مشاهدة النسخة كاملة : انا والمنتدى وهواك
كلكول 14-01-2007, 07:27 PM بسم الله الرحمن الرحيم
ــــــــــــــــــــــــــــــــــــــــــــــــــ
ازيكم ياجماعه
انا جايلكم النهارده بموضوع كان نفسي اعمله من زمان بس كنت متردد
الى خلانى اعمل الموضوع الايام دى انى لاحظت ان مشاكل الحب كترت اليومين دول
وجبت فكرته طبعا من البرنامج الاذاعى الشهير الى كلنا عارفينه
المهم فكره موضوعنا ان احنا هنعمل مجموعه من الحلقات ومده كل حلقه يومين عن اى مشكله بتواجهنا فى حياتنا العاطفيه :wub:
وبرده يا جماعه الى عنده اى مشكله يدخل يقولها عادى خالص
وكمان ممكن يدخل اى حد ويشاركنا ويقول رايه هوه كمان..اوك
ان شاء الله هيكون الموضوع ده بواسطه كل منواحنا فى انتظار مذيعنا المحبوب البرى الى هيعلن عن عنوان اول حلقه
فاصل ونعود
</span>
محمد البري 14-01-2007, 07:40 PM <div align="center">:D موضوع فاشل يا كلاكيلو
ههههههههههههههه بهزر
المهم مش مشكلة تكون عاطفية ؟؟ لأ دي مش هتهمني انا بالذات قوي اي مشكلة في البيت؟ في الكلية؟ الحياة العامة ؟ في الدراسة؟ امممم اي حاجا؟
طبعا اول موضوع هنتكلم فيه مش هقول الحب & الغيره &...... الخ
انا هتكلم في نقطة معينة موضوع جديد قوي
سيبكم من كل حاجا
انا جايب موضوع حيوي نتكلم فيه
تفكير الشباب
انا عاجبني قوي الموضوع دا شوفت الموضة
موبايل جديد & عربيه أخر موديل & قصة جديدة كل يوم & طقم جديد & جيرل فريندز & الجروب & الشلة
سجاير Lm & روذمان & مورلوبورو & ميرت
اممممممممممم حاجات كتيرة قوي
وناس تانيه
مزاكرة & حرقة دم & شغل من نار & حالة اجتماعيه سيئة؟:(
طبعا بيختلف من واحد للتاني
انا عاوز تفكير كل واحد فيكم بالنسبة لحاجات كتيرة قوي؟
وطبعا الحب دا امر مفروغ منه ... ومشاكله سهلة الحل برضو
المهم انا عندي لو انه كان تفكير الشباب صح مكناش في كل المشاكل دي ولا كان مستوانا بين دول العالم كدا خالص
مصر صفر على الخريطة نقطة لا تكاد تذكر بالنسبة لصرح عظيم
</div>
كلكول 14-01-2007, 07:52 PM ونبتدى الحلقه الاولى ان شاء الله الاحد 14/1 والاثنين15/1
مستنين يا جماعه تليفوناتكم على رقم (........) والاس ام اس على 6066
سلام
اسلام رشوان 14-01-2007, 08:02 PM علي فكرة يا كلكل
الرقم بتاع اس ام اس اتغير
بأى 6162
ههههههههههههههههههه
و ربنا يوفقكم
كلكول 14-01-2007, 08:17 PM هههههههههههه
والله ما اعرف
اصل انا بقالى فتره مش بسمعه
ع العموم شكرا
سلام
كلكول 15-01-2007, 01:24 AM ده الموضوع شكله مش عاجبكوا خالص
ايه ياجماعه منفضين ليه
postan algana 15-01-2007, 02:03 PM هو الموضوع حلو بس مش حيوي
لاننا مش موجودين في الفتره الحاليه
اصبر شويه يمكن تلاقي اقبال بعد الامتحانات
بس الموض
بس الموضوع حلو بس مين عنده
الشجاعه يحكي قصة حبه
السلام عليكم ورحمة الله وبركاته
بجد موضوع جميل جدا
وانا هعلق على موضوع تفكير الشباب
بس معلش اعذروني مش دلوقتي
