أرجوكـ .. م تقولي بحبكـ .... [الأرشيف] - بوابة الثانوية العامة المصرية

مشاهدة النسخة كاملة : أرجوكـ .. م تقولي بحبكـ ....

.. Mysterious ..

14-12-2009, 01:58 AM

لما أنت مش بتسأل
ومشيت .. وقلت
مش هترجع
راجع دلوقتي ليه
وبأي حق تقول اسامحك
جرحتني وقلت ظلمتك
وكسرتني وقلت خنتك
راجع بعد إيه
تقول بحبك

عايزني أقولك إيه
ومستني مني إيه
دا اللي كان بينا
خلاص انتهي وراح
بقي ماضي كله جراح
وخلاص أنا نسيته
زي م نسيتك

ارجوك امشي
سبني .. وامشي
لو كنت حقيقي حبتني
امشي وفارقني
لاني خلاص نسيتك
ونسيت انك كنت حبيبي
واني ف يوم كنت حبيبك

روح مستني إيه
امشي ... أبعد
وكفايا عذاب الضمير
وقول عليا خاين
لاني ف الحقيقة خاين
ظلمت قلبي معاك
وسبت روحي لهواك
ومفكرتش لحظة ف نفسي
وقلت عليك ملاك
بس انت مش ملاك
وفـ الحقيقة انسان
عايش عشان تخون
وتجرح كل يوم قلوب
كل امانيها فـ الكون
تعيش فـ أمان وحب

روح خلاص وابعد
وأكيد هتلاقي ناس
شبهك .. عايشه
بس تجرح
وتظلم قلوب بريئه

معاهم هتلاقي راحتك
ومش هتلاقي واحد زيي
يقولك حقيقة نفسك
ويسمعك كلام يوجع

الأستاذة ام فيصل

14-12-2009, 03:26 AM

ومستني مني إيه

دا اللي كان بينا
خلاص انتهي وراح
بقي ماضي كله جراح
وخلاص أنا نسيته
زي م نسيتك

ارجوك امشي
سبني .. وامشي
لو كنت حقيقي حبتني
امشي وفارقني
لاني خلاص نسيتك
ونسيت انك كنت حبيبي
واني ف يوم كنت حبيبك

روح مستني إيه
امشي ... أبعد
وكفايا عذاب الضمير
وقول عليا خاين
لاني ف الحقيقة خاين
ظلمت قلبي معاك
وسبت روحي لهواك
ومفكرتش لحظة ف نفسي
وقلت عليك ملاك
بس انت مش ملاك
وفـ الحقيقة انسان
عايش عشان تخون
وتجرح كل يوم قلوب
كل امانيها فـ الكون
تعيش فـ أمان وحب

انا اليوم سهرانه مع اغنيتك الجميله
لو الست كانت عايشه اكيد كان حتغنيها
بجد ياخي احمد قصيده رائعه مليئه بالشجن
كما تعودنا من حضرتك ديما رائع ومبدع
ربنا يزيدك كمان وكمان
وتقبل تحيات اختك نغم

الملهمة

14-12-2009, 08:25 PM

I promise you

16-12-2009, 12:00 AM

.. Mysterious ..

16-12-2009, 12:25 AM

انا اليوم سهرانه مع اغنيتك الجميله

لو الست كانت عايشه اكيد كان حتغنيها
بجد ياخي احمد قصيده رائعه مليئه بالشجن
كما تعودنا من حضرتك ديما رائع ومبدع
ربنا يزيدك كمان وكمان

وتقبل تحيات اختك نغم

استاذة نغم
حقيقي والله بقيت بخاف من رد حضرتك عليا
لان حضرتك بتكبريني اوي
وانا ف الحقيقة صغير جدا جدا
وكمان الست لو كانت عايشه مش هتغني الكلام دا
دا بجد مجامله كبيرة اوي
عموما انا جد ميرسي جدا ع زوق حضرتك
وع المجاملة الرقيقة دي
شكرا جزيلا ي فندم
ويارب اكون دائما عند حسن الظن
نورتيني

.. Mysterious ..

