بسم الله الرحمن الرحيم

أولا يجب أن نعرف جميعا أن هذا المكان ( المنتدى ) يجب أن يتم توظيفه للتعبير عن الرأى فى المقام الأول

هذا موضوع عام مطروح للمناقشة والجدال حقيقةً ليس القبول أو الرفض بأيدينا ولكن يجب مناقشة أحوال بلادنا حيث أن التعبير عن الرأى يعبر عن الحرية

من فضلك شارك فى الاستفتاء ثم قم بعمل مشاركة تعلل فيها اختيارك

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ

عن نفسى

لا أوافق فأنا أعتقد أن المرأة ليس لديها القدرة على الحكم على البشر فالمرأة مخلوق رقيق وعاطفتها عالية يعنى ممكن تؤثر فى الحكم على الأشخاص

الموضوع ما زال قيد النقاش


شارك برأيك 000



ياريت النوع لا يؤثر فى الاختيار يعنى مش علشان بنت تختارى نعم ، أرجو مناقشة الموضوع من الناحية العلمية


شكرا



SALAM

انا معاك ان المراة عواطفها حساسة بس ما تنساش ان المراة نصف المجتمع

وشريكة الرجل ورفيقته فى كفاحه وان المراة طرف منتج للمجتمع

انا معاكم ان المراة نصف المجتمع بل هي المجتمع كله لان ربنا اداها اهم وظيفة اللي كتيير من النساء مش بيحبوها وهي تربية النشئ وتربية جيل من الشباب نافع وصالح للمجتمع
اما بقي بالنسبة لموضوعنا انا هاقول بس كما قال الاسلام ورسولنا الكريم ان ماينفعش يتولي امر المسلمين امراة
وشكرا

شرعيا لا تتولى المرأة ولاية عامة ولا القضاء

لا مش موافقه طبعا لان المرأه بطبعها حساسه
وهتتأثر في حكمها علي اي حد بالعواطف دي
لكن مع ده في حاجه تانيه اهم _ ده طبعا في اعتقادي الشخصي _
هي طبعا هتبقي عارفه ان كل الناس هتقول الكلام ده انها عاطفيه ومش هتقدر تحكم بالاعدام مثلا
لان المجرم ده هيصعب عليها
فتعمل ايه بقه
تقول لا انا قلبي جامد وتيجي تحكم حكم اصعب بكتير من اللي المفروض تحكم بيه
وده طبعا علشان تثبت ان قلبها جامد
وبالتالي هتظلم ناس كتير علشان خاطر محدش يقول ان المرأه لاتصلح للقضاء
علشان قلبها ضعيف وحنينه
وده طبعا رأي شخصي
وشكرا علي اثاره الموضوع

شكرا لردودكم لكن فيه ناس شاركت فى الاستفتاء ومعللتش رأيها ياريت كل واحد يقول ليه موافق ولا لأ

SALAM

<div class='quotetop'>إقتباس(loza99 @ Jan 17 2007, 02:01 PM) 256922</div>
لا مش موافقه طبعا لان المرأه بطبعها حساسه
وهتتأثر في حكمها علي اي حد بالعواطف دي
لكن مع ده في حاجه تانيه اهم _ ده طبعا في اعتقادي الشخصي _
هي طبعا هتبقي عارفه ان كل الناس هتقول الكلام ده انها عاطفيه ومش هتقدر تحكم بالاعدام مثلا
لان المجرم ده هيصعب عليها
فتعمل ايه بقه
تقول لا انا قلبي جامد وتيجي تحكم حكم اصعب بكتير من اللي المفروض تحكم بيه
وده طبعا علشان تثبت ان قلبها جامد
وبالتالي هتظلم ناس كتير علشان خاطر محدش يقول ان المرأه لاتصلح للقضاء
علشان قلبها ضعيف وحنينه
وده طبعا رأي شخصي
وشكرا علي اثاره الموضوع
[/b]