كلكول 15-01-2007, 06:14 PM بسم الله الرحمن الرحيم
امرى لله وهقول رايي
بالنسبه لتفكير الشباب انا ملاحظ الشباب دلوقتى والى انا منهم كله بيهتم بمنظره وشياكته وعايز يعيش دور الواد المخلص
دور الواد الى مقطع السمكه وديلها زى مابيقولو.بس انا بيتهيالى ان ده نتيجه للظروف الى احنا فيها والى البلد كلها فيها معظم الشباب دلوقتى بقى عندهم احباط وخايفين من الى الى جاى فيقولك ياعم انا اعيش يومى وخلاص مابقاش حد يفكر فى بكره
على فكره انا عارف يابرى ان انته ورطنى فى الموضوع ده بس امرى لله وهكمل
بالنسبه بقى للموبايلات والموضه والمواضيع دى ده نتيجه للفراغ الى هما عايشين فيه وبقوا يفكروا فى حجات تافهه
اما بقى بالنسبه للسجاير ل م دى سعات بتنفع لما تكون خارج من الامتحان وزهقان تضرب سجارتين منها ع الريق تبقى ميه ميه :D :D ههههههههههههههه
بهرج على فكره وعلى فكره انا والبرى من اشد المعارضين للسجاير والسجاير يا جماعه مضره بالصحه وتسبب الوفاه
ونفس اعرف الى بشرب سجاير بيشرب سجاير ليه وهيا اساسا مالهاش لازمه
وبعدين السجاره دى عباره عن لفافه تبغ نار فى احد جوانبها واحمق :blink: على الجانب الاخر
اما بقى للجرل فريندز فكل واحد من دول عايز يقولك انه بقى ماشى مع دى ومع دى ياجماعه المواضيع دى كلها اشتغالات والله وانا والبرى عمرنا مانعمل حاجه زى كده
عارفين ليه؟ لان الى انا ما ارضهوش لاختى ما ارضهوش لبنات الناس وبعدين ده حراااااااااام
اما بقى بالنسبه للمزاكره ماليش فيها :D
شكرا يابرى ومستنى ردك ياعم
msamido 16-01-2007, 12:56 AM بجد موضوعكم جميل يا دكاتره
وكان نفسي اشارككم بجد
بس هعمل ايه بقي دي اصلا أخر ليلة ليا علي النت قبل ما اسافر للجيش
شكرا ليكم وإن شاء الله يكون الموضوع ناجح بس زي ما قالت مي فعلا استنوا بعد فتره الإمتحانات
.
.
ranony 16-01-2007, 01:36 AM فكرة حلوة فعلا و موضوع كويس
انا شايفة ان الشباب ده غلبان بجد
يعنى انا لما بشوف واحد تافه كل تفكيره انه يعيش حياته و يبقى معروف فى الجروب بتاعه انه يعرف بنات كتير و عنده جيرل فرند و...........حاجات تانية كتير بجد بيصعب علية من تفاهته لانه للاسف مش لاقى حاجة تانية يفكر فيها او بمعنى تانى ما اتعودش انه يكون راجل لى مسؤليات و اهتمامات تانية
مش بقول انه يبقى علطول مش بيسيب الكتاب و ما بيخرجش خالص و عايش بس علشان يروح الكلية و يذاكر لا طبعا ده يبقى سورى غبى
و برده مش وحش انه يبقى شيك و بيهتم بلبسه بس مايكونش اوفر
احسن حاجة ان البنت او الولد يكون بيهتو بمصلحته بيذاكر و برده بيعيش حياته يعنى بيخرج ,ليه صحاب,بيهتم بنفسه
بس للاسف دلوقتى الشباب يا معقد و يا مخلص زى ما بيقولوا
فى من الوسط بس قليل
بالنسبة للسجاير فدى بقت موضة انا بشوف ولاد فى الكلية بيشربوا سجاير عادى و ساعات فى المدرج و الله
الى يشرب سجاير ده يبقى عيل و بيشربها علشان يحس انه راجل(يا عينى بجد تفكير غريب..............)