16-12-2009, 12:28 AM

روح خلاص وابعد
وأكيد هتلاقي ناس
شبهك .. عايشه
بس تجرح
وتظلم قلوب بريئه

معاهم هتلاقي راحتك
ومش هتلاقي واحد زيي
يقولك حقيقة نفسك
ويسمعك كلام يوجع
تحفه تحفه تحفه أد إيه كلماتك معبره وجميله ومحسوسه جدا.. سلم الإحساس

حققي ميرسي جدا ي فندم
ع زوقك
وميرسي جدا ع المجاملة الرقيقة دي
ويارب اكون عند حسن الظن
نورتيني
شكرا جزيلا

.. Mysterious ..

16-12-2009, 01:04 AM

الاخ الجميل وصاحب الاحساس الرائع أحمد
كلمات رائعة والله يا احمد
وبتوجع اوى
تسلم إيدك والله
عارف يا احمد _ معلش انا هابقى صحبك بقى :d_
إحنا لما بحب ما بنحسبهاش صح
ولا بنفكر الاول يمكن أول حاجة بتتحكم فينا هيا العاطفة
وبيتلغى العقل خالص وننجرف مع تيارها
وبعد ما ندخل فى العلاقة تلاقى مشاكل حصلت !
انا مش عارف سن حضرتك بس عموما ً سن المراهقة دة
قليل أوى قصة حب بتكمل فية وانا بقول من وجهة نظرى
لو ماكنش فى حب فى سن المراهقة ما كنش هايبقى فى حاجة
اسمها جرح ولا كنا هانكتب القصايد اللى عن تجاربنا اللى مرت دى
انا بتكلم فى نطاق حالة خاصة إن قصة الحب ما استمرتش لكن لو استمرت _ وقليل جداً_
خير وبركة وتبقى نهاية سعيدة يعنى
يارب تكون فاهمنى يا ابو حميد والله انا اول مرةاقول لحد الكلام دة
دة كلة طبعا وجهة نظر مش كلام مُطلق يعنى
انا حبيبت افضفض معاك شوية
معلش لو طولت عليك
تقبل مرورى المتواضع
فى رعاية الله ..
:)

ميرسي جدا ي فندم ع زوقك
وميرسي كتير ع الكلام الجميل
اللي وصفتني بيه
جد وحقيقي ميرسي جدا
اما انك تكوني صحبي ... شئ يشرفني بجد
اما كلامك
طبعا عندك حق ... بس مش لازم
نفكر اننا عشان حبينا
يبقي احنا عايشين دور المراهق
انا شايف الكلام دا غلط
لان الحب اللي جواك بيدفعك انك تعمل حاجات
انت اساسا مش بيكون عندك القدرة انك تعملها لوحدك
يعني الحب ف الوقت دا حافذ قوي
ونشاط جواك لعمل اى شئ

ي فندم مش لازم عشان انجرحت من الحب
يبقي تقوم تكتب اللي جواك
لا ابدا ... لانك ممكن تكتب من غير م تنجرح

انا حاسس اني اتكلمت كتير عذرا
ومرة اخري ميرسي جدا ع زوقك
وجد حضرتك نورتني
ويارب اكون عند حسن الظن دائما

المتبتلة

16-12-2009, 08:00 PM

I promise you

16-12-2009, 11:40 PM

ميرسي جدا ي فندم ع زوقك
وميرسي كتير ع الكلام الجميل
اللي وصفتني بيه
جد وحقيقي ميرسي جدا
العفو يا أحمد أنت تستحق دة
ربنا يبارك فيك
اما انك تكوني صحبي ... شئ يشرفني بجد
الشرف كل الشرف لية يا احمد
اما كلامك
طبعا عندك حق ... بس مش لازم
نفكر اننا عشان حبينا
يبقي احنا عايشين دور المراهق
انا شايف الكلام دا غلط
انا ما قولتش معنى اننا بنحب يبقى احنا
عايشين دور المُراهق أكيد طبعاً غلط
أنا بتكلم على الحب عموما فى سن المراهقة
أما بعد كدة دة كلام تانى ..
لان الحب اللي جواك بيدفعك انك تعمل حاجات
انت اساسا مش بيكون عندك القدرة انك تعملها لوحدك
يعني الحب ف الوقت دا حافذ قوي
ونشاط جواك لعمل اى شئ

