حرمان مدرس بالإسكندرية من وضع الامتحانات لسؤاله عن مضاد كلمة «مبارك» في اختبار الشهر



كتب- مصطفي شحاتة: جريدة الدستور الجمعة 11 /12



وفي الإسكندرية طالب أشرف السيد معروف- مدرس اللغة العربية بالقسم الثانوي بكلية الإقبال القومية- بالتحقيق مرة أخري في الخصم الواقع عليه بخمسة أيام وحرمانه من وضع الامتحانات ونقله للتدريس في المرحلة الإعدادية وذلك بسبب وضعه لسؤال مضاد كلمة «مبارك» في امتحان اللغة العربية للصف الأول الثانوي شهر نوفمبر 2008، حيث فوجئ المدرس بالتحقيق معه من قبل إدارة المنتزه التعليمية يوم 16/11 بسبب تقديم طالبة شكوي ضده لإصابتها بحالة اكتئاب نفسي من السؤال مدعية أنه بيفول علي الرئيس مبارك ورغم إقرار موجه اللغة العربية أن السؤال عادي جداً ومن المنهج وأن الكلمة بعيدة تماماً عن شخص الرئيس مبارك فإن قراراً بالخصم والحرمان والنقل صدر بحق المدرس يوم 5 ديسمبر الماضي، وقال المدرس: إنه يطلب من الرئيس مبارك إعادة التحقيق معه وإيضاح الحقيقة.

http://dostor.org/ar/index.php?optio...40274&Itemid=1 (http://dostor.org/ar/index.php?option=com_content&task=view&id=40274&Itemid=1)

مضاد مبارك اكيد مبارك
او مالهاش مضاد
حفظ الله لنا السيد الرئيس

هههههههههههههههههههههههههههههههها
صحيح شر البلية ما يضحك

السلام عليكم ورحمة الله وبركاته
أنا مش عارف الراجل عملكو إيه؟
كل ما واحد يحب يعمل فيها بتاع الحكومة والمخلص الأمين أبو المحبة والتفانين, يعمل من الحبة قبة, ويلزقها في الريس, آل إيه بيحافظ على الشخصية الرئاسية من المهانة والعنترية.

والرئيس لو عرف باللى حصل من المدرية الغبية دي, بيتهيئلي يعني أقل ما فيها يصرفلهم خمس سنين سجن بدل نفاق, ويريحنا منهم.

يكنش سمو الأستاذ المحترم اللي أخد القرار ده فاكر إن لما يعرف رئيس الجمهورية بكده يسقفله ويقرر أنه يعينه وزير وللا حاجه!!!

عالم غريبة وتصرفتهم عجيبة.

الله يكون في عون المدرس ده من المنافقين الفاسدين اللى هم على رأي المثل

"ملكي أكثر من الملك"

:giljotiiniug3:

أنا معاك أيها الأستاذ الفاضل
والموضوع يغيظ بمعنىالكلمة
النفاق وصل إلى لارقب في وزارة من المفترضأنها قدوة للأبناء إنما بالصورة دي عليه العوض

منافقون منافقون
كما قال الأستاذ السيد صابر
ملكيون أكثر من الملك
بيفكرني بفريد شوقي في فيلم الفتوة لما ذاق البطيخ ولقاه ماسخ
كان هينضرب وقال ( انت بتقول بطيخ مولانا أقرع ؟؟؟)
وما أشبه بطيخ الأمس ببطيخ اليوم

لا حول ولا قوة إلا بالله ..!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!

ده منه رد ومنه رسالة للاستاذ سيد مضطر اكتبها هنا لان ادارة المنتدى يبدو انها مش واخده بالها انها لما تحرم عضو من الرسائل الخاصة الى ان تصل مشاركاته لخمسين تبقى كده من اشد واكبر المشجعين على (الرغى ـ والثرثرة ـ والعك)اللى خلى المدرسين يبقى فى المنزلة الواطية دى ويجى مسئول ادارى معاه دبلوم قديم يأمر وينهى كما لو كان المعلم ده عبد فى عزبة ابو أى حد عاوز يتمحلس ويتسلق على حساب عيره
المهم يا استاذ سيد صابر المشكلة مش فى المتخلفين اللى انت اتكلمت عنهم المشكلة فى المعلمين العجزة اللى مالهمش أى علاقة باللى يحفظ عليهم حقوقهم من القوانين
كلهم حافظين القوانين اللى ضد المعلم لكن تقول لواحد انت من حقك تعمل كذا وكذا يقولك يا راجل مين ده اللى يعرف يعمل كده
تقدر تقولى لو المدرس ده محامى ولا طبيب كانت نقابته عملت ايييييييييييييييييييييييييييييييييه

معلش هو إحنا لنا نقابة ؟
أول مرة أعرف
أنا متيقن أننا معلمون بلا نقابة

مبارك مضادها ممحوق .
وما حدث للمعلم الفاضل أشرف السيد مهزلة بكل ما في الكلمة من معنى ، ولا يجب قطع سؤال المعلم من سياقه .
محمود سيف
معلم اللغة العربية بالإسكندرية

الله يا جماعة ربنا مع الاستاذ المبارك وبارك الله فيه والكلمة لها مضاد

والله اللى حصل ده مهزلة وبعدين لما هما زعلنين قوى كده على الرئيس كانوا امرو بحذف الكلمة من المعجم ده من باب الاحتراس الا ممكن مدرس تانى يجبها فى سؤال النحو ....او من باب اولى يعاقبو اللى وضع المنهج بتاع العربى

لا حول ولا قوة إلا بالله

مبارك عليك يا مدير الإدارة أصبحت (دلدولا كبيرا) وبالمناسبة إيه مضاد (دلدول)

هههههههههههههههههههههههه
جامدة

ربنا معاك يا استاذ

عموما قلبي معاك استاذنا المظلوم :
واطلب من سيادتك أن تبتسم فأنت في مصر مبارك
واحمد ربك ........................
لقد أخطأت في اختيارمضاد الكلمة لأن هناك احتمال واعتقاد يدور في الذهن بأن الكلمة إذا لم تعاقب على ايجاد مضاد لها اليوم فقد تعدم أو تسجن مدى الحياة لو طالبت بوضع كلمة أخرى محلها في الجملة أو طالبت من طلابك باستبدالها.
من أجل هذا بقولك أحمد ربك

على فكرة الكلمة تلاقيها في درس حريتي .... الحرية ..... أن غير متذكر

على فكرة ياجماعة الموضوع أثير في برنامج العاشرة مساء والحلقة بتاعته موجودة على اكثر من موقع ومنها اليوتيوب واخر قرارت الوزير الجمل كانت الغاء الجزاءات عن هذا المدرس

كنا زمان نفتخر بأننا مدرسون !!!





(ومازلنا )

فالكلمة عادية كأي كلمة
لا داعي للتأويل
أين رئيسنا المبارك لإزالة المهزلة ؟
وحينما نهين رئيسنا فكلنا مهانون
وبالتالي هذا المعلم القدير يعرف أن رفعة قائده من رفعة وطنه
وبالتاليي لا يقصد ما وصلوا إليه
وأكيد السيد الرئيس سيزيل هذه المهزلة
نناشد سيادته أن يرفع هذا الظلم عن إخينا المعلم
حفظك الله من كل سوء .

خلى بالكو محدش يحط مضاد كلمة ( جمال ) من دلوقتى علشان ميكنش فى المعتقل أو مضاد ( عز ) أو ( الشريف ) أو ( سرور ) ومجمع اللغة العربية عليه حذف هذه الكلمات من المعجم وحسبى الله ونعم الوكيل