البنات قالوا إنها مجرد إشاعة ولم يصدقوا ذلك
ولكن جاءت المفاجأة عندما رأت فتاة أخرى ثعبانا فى الحمامات وأخبرت المشرفة بذلك ونزلت معها المشرفة وتأكدت من صحة الخبر
ورأى بنات أخرين ثعبان على السلم وبدأ الصياح فى المبنى وساد الهرج والمرج وصاح اخرون ثعبان فى غرفتنا !!!
وجائت الصدمة الكبرى لقد فرت المشرفات والدادات من المبنى وأغلقوا المبنى على الطالبات والثعابين
اتصلت الطالبات بنائب رئيس الجامعة الذى كان يضحك مما يخبرونه إياه نعم حقا إنه كان لايصدق ما يقولونه
فجاء (أستاذ شعبان)الذى يجلس عند مدخل المدينة وفتح الباب للطالبات وخرجت الطالبات فى فزع شديد وهلع إلى أى مبنى اخر.
حقاً هذا هو ما حدث منذ عدة ساعات فى مبنى أ فى المدينة الرئيسية
وأضيف أيضا أنه لا توجد أى احتياطات لمحاربة الإنفلونزا فى المدينة لا توجد نظافة ولا يوجد اهتمام نهائيا وعدد البنات فى الحجرة ست بنات ! هل هذه هى الإحتياطات؟وكمان تعابين؟!!!
إلى متى ستبقى أرواحنا معرضة للخطر بسبب الإهمال هل لهذا الحد أرواحنا رخيصة للأسف نعم
طيب دلوقت مبنى أ طيب يا ترى بكرة مبنى إيه ؟بجد كل الطالبات مرعوبة تدخل المدينة تانى
وبعد دا كله طالبين مننا 180 جنيه تانى غير المصروفات وقال إيه زيادة فى المصروفات وتحسين خدمة!!!!!!!
ويبقى الإهمال والفوضى سيد الموقف!!!!!!!!
BaNZeR 13-12-2009, 12:42 AM ههههههههههههه
ومصدقش ليه
يبقى أنت أكيد في مصر
mohsen ghareeb 13-12-2009, 01:05 AM عمرك شفت ثعبان بيتمشى وسط الناس:excl:
إلى متى ستبقى أرواحنا معرضة للخطر بسبب الإهمال هل لهذا الحد أرواحنا رخيصة للأسف نعم
أيوه طبعاً كل يوم بشوف أفاعى وحيات بتتمشى وسط الناس
أقصد طبعاً الأولاد والبنات الغير ملتزمين فهم أخطر على المجتمع من الحيات والأفاعى الحقيقية
ربنا يلطف بينا ويهدينا .
ستبقى أرواحنا معرضة للخطر بسبب الإهمال طالما أولياء أمورنا لايتقون الله فينا !!!
زهرة الاسلام 13-12-2009, 01:16 AM شكرا على المرور BaNZeR ,mohsen
لكن بجد الموضوع كبيييييييييييييير أوى للدرجة دى وصل الإهمال
أنا بصراحة ماكنتش أتخيل
BaNZeR 13-12-2009, 01:19 AM هو انتي كنتي من بين الناس اللى شافو الافاعي ولا ايه
زائر غير مسجل 13-12-2009, 01:33 AM اه اصدق طبعا وليه لا
بس لحقتي تكتبى الخبر امتى
غير مسجل 17-12-2009, 09:11 PM الكلام دة حصل فعلا وانا من طالبات المدينة بس حكاية البنات اللي قالوا عليهم انهم اخوان دي ما حصلتش لان البنات اللي قعدوا معظمهم عندهم امتحانات مهمة وما عندهمش مكان تاني
زائر غير مسجل 17-12-2009, 09:41 PM ايوه يا جماعه فعلا المبنى مش نضيف خالص مفيش اى اهتمام بنضافته ومفيش اى احتياطات للا نفلونزا وكمان المبنى قديم جدا
زهرة الاسلام 19-12-2009, 04:50 PM معذرة لعدم التواصل لأنى للأسف كنت فى المدينة الاسبوع ده
وبالنسبة للزائر اللى بيقولى لحقتى تكتبى الخبر امتى؟
انا كنت عاملة اجازة ساعة ما حصل اللى حصل وكنت فى البيت الحمد لله
لكن زمايلى واصحابى فى المبنى سافروا قبلى وكانوا فى المدينة
وطبعا كلمونى على طول وعرفت منهم
وكنت بكتب الخبر ساعة حدوثه
ولكم جزيل الشكر على الردود
زهرة الاسلام 19-12-2009, 04:52 PM لكن العجيب ان المسئولين ظهروا بعد نشر الخبر وكذبوه
طبعا عشان ما ينضروش وحسبى الله ونعم الوكيل
دا حتى الحرس مارضيش يدخل فريق العاشرة مساء المدينة عشان يصور ويسجل مع البنات فاضطروا انهم يسجلوا جنب سور المدينة
حسبنا الله ونعم الوكيل
لا حول ولا قوة الا بالله
معقول كدة
جزاك الله كل خير
شكرا على الموضوع
(العبد الفقير الى الله) 19-12-2009, 06:39 PM من علامات الساعة ان يوكل الامر لغير اهله
قاموا ولم يقعدوا فى امر النقاب بحجة الحرص على امان الطالبات داخل المدينة والجامعة
فماذا سيفعلون مع الثعابين ...يا ترى هيقوموا نفس قيامهم لامر النقاب
ولا هيقولوا اشاعة
زهرة الاسلام 20-12-2009, 01:46 AM عندك حق أخى العبد الفقير إلى الله