معلش طولت
شكرا</span>
كلكول 16-01-2007, 01:48 AM ايه ده يا (msamido) انته هتسيبنا ورايح الجيش
والله بجد هتوووووووحشنا
تروح وترجع بالف سلامه وده شرف لينا والله انك تشاركنا
وممكن كمان تقول رايك فى الموضوع الى احنا بناقشه
وشكرا ليكى يارنا وكلامك كله اكيد صح بس على فكر فى صبيان كتير رجاله
شكرا ليكوا سلام
شاعرالحب 16-01-2007, 09:33 PM اولا شكرا ياكلكل على الفكره دى
وان شاء الله انتظر مشاركتى بس انا هاحكى عن قصتى اوك
ranony 17-01-2007, 12:44 AM اكيد طبعا قى ولاد كتير رجالة يا كلكول
بس للاسف بقوا مش كتير او مش بينين وسط العيال لان العيال كتروا اوى و هما اللى ظهرين
انا مستنية بقيت المواضيع
it`s really a nice idea
شكرا ليك و للبرى
و ربنا مع كل اللى بيمتحن
مغترب وبس 17-01-2007, 04:10 PM بالنسبة لحكاية موبايل جديد & عربيه أخر موديل & قصة جديدة كل يوم & طقم جديد & جيرل فريندز & الجروب & الشلة
سجاير Lm & روذمان & مورلوبورو & ميرت
فده كلو هجص في هصجص ودول عيال فاضية مش لاقية الي تعملو ونفس كلام رنا مش معنى كده متقومش من على الكتاب بس اعمل الي انت عاوزو في حدود الاحترام والشرع
اما السجاير دي فانا بعتبر الي بيشرب سجاير غبي يعني الناس كاتبين على علبة السجاير مضرة وقد تؤدي للوفاة وهو حمار وبردو بيشرب ( مع الاعتذار للحمار )
بالنسبة للمظهر بيتهيقلي انو عادي الولد يتشيك مفيش مشاكل
وملاحظ ان حضراتكو واخدين الشباب بس الولاد مش واخدين الشابات الي كل تفكيرهم ميكياج وهدوم زي الزفت وهزار وكلام فاضي وهبل وهجص بردو
وشكرا على الموضوع الجميل
MBM-MaDo 21-01-2007, 11:18 PM و الله موضوع حلو جدا بس مشغول علشان الامتحانات
انتظر ردى
Sad Eyes 31-01-2007, 12:20 AM غيروا الموضوع ده بقى :D
محمد البري 31-01-2007, 12:27 AM اوكي اي حد عنده اي مشكلة يتفضل يطرحها واحنا هنجدلها حل ان شاء الله :)
مـــــــــازن 31-01-2007, 01:18 AM <div align="center">الثقة فى الحب ؟؟
اتمنى ان ده يكون عنوان الحلقة دى ...
تحب من تثق فيه ... وتثق فى من تحب
االحلقة هتشمل برضه الخيانة ... الاتنين وجهين لعمله واحده ...
مدى ثقتك فى حبيبتك ؟؟
هل الحرج القديم هيأثر على الحبيب الحالى ؟؟ ويكون سبب فى انك تخون او تحرص ...
او انك ما تديلوش الثقة اللى يستحقها ؟؟
هل فى ثقة فى حب النت ؟؟
هل فى ثقة بين الاتنين حتى لو كان فى بينهم بلاااااااااااااد ؟؟
مش هطول عليكو ... ونبتدى الحلقة ...
