حسام المبدع
16-12-2009, 04:48 PM
بسم الله .. السلام عليكم
هلا بيكم حبايبى
انا صراحة اتأخرت شوية فى المذاكرة السنادى ابتديت نص شهر 11 بجدول وضعته للمذاكرة
والحمد لله ربنا وفقنى وعلى الاسبوع القادم هكون خلصت المواد
والشهر الى بعده عامله لحل امتحانات ومراجعة
يعنى على شهر 2 بالكتير هكون خلصت
فكنت عاوز من اساتذتنا الكرام
وضع خطة او جدول مراجعة مكثف من شهر 2 الى الامتحانات
عشان انا مدرك ان اهم من المذاكرة الى ذاكرتها المواظبة على مراجعتها
ويا ريت لو حد من اصدقائى الى فى 3 ثانوى او خصلوا عندهم اى اقتراح
وعلى فكرة انا علمى :)
اخوكم .. المبدع
سارة الازهرية
29-12-2009, 10:33 AM
انا كمان اريد المساعدة لان انا خلصت معظم المواد ومضغوطة اوى اليومين اللى جايين علشان عندى امتحانات كتيرة ومراجعة فى الدروس اريد تنظيم الوقت على فكرة انا كمان فى علمى
ahmedkuwit
01-01-2010, 12:00 PM
وانا كمان علمي بس عاوز ابدا عربي وشرعي لسه يا تري احسن طريقه للمذاكره ليه وربنا معانا السنه دي يا رب
محمد ابو خضر
14-01-2010, 12:44 AM
يارب وفقنا جميعا وارزق كلا منا امنيته
اسالكم الدعاء
حسام المبدع
16-01-2010, 11:02 PM
وانا كمان علمي بس عاوز ابدا عربي وشرعي لسه يا تري احسن طريقه للمذاكره ليه وربنا معانا السنه دي يا رب
احمد بص انت ادرى واحد بنفسك
يعنى شوف انت مقدرتك ايه ؟؟
ورتبها على اقل شئ تقدر تقوم بيه
يعنى مثلاً عندك مادة زى الصرف او غيرها من المواد العربى والشرعى
لو تقدر تخلصها فى يومين لأ اديلها 3
وشوف غيرها برده 3 ايام
يا دوب اتعرف على المواد
بعدها بكام يوم هتلاقى نفسيتك اتفتحت شوية للمذاكرة
خد مع كل مادة جديدة مادة تانية من الى ذاكرتهم ( اتعرفت عليها فى السريع كدا )
وراجع عليها
واقعد اتعرف على المواد عشان تجهزهم للمذاكرة
ومتركنش حاجة وتقول دى سهلة
ويا ريت برده فى التعرف على المواد متقفش قدام حاجة صعبة
لأ كل الصعب اكتبه مرة و2 و3 وعلقه فى غرفتك قدامك وكل ما تقوم بص عليها
صدقنى هتحفظ المواد
انا قلتلك الطريقة الى ذاكرت بيها
بس المشكلة يا شباب فى المراجعة :frown:
مش قادر احط جدول امشى عليه فى المراجعة
سارة الازهرية
17-01-2010, 12:28 PM
يا جماعة انا نفسى حد يرد عليا انا بجد خلصت المواد كلها ماعدا الرياضة والانجليزى بس المشكلة عايزة طريقة تكون كويسة للمراجعة وازاى اقدر ما انساش مادة الادب بسرعة اصل كلها حفظ
على مقدام
17-01-2010, 04:16 PM
انا حفيظ مبقدرش ازاكر ساعتين على بعض بزهق بسرعه جدا والمدرسين بيقولوا عليه زكى جدا حد يشوف لى حل
N N M A
18-01-2010, 12:09 PM
وانا كمان معاكو في علمي يا جماعه لكن مشكلتي اني بنسي بسرعه ومبعرفش احفظ بالنص ,وكمان انا خلصت المواد الشرعيه ولكن عندي ازمه في مراجعتها ياريت حد يقولي ازاي اعرف احفظ كويس وماانساش