ساعة النقاب قامت الدنيا ولم تقعد
أما شىء مثل الثعابين سيفضحهم فلن ينتفضوا ولكن بالفعل قالوا اشاعات
(مش لسه هيقولوا)
وأعلمكم أنه قامت مظاهرة أو اعتصام فى المدينة الجامعيه الأحد الماضى
وأحدثكم ولا حرج عما حدث
أولا طافت المسيرة معظم ارجاء المدينة وكانوا يرددون"مش داخلين مش داخلين مش هنّام مع التعابين"
مع العلم أن ادارة المدينة طالبت ب 180 جنيه زيادة فى المصروفات
فرددت الطالبا "زيادة فى المصاريف ليه ...تحسين خدمة ولا إيه"
وجاء الحرس امام الطالبات المتظاهرات ولكن الطالبات لم يثنيها شىء عن إكمال المسيرة
واستقروا عند بوابة المدينة وهذا ما أثار غضب الحرس (طبعا مش عاوزين يتفضحوا أمام الناس)
وطالبونا بأن نطوف فى أرجاء المدينة كما شئنا وألا نقف عند البوابة
وكانت السيارات المارة تقف بالقرب من البوابة حتى تعرف ما بالداخل
ولكن طبعا الحرس أطفأ النور والإضاءة بالمدينة حتى لا يتمكن المار من معرفة ما بالداخل
وعندما تقدمت الطالبات دفعة واحدة بالقرب من البوابة وقف الحرس كحائط لمنع الطالبات من الإقتراب من البوابة
فاصطدمن بالطالبات عن قصد حتى يمنعوا الطالبات من أن يصل صوتهم للخارج
للأسف حدث كل هذا ولم يسمع أحد صوتنا
ولكننا لن نسكت ولن نصمت
وما صرح به د:حامد أبو طالب لوسائل الإعلام أن رئيس الجامعة أتى
وطاف أرجاء المدينة ومر بكل المبانى هذا لم يحدث إطلاقا
(إحنا فى ملكوت وهو فى ملكوت تانى أصله خايف ع الكرسى بتاعه!)
وأجبروا الطالبات على الدخول إالى المبنى مرة أخرى وكأن شيئا لم يكن!
وعجبى عليك يازمن
just ag!rl 20-12-2009, 02:08 AM لا حول ولا قوة الا بالله
اوعوا تدخلوا المبنى ده تانى ابدا
تعابين!!!
طب اى بنوتة فيكم تتقدم بشكوى لرئيس الجامعة او حركوا اى حد يتصرف
(العبد الفقير الى الله) 20-12-2009, 02:49 AM عندك حق أخى العبد الفقير إلى الله
ساعة النقاب قامت الدنيا ولم تقعد
أما شىء مثل الثعابين سيفضحهم فلن ينتفضوا ولكن بالفعل قالوا اشاعات
(مش لسه هيقولوا)
وأعلمكم أنه قامت مظاهرة أو اعتصام فى المدينة الجامعيه الأحد الماضى
وأحدثكم ولا حرج عما حدث
أولا طافت المسيرة معظم ارجاء المدينة وكانوا يرددون"مش داخلين مش داخلين مش هنّام مع التعابين"
مع العلم أن ادارة المدينة طالبت ب 180 جنيه زيادة فى المصروفات
فرددت الطالبا "زيادة فى المصاريف ليه ...تحسين خدمة ولا إيه"
وجاء الحرس امام الطالبات المتظاهرات ولكن الطالبات لم يثنيها شىء عن إكمال المسيرة
واستقروا عند بوابة المدينة وهذا ما أثار غضب الحرس (طبعا مش عاوزين يتفضحوا أمام الناس)
وطالبونا بأن نطوف فى أرجاء المدينة كما شئنا وألا نقف عند البوابة
وكانت السيارات المارة تقف بالقرب من البوابة حتى تعرف ما بالداخل
ولكن طبعا الحرس أطفأ النور والإضاءة بالمدينة حتى لا يتمكن المار من معرفة ما بالداخل
وعندما تقدمت الطالبات دفعة واحدة بالقرب من البوابة وقف الحرس كحائط لمنع الطالبات من الإقتراب من البوابة
فاصطدمن بالطالبات عن قصد حتى يمنعوا الطالبات من أن يصل صوتهم للخارج
للأسف حدث كل هذا ولم يسمع أحد صوتنا
ولكننا لن نسكت ولن نصمت
وما صرح به د:حامد أبو طالب لوسائل الإعلام أن رئيس الجامعة أتى
وطاف أرجاء المدينة ومر بكل المبانى هذا لم يحدث إطلاقا
(إحنا فى ملكوت وهو فى ملكوت تانى أصله خايف ع الكرسى بتاعه!)
وأجبروا الطالبات على الدخول إالى المبنى مرة أخرى وكأن شيئا لم يكن!
وعجبى عليك يازمن
اين انت يا رسول الله
والذى نفسى بيده لو علم الرسول ما سيحدث لفتيات الاسلام فى هذا العصر لظل يبكى ويدعوا الله لهم حتى وفاته
اللهم انك عفو رحيم فاعفوا عنا وارحمنا
Khaled Soliman 20-12-2009, 03:02 AM إذا كانت اللغة العربية قد حددت بأن الرجل الذي مازال قيد الحياة حي وأن المرأة التي علي قيد الحياة حية إذن فالمدينة الجامعية للبنات مليئة بالحيات ولا عجب من ذلك
هذا للدعابة لا أكثر
أعانكم الله وأنزلكم مكاناً أمناً
|