وناخد اول اتصال تليفونى ... ونقول الووووو ... مين ؟؟ </div>
مغترب وبس 01-02-2007, 06:15 PM انا معترض على الموضوع مش عشان حاجة بس علشان يا مازن مش كل الناس حبت ومش كلها تخانت فمش الكل هيشارك او بمعنى ممكن واحد يعوز يشارك بس معندوش خلفية فميشاركش ....
علاء منير 02-02-2007, 07:09 PM انا شايف ان حد جرئ وممكن اكون انا اول واحد انه يحكى قصه حبه او مشلكه بيواجهها حاليا مع حد بيحبه سواء بنت او ابوه او امه او اى شخص بيحبه الشخص ويعرض المشكله والناس تناقشها وكل واحد يقول رايه همممممممممممم ايه رايكوا الموضوع جامد اوى
كلكول 02-02-2007, 07:34 PM طب ممكن حضرتك تبتدى وان شاء الله الاعضاء يقولوا رايهم
اوك اتفضل
علاء منير 02-02-2007, 11:44 PM بسم الله الرحمن الرحيم السيد كلكول قالى ابدا انا الاول
بس انا عايز اقول نقطه واحده وبعديها احكى القصه هى
ان انا اعتبر لسه مراهق انا فى تالته ثانوى احكى ولا :rolleyes:
كلكول 03-02-2007, 01:11 AM احكى ياعم ولا يهمك
علاء منير 03-02-2007, 09:32 PM انا خلاص يا جماعه بكتب القصه اصلها طويله اول ما اخلصها هانزلها اصل اجازتى خلصت
علاء منير 03-02-2007, 10:16 PM بسم الله الرحمن الرحيم
انا هابدأعلى طول.........هتشوفوا العجب فى القصه دى!!!!!!!!!!
الحكايه بدأت من سنه وشويه او سنتين لما كنت فى تانيه ثانوى كنت فى مدرسه خاصه فى القاهره اصل انا فلسطينى مولود بمصر :) المهم مدرسه خاصه وانتوا عارفينها بنات وشغل عالى اوى خاصه انك لما تدفع تلات تلاف او اربعه فكل اللى موجدين إما بهايم اغتنت او هما كده بس المهم ان الكل بيتصنع
الحته للى فاتت انا مش شايف لها لازمه بس مهمه ..........فاصل اعلانى
نعود انا كنت بمعنى الكلمه مقطع السمكه وديلها كان صحابى مسمينى القلاب عشان كنت بمشى مع البت يومين اسبوع بالكتير واقلبها ومش بعيد انى اعيشها وهم الجواز
من اولى ثانوى عايش نفس قصص البنات انما حبيبتى اللى معاى دلوقتى ولحد الموت ان شاء الله قابلتها بعد اسبوع من بدايه الدراسه فى تانيه ثانوى
....... B) عادى كانت واحده اموره بس الصراحه اللى مجذبنيش ليها انها تختوخه شويه بس لايق عليها,بيضاء...المهم انا مش هاوصفها ليكم يعنى هتستفيدوا من وصفها حاجه ؟؟؟لأ......طبعا
المهم لقيتها بتبصلى بصاب بخبرتى الواسعه انها واقععععععععععه حيث انى لييا فى قصص البنات من اولى ابتدائى لما كنت بكلم بت ولما خنتها سقطت فى الحساب اصلها كانت اشطر منى وانا ذكى عشان اسقطها عملت انى بحبها :lol: :lol: :lol: :lol: ........ايه يا جماعه ربنا بيسامح دى اولى ابتدائى
الفكره لمعت فى دماغى انى اعلم عليها اصلى معلم على 21 بت من فصل البنات اللى هما 31 خلى بالكوا الباقى وحششين انا مليش فى الوحش شغلى كلوا نضيف
بدأت خطتى الحقيره كالعاده اديتها الموبايل من اجل جر رجل الضحيه الكتر وشغل التنفيض والتقل عشان اشيبها خاصه انى اللى فهمته انها بيتى اوى وانا اول واحد تعرفه خلى بالكوا انا متأكد جدااااااااااااااااااااااااااا بيبان يا رجاله والله الواحده لو بتنصنع ليها هفوات تهرشها انت لو صايع