ي فندم مش لازم عشان انجرحت من الحب
يبقي تقوم تكتب اللي جواك
تمام مش لازم زى ما حضرتك قولت
بس كمية الكتابات اللى فى الركن الادبى
عن الجرح وكدة ممكن تكون بتؤيد كلامى
بعض الشئ ..
لا ابدا ... لانك ممكن تكتب من غير م تنجرح

انا حاسس اني اتكلمت كتير عذرا
انا اللى اتكلمت كتير .. عُذراً
ومرة اخري ميرسي جدا ع زوقك
وجد حضرتك نورتني
ويارب اكون عند حسن الظن دائما

ربنا يبارك فيك يا احمد ويحفظك
دمت بكل معانى الود ومُرادفاتة
فى رعاية الله ..
:)

EL-MosHaKeS

18-12-2009, 03:11 AM

كلمات جميله جدا
تسلم ايديك
بس ليه الحزن دا
بس بجد كلمات رائعة

noda 2000

19-12-2009, 09:20 PM

روح خلاص وابعد
وأكيد هتلاقي ناس
شبهك .. عايشه
بس تجرح
وتظلم قلوب بريئه

معاهم هتلاقي راحتك
ومش هتلاقي واحد زيي
يقولك حقيقة نفسك
ويسمعك كلام يوجع

بجد كلماتك رائعه يا أحمد كروعتك
أعجبتنى الكلمات جدا...كما عودتنا كلمات كلها حزن وشجن
تسلم إيديك
تقبل مرورى المتواضع

.. Mysterious ..

20-12-2009, 12:18 AM

بجد مش عارفة أقولك إيه ، كلماتك مؤلمة تدل على تجربة مريرة ، بس معذرة انا حاسة إن الحب لو حقيقى هينتصر

مهما كانت العقبات ، بجد كلامك ينم على انك شخص حساس سواء العمل كان تجربتك او لا

وتجربتك صادقة ووصلت لكل من قرأها

دمت صادقا يا أخى بقلم مبدع

اولا انا سعيد جدا ان حضرتك هنا
ميرسي جدا ي فندم
وجد دا وسام شرف اعتز بيه
ثانيا الحب الحقيقي ف هذه الايام بقي شبه مستحيل أو مستحيل
زمان كان الحب .. احساس الشخص مينمش منه الليل .. يستني النهار يطلع
عشان يشوف محبوبته ... كلمة بحب .. مكنتش تخرج بالسهولة اللي بنلاقيها حاليا
وحاجه تانية كان الحب طاهر .. حب مخلص ... مش حب عشان مصلحه او مظاهر
ثالثا انا لو حقيقي حساس زي م حضرتك قولتي .. فدا مش حقيقي
لاني كاتب لاحساس .. يعني الاحساس هو اللي ادام الناس ظاهر لهم .. وليس انا

حقيقي حضرتك نورتيني
وجد انا سعيد جدا بوجودك هنا
نورتيني ي فندم
ويارب اكون عند حسن الظن بي

.. Mysterious ..

20-12-2009, 12:20 AM

ربنا يبارك فيك يا احمد ويحفظك
دمت بكل معانى الود ومُرادفاتة
فى رعاية الله ..
:)

ميرسي جدا ي فندم ع زوقك
وربنا يبارك فيك
وجد انا مش لاقي كلام اقوله ؟؟
شكرا جزيلا ي فندم

.. Mysterious ..

20-12-2009, 12:22 AM

بجد كلماتك رائعه يا أحمد كروعتك
أعجبتنى الكلمات جدا...كما عودتنا كلمات كلها حزن وشجن
تسلم إيديك
تقبل مرورى المتواضع

ميرسي جدا ي فندم ع زوقك
وجد انا سعيد جدا بكلامك
شكرا جزيلا
ويارب اكون عند حسن الظن دائما
نورتيني

الجويرية

20-12-2009, 07:52 PM

أحمـدنجـم

20-12-2009, 09:08 PM

.. Mysterious ..

