الحقيقه الموضوع زاد عن حده جدا كل شويه يقولوا انهم هيحطوا نظام جديد للثانويه العامه
وطبعا اخرهم القرار اللى هينظروه فى مارس اللى جاى واكيد هيبقى نظام فاشل زى النظام بتاع اولى ثانوى
اللى انا بعنى منه معاناه جامده الحمد لله الواحد خلص المواد المتخلفه ومعتش الا حاجات بسيطه
بس انا نفسى اسأل سؤال ايه هى لازمه اولى ثانةى؟؟؟؟؟؟؟؟؟؟؟؟؟؟
كل ماسال حد انت كنت بتعمل ايه فى اولى -اخد خبره-يقولى كبرى سنه وهتعدى..................زى مانتوا عارفين
طب بدام كده حطوها ليه!!!!!!!!!!!!!!!!!!! طبعا الأسلوب الجديد رائع تاخد 11 فصل فيزياء فى 3 شهور يا بلاااااااااااش
والجميل ان انا لسه راجعه من الإمتحان بتاع الفيزياء بس والله جميل جدا اسهل من الإنجليزي لأن تقريبا هم جابولنا
امتحان انجليزى بتاع تانيه ثانوى.
وفى سؤال تانى ليه بيحبوا يعقدونا ويكرهونا فى المناهج ؟؟؟؟؟؟؟
وحاجه كمان بالنسبه للمعتوهات اللى دخلوا فصل المتفوقات امثالى استفدنا ايه منه غير المناهج الزياده؟!!!!!!!!!!!!!!
ولو هم عاوزين يطورا فى المناهج يطوروا من الأول مش فى الثانوى او بعد مالعيل جالهم تخلف من السنين اللى فاتت
انا كان الكلام ده جوايا وقلت افضفض بس ممكن حد يجاوبنى او حتى يعبرنى وشكرا

فعلا حاجة تاْرف

لا ده فيه قرار لسه فى مرحلة المناقشة ان هيبقي فى اختبارات دخول الكليات

بس لسه مظهرتش صورته الكاملة

وهيطبق 2007 / 2008

اما عن اولى ثانوى فملهاش لزمة

اما عن انهم بيحبوا يعقدونا ويكرهونا فى المناهج

فعلشان يحسوا انهم ماسكين كل حاجة

اما استفدتوا ايه من المناهج الزيادة

مش استفدتوا غير الارف

وميرسي لطرحك الموضوع

والله التعليم كله فاشل واولى ولا ليها اى لازمه
وبالنسبه للقرار الجديد اكيد هيبقى متخلف زى اى قرار
ومتوجعيش دماغك بالأسئله دى لأنك مش هتلاقى اجابه

اولا كويس انك خرجتى الطاقه اللى عندك دى
عقبالى ياااااارب
قولى امين
تمام :D
---------------------------------
بالنسبه بقى للموضوع الاصلى....
شوفى يا ستى انتى المفروض داخله ثانوى وعارفه طبعا انتى عايزه ايه
يعنى عندك هدف معين ومنها فى مواد معينه مطلوب منك تركزى عليها
وحاسه والله اعلم انك ناويه على علمى .
يعنى فيزيا كيميا احياء بلاش رياضه
انتى ركزى فى دول كويس وسيبك بقى من نظام الثانويه وقرفه وسنه اولى عموما سنه تمهيديه للسنتين الجمال اللى بعدها
والامتحانات عموما بتبقى فى معظم الاحوال فزلكه ومش هنسى امتحان الفيزيا بتاع اولى ثانوى خرجت اقول انا ايه اللى جابنى هنا
لكن الثانويه العامه مش بيلاقوا مجال لده الا بسيط اوى وبيبقى فى السؤال الاختيارى كمان
يعنى مش تقلقى يا بنتى relax خالص ونصيحتى ليكى عيشى الاجازه الجايه دى بجد لانها هتبقى اخر اجازه فى حياتك كلها :D
وربنا يوفقك يا جميل :)

شكراlove flower
على ردك واهتمامك
وطبعا عم دنجوان اللى فاقد الأمل دايما
وطبعا انجل وهطبق نصيحتك ان شاء الله
وانا فعلا هدخل علمى علوم وربنا يقدم اللى فيه الخير