المهم البنت بدات تتصل على الموبايل كتير اوى وتتكلم فى حاجات ملهاش لازمه لحد انى كنت ساعات اركن الموبايل شويه وهى بتتكلم وبعد شويه اقولها عندك حق وعلى كده
المشكله انى كنت بنجذب للبنت بس هى مخلتنيش اتهنى اصلها حساسه لدرجه لاتتخليها وانا وحيد ومليش اقرايب كمان ودى قصه تانيه مما ادى الى انى كنت عنيف جدا مكنت بدارى عنفى انى قلبت حياتى هيافه وضحك حتى قلت مشاعرى واصبحت مبلد المشاعر لدرجه نقيض تماما لدرجه حساسيتها فكل مره تبقى نفسها تسمع كلمه حلوه منى وانا ولا على بالى وهى كانت عايزه واحد حازم راجل وانا كنت بصراحه ساعتها هايف كل حياتى ضحك عشان اعوض العنف اللى ممكن يجننى
ملحوظه مهمه جدا ان الوالد والوالده كانوا عارفين كل حاجه اصلهم ماشيين بمبدأ على عينى احسن وهما مشكلتى دلوقتى
ملحوظه اهم من اللى فاتت انى كنت بكلم امها واخوها فى تالته اعدادى واختها وبنت عمها العيله كلها ماعدا...........ابوها
وفهمت اللعبه ان البنت دى ل العيله كلها عايشه بنظام هو واد واحد اللى تعرفه البنت فى حياتها وتفضل معاه فى الحلوه والمره لحد الجواز يعنى ناس على اصول المهم والدتها ذوق جدا وكله فضل ماشى عادى وتمام بس انا مش متعود انى افضل اكلم واحده شهرين من كانت اقصى مده اسبوع وصلت لشهرين ولسه هى معاى بس عيبها واللى كان بيضايق امى منها انها تكلمنى الساعه واحده اتنين بالليل والصبح وانا بفطر واتا باكل وع ان ده يغيظ اى اسره عايزه ابنها يجيب 99 فى الميه فى الثانويه طبعا ماما مسكتتش كانت هات يا تلقيح كلام بس انا من نظرى انه كلام عادى مفهوش حاجه يعنى تقولها يا بنتى بطلى رغى سيبى الواد يذاكر بس اللى كان مطمنها "امى"انها عارفه ان دماغى فاضيااااااااااااااااااااااااا
وعلى الرغم من ده تخيلوا امى كانت بتكلمها وعادى خالص لحد ما الامتحانات قربت وعلى فكره انا السنه اللى قبليها كنت الاول على المدرسه بفرق 26 درجه عن التانى امى توقعت ان البنت تتنيل تذاكر وترحمنى شويه ابدا دى زادت لدرجه انها وصلت انها كلمتنى ساعتين على الموبايل اصل العيله بخير يعنى جه امنحان الكيمياء بابا دخل على بالليل الساعه 2 يطمن لاقها بتكلمنى قال لماما تفنش البت دى عشان متويدش الواد فى داهيه
جه تانى يوم الصبح والفطار اتحضر هى اتصلت قعدت نص ساعه امى قالت ايه "عل لله تجيب 95 بعد الرغى ده هى البنت مش شاطره حبتين وهى حساسه فاكرين زعلت وقفلت معاى خاصه انها كانت تاخد اى كلمه من ماما بحساسيه اوى وقعدت تلات ايام متكلمنيش حسيت انى ناقصنى حاجه تخيل بس عشان انا مبحسش عادى واحده وراحت واللى خلقها خلق غيرها بعد اليوم التالت لقيت الموبايل بيرن عادى برضه لقيت ماماتها على التليفون عادى قالتلى ايه اللى حصل البنت دخلت المستشفى .......ايه دخلت المستشفى معقوله انا ممكن اوصل واحده لكده