والله عيبك انك فاهمه كل حاجه :P

بجد كلام جميل وصحيح جدا جدا

مش موافق

مش عشان ناقصات عقل ودين زي ما انتا بتقول السيدة عائشة كانوا بياخدوا منها ساعات فتاوى يا حج يعني ركز وانتا بتقول مصطلح عام

القصد بيها حاجا تانيه واتحداك انك تعرفها

وانا برفض توليها للقضاء لانها تتمتع بحاسيسة مفرطة جدا

وممكن يعني متنفذش احكام رأفه بالحالة اللي قدامها

وكدا يعني

بس مبحبش ( ناقصات عقل ودين ) دي :angry:

انا معاكم ان المرأة مش المفروض تشتغل قاضية وكدة بس متشتغلش خالص اعترض و بشدة


هو يعنى اى وظيفة تانية غير القضاْء زى( الطب و التدريس الهندسة..........)ما كل دول مش فهم حكم اصلا و مش معنى اننا
بنرجح جانب العاطفة على التفكير يبقى اننا مش عندنا مخ و لا بنفكر خالص و لا اية <_<

اه اوافق

لو كان معندهاش قلب ومش بتحس

وبم ان المراْة حساسة

يبقي لا اوافق

انا من راْى لوزة

من حقها تشتغل شغل تانى بعيد عن القضاء

وشكرا على طرح الموضوع

باختصار يا شباب ربنا اعطي المرأه كما كبييييييييييييير من الحنيه واكثر فيها من العاطفه علشان تكون من الاخر الحته الطريه في الحياه لقاها ينسي الرجل همومه واحزانه حتي يستطيع مواصله العطاء في العمل
دا ربنا خلق آدم من تراب وخلق حواء من ضلع آدم اي من لحم ودم يا عني هيه حته عاطفه ماشيه علي الارض
والقضاء يحتاج انسان يحكم عقله اكبر من عاطفته ويا جماعه في قضايا والله لو حكيت عنها بس مش شفتها هتعيط واقروا جرايد المرأه مش هتكون مؤهله لهذا المنصب
صعبانه عليها متهم .........امه عيطت قدام القضاه........دا خلاف معاينه الجرايم زي القتل او مثل حادثه فصل الرقبه عن الجسد تخيل ممكن تطلع مرأه تعاين الحادثه دي

هذا مجرد رأي ولا يوجد مشكله في الاختلاف عنه


{المنتدي ده في دمي كل ما ابعد عنه حاجه بتشدني وما بعدني عنه الا الشديد القوي,,,,,,,,وحشتوني كلكم }



معلش يا مازن اخدت عضويتك لابداء رأي في الاستفتاء


البحار موندي .......محمد المغربي

بسم الله الرحمن الرحيم
ليه المرءاه ماتمسكشي الحكم اليس المرأه نصف المجتمع
انسيتوا شجره الضر
ولاكن في ظل الظروف التي تعيش فيها بلدنا الحبيب مصر
ودلوقتي الجدل مش مرأه ولا رجل القضيه التوريث ثم التوريث
لا للتوريث
نحن نختار من يعجبنا من يدير شئوننا
وانا ارفض موضوع ان امرأه تحكم مصر
لان مصر مستهدفه وانتم تعلمون انها مستهدفه

حنا عندنا في انتخابات برلمان طلائع الجمهوريه
كان في بنت مرشحه نفسها لرئاسة البرلمان
مش هقول الولاد بس هما اللي رفضوا الموضوع ده
انا هقول ان البنات نفسهم كانوا رافضين الموضوع ده
انظر معي هذا برلمان الطلائع فما بالكم في رئاسة الجمهوريه

هقول ايه تاني انا متفق مع كركور تمام

وانا اعتقد ان دور المنرءه يقصد علي بيتها فقط واذا كانت تستطيع ان تعطي للمجتمع بدون ان يتاثر ذلك ببيتها فلا مانع

ميغسي كتير

انا شكلي لوحدي اللي هقول كده

بس انا مش شايف اي مشكلة في تولي المرأه

حد شافني وانا بقول كده o.O

اه انا مفهمتش الموضوع الا من الردود هو اصل الموضوع فين ؟؟؟؟