اااااااااااااااااااااااه
عندك حق يابنتى دة كمان الفيزياء والجغرافيا والفلسفة احسن من الكيمياء والاحياء والتاريخ
وكمان فصول الفائقات دى طلعت حاجة وحشة اوى اتوصوا بينا خالص فى امتحان الكيمياء والجبر
انا تعبت والله من السنة دى
ربنا يستر وننجح ودى اول سنة فى حياتى ادور على النجاح ومش على المجموع

أنا ليا رأى يا جماعة
اولى ثانوى عملوها علشان الواحد يعرف نظام الثانوى و يعرف فى ايه و نظام الامتحان و الشرح و يعرف الثانوى بشكل عام و يدرس كل المواد بشكل عام
ييجى بقة فى تانية يكون عرف ايه النظام و يدرس مادة علمى و مادة ادبى و كدة و انا احياء و كمياء امتحان الكمياء كان جاى رخم شوية بس الحمد لله قفلته كله حليت الخمس اسئلة والحمد لله
اما بالنسبة لامتحانات الانجليزى على فكرة انا بدرس انجليزى صعب جدا جدا والله و انا مش قصدى حاجة بالكلام ده لكن انا كان عندى امتحان انجليزى اسمه المستوى الرفيع ده بقة لو وريته ليكى ها تقولى حسبى الله و نعم الوكيل امتحان ورقتين و 16 جملة اختار بس ايه جمل بمعنى الكلمة كلمات اول مرة اشوفها فى حياتى و الله و على فكرة انا فى اولى ثانوى و بدرس 10 كتب انجليزى يالكتابين العاديين و انا مش بهظر و لسة فيه ورقتين تانى غير سؤال الاختار لسة فيه الشعر شعر بالانجليزى و لسة فيه كمان القصص دول عبارة عن قصتين غير قصص المستوى العادى قصص بمعنى الكلمة و قصص لناس عالمية اقسم لك بالله انا مدرس انجليزى مرة قاللى انت كدة ممكن تاخد شهادة التويفل لو تسمعى عنها و انا مش قصدى حاجة من الكلام ده قلت ماشى

عندك حق الفيزياء يعنى 11 باب كتير الكمياء هما 5 ابواب و الاحياء 6 ابواب بس الاحياء فيها الباب الرابع و ده بثلاثة ابواب

و فيه ناس بتحب تكرهنا و تصعبلنا المنهج علشان ممكن يكون هدفهم ان احنا ناخد معاهم دروس خصوصية
و ممكن علشان يذاكروا كمان

احنا معندناش فصل المتفوقين علشان احنا فصلين بس اولى ثانوى فى المدرسة كلها

وحبيت اقول ان فيه نظام جديد ها يتطبق السنة اللى جاية بإذن الله
بيقولوا قال ايه مفيش اولى ثانوى و تالتة اعدادى ها تبقى اربعة سنوات
و مش ها يبقى فيه ولا صنايع و لا تجارى و لا فنى و لا كل ده ها يبقى ثانوى واحد يضم كل شىء فى اول سنة و ده اصعب واحد ها تدرس كووووووول المواد لكن بطريقة مبسطة شوية و فى السنة التانية ها تدخل اللى انت عايزه
و الحمد لله احنا نفدنا من دوة
ايه رأيكم؟؟؟؟؟

يلا سلام و ارجو اكون افدتكم

مشكور جدااااااا على هذا الموضوع

شكرا يا ريهام وفعلا الواحد بيدور ع النجاح
وشكرا يا احمد ع الإضافه بس النظام اللى انت بتقول عليه
لو بجد يبقى هم عملوا ايه ولا حاجه شالو ا من هنا وحطوا هنا نفس التجارب الفاشله بتاعتهمز
وشكرا يا اوبلكس على الزياره للموضوع

ربنا معانا كلنا
هاقول ايه بس

<div align="center">آه .. لو كنتم قادرين على كتابة ما سبق باللغة العربية الفصحى ، لاستمعوا اليكم

لكن ....</div>

اللغة العربية فى دمنا اصلا
مش لازم نتكلم بيها
ولكل شعب وبلد فى لغة عامية بيتكلمو بيها
كنوع من الاستسهال
بس عادى
مش غلط مادام مش بننسى لغتنا الاساسية
مش كده ولا ايه

السلام عليكم
واضح جدا ان طلاب اولى ثانوي متعقدين
بس انا عايزة اقولكم حاجه علشان انا كمان اولى ثاوي بس انا مش في مصر
اولى ثانوي من الافضل انها تكون صعبة
لان كل ما كانت اولى ثانوي اصعب كل ما كانت ثانية ثالثة اسهل
ومناهج اولى ثانوي في كل مكان صعبة
وصعبة علشان المراحل اللى قبل ثانوي سهلة اوى
فالطالب متعود على حاجات معينه مش بيقدر يتأقلم على الوضع الجديد بسهولة
دي وجهه نظري في الموضوع
وشكرا...