الغلطه.............قالت والدتها انا كنت بكلمك بذوق وكويس ليه ماماتك تلكمها كلام سخيف آااااااااه كده امها نزعت فتيل القنبله امى لألألألألألألألأ انا مليش غيرها هى وابوى فى الدنيا وعمتى فى غزه الا دول انا اشرح اللى يقربلهم حتى لو امى غلطانه متقولش كده لألألألأ المه انا باتميز بالتماسك سكتت ونهيت المكالمه ونهيت العلاقه معاها انا قولت ممكن البنت دى احبها مع العشره وتحرك مشاعرى زى بابا وماما اجوزوا بعض بدون ما يعرفوا بعض ودى مجلد تانى
قفلت الموبايل لحد ماغير الشريحه واتصلت افتح مره اكنسل مره لحد ماغيرت الرقم وكملت حياتى عادى وقضيت الاجازه فى الجامع بحفظ قران ورحلات مع الجامع وغيره من النشاطات الاسلاميه مش قلتلكو هتشوفوا العجب انا كده بلم كل التناقضات ويمكن تشوفوا ده فى موضوع"شارك ولكن بهدوء"فى المنتدى العام
المهم قضيت الحياه عادى خالص وفى مره فتحت الخط القديم لقيت نمره بتتصل رديت اختها الكلام ده بعد تلات شهور !!!!!بصراحه انا كنت بحترم اختها وبحبها عادى مش حاجه تانيه المه قلتلها عادى واكلمك وارنلك عادى
وعادى كملت حياتى بس حاسس ان فى حاجه جواى بتصحى اعتقد مشاعرى بدات تنمو انى احس بنقص فى الحياه الطريه خاصه انى فى الاجازه مكلمتش ورك فرخه
جه العيد الصغير وشلتى قالولى هنجبلك مزز يا عم ولا يهمك نزلت لقيتهم جابينها وبيقولها عليها كلام وسخ يا ولاد الكلب زعلت اوى وعملت حركه بحيث انى اخلى صحابى يروحوهم عشان دماغى متقلبش بس دى كانت الشراره بدات علاقتى باختها تزيد عشان اعرف ارجعلها تانى مش من اجل اختها يعنى لتفتكروا حاجه تانيه
المه اتعملت فيل نمره على التليفون بعد عيد الاضحى واحده اتصلت وقالتلى انى رنيت ليها الحظ ماكنش عندى رصيد فهمن اللعبه المهم اتصلت باختها بعديها وسألتها حصل ردت
خد اعرف منها قالتلى حصل فرحت قولت هنرجع ورجعنا وانا ناوى انها الشريكه ان شاء الله هى غيرتنى خلتنى بنى آدم فى قلبى خلتنى احس وبعدين الواحد لما بيتجوز بيختار على اساس الجمال والمال والنسب والاصل والدين وهى موجود فيها كل ده ومتربيه كمان على نوعيه الطاعه سى السيد يعنى واحنا دلوقتى بنتقابل وبنجب بعض وبتساعدنى فى حيياتى انى معملش غلط عشان انا بحبها اصلى كانت ليا تزوه حشيش وشيشه ومخدرات وعدت الحمد لله
هتوقولوا ايه المشكله ان بابا وماما حاسيين ان فى واحده جديده وهايقررونى وهما بيسمعوا سيرتها عفاريت الارض بتركبهم اعمل ايه اقدمها انها واحده جديده وده تشابه اسماء ولا ايههههههههههههههه مش عارف ؟؟؟؟؟؟؟؟؟؟؟؟؟؟؟؟؟؟
خاصه انها السنه دى اهم من اللى فاتت انا علمى رياضه جبت السنه اللى قاتت 96%هما فاكرين ان ليها يد فى نكستى مش عارف بس انا مش هتنازل عنها وانا لو حكيتليكوا قصه بابا وماما وعيلتى هتعرفوا انى مليش غيرهم بس خلوها وقت تانى المهم انصحونى اعمل ايه كل واحد يقول رايه ياريت يا جماعه وشكرااااااااااااااااااااااااااااااااااااا