22-12-2009, 01:08 AM

ما شاء الله كالعادة ابداع رائع بحق
وحتى قعدت اغنيها على رتم اغانى واما او فرقة الوعد
هى ملعاش علاقة نهائى
بس اللى حسته ان فى قوة فى الاول من الشاعر وبعد كدة بدات العاطفة تدخل فى الكلام
فيستخدم الفاظ عتاب
وبعد كدة بيقوى من تانى
فجميلة الانتقالات دى
منتظرين المزيد والمزيد ولتكن مرة قصيدة ممتزجة بتفاؤل
وفرج الله كربكم وازاح همومكم
وجزاكم الله خيرا الشاعر أحمد شوقى

آية من الله
دائما اجد معكي الثقة بالنفس
والقوة وعدم القبول للعواقب او الحزن
جد شكرا جزيلا ع كلامك
وميرسي ع التشبيه الجميل
واللي بحس منه اني قدرت اوصل معني الحزن لناس قليلة
حقيقي ميرسي ي آية ع كل م قولتيه
بس زي م قلت .. وهفضل اقول
أنا prisoner of grief
نورتيني بجد

.. Mysterious ..

22-12-2009, 01:15 AM

صح يا أحمد الخاين اللي يخون نفسه ويخون قلبه ويسلمه لحد ما يستهلش
صح يا أحمد واثبت على موقفك صدقني اللي باعك مرة سهل أوي يبيعك كل مرة
وأنا قولتها مرة ::
أنا قادر أرجع لكن مش هرجعلك انسي
يلا بقى في ستين هي دي نهايتك حسي
لازم يعرف اللي باع أنه هو اللي خسران وأنه ميعرفش يحافظ على الحاجات الغالية
ربنا يكرمك ويسعدك يا أحمد يارب
استاذي الكبير ي مرحبا
جد لما بتغيب عن الرد عليا
بحس ان ناقصني شئ كبير اوي
متغبش عن تاني ... بكاش انا عارف
حقيقي حضرتك نورتني
وكلام حضرتك ف محله
بس لازم اللي حب لازم يسامح ...
لان الحب تسامح وليس كره
اما حكاية اللي باعني ... ربنا وحده اللي يعلم من فينا الخسران
ويمكن اكون انا الخسران
المهم حضرتك جد نورتني
ميرسي جدا ي فندم
ويارب اكون عند حسن الظن بي

الشاعر/محمد علي

24-12-2009, 01:08 AM

لما أنت مش بتسأل

جميل قوى البداية بداية بعتاب وجاء الشاعر بكلمة عاميه جميلة د يعرف معنى لفظ (لما) دا ايه؟؟؟
ثم جاء النفى ب (مش) وكأنه عاوز يعاتبه على عدم سؤاله باسلوب جميل

ومشيت .. وقلت
مش هترجع

جميل قوى تلاعب وتناغم حرف الشين معاك
بس للاسف يا أحمد سقط الوزن هنا فى : وقلت مش هترجع
ممكن تقول :
لما انت مش بتسأل
وسبت القلب جواه شوق بيوجع
وما اقلت انك هاترجع

يعنى من هذا القبيل

راجع دلوقتي ليه
وبأي حق تقول اسامحك
جرحتني وقلت ظلمتك
وكسرتني وقلت خنتك
راجع بعد إيه
تقول بحبك

ايوه دا عتاب جميل بس خرج من النص الشعرى
ظلمتك / خنتك/ بحبك كلها قوافى مصطنعه
وبعدين كان لازم توضح فى الأول هو عمل ايه عشان خلاه يروح وانت عملت ايه علشان خليته مش بيسأل

عايزني أقولك إيه
ومستني مني إيه
دا اللي كان بينا
خلاص انتهي وراح
بقي ماضي كله جراح
وخلاص أنا نسيته
زي م نسيتك

نفس الكلام اللى قلته :
خرج من النص الشعرى واصبحت كلمات مرصوصة لم تضف أى شيىء للنص

ارجوك امشي
سبني .. وامشي
لو كنت حقيقي حبتني
امشي وفارقني
لاني خلاص نسيتك
ونسيت انك كنت حبيبي
واني ف يوم كنت حبيبك

نفس الكلام
كان نفسى أجد قصيدتك يا أخى أحمد كما عودتنا قوية
أشعر هنا بضآلة الصور بل بافتقادها
اخى أحمد حاول تقرأ كتير جدا
و ماتتعجلشى بالكتابة
انت عندك موهبه محتاجه للصقل واقرا شعر قديم
وشعر فصحى كتير

===
وأحيراً أتمنى أن تتقبل نقدى
ولعلمك انا لست ناقداً ولكنى غواص باحساس شاعر يكتب
دمت بخير

Magi_90

24-12-2009, 10:25 PM

ايه العفوية والبساطة دى
مؤثرة وحزينة وده أجمل ما فيها

.. Mysterious ..

26-12-2009, 01:04 AM

ايه العفوية والبساطة دى
مؤثرة وحزينة وده أجمل ما فيها
ميرسي جدا ي فندم ع زوقك
وجد انا سعيد جدا ان كلامي نال اعجاب حضرتك
نورتني ي فندم
ويارب أكون عند حسن الظن

.. Mysterious ..

26-12-2009, 01:12 AM

*التـوأم المـزعج*

26-12-2009, 01:41 AM

إيه الجمال ده يا أسير الحزن ..
بجد كلمات مؤثره ومعبره جدا ..
مش عارفين نعبر بصراحه ..
بس الكلمات ليها تأثير جامد جدا على مشاعرنا ..
منتظرين المزيد من ابداعاتك ان شاء الله ..

الشاعر/محمد علي

26-12-2009, 09:21 AM

ياااااااااه استاذ محمد هنا

وكمان ناقد
ايه الهنا اللي انا فيه دا
المهم
انا طبعا رغم زعلي ...
ع اني مكنتش عند حسن الظن
بس انا عارف ان مع القراءة الفرد بيكون افضل
بس انا فعلا مش لاقي وقت نهائي للقراءة
عندي اهتمامات اخري مهمة شغلاني

بس اوعد حضرتك ان شاء الله تعالي
المرة القادمة اكون عند حسن الظن

انا جد سعيد بكلام حضرتك
وجد هاخد بيه ف اقرب وقت ممكن
نورتني ي فندم

كلمة : انا لن ولم اكون شاعرا فـ يوم.. بل كاتب لاحساس جوايا

العزيز أحمد شوقى

نعم أنا هنا بجواركم وبفضل صحبتكم
وفى جود كرم موتدكم
أنا هنا وهناك وفى كل المنتديات الأدبية على النت وفى معظم الندوات الأدبية بأنحاء مصر المحروسة
نعم أنا هنا وهناك ومع النقاد وأساتذة الأدب فى معظم جاماعات مصر

تعجبت من كلمة : يااااااااااااااااه وكأننى المفروض ما كنشى هنا !!!
وتقول (وكمان ناقد)
عجبت لك يا أخى هل هناك حجر على أى رأى هنا ؟؟!!!

أخى أحمد شوقى
أود أن أذكرك وأذكر كل الأخوة بأننى لست ناقداً
ولكنى شاعرٌ
وأغوص فى بحور القصيدة أو الخاطرة لأخرج الجواهر واللؤلؤ كما يحلو لى أى أننى لست ناقد ولكنى أحس نبض أخى الشاعر
وأخيراً أود أن اذيع لك سراً أقصد أذيعه على إخوانى فأنا دوماً أقوله لك فى حوارتنا على الشات :

أنت من الناس القلائل هنا اللذين أكن لهم كل معزة وحب
وانت من الشباب الواعد ذوى الإحساس المرهف والمشاعر الجميلة وتحتاج لشيىء من الخبرة كى تنتج أعمالاً جيدة وقيمة

أخى أحمد
دمت بخير ويارب يوفقك
وأخيراً : أيوه أنا هنا فعلاً وستجدنى فى كل القصائد وكل الأماكن بإذن الله فهذه صناعتنا

الشاعر محمد على

.. Mysterious ..

27-12-2009, 11:10 PM

استاذ محمد علي
ع فكرة والله العظيم
انا م أقصد اي شئ
بـ العكس فرحت جدا
ان حضرتك قلت لي الكلام دا
وبعدين لو لاحظت ان مفيش غير الاستاذ محمد
اللي قلي اقرأ كتير وركز عشان تبقي افضل
يبقي ازاى ازعل من الكلام دا

ي فندم حضرتك عارف اني مقدرش ع زعلك
وجد حضرتك ليك معزة خاصة

ياريت مكنش اغضبت حضرتك
ومرة اخري حقيقي حضرتك
دائما بتنورني وبتسعدني بكلامك
ويارب مفتقدش الكلام دا

الشاعر/محمد علي

12-01-2010, 01:47 AM

شكرا يا أحمد ودمت بخير