والله حاجة تخنق جامد اوى

شكرا ليكم كلكم يا شباب وخلاص الواحد خلص اولى ثانوى
بس اللى مش فاهماه هو رد نور الإيمان
لغه عربيه ايه احنا لو عملنا ايه مفيش حد بيسمع دى فضفضه
وانا بصراحه مشفتش حد بيستخدم اللغه العربيه فى حياته

شكرا ليكم كلكم يا شباب وخلاص الواحد خلص اولى ثانوى
بس اللى مش فاهماه هو رد نور الإيمان
لغه عربيه ايه احنا لو عملنا ايه مفيش حد بيسمع دى فضفضه
وانا بصراحه مشفتش حد بيستخدم اللغه العربيه فى حياته

شكرا ليكم كلكم يا شباب وخلاص الواحد خلص اولى ثانوى
بس اللى مش فاهماه هو رد نور الإيمان
لغه عربيه ايه احنا لو عملنا ايه مفيش حد بيسمع دى فضفضه
وانا بصراحه مشفتش حد بيستخدم اللغه العربيه فى حياته

يا بنتي انا مش مصدقه اني خلصت اولى ثانوي السنه دي و بستعد لسنه تانيه
انا مش مصدقه نفسي اني طلعت بمجموع 91.6% و معرفش المجموع ده انا جبته ازاي ولا امتى لإني شبه ماكنتش بذاكر من كتر المناهج
كانت كبيره اوي و 14 ماده
و امتحان الإنجليزي كان جاي صعب بس مش اوي برضو انا مستغربه اني جبت في الإنجليزي الدرجه النهائيه
و المشكله انا كنت دايماً اقعد اشتكي لمستر الكيميا يقولي اولى ثانوي دي في الكيميا ليها علاقه بتانيه
بس هي اصلاً شبه مالهاش لازمه و ماتحكميش ابداً مجموعك السنه دي في انه يرتبط بمجموع سنه تانيه
و فعلاً كلامه صح
انا اخويا الأوسط كان طالع الـ 15 عالجمهوريه
و كان جايب في سنه اولى ثانوي تقريباً 75.5%
انا مش مصدقه اني خلصت اخيرا اولى ثانوي الحمد لله
بس مانكرش اني داخله على هم اكبر و اتعب
المشكله ان رمضان جاي قبل الدراسه بحوالي 4 ايام
وكمان العيد بعديه
فالسنه هتبقى ملخبطه شويتين

عندكو حـــق

عمر ماكان اولى ثانوى ليها لازمة
كوسة كوسة كوسة
المنظومة تحتاج الى اعادة صياغة

حتى لو ملهاش لازمة لازم نذاكر فيها يعنى انا جبت فى اولى96.5 % وفى تانية كنت متعودة على كده مش زى بعض الناس اللى كانوا واخدين اولى لعب جهم فى تانية خادوه لعب برضه لكن انا كنت واخدة اولى جد فجبت مجموع عالى وتانية جد بردو اكتر شويتين جبت97.3% الحمد لله

حتى لو ملهاش لازمة لازم نذاكر فيها يعنى انا جبت فى اولى96.5 % وفى تانية كنت متعودة على كده مش زى بعض الناس اللى كانوا واخدين اولى لعب جهم فى تانية خادوه لعب برضه لكن انا كنت واخدة اولى جد فجبت مجموع عالى وتانية جد بردو اكتر شويتين جبت97.3% الحمد لله
مش عارف بقى هتصدقينى ولا لا
أنا فى اولى ثانوى مكنتش اعرف حاجة خاااالص غير فى العربى كنت المادة الوحيدة اللى بذاكرها
انا مش عرف نجحت ازاى فى باقى المواد وجبت 73%
فى تانية ثانوى بقى ذاكرت والحمدلله جبت 93% أدبى
من وجهة نظرى انا اللى عايز يذاكر بجد والله هيذاكر

هنصحك نصيحه

مادام احنا اصلا مبنكلمش ومبنتحدش ونقول ان احنا مش موافقين علي القرارات

ومادام القرارات دي متتغيرش

حاولي تتكيفي مع اي شي جديد ومتفكريش عشان دماغك ميتعبش