محمد البري 03-02-2007, 10:59 PM <div align="center">بسم الله الرحمن الرحيم
أولا بس كنقد انا معترض على طريقة العرض المفروض مستوى الكلام كان يكون راقي عن كدا بمراحل
المهم هندخل للمشكلة والموضوع
أولا كويس قوي ان اهلك واهلها يعرفوا دي اجمل خطوة في الموضوع كله
بس خلي في بالك انتا لازلت في سن مراهقة يعني لسا يا دوب 16 او 17 سنة
المهم تفكيرك لو ناضج دا هيكون كويس جدا انتا عملت كتير غلط وميزتك انك اعترفت بغلطك وبدأت تصلح من نفسك
بالنسبة لرد فعل أهلك دا رد فعل عادي جدا جدا وروتيني وفي كل البيوت ( البنت دي مش محترمة )
( البنت دي ملقتش حد يربيها )
( البنت دي هتضيعك في تالتة ثانوي او في الكلية زي ما ضيعتك في كزا وكزا وكزا )
وكلام كتير ملوش اي لازمة
نبدأ نتكلم بعقلانية الاهل ليهم حق لان فعلا في سن المراهقة بيبأى الحب متوهج ومشتعل قوي قوي قوي وناره بتكون ايه مولعه وملتهبه قوي
بتنشغل في مرحلة النضج الجنسي بتفكير كتير قوي منهم علاقات بينك وبين بنات وكدا كلزوم للروشنة
بتبدأ العلاقات تنمو وبرضو زي ما قولت يوم يومين اسبوع بالكتير وبتزهق
بس انا عاوز اسألك سؤال ترضاها لأختك
هتقولي رد غلس هتقولي انا وحيد
ترضاها لبنتك ترضاها لبنت خالك بنت عمك اي بنت قريبتك ؟؟
أكيد الرد هيكون لأ المهم
انتا المفروض تخلي الحب دا بدال انتا متمسك بيها لا يعوقك على مستقبلك ولا يعوقها هي كمان عن مستقبلها
جرح الحب في السن دا مدمر قوي والتفكير ضعيف للشخصية ممكن تدفعه انه يعمل اي حاجا او اي رد فعل وحش ممكن يضيع نفسه بيه
يعني انتا تخلي الحب دا دافع ليك وتشوف مستقبلك وياريت متخلطش علاقات ببعض وتحط حدود فاصلة بين كل العلاقات
متخلطش بين علاقتك بالبيت وبين علاقتك بالانسانة اللي بتحبها ولا بعلاقتك بين صحابك
يعني ياريت حدود فاصلة بين كل الحاجات دي
لما تيجي تزاكر بأى متفكرليش فيها وتفتكر كلامها ولسا قايله ليك ايه في الموبايل واخر كلام وتستنى الميسد وتنتظر الرسالة
لأ كل دا غلط المفروض تتكلموا في وقت معين ومحدد مش لازم تتكلموا اليوم كله ولا كل يوم المفروض تحددوا يا جماعة
وياريت يكون كلامي وصل بس في أخر كلامي هقولك كلمة
راعي الله في كل علاقة تقوم ببنائها
راعي الله في حبك لها
لا تجعلها تفقد ثقة اي من اهلها فيها
راعي انها اختك في الإسلام قبل كل شئ
وراعي لو ان لك اختا وفي موقفها
ياريت كلامي وصل
واخر كلمة هقولهالك
كما تدين تدان
فاياك وانك تجرح او تبعد او تعمل حاجا وهتندم عليها بعدين
حافظ على علاقتك بربنا
علاقتك بأهلك
وياريت كل حاجا تكون تحت عين اهلك واهلها
وربنا يوفقكم يا اخي
سلام عليكم</div>
Flower 04-02-2007, 07:36 AM <div align="center">السلام عليكم ورحمة الله وبركاته
اول حاجه بحييك علي صراحتك...مع اعتراضي علي نقاط كثيره
فمن كلامك وجدت انك متقلب وغير مستقر في اتخاذك القرار,,وتعتبر كل هذا علي انه مجرد نزوات..وتسليه.....
اول شئ مش صحيح والنقطه اللي لفتت نظري انك عادي بتتعرف علي البنات بهدف اللعب والتسليه فقط!! وده فعلا غلط ويجب ان تتقي الله في اقوالك وافعالك.....
اما بالنسبه لموضوع البنت الاخير ده فتقريبا انت نفسك مش واثق انه جد وصحيح ...
وشئ غريب ايضا لفت نظري طالما الاهل كلهم عارفين ....يبقي ايه المشكله هما يقدروا يحكموا اكتر ولازم يعرفوا الحقيقه لانكم كمان مازلتم طلبة.....
مازال الطريق امامك طويل وحاول ان تجتهد في دراستك......ولو هتفكر في الارتباط يبقي لازم يبقي موضوع جاد مش تسليه وبعلم الاهل ويكون رسميا امام الجميع .....وعن اقتناع تام وتفكير ناضج</div>
mR . mOstafa Fathi 04-02-2007, 02:05 PM السلام عليكم ورحمة الله وبركاته
اول حاجه بحييك علي صراحتك...مع اعتراضي علي نقاط كثيره
فمن كلامك وجدت انك متقلب وغير مستقر في اتخاذك القرار,,وتعتبر كل هذا علي انه مجرد نزوات..وتسليه.....
اول شئ مش صحيح والنقطه اللي لفتت نظري انك عادي بتتعرف علي البنات بهدف اللعب والتسليه فقط!! وده فعلا غلط ويجب ان تتقي الله في اقوالك وافعالك.....
اما بالنسبه لموضوع البنت الاخير ده فتقريبا انت نفسك مش واثق انه جد وصحيح ...
وشئ غريب ايضا لفت نظري طالما الاهل كلهم عارفين ....يبقي ايه المشكله هما يقدروا يحكموا اكتر ولازم يعرفوا الحقيقه لانكم كمان مازلتم طلبة.....
مازال الطريق امامك طويل وحاول ان تجتهد في دراستك......ولو هتفكر في الارتباط يبقي لازم يبقي موضوع جاد مش تسليه وبعلم الاهل ويكون رسميا امام الجميع .....وعن اقتناع تام وتفكير ناضج
مع كلامك
علمي علوم 06-02-2007, 10:26 PM فكرة رائعة جداااااااااا
شكرا لكلكول والبرى
المجاهد فى سبيل الله 06-02-2007, 10:59 PM السلام عليكم ورحمة الله وبركاته
هههههههههههههههههههههههههه
ايه يبنى النته كاتبه ده
حسبى الله ونعم الوكيل
انا بجد مش عارف اقول ايه
ممكن سؤال ؟؟؟ انته فرحان ؟؟؟؟ با النته كاتبه ده ولا ايه بالظبط
kaml_klamk 06-02-2007, 11:02 PM بعد اذنك يا استاذ محمد انا ليا تعليق على ردك
يعنى ايه كل حاجه تحت نظر اهلك واهلها
المفروض تقوله ان اللى بيعمله ده لو هو قادر يرتبط بيها رسمى يبقى ربنا يكرمه
انما لو مش قادر يجتهد لحد ما يقدر يوصلها
سلام
farouk 07-02-2007, 02:10 AM عموما لو الكلام ده حقيقي
يبقى ربنا يهديك
لاكن انا من وجهة نظري الشخصية ان كل ده كذب بصراحة
بس عندي سؤال محوري حبتين ايه لازمة الموضوع انا مش فاهم
اظن ان دي حاجات شخصية(ده لو حقيقي يعني) ميصحش انك تنشر غسيلك